Potato Corner

营业中

休息中

來自菲律賓的炸薯條店，聞名不如見面。對於我地哩d teenage食薯條係我地既樂趣，見到間鋪既時候即刻心心眼。我地就叫左Mega可以揀兩隻味，就揀左芝士同同奶油洋蔥味，即叫即炸保證新鮮熱辣，等左一陣終於有得食啦。份量多而且條條都充滿調味，level up既shake shake薯條，奶油洋蔥味似Lay's薯片奶油洋蔥味，芝士味似品客薯片芝士味，而薯條質地其實就同M記差不多，但味道真係唔錯! 而且就算佢係即炸，都唔會話好油膩，值得一試，我諗我會再試埋其他味

Potato Corner係一間好受歡迎既薯條店，一黎到已經有堆人係出面等緊拎薯條，所以等候時間都唔短，要10分鐘左右。佢有四種size，頭先一直掃緊街既我地就叫左Mega，兩種味道，叫左 特辣燒烤味 x 洋蔥味 好夠喉，份量剛好，34 hkd亦算合理。睇左陣店面果條片同hea左10分鐘後，新鮮出爐既薯條就到手喇！我覺得食落味道其實有d似M記既shake shake薯條落左兩倍粉既版本，調味粉好多，初頭會驚會唔會太重口味或者太鹹，但事實係唔會，佢好好味，特別係洋蔥味，食到停唔到；而特辣bbq就真係幾辣下，我平時食到D辣既就覺得有點太辣，不過好香口（因為係bbq味），所以唔算好食得辣既可以試下bbq，應該會好正，唔洗辣得咁辛苦。雖然上面話味道有d似m記，樣都有d似m記，都係幼切薯，但其實佢同M記薯條好唔同，口感上差好遠——每一條都偏向脆口，但脆得黎唔會硬，亦絕對唔會冧batbat，食到係新鮮炸出既感覺，所以可以放心試，絕對唔係比貴20蚊食m記薯，係個值得一試既小食。不過，食呢個我覺得係食口感同調味粉，如果期望佢有好濃既薯仔味，或者好似薯角薯格既味的話，恐怖你就要失望了。推薦行街口痕黎食下

今日同朋友黎到尖沙咀特登黎試呢個薯條！熱潮好似過左，唔洗排隊不過都係好多人買。我地選了兩種口味，分別是芝士味和香辣味。等了差不多十幾分鐘，終於有得攞！薯條熱辣辣，而且幼幼的吃起來輕盈無負擔，不會太油。每條薯條上面都沾滿了很多粉，很平均。芝士味道其實吃不出很濃的芝士，反而更像是芝士圈的味精粉，挺好吃的但是太濃了，吃完了很想喝水。香辣味更是重口味，吃了香辣味後已經吃不出芝士味的存在😂建議大家吃了芝士味後最後再吃香辣味。這樣小小的一碗，已經可以2至3人分享。每人吃不太多就好，不然負擔太大，太鹹容易頂唔順

晚飯前有點餓想吃個小吃, 剛好經過K11附近想起開了一家新的小食店賣薯條, 就吃這個吧!薯條共有4個口味, 有Cheese, Sour Cream and Onion, BBQ 同Chili BBQ, 貪心選了可選2隻口味的mega size, 選了Cheese及Sour Cream。店家每次只叫一個號碼, 相信是即叫即炸的, 等了一會終於有得吃! 薯條口感和麥記差不多但更熱和新鮮, 上了芝士粉及酸忌廉粉和shake shake 薯條很類似, 算是不錯的小吃。

前排不停比菲律賓薯條洗版，心諗有冇咁吸引，呢家好似逢親其他國家黎到香港既野食都會有好多人去試咁lol，完全系薯迷既我就緊系都吾會放過去到尖沙咀戈邊行街就忍吾住試埋。Size有分Jumbo/ Mega/ Giga/ Tera分別就系1隻味至4隻味芝士/ 奶油洋蔥/ 燒烤/ 特辣燒烤原本想試奶油洋蔥同燒烤，但奶油洋蔥偏甜，所以燒烤會比較岩我 於是叫左Jumbo燒烤薯條。等候時間約15分鐘，都吾算好耐，眼見每一條薯條都有shake粉，真心滿足，份量亦足料，開頭食真系好易跌出黎，但食到一半左右，發覺好似漏漏地，坦白說真系好味精，食完會即刻好口渴 食物份量同服務質素系幾好，味道則欠奉。

