Press Enter (已結業)

幫襯過兩次 雖然唔算非常出色 但都係可以encore既地方 環境舒適呢～黑松露薯條😋😋味道雖然唔濃 但仍有淡淡既松露香 必食烤雞沙律&烤雞飯😏望落好普通 但個烤雞味道不錯 肉質香厚鮮嫩飲品方面：檸檬梳打&青蘋果蜜桃梳打 不過不失 如果多少少汽就好喇😂

本人已經對食呢方面無乜要求。如果佢唔係難食到咁。我都無必要晒時間係度打咁多字。如果佢係一間茶餐廳我唸會好少少囉。份量少。扮晒高檔西餐廳。但d野食真心難食。首先係個唔知乜野既湯。我只係飲到奶水味。飲一啖已無飲。之後叫左個蒜片黑椒雞柳意粉。外觀同茶餐廳無乜分別。但味道好淡又少份量。朋友叫左個紅咖哩醋鯖魚柳飯。紅咖哩去左邊？我只係食到得個辣字。條魚。個皮硬到爆。成件事我唔知用咩黎形容。仲有一杯送既柚子茶。我只能講。有味既水。

又嚟到懶洋洋的星期日，木羽小姐起床後第一件事少不免都係「食」突然醒起屋企附近開左間幾靚嘅新餐廳(其實都開左兩三個月...)，就近近地食個靚Brunch先入到餐廳，我地揀左張長枱坐，坐位空間感剛剛好，坐得舒服係食假日Brunch嘅首要條件侍應有禮貌地遞上Menu，木羽小姐好快速地揀左紫薯飯配雞排(食飯？說好的Brunch呢？🤔)出餐速度都算快，先上是日餐湯我唔記得問侍應係咩湯😝我諗係南瓜湯？我自己就覺得一般，味道淡左少少，但木羽小姐飲到咁...以佢咁嘴刁，即係都尚算不錯的🌝接住就上主菜，紫薯飯隻色幾靚🍠🍠食得出係足料，色水都係紫薯本身染出嚟嘅，可以放心畀小朋友食，但飯身略為硬左少少，可以煮軟少少就Perfect啦！(純粹個人口味)建議再加多少少汁會好味啲；至於雞排味道唔錯，肉質都剛好，整體都係好食嘅輪到木羽小姐嘅至愛出場，士多啤梨乳酪沙冰連我都覺得好飲😆😆😆兩個大小細路好滿足好寫意地完成個Brunch啦！👯第一次光顧感覺很好，店內環境舒服裝潢好有氣質好靚食物有質素侍應又有禮貌希望會Keep住呢四個我會期待不久嘅將來再嚟幫襯的🙋🏼🙋🏼

蘆筍帶子意大利飯帶子煎得頗香，可惜的是飯味道未見突出，可以改善。下次我會試意粉比較一下，看看會不會有驚喜。相信每間餐廳都有其拿手的菜色，如果要我介紹Press Enter的，下面兩款我會推薦以下兩款:火山石燒美國安格斯T骨扒，$288。特別訂製火山石爐烤牛扒，味道有煙熏效果，我點5成熟，切開品嘗，外香脆而內細嫩，但近骨位有點筋膜，難免要用多點牙力。芒果焦糖窩夫，$6x。窩夫最重要是窩夫底，此窩夫本身夠厚，但又不會乾乾的，要控制窩夫漿及時間是難度所在。但芒果肉可以稍為增加一點，焦糖醬建議點少少就可以，不然我覺得過甜。服務我覺得是加分的地方。老闆可能聽到我們的對話，知道我們時間有點趕，主動跟我們說明牛扒烹調需時，看能不能配合我們。

