Reactors Coffee

营业中

休息中

好鍾意呢間舖頭食嘢，原因係嗰啲意粉真係好好味。個人食意粉唔鍾意太多汁，亦都唔鍾意啲意粉太過淋。成日都覺得意粉易整，但整得好食並唔容易。呢間我真心欣賞！食過佢幾款嘅意粉都覺得係水準之內，麵嘅硬度煮到啱啱好，調味都到位，唔會太鹹都唔會太淡。最鍾意食嘅蒜香意粉，唔係好油但係都蒜味濃郁。曾經食過佢嘅卡邦尼意粉，芝士味都好濃！所以未曾令我失望過🤤近餐仲可以配咖啡，咖啡有得揀nutty or fruity d嘅咖啡。雖然飲咖啡唔叻，但係鍾意飲佢杯咖啡，同埋覺得好香好飲🥰價錢方面，就係第一城地段嘅價錢，所以都少偏貴🤣🤣🤣但佢係黃店又好食，所以間中都要返嚟食下🥰🥰

係屋企樓下食飯 又想食得黃 (又想好食）選擇真係唔多.. 所以又黎到呢間我wfh 時候的飯堂😂 午餐選擇其實唔算太多 有all day breakfast 幾款pasta 同一款risotto~ 然後飲品半價🥰如果兩個人食我建議可以叫一個pasta一個risotto咁share食😃因為食pasta份量唔多未必夠 而risotto 就可能太漏～share 就剛剛好了! 飲品就例牌 cappucino (nutty)! 價錢其實唔算平 ($100 左右啦）但味道都幾唔錯～所以都好多街坊幫襯㗎第一城嘅黃店少之又少 仲要係味道唔錯既 呢間真係我呢個街坊的心水之選😃

。。。因為杯mocha,令我的起心肝寫第一篇openrice食評。。。去cafe chill，mocha幾乎係必點，然後配個主食，慢慢磨下。。。因為今日只得一個上午既空檔，所以揀間近近地試下。。。黑松露野菌奄列，味道正常，無咩驚喜，早餐黎講ok的。mocha，我好有衝動問店員，拉既係咩花？我諗，係一隻🐵。。。。。。想問店員，又怕尷尬。。。我唔識沖咖啡，更唔識品評咖啡，只係憑個人喜好評價好/差，依杯mocha，奶泡唔綿密，上枱好快已經出大氣泡，入口唔夠滑，咖啡味有既。飲到一半，拉花已經完全消失。再過多一陣，成杯咖啡就同即沖三合一無咩分別。。。的確係有啲失望，相信難再有下一次。。。(環境上ok的，店面靠窗有一行bar枱，望到室外。商場中庭另有枱椅。上午主要做外賣客，堂食一隻手數得晒。)

It’s my first time to have dinner here. After my boy’s swimming class, his classmate’s parents suggest we have dinner together here. I ordered a salad with chicken breast and mushroom. It’s good but not that better if compare with Parkview. The meat is not much soft and tender, which can be improved.

一大早同兩個寶貝行由龍舟總會行去第一城，目的是行到身水身汗然後享受一杯冰凍飲品，去到點了一杯充滿豐厚奶泡同cream 嘅凍朱古力，一杯凍fruity 啲espresso, 一個scone,scone 可惜沒有clotted cream 否則就完美了……下一次可再試早餐

今日去第一城剪頭髮💇🏽‍♀️又好想好想食牛油果🥑 所以就去左幫襯過一次 印象中有幾多牛油果option揀既Reactors Coffee! 我就揀左👉🏼 牛油果迷捲餅 ($70) 無留意menu上既圖 本身以為份量唔大/ 一條過~~ 但原來唔係! 有兩條🤩 擺盤幾靚 好有小清新既感覺🌿wrap入面既材料都好豐富 有牛油果🥑、生菜🥬、🥚碎蛋薯仔沙律、粟米片 口感豐富 又好飽肚👍🏽🌟veggie暨牛油果迷必點啊!黑松露菌大啡菇露荀意粉 ($73)呢碟意粉就相對遜色d意粉炒得乾身 黑松露味唔算好濃郁 橄欖味出d!露荀份量比較少👉🏼👈🏼凍夏日雜莓茶 (跟主食 半價: $20)莓味幾出 酸酸的 真係好岩夏天飲🍹下次試埋bagel先☺️

