Pret A Manger (已搬遷) 新店位置

從凍柜取下一份Panini，然後交給店員把多士加熱，等候加熱的時間只須大約一至兩分鐘，很神奇，時間這麼短，麵包及中間的餡料已經變得熱辣辣，熱到燙嘴的程度，要放涼一點才可進食。袖珍版的Panini，類似飛碟多士，麵包烘得香脆，入口鬆化。餡料很豐富，有英國煙肉、碎蛋、少許芝士和香草番茄醬。

這裡的食物都有獨立包裝，感覺相當衛生，很適合外賣或旅行野餐。這次試了Latte($2X)，煙三文魚卷($12)，和兩件曲奇餅($6 X 2)。Latte的味道太Milky，最怕奶羶味，咖啡香味不足，下次會試吓其他口味，例如朱古力咖啡。煙三文魚卷是完美的，麵包卷鬆軟同時有彈性，煙三文魚份量很夠，每啖都嚐到咸香，在沙律醬和青瓜襯托下，更加滋味無窮。曲奇剛剛買時仍然是暖的，應該是新鮮出爐，兩款曲奇，一黑一白，前者加入了合桃碎果仁，後者有白朱古力和夏威夷果仁，同樣地非常香脆可口。

前嗰排留意到Pret有新湯出，昨日去咗試。本來想試個牛肉湯，但係原來星期三先有，唯有試青口忌廉湯，不過又幾好飲喎！個湯真係落足料，好多青口，個湯底又夠creamy，味道v. good！加上咁多料，其實都幾飽肚。開頭怕唔夠飽，另外要多咗個朱古力曲奇餅，結果留到下午茶先食...instant favourite呀！個曲奇唔硬，有少少chewy，仲有好～～多朱古力，好好味呀！！！overall好鍾意呢個新湯，下次會試埋另外兩個新口味

Pret a Manger never fails as a nice coffee shop. Many of its products that I have tasted was nice. I love their huge open fridge which displayed all sorts of yogurt, desserts, sandwiches or wraps which catches my attention all the time. Today I picked the Granola & Banana Yogurt for breakfast.The yogurt had a thick and creamy texture. It was not as sour as much typical original flavored yogurts do but still tasted nice. There was honey syrup at the bottom of the cup and thus made the yogurt very

Since today is Mid-Autumn Festival, we could get off work earlier. Yet, it is pretty hard for my industry to leave on time. In order for me to leave earlier, I decided to grab a quick lunch instead going to celebration dim sum lunch with my other colleagues. (Anti-social? Hopefully not.)I went down to Pret A Manger and instantly I found myself standing in front of the hot wraps corner, was trying to find something hot than cold. These days, hot stuffs are more comforting than cold stuffs althoug

今天下午到金鐘去見工,未夠鐘便到了樓下的pret a manger吃了一個小龍蝦菠菜三文治!價錢都幾貴,要成三十幾蚊,不過打開包裝盒食左之後就覺得,又幾好味播,個沙律汁份量啱啱好,而龍蝦肉都塞滿哂成個三文治入面,真係幾好食,三文治係凍食,啱夏天咁熱既天氣,本來咁熱都唔係好開胃,但係呢件三文治就俾左好好既口感我!

吃到好味的東西是會上癮的,迷上了就走唔甩?!上次吃完greek yogurt,就連續一個星期內再多吃了兩次,17大元一個倒不太便宜的,再加26元要個set, 合共43元,可是付得心甘命抵。唯一不同的是不喝americano 而取skim latte,滑滑的, 都不錯。不知道還要吃多少次greek yogurt才捨得試其他幾款。

是日星期六, 還要回公司執手尾,吃一頓貴點的早餐也不為過。廿六元的餐, 要了雞蛋沙律軟包和americano,再加十七元要了greek yogurt。外藉店員笑意盈盈, 服務態度很好。回公司後先吃yogurt, 我心想分開三層, 在上的granola 不會變林嗎?大鄉里的我, 吃了方知granola仍十分脆,煙煙un un 充滿口感, yogurt 特別「杰」和企身, 味道很濃,和底部的honey 搞搞搞, 有趣又好味。americano 幾大杯, 也夠回魂,軟包不錯, 十分新鮮。一定再試, greek yogurt令人心癢癢啊。

嘻嘻!真係好耐無黎pret喇!而家先知原來佢除左三文治之外,仲出左軟包...我係咪好out呢?試左個蛋沙律軟包,8蚊個,算係咁啦!蛋沙律份量恰到好處,唔會令人食食下"漏口",我欣賞佢沙律醬唔會過份多,撈埋雞蛋仲令我覺得清清地,幾好!個包夠軟熟,感覺新鮮,但係唔算十分特別,所以如果食類野,我下次可能唔會係呢度買,而去其他麵包店...(黎呢度應該係食菠菜小龍蝦三文治之類既特色三文治/包)

到Eagle Great 開會後，慣常會去Pacific Coffee 食埋午餐才回公司。但因為這兒的招牌Carrot Cake 的原故，還是選這兒。這兒只設十數個side walk 坐位，唐人未必接受到那砂塵飄揚的環境，所以多數見到些洋人或半唐蕃才會坐這些位子。店員好親切和有禮，效率偏高，受夠「MIX」的食客會發現這兒係天堂！今天好肚餓，所以選了個「公司餡包」（$22）、「甘筍蛋糕」（$14）、「熱咖啡」（$20），合共$56。公司餡包有脆脆的煙肉片、生菜、蕃茄，活像一個BLT 餡包！包是軟軟的牛油餐包，味道和感覺很好！甘筍蛋糕水準依然。熱咖啡係OK，總覺得比太平洋和星巴克無咁strong。但吃carrot cake 無美式滴餾咖啡，等於吃熱狗無芥末和茄汁咁！

因工作的關係~要由灣仔去尖沙咀~我選擇了坐船~~臨上船的一刻~到了Pret A Manger 買點吃的~選了個cinnamon and apple muffin~很清爽的蘋果味~也有淡淡的肉桂味~但略嫌肉桂味不太足夠~另外~個muffin 有少少鬆散~但總體來說~這個暖暖的muffin 也算是不錯~~另外值得一讚的是服務員的服務態度~~那位服務員的笑容超級親切~臨走的一刻還會說句~have a nice day~~很好很好~~!!

3-8-2005 0845最近極不愉快的經歷，已經在腦海中被洗得一乾二淨，渣都永遠唔會再渣出來。為慶祝完成，小弟今朝返工前係巴士站樓上既Pret A Manger 買了份早餐獎勵自己，最後選擇左香芒雞肉sandwich，裡面材料包括雞胸肉、特色印度甜酸汁、芒果甜酸醬、烘杏仁、蕃茄、生菜及麥包。係細份左的，但係口感也不錯，有少少甜酸，但要好明顯分出就有的難度，雞胸肉唔係想象之中咁鞋，整體上都食得過，加埋一杯Iced Cappuccino (with chocolate powder)，又係1day既開始。後話：最近發覺開始有點不喜歡在工作、朋友/自己身處海外以外使用Instant Message，及甚至在本地既部份SMS都有時唔知點，你可以話係方便或者係人類的一大偉大發明，但當被濫用後，人與人之間的距離，包括最親密既人，越來越遠。人類越來越文明，呢的反而越來越退步，這就是要方便及舒服所付出的沈重代價。希望大家不要介意我在食評中有些發up瘋及offtopic分享。