Prosit Bar and Restaurant

营业中

休息中

在OpenRice 訂座聲稱全單5折優惠但最後就話係另一優惠(豬手/香腸拼盤半價)食物其實都唔太差豬手少少咸，但酸菜夠酸仲有叫湯同香腸拼盤，同埋嗌咗杯白酒湯係真材實料嘅食得出用咗好多牛肉去煲香腸拼盤有四五款腸仔都有特色但餐廳經營手法唔老實係唔要得無同店員爭拗但唔會再去唔係話呢個價錢接受唔到但你喺網上搞優惠引人去最後就只會氹到人去一次阿士厘道大把其他選擇現場客人疏落唔係無原因唔係唔想支持本地餐廳但歷史悠久都係咁話失望

聽聞尖沙咀有間好特別嘅德國酒吧兼餐廳😮，決定上去一探究竟，結果去到門口就驚喜連連🎉，門把手係一把吉他🎸，入邊啲裝修設計真係好似去過歐美國家咁😆，有上世紀音樂發燒友風格之餘，仲好似置身80年代嘅香港咁，喺個窗望出去帶有霓虹燈光影🎞，打卡或者拍拖都勁有氣氛👍，有卡位都有吧檯。～特色燒春雞配薯菜🍗🍟廚師推薦嘅主菜之一，原隻即燒，唔係連鎖餐廳嗰啲微波爐燒雞，咬落去外皮酥脆，肉質幹身，適合做送酒菜，味道香到不得了，師傅有啲料到🥳。值得一提係，佢餐廳隻茄汁同平時食開嗰隻有啲唔同，酸味略蓋甜味，好特別🤗～德國香脆咸豬手配酸椰菜及恰薯🍖🥔呢個聽聞係必定主菜，一入嚟都俾佢張大大poster吸引🤤，師傅會幫手切碎上同埋分好皮同肉，德國鹹豬手嘅特色就係一個人食真係未必食得曬，仲要啲金黃色外皮應該係我食過豬手入邊最脆嘅一次👏🏻，肉質都多汁同好有質素。另外配菜嘅酸椰菜好特別，真係好似去咗德國咁✈️。喺尖沙咀就可以體驗到呢種咁特別嘅異國風情🇩🇪，同埋都好多外國人會喺度傾生意聚舊，佢哋話二十年前已經嚟過，無論遊客或者本地人都應該幾中意呢間餐廳俾人嗰種時光倒流嘅感受。🌃

喺尖沙咀尋到一個歐洲風情的秘密基地！🍽️🎸位於亞士厘道的Prosit Bar & Restaurant，呢間樓上店主打德國同奧地利菜，裝修有歐洲小木屋嘅感覺，牆上仲掛滿結他，絕對有格調！😍🇩🇪🇦🇹星期六、日晚8點後仲有live music🎶，吹奏經典情歌，令人心情愉悅放鬆～🥰推介佢哋嘅特色燒春雞配薯菜🔥🐥🥔($188)表皮燒得香脆，雞味濃郁，有油香又香口，骨唔多，啖啖肉😜 不過如果可以juicy啲就更加完美～ 配菜有熱辣辣嘅粗身薯條🍟，外脆內綿，沙律生菜更加清新爽脆🥗。仲有香煎龍脷柳配薯仔($198)優雅昇華你嘅味覺之旅😋！屹立尖沙咀48年，絕對唔係浪得虛名，嚟試過就知喇！🍻🍸#尖沙咀美食 #德國菜 #奧地利菜 #prosithk