太耐無寫食評喇，成日諗住之後有時間先寫，最後又無左件事。香港地生活實在太急速，頭先睇到小店menu 解釋店名Press Enter，意思大概係話用電腦時想做任何事情，就一定要按Enter 先可以完成，就如人生所有事情想做，但唔按下Enter 都只會得個想字，喜歡這小店既概念，令我諗起每次都只係想寫，就不如按下Enter開始寫。先講返店既位置，大角咀太多好食既小店，平時會去開食車仔麵，但成班朋友食飯，真係等唔到位，又唔想大熱天時打邊爐，就去左後一條街搵到呢間餐廳。只怪一路掛住影個menu封面，唔記得影入面。所以好多菜名都唔記得正確叫咩😂😂。總結成餐都好滿意，食物環境都唔錯！希望下次黎都可以保持水準！

上週到大角咀工作，路過的時候發現這餐廳。門外loft 風格的裝潢很吸引，看看門外餐牌也合口味，忍不住進去探險。可能時候尚早，加上是平日的晚上，人流不算多，不用等候就有位子。 店內貫徹簡約輕鬆的風格，檯櫈分佈不擠迫，柔和的燈光，環境令人舒適。晚餐有set dinner或a la carte。 怕麻煩的我選了set - 鮮什菌黑黑松露忌廉天使麵，朋友選了白酒香草蜆肉意大利粉。 配餐的甘荀南瓜忌廉湯味道香濃，稍稍偏甜，但我喜歡廚師將甘荀蓉都加進湯裏，口感很捧。等了一會兒，侍應送上天使麵。黑松露忌廉汁很香，麵條均勻入味，很不錯。只是天使麵煮得有點過了，偏軟，口感差一點點；而且忌廉汁本身較heavy，多吃兩口容易有膩的感覺 (特別在夏天)，幸好份量不會過多。 如果配茄汁或檸檬汁等比較fresh的醬汁應該會不錯吧。朋友的白酒香草蜆肉意大利粉也令人驚喜。 蜆肉鮮甜不會過韌，麵條al dente剛好，最讚是每一麵條都吸收了白酒香和蜆汁的鮮味，值得推介。飯後點了一杯Latte。他們用的是Redback的咖啡豆，味香，啡奶比例也恰好，令我很enjoy喝這杯咖啡。朋友的柚子蜜味道較淡，但不嗜甜的他反而覺得剛

食物，環境，服務都不俗，價錢仲好合理。個炸物拼盤，熱辣辣食勁好味，尤其個炸薯蓉同芝士辣椒，好味到想encore。意粉微辣但好味，仍然保留到彈牙質感，Risotto creamy得嚟唔會漏，可惜未做到嗰種 al dente 口感，但已比一般遷就港人口味偏腍的好。甜品同飲品都有驚喜，即製窩夫好鬆軟，配玫瑰醬同吃，帶淡淡花香，旁邊嘅cream好滑，唔會太甜，冇油味，好正，可惜啲士多啤梨有啲酸，但夾埋食就剛剛好。Tiramisu有好淡酒香，但咖啡味不太濃，唔似係落咖啡酒，質感唔會太軟，可以輕易用叉分開4份。4個人食到超飽，埋單只係每人$200，絕對會再幫襯！😀😀😀😀

環境不錯，點了黑松露意粉和肉眼排，不用2分鐘就上餐湯，甘荀南瓜湯少少甜，有食物本身的甜味，湯內有少許顆粒增加了口感.。本身不喜歡甘荀味道，但這個湯也可以接受。可能是星期日關係，人客較多，湯沒喝完就上主菜了，一拿過來發現枱面不夠位，老公立即快手喝完，拿起湯碗才解決。黑松露意粉，我最鐘意的意粉之一，第一次光臨的店大都會點這個菜。賣相顏色分明，黑松露也香，意粉軟硬適中，如果可以硬多少少就更好肉眼排點了7成熟，切開沒紅色的肉，肉汁都有流出來，牛味不重，老公覺得肉比較鞋，下次不會再叫。薯條炸得好乾身，食落沒多餘油份，下次淨係想叫薯條再點埋飲品，沒記錯是柚子蜜，味道偏淡，飲左一半就算了下次想試燒雞同蛋糕，擇日再來