經過開第一城，剛好忙完是午餐的時間便找找附近有甚麼餐廳選擇，看到有介紹這間Reactors Coffee,便過來試一試。來到有all day breakfast供應的餐廳，都會想試一試，個人比較喜歡all day breakfast有多種不同食物，適合我怕悶，喜歡嘗試新事物的性格。而這間餐廳更特別，除了常見的all day breakfast，更提供了green day breakfast，即似蔬菜水果為主的all day breakfast！有牛油果半個，焗大啡菇，沙律菜，千層焗薯，egg benedict, 椰汁奇亞籽。牛油果是靚靚的綠色，沒有發黑，所以應該不是船運的平價貨。大啡菇大大個夠飽滿，加上芝士及菇，口感十足。沙律可以點附上的草莓醬，酸酸甜甜好開胃。千層焗薯是由薯蓉及薯片組合而成，有層次感。Egg benedict的蛋做的恰到好處，蛋黃仍然流心而椰汁奇亞籽看似平平無奇，但原來營養豐富及功效高，不認識的可google看看奇亞籽是甚麼。平價加了杯抹茶latte，抹茶味足，沒有被牛奶蓋過味道。是好味又飽肚的一餐，讚👍🏻

今日經過呢間coffeeshop，比佢個menu吸引到我😍.🥯 菠菜大啡菇bagel✨$79真係超中意食大咖菇🤩🤩呢度既大咖菇都幾Juicy，但由於切開咗既關係，唔夠原隻食咁正😍😍仲夾住芝士係入面，口感超滿足！bagel係有烘過，係脆身，唔會好硬😛

AvacadoLoverBuritto 🥑🌯牛油果愛好者必點的🤩😍就咁睇以為份量好少但食食下發覺都好飽下🤪卷入面有兩大舊牛油果🥑仲有啲生菜🥬粟米片食落都可以 都幾脆下😀😄不過食得多就會覺得飽肚🐷😅味道就一般般啦 無好突別嘅感覺GreenTeaLatte完全係我第一飛佛嘅熱飲🍵😍哩度嘅拉花係好靚👍🏽😍味道方面就稍遜了點🙊覺得抹茶味唔係好夠 奶味就較重如果抹茶味重返少少就好喇😉☺️

推薦Flat white/dirty坐位幾疏坐得舒服，一班fd可以一齊坐出面，逼少少坐到8個人，想一個人靜靜地又可以坐鋪頭入面。裝修好靚氣氛好好，上餐速度都非常快，位置方便明顯勁易搵！另外黑松露雞肉磨菇pizza超出期望嘅好味，性價比超高！非常值得試！兩個人食啱啱好！其他下次有機會再試另外有賣即沖咖同埋咖啡杯corner 可以將好好味嘅咖啡帶翻屋企飲！！💛💛💛💛💛💛💛黃藍是政見 好食是良知

喺呢間Cafe試咗lunch 及 dinner，味道okay，因為近排冇乜人流，堂食唔會面對面對住其他人咁坐，其實都可以去多啲嘅，價錢相宜，食物質素okay，鑑於近排疫情，我見好多人都拎走外賣，所以佢都仲有捧場客。食物方面，佢啲意粉即煮，熱辣辣，味道唔濃，算okay。Pizza我叫咗芝士味，算okay嘅。雞翼好好食，蜜糖煮，一定要試。價錢好合理，仲送咖啡包，啲咖啡及茶都好飲。煙三文魚意粉蕃茄牛肉意粉藍莓Muffins 黑松露香菇意粉雙重芝士薄餅蜜糖雞翼靚靚植物