作為2025年出街食嘅第一餐，揀咗喺公司附近，係一間好懷舊嘅西餐廳。睇得出呢一間舖頭嘅老闆好鍾意音樂，成間舖頭嘅裝飾都係音樂主題，仲掛咗好多電結他添。呢度逢星期五會有live Band，所以我哋今晚嚟到就無緣見到啦。頭先見到個他他醬炸蘑菇，因為好少見到會有炸蘑菇呢樣嘢，所以叫咗嚟試吓。我之後發現個蘑菇仲係好Juicy ，出邊都好香脆，再加埋個他他醬，酸酸甜甜嘅話又真係幾開胃嘅小食。叫咗個德國鹹豬手，我最鍾意嘅係佢呢度上枱之前已經幫你起好咗肉，唔需要咁論盡咁又要切又要鋸。佢個外皮炸到好脆，但係啲肉又唔會乾爭爭，好方便咁樣一啖一嚿。再配埋啲酸椰菜解下膩，真係一個完美配搭。跟住就叫做腸仔拼盤，款式都好多㗎。如果我哋只係想試其中一種，最主要係驚食唔晒。但係職員就慫恿我哋話「食腸拼係好開心㗎。」，仲話一定唔會食唔晒添。完全係高估咗我哋嘅食量，因為佢呢一個份量真係好夠多。最後我哋叫咗兩杯Long Island，不過就冇happy hour優惠。呢一個咁懷舊嘅西式餐廳，都係一定幾得意嘅體驗，如果撞啱有live band嘅話應該氣氛會更加好。

屹立於尖沙咀，已經開業48年，絕對唔係浪得虛明！講緊嘅就係位於尖沙咀亞士厘道Prosit Bar and Restaurant，店内無論裝修定擺設都非常有格調，牆上更掛滿多支結他，餐廳主打德國及奧地利菜，必點一定係廚師推介嘅德國傳統香脆鹹豬手，豬手外皮非常香脆，肉質軟嫩，鹹香十足，旁邊配上酸椰菜，沙律及烚薯仔；另外點咗特色燒春雞，燒得啱啱好，同樣香脆嫩滑，夠晒嘢未！餐廳地點方便，又近地鐵站，啱晒同朋友嘆住啤酒聚會食大餐！

朋友話想食德國豬手，我見地點好方便，近尖沙咀地鐵站，網上評價都幾吸引🤩，就嚟試吓😆一拉開門見到餐廳內的佈置，非常應節，聖誕氣氛濃厚🎅🏻我見每枱幾乎都必定叫德國豬手，我哋都唔放過，一齊order 啦😆小食✨⭐️紐倫堡腸配酸椰菜📝終於知道呢一款腸嘅名叫紐倫堡腸，一直都好鍾意食，感覺上唔會太肥膩，好有肉肉效果，配埋酸椰菜一齊食就更佳🥰佢啲薯仔都好好味，炸到外脆內軟👍🏻主菜✨⭐️德國香脆咸豬手配酸椰菜及烚薯📝叫咗一份德國香脆咸豬手配酸椰菜及烚薯（$288），豬手份量夠晒大，豬手皮烤到脆卜卜，豬手肉又非常之彈牙，一啖豬手一啖酸椰菜，非常絕配👍🏻連配菜烚薯仔都非常出色，薯仔烚到剛剛好，淋得來又保持咬口🥰飲品✨⭐️ Hong Kong Gunner📝賣相精美，飲落好味，個味道有一種似層相識既味道，推介一試😍

小妹今晚同屋企人去食德國菜🇩🇪 雖然呢間餐廳面積唔係好大，但好有家庭餐館feel，推開木門入到餐廳🚪 見到周圍掛滿好多🎸感覺置身係異國酒館當中，充滿歐陸風格，幾有情調既酒吧餐廳🍾虎蝦天使麵🦐🍝呢個虎蝦天使麵有三隻虎蝦，蝦肉有調味及新鮮彈牙🌝 當中亦有不少配菜，感覺幾健康～呢款天使麵較為粗身，感覺似食緊意粉，整體相當不錯👌🏻傳統英式全日早餐🥗打卡一流，整體配搭豐富，材料新鮮😄 當中有煎蛋🥚德國香腸、烤麵包🥖蘑菇🍄‍🟫馬鈴薯、茄汁豆🥫沙律菜🥗呢間餐廳讓客人感覺好放鬆，好舒服😌 餐廳亦會播放音樂，裝修好似外國既小酒吧🥰好正