去奧海城睇戲，竟然喺大角咀搵到間咁好味嘅cafe。燒春雞燒得好香好滑，德國豬手好食過出面專食德國野既地方，好impressed，連伴碟啲小薯仔都燒過，好好食！甜品係焦糖布丁同至愛嘅affogato，仲有冰鎮，雪糕冇咁快熔哂，貼心！其實仲有好多野要試....應該要再黎多幾次先試得哂。

Recommend by my girl friend to Press Enter Cafe, the cafe are full of customer, luck that I get a sit quickly. The lunch set is very tasty, fresh blend sweet corn soup, black pepper chicken herbs butter rice and most of all the Bloody Grapefruit Soda in fresh me up in a hot day. Excellent Staffs service, lovely smile, definitely will come in try their brunch in weekend.

上星期六朋友帶我去大角咀一間新開餐廳, 一行4人晚上7:30到達, 裝修不錯光線適中給人舒服放鬆感覺, 十餘張枱差不多坐滿, 但唔覺得嘈。餐牌食品種類不多, 我們點了沙律紅酒醋, 野菌松露湯, 慢煮豬仔排骨, 什菌黑松露奶油天使麵和他們介紹的一個炸物魔天輪, 飲品就點了鮮芒果香橙梳打及青蘋果蜜桃梳打。等了約10分鐘, 沙律及野菌松露湯先上, 沙律配紅酒醋好香, 松露湯亦好味, 之後上飲品和炸物魔天輪, 有炸魚, 炸雞翼, 洋蔥圈, 芝士薯寶及薯條。特別好味的係炸魚和雞翼, 其他炸物一點都唔油膩。很喜歡那兩杯梳打, 唔甜有新鮮生果。到了上天使麵及豬仔掛骨, 兩碟的份量都幾多, 天使麵煮得不軟不硬剛剛好, 忌廉汁好滑什菌好足料, 豬仔骨切開是粉紅色, 我們幾個研究是否煮唔熟, 立刻有職員過嚟解說是因為真空以58度慢煮4個鐘以成。豬仔排骨入口軟熟, 肉汁豐富一D都唔乾。到我哋最緊要的甜品, 綠茶蛋糕配朱古力雪糕, 超好味, 蛋糕軟綿綿, 綠茶味濃, 加上朱古力雪糕, 所有味道配搭得好, 不是人工做作的味道。另一款係冰鎮雲尼拿雪糕, 上面插住一塊極薄菠蘿片乾, 再配一小杯espresso給你淋

小有地真係令我忍唔住想讚下呢間cafe. 係優悠既星期六早上我訓醒就同男朋友落樓睇下附近有咩早餐好食。咁岩見到呢間cafe新開。d裝修又好有feel又舒適. 係門口睇睇餐牌又唔貴wo. 就入左去試下。一入到去已經聞到好香既coffee 味。之後我坐低見有d 凍初左兩下手臂。個staff 仲好細心主動幫我調去個無咁大風既位。之後我同男朋友分別叫左個All day breakfast同黑松露炒蛋breakfast. 果然有驚喜。平時食開d黑松露炒蛋得一粒手指甲大小既黑松露。但呢間d黑松露多到成隻炒蛋都充滿住黑松露既味道。認真抵食。至於個all day breakfast都好大碟。D食材又好新鮮。重點係個coffee. 我平時係hk係唔會飲coffee既。只會飲las vegas wynn hotel既coffee. 因為飲慣美國既coffee覺得hk d coffee普遍都偏苦。今次見d coffee 咁香就膽粗粗試飲左一口男朋友杯coffee. 又有驚喜。濃滑得黎一d都唔苦。d奶同coffee既調配配合得剛剛好。搞到我自己都忍唔住叫多左杯coffee慢慢嘆。咁就過左個悠閒又幸褔美滿既星期