前排每日睇FB都介紹依間菲律賓連鎖薯條店 Potato Corner ,一心走去試試. 有心理準備會多人排隊,好彩比想像中短甘就好期待試下,到時SHAKE SHAKE有幾好食會唔會比McDonDon好食呢~可以見到D STAFF忙過無停手眼見分工,專門炸,專門收錢,專門SHAKE同PACK其實離遠都聞到香味~有4個口味~酸忌廉洋蔥味,燒烤味,芝士味,特辣燒烤味我買左Mega Size,因為怕太多食唔晒,得2條友食叫左酸忌廉洋蔥味同特辣燒烤味~終於拎到啦~酸忌廉洋蔥味個味幾好,會令人繼續想食,而特辣燒烤味會愈食愈辣,燒烤味唔特出~但點解會令人失望呢!主要原因係個薯條明明係新鮮炸出黎,點解食落口個感覺有D似放左1-2小時甘唔係特別脆口,只靠個味粉雖然唔難食,但亦唔會特別去食~

哩個薯條真係好味😛之前睇post評價好壞參半 但我覺得薯條係炸得香口 sour n cream哩隻味真係好好食 但係個個都話好辣既spicy bbq就麻麻地 冇乜味又唔多辣.份量都幾多下 應該係shake shake薯條濃味版🤔🤔🤔排隊就半個鐘有得食 我下次應該會再食 價錢$34還可以啦 如果人多可以食晒4隻味就好了

其實我比較喜歡吃波浪紋薯條，不過講到呢間嘢咁勁我又去挑機。其實佢個兜最細都有好多 ，所以如果你同我一樣胃口小又自己一個人的話，建議大家只點最細的單口味版本。4種口味裡面我只係對燒烤同 酸cream cheese 有興趣，只能選一款的情況下我買了燒烤。見到佢前面擺曬兜 以為會好快有得食，結果我等左近15分鐘。不過見到佢上台咁吸引的賣相我又覺得值得。每條薯條都沾滿燒烤調味粉，所以都好夠味。佢仲有個小叉俾你吉，但我覺得無用，哈哈。一個人食曬其實都幾膩，而且我覺得好神奇係佢就算即炸都唔熱，而且薯條太幼啦，食完之後我覺得有個好熟悉的感覺，好似 shake shake 薯條。

我好多年冇在openrice寫食評，但呢次經驗好差，點都想食下。我今日下午約兩點黎到，有兩三人在前面等，咁我專登黎食（炸薯條粉絲）就等左一陣。見佢員工都好似响入面炸緊，咁諗住應該同傳聞一樣即叫即炸。點知。。。。。。第一口係又涷又咸，咸到痴線，味精好似唔洗錢咁，我專登搭車黎俾左三十四元浪費左我人生幾個字等候黎食劣食。食到上面咁上下就成杯掉左落垃圾筒了。幾廿元薯條香港人唔係食唔起，但想要返相對的質素姐。涷既薯條我真係唔知食黎做咩。

香港終於都有得食，唔洗等到特定日子有shake shake薯條先有得食！酸忌廉洋蔥味 X 燒烤味前者唔酸，不過就有微洋蔥味好香係奶味重嘅忌廉，粉放得夠多所以味道好出後者香口味道比較濃，但粉唔夠味道有少少淡唔夠過引口痕食下都得嘅，想食就有得食。新鮮炸起所以要比少少時間等下！不過要講下嘅係因為未有完善嘅程序，好多時出貨同單號唔順。職員拎起係邊個兜就裝邊個，同買嘅次序唔一致。所以你比較早買都唔代表可以早啲拎到嚟食。