今晚同老公喺繁忙時間7點落order準備堂食，搵到位坐低嘅時候點知收到電話話屋企人入咗醫院，我哋嗱嗱臨同收銀哥哥講要轉返外賣，見到廚房踢晒腳咁都要幫我轉外賣真係唔好意思。跟住我同老公商量點樣搭車去醫院，如果我哋要等太耐嘅話我諗我地會唔要啲食物了，點知好快靚仔哥哥們已經幫我嘅order煮好包好晒！真係太好啦！我地嗱嗱臨捧住香噴噴嘅外賣跳上的士。去到醫院探完屋企人距離大半個鐘，我地先至坐低用餐，仲暖㗎！好好味😋

都市人有幾何可以輕鬆悠閒地吃個早餐 😂今朝去開第一城附近，就諗起朋友介紹過的cafe果然係一間值得大大力支持的店呢 👍menu好多選擇，花多眼亂難得嚟到，原本想試吓d begal呀之類豐富的食物，或者遲少少再過嚟食pasta呀當早d食lunch11點半前仲有早餐，那就清清地食個簡單的早餐吧 😜講返食物越簡單越見水準有時複雜的食物可以用濃味、花巧擺設去彌補稍有失準的時候滑蛋向來係我的至愛滑溜的texture剛剛好，亦有蛋味賣相如圖，形狀與色澤都吸引，底部剛熟稍為成形，可托起上面的滑蛋，食起上嚟唔會好輪盡（有時有d店的炒滑蛋係會一pat就算，直頭好似用唔到叉食咁，有d就熟到太熟，只要表面薄薄一層滑蛋，而底部都是熟的，好實在的texture，一入口就會覺得好失望）個wrap就正路味道，餅皮有d咬口，我會想再薄d，純粹我個人喜好 😄沙律菜有d驚喜因為覺得好新鮮，so fresh! 😎通常一般食店的沙律菜，好多時都會“乾爭爭”，或者有傷痕的菜，甚至個樣已經“梅梅地”，好似擺咗好耐咁，雪咗好耐咁個wrap同沙律菜都好新鮮的樣子，覺得好難得，有感動 😂😂😂最後講咖啡其實最先送到，擺低果時已經覺得幾香

港女星期六當然係懶懶洋起身化妝食cafe打卡呢間cafe有個好處自己一個食都唔會話太孤獨有BAR枱可以俾港女N慢慢嘆杯咖啡All day breakfast黎講呢間算足料 當然如果多士可以轉做牛角包會更好啦咖啡叫左Mocha朱古力味好濃 夠Creamy朱古力：咖啡比例 6:4左右港女認為咖啡濃度可以再加多少少會更好

今日要去附近上堂，不過lunch 時間比較充裕，所以行遠少少去左呢度。之前黎過一次，只係飲過咖啡，無特別記憶，大概係太普通?今日就點左lunch set 香辣蟹肉意粉，因為唔飲americano，飲品轉左做latte，可以揀fruity/ nutty。個人就比較喜歡nutty d 嘅味。時間尚早，坐得鬆動啲亦舒適啲，亦有自助斟水，環境都幾好。咖啡先黎，飲落又真係幾nutty，而且溫度適中 (好多連鎖咖啡店嘅latte 都係太熱)，拉花幾靚，都唔錯嘅。不過略嫌奶泡唔夠綿密 (飲飲下發現嘅)。之後意粉都到，望落真係唔吸引...不過食落味道okay，唔會太咸/ 太淡，辣度okay，係細份左少少，相信男仕會唔夠飽。Overall 係幾好嘅，Lunch set 價錢大約～$80，唔算平，但有杯靚咖啡算係咁。再黎應該只幫襯咖啡。