營業超過40年，位於尖沙咀亞士厘道嘅隱世德國樓上餐廳，如果唔係有朋友介紹都唔知道原來有呢間咁chill主打德國菜嘅餐廳~ .Food & Drink Ordered:德國香脆咸豬手配酸椰菜及薯仔 Roasted Pork Knuckle w/ Sauerkraut & Boiled Potatoes ($288)香煎龍脷柳配薯仔 Sole Fillet w/ Boiled Potatoes ($198)蘋果批 Apple Strudel ($98)啤酒 Beer ($85).Kuku食評:咸豬手份量夠唒大份 豬手好入味 豬皮脆有咬口👍🏻👍🏻 龍脷柳煎得好香脆 配埋濃濃嘅香草味🤎 作為鎮店之寶嘅蘋果批真係要試吓！酥脆嘅外皮內包含蘋果同肉桂粉 老闆娘話一定要一口熱一口雲呢拿雪糕一齊食🤤 又真係好好味😗✨#hungrykuuu_hongkong #hungrykuuu_tsimshatsui #香港好去處 #香港美食 #酒吧餐廳 #尖沙咀 #尖沙咀美食 #hkfood #hkgoodwest #相機食先 #食好西 #hkfoodie #hkeats #香港打卡 #香港探店

又黎到尖沙咀，朋友話想食德國野，但又唔想去集團式，終於比我搵到呢間係尖沙咀鬧市既隱世德國🇩🇪餐廳😀地點好易搵，係亞士厘道上樓梯後右手邊就係門口！入到餐廳真係嘩一聲！每一個地方都有佈置，有結他🎸，酒，臨近聖誕仲有好多聖誕🎄裝飾，好靚，影相一流👍🏻開始點野食，點左豬手， 魚，同埋生啤- 德國香脆咸豬手配酸椰菜及烚薯 - hkd288豬手皮勁脆，肉咸香，連埋筋既部份好正，滿滿骨膠原，一口接一口咁食！伴酸菜完全可以中和返豬手既肥利，酸菜都好好味，唔會過酸食唔到！ - 香煎龍脷柳配烚薯 - hkd198一黎到香噴噴， 魚煎得啱啱好，仲好滑，完全唔會鞋！同朋友超快清晒- 香港 友 生啤黎到點都要叫杯啤酒🍻chill 下既總括嚟講，呢到環境靚，食物好食，同朋友黎飲杯啤酒🍻放鬆下，推介👍🏻

今日去左一間樓上德國酒吧餐廳食晚餐一上樓梯轉右就會見到門口🌟餐廳環境已經佈置左聖誕裝飾啦 好有氣氛！！除左我地之外都仲有好多食客黎chill一chill～| 食左咩呀 |🌭什錦腸拼盤食德國菜又點可以唔食德國腸呢！腸仔條條都煎得又脆又JUICY, 薯粒亦都好好味建議最好幾個人SHARE食, 因為份量好多🐟FISH & CHIPS炸衣超級酥脆！！必食推介聽店員講係因為用左啤酒麵糊黎炸調味亦都十分好味呀🥰🍹🍸兩杯MOCKTAIL又靚又好飲用黎配炸物同膠仔真係PREFECT！！依家餐廳仲做緊$268既啤酒+ROASTED PORK KNUCKLE/SET優惠！記得唔好錯過🤵🏻‍♀️

今晚想食炸魚薯條，即刻諗起去左尖沙咀prosit bar and restaurant.餐廳充滿德國風格，木條天花，木窗框。呢間既炸魚真係好好食，魚肉厚身先至可以做到Juicy嘅感覺。佢嘅炸皮好有空氣感，完全唔會成口油。有成五大條，再加薯條。要K.O.呢一碟炸魚薯條（$185）都唔係咁容易.另外叫咗個特色燒春雞配薯條（$188），燒春雞嘅雞皮好香脆。除咗燒春雞同薯條，佢仲有沙律菜，平衡番個油膩感，唔錯。食咁多炸嘢，飲番杯德國啤酒（$88）解熱氣就啱曬。啤酒味道甜甜地，易入口

Prosit Bar and Restaurant的環境非常舒適且充滿氛圍。餐廳內部裝潢以溫暖的木質色調為主，搭配柔和的燈光，營造出一種溫馨而放鬆的感覺。牆上掛著一些德國風情的裝飾品，背景音樂輕柔，讓人彷彿置身於歐洲的小酒館，適合聊天和享受美食。今次品嚐了他們的炸魚薯條和德國咸豬手。炸魚薯條炸魚薯條是這裡的招牌菜之一。魚肉外皮酥脆，內裡鮮嫩多汁，。薯條則是金黃酥脆，外脆內軟，配上自家製的塔塔醬，而且這道菜的份量十足。德國咸豬手德國咸豬手是另一道必試的美食。豬手外皮烤得香脆，內裡的肉質軟嫩多汁，配上酸菜和馬鈴薯，口感豐富且層次分明。這道菜的調味恰到好處，不會過鹹。另外，餐廳的座位安排寬敞，不會讓人感到擁擠。無論是與朋友聚會還是家庭聚餐，這裡都能提供一個愉快的用餐環境。