位於尖沙咀的Potato Corner，是一間擁有全球900分店的菲律賓薯條店。今天和好友吃一整天，在等晚餐位子Cheesecake Factory的時侯，我們走到尖沙咀去掃街。好友是菲律賓藉人士，但她和她的朋友也沒吃過和聽過這間薯條店呢。三種囗味$58一種囗味$28，二種囗味$34，三種囗味$58，四種囗味$62我們選擇三種囗味，份量也不少呢。分別是芝士味，奶油洋蔥味，特辣BBQ味。服務員姐姐每次只炸小量薯條，然後放入筒子裡Shake Shake Shake，把調味粉平勻混合。每次只炸少量，需等侯更長時間，但能保持食物質素。薯條屬超幼薯，內裡非空心，而是帶薯蓉。芝士味薯條芝味特出，像芝士波的芝士味道奶油洋蔥是我最愛囗味，甜甜鹹鹹的特辣BBQ真的幾辣哦，惹味好吃這大盆的薯條，由我包底後，第二天囗龍痛到不得了

黎左開左無耐既呢間菲律賓薯條小食店長龍到呢排就唔排得耐 等就等左好耐好耐 起碼都15分鐘feel到因為岩岩開始 所以d員工都唔熟手d薯條係炸都未炸得切Mega size - 2種味 ($34)好味到停唔到口 一啖接一啖識食最後一定要咣手指不過其實係shake shake薯條黎 好多粉兩隻味都好香 唔會死鹹不過有d overpriced 只係m記中薯條既1.5倍食左一次就算

上星期日車媽媽偷閒數小時去為指甲扮靚靚，乘港鐵出尖沙咀時見到可愛的導盲犬，遠遠的偷影了一張相，看到附近的人也很合作沒騷擾牠工作，希望廣大市民也能好好配合，令牠跟主人能安全到每個角落！吃飽飽後經過加拿芬道看見這間新開的Potato Corner為食細胞又在蠢蠢欲動！！ 此店很簡單只賣炸薯條及另外兩款炸薯仔和哈哈笑薯餅，分別可以配四款口味有芝士，奶油洋蔥，燒烤及特勒燒烤味，而不同的大小的薯條更可選擇不同的口味，最小的Jumbo只可以選擇一款，接下來由Mega~Tera如此類推可以揀選二至四款的口味！ 吃飽飽的我只揀了最細Size的Jumbo＄28一點也不便宜，味道方面嗜辣的我當然揀了特辣燒烤味啦，這個味道一吃下去十分熟悉因為跟我食開的熱浪薯片幾乎係一樣味道所以我十分之歡喜，但可惜薯條非熱辣辣的奉上有點兒失望，不過下次經過也會試埋佢其它味道嘅！

尖沙咀K-11附近的加拿分道，最近進駐了一間源自菲菲賓的炸薯條店 - Potato Corner。開幕當日，與小姐碰巧路過見到。只是，因為太多人，故沒有一試。這天，離開鳳凰茶苑，朝K-11方向走，又途經該處，就停了下來一看。 薯條有４款口味，分明是芝士味、奶油洋蔥味、燒烤味及特辣燒烤味，且提供四款size任君選擇。 所有調味粉都是由菲律賓進口，薯條全部即叫即炸。店員會將炸好的薯條放入shake shake粉，shake完馬上食得！ 這兩枝小木叉是用來吃叉著薯條吃，以免沾污雙手，挺細心的設計。 Mega($34)可以選兩種口味，我們要了芝士味與奶油洋蔥味薯條。店員頗為濶綽的，Mega紙杯堆積滿了香氣四溢的雙色炸薯條，高高的如一座小山丘。稍4一不小心，薯條就會掉下來，還是請店員要來一個膠袋套著比較安全。 這兒的薯條食口感就像麥記之作，質感軟軟且腍身的，並不是小妹喜歡的脆卜卜之作。偏橙色的是芝士味薯條，驚奇不算大。 較淺色的是奶油洋蔥味薯條，沾有少許洋蔥碎，入口酸香有致，挺開胃惹味的。

Same as mcdonalds but here they shake it for you and you can get at most four flavours at one time.The bbq was very sweet and stains your fingers.The sour cream was ok but not sour enough.I might come back and try the smiley faces if the queue is short.