Poseidon Restaurant & Bar (已結業)

We started off with a baked oyster with spinach and cheese, there was a lot of spinach and flavoring which bought out the freshness of the oyster. We then had my favorite dish of the evening with was the butter and wine stewed diamond clams, was quite impressed by the quantity and size of the clams. The sauce was very flavorful. Next we had the surf and turf, again a great dish of the evening. The lobster was baked well and did not happen to be over cooked. The steak was also very tender and sea

餐廳位置好大，座位亦好闊落。十分適合朋友聚餐✨而食物整體來講都相當唔錯，亦算係有水準嘅西餐廳.♦ 白酒牛油燴鑽石蜆 ⋆ $148呢個蜆係整個晚飯我最鍾意嘅！牛油味超香濃！整個醬汁惹味又豐富。而蜆肉粒粒都好大粒！脹卜卜，鮮味而且冇沙💯.♦ Surf and Turf ⋆ $298價格算係合理，牛扒份量都幾大件。肉質唔錯 亦唔會有太多調味。而龍蝦🦞亦好彈牙，整體都好滿意.♦ 鮮蟹肉西西里意粉 ⋆ $148蟹肉嘅份量都唔少，不過佢嘅醬汁就有好濃嘅香草味，個人唔算好鍾意嗰陣味，不過相信亦係佢嘅特色之一！.

星期四晚黎左尖沙咀依間西餐廳～ 估唔到平日晚上都幾多人，我哋本身想坐室內但無位，結果出咗室外。估唔到室外環境都幾chill~ 但係因為呢間餐廳都有水煙食，所以如果唔受得水煙陣味，就建議坐返室內。首先我哋就叫咗個nachos~ 佢係新鮮炸起嘅，配料有salsa, 牛油果醬，酸忌廉等等。足料同味道不錯，用黎做前菜幾好我地都試左依個三文魚他他。佢最頂係魚子醬，跟住係煙三文魚碎粒，再有紅菜頭同酸忌廉配喺底。依道前菜好好味，推介! 感覺無咁膩，因為有紅菜頭清清甜甜，都幾開胃～叫左杯pina colada, 不過覺得椰味可以再濃啲主菜係依個烤焗海鮮拼盤！ 賣相好唔錯，一睇就知有好多料，有帶子、龍蝦、魷魚、青口、貝類等等。亦都有啲椰菜花同粟米，同埋佢會送4塊蒜蓉包。 個汁係少少辣的，有啲cajun的味道。下次黎可能會試生果個海鮮拼盤！最後點左蘋果批做甜品，佢係好薄身果款的，所以雖然食到好飽但都仲食得落

This place is a good place for friend’s gathering/couple dinner. Just had dinner with three friends. There are variety of choices of food and they are good in quality. You will enjoy dining here especially for sea food lovers. The sea food starters are attractive, you can choose raw seafood platter or grilled seafood platter. We tried the grilled one, I especially liked the grilled lobster. We also ordered a dozen of grilled oyster, there were three options available, beacon and cheese, spinach

今時今日$29可以買到啲乜嘢？🤔珍珠奶茶都未必飲到杯啦！（還是會默默掏錢🌚）有冇喺尖沙咀返工嘅朋友啊，意外發現到呢間餐廳有靚靚裝修 😂約埋一班同事去食都得 最平$29就有午餐仲連埋熱飲添㗎！CP值超高！- 蘑菇醃辣椒薄餅 $29 +$8轉餐（加沙律同湯）🍕呢個係薄批底黎，面頭既材料有少量磨菇、芝士、橄欖油、蕃茄醬、紅椒 ，原來係我理解錯咗，醃辣椒薄餅係唔辣㗎😆！只係醃紅椒黎🙂 味道方面就正正常常啦，料會比較少，但批底幾有咬口！-芝士焗肉醬飯 $29呢個焗飯味道較淡，似白汁多過似芝士🤔，飯嘅份量好多，但我prefer食濃味既，所以就一般啦！👀- 秘製泰式黃姜雞飯 $29三個餐入面我最鍾意呢個！😆原本以為咁平得好少雞，原來都有七件雞㗎！👀隻雞意外地整得好滑，加埋個泰式醬汁幾好食！😌但係個飯就唔得啦 凍左變硬既，如果個飯可以再熱返d冧番d就Perfect啦！

知道亞士厘道開咗間食海鮮🦞🦀為主,以船🚢作主題既多元化餐廳，6點後仲變成酒吧😍一於約🐢🍯試菜,chill下先🍸🥂Seafood platter海鮮拼盤（2位用🤤🤤絕對係相機📸食先😍巨型貝殼擺盤，超靚！有鮮冷盤做前菜就最開胃又happy🥳 而且份量十足：即開生蠔🦪水潤細嫩，口感爽脆😋新鮮海中蝦🦐、 花甲、青口、翡翠螺.各款都好新鮮而且冇沙肉, 啖啖肉👍👍配上3️⃣款海鮮醬汁（泰式酸辣汁, 乾蔥紅酒醋汁, 雞尾酒汁）配搭好清新惹味💚西班牙海鮮燴飯Seafood Paella🥘超豐富,開邊大龍蝦🦞,西班牙香腸,鱿鱼,鑽石蜆,中蝦🦐, 青口, 珍珠米, 甜椒, 檸檬、洋蔥、豌豆、大蒜. 每一口燴飯都充滿住濃郁既海鮮味🤤，仲有蕃紅花的香氣，味道好夾😋好快俾我地秒殺左🙀😆飲品方面order 左Signature cocktails🍸分別有 Devil’s deal（黑白Rum，passion fruit base) 調酒師上枱時仲會點火🔥，視覺效果十足。杯酒口感清爽可口，非常適合女士💗另一杯Poseidon's treasure （Gin base, color changing)🍹用左寶箱📦裝住

食到一肚氣，幾件事都令人覺得呢間鋪好唔專業，好一般，真係唔會再去！星期五晚book 左呢到食晚餐，諗住順手飲埋野，見open rice book有7折打算試試。1. Book 左都要等半個鐘點知book左8點，等到8:25分都入唔到座。準備入座之際，老闆個friend 又到左，結果當然我地張枱當然係比左佢地坐啦，我地就繼續等。識老闆有關係既可以坐先，你咁樣做，你都唔好比個客知，非常唔專業。2. 開白酒事件 前後價錢不一咁我地諗緊開咩酒好，我話想飲白酒，侍應就好似好好咁介紹左支比我地，當下冇問到價錢。我地之後都驚會太貴，再問另一位侍應我地叫左支酒係幾錢，佢話398，咁我地覺得ok 就繼續啦。點知！最後張單拎到埋黎係698...完全覺得係咪新客仔就可以咁樣湯人？白酒list 最貴都只係598...3. Open rice 訂座 假7折食食下中途問左一個侍應，想加野食，佢話得主食有7折，其他冇，我地都覺得ok。點知！！埋單既時候另一位侍應又話冇，係open rice 出左錯，有幾枱客人都係咁。講真你知道出左錯，係咪應該入座前通知個客人一聲？仲要已經幾枱都有發生過呢件事。總而言之，十分搵笨，永

老公牛一， 帶佢黎試下這間新開的西餐酒吧😁😁老公每食一道食物就讚一次，第1道菜先食凍盆Seafood Platter, 生蠔真係好正D 海鮮都鮮甜，侍應另外會跟3隻汁醬分別係cocktail