環境非常舒適的西餐廳，這裡的氣氛非常適合與朋友一起聚餐，尤其是在觀看體育賽事時，屏幕上播放的比賽讓整個地方充滿了熱烈的氛圍。現在快到聖誕節，餐廳內裝飾得五光十色，閃爍的燈飾和聖誕樹增添了不少節日的氣息，讓人感受到溫暖而歡樂的氛圍。肉眼扒肉質鮮嫩多汁，外焦內嫩，不用配搭調味醬令牛肉的鮮味完全展現。每一口都帶著肉汁，口感豐富。田園沙律色彩繽紛，材料新鮮。生菜、番茄、黃瓜搭配自家製的醬，清新又健康。開胃的口感為主菜做好了鋪墊，讓人感覺非常滿足。蘋果批配雲呢拿雪糕這道甜品令人驚喜。蘋果批外皮酥脆，內裡的蘋果餡香甜可口，搭配的雲呢拿雪糕更是為這道甜品增添了絲滑的口感，讓整體味道更加豐富。

《Prost bar & restaurantの食評》 by@ihungry.hk想喺香港嚐到地道德國味道？位於熱鬧的尖沙咀，有一間德國餐廳，專注於傳統菜式，帶你感受德國美食文化。餐廳環境舒適，充滿德國風情，無論是朋友聚餐或家庭聚會，都是不錯選擇！🔸 『White sausage served with Bavarian sweet mustard pan fried - $112』這道香腸真係一絕！每一條香腸都經過精心選材，肉質鮮嫩，香氣四溢，搭配香脆炸馬鈴薯，口感豐富。炸馬鈴薯外脆內軟，與香腸肉汁相互交融，真係好味到令人想再來一份！再加上一些清脆生菜，平衡了整體油膩感🥰🔸 『Roasted pork knuckle w/ sauerkraunt& boiled potaatoes- $228』這道經典德國脆皮豬膝一上檯，令人驚艷不已！外皮金黃酥脆，咬下去瞬間，香氣撲鼻而來，肉質鮮嫩多汁，搭配檸檬清香，讓整個味道更為升華。豬膝旁邊仲附送一份酸菜，清新的口感正好中和了肉嘅豐腴，讓整個餐點更加圓滿💯！🤪iHungry肚餓指數：8.2/10

又嚟到Blue Monday! 返工咁攰，就當然要飲返杯啤酒chill一chill啦！上個週末同朋友嚟到尖沙咀呢間歐酒吧，主打德國同澳地利菜。呢度都坐得舒適，環境都佈置到好warm，好似懷舊歐洲小木屋格調咁，岩哂同朋友上嚟飲返兩杯🍻！難得嚟到德國🇩🇪餐廳🍴，當然要試埋德國名物 - 德國豬手。「德國香脆咸豬手」外皮烤到好香脆👍🏻，豬肉醃過食落幾入味，食落好軟嫩！豬手預先已經切好一件件，方便大家邊飲🍻邊食。配菜仲有酸菜、烚薯同埋沙律。配埋芥末醬同酸菜一齊食，會更開胃🤤。當然要試埋另一道名物「德國香腸」。餐廳都係採用德國🇩🇪入口既香腸，皮脆肉嫩多汁又唔油👍🏻。「炸磨菇」都幾特別，外層炸得幾脆口，唔算好多粉漿。蘑菇🍄‍🟫口感較結實，同外層截然不同，有種好飽滿嘅感覺，配埋他他醬就更惹味😋。適逢德國🇩🇪啤酒節，呢度仲做緊唔同優惠：- 1.*全新啤酒節套餐 Oktoberfest $268（原價 $458）（同檯客人需要點同一款套餐）2.*經 Openrice 訂座，消費滿 $450 即可以半價享用 德國鹹豬手 或*雜錦腸拼盤一客3. 啤酒、雞尾酒 Free Flow 只需 $259 起，可以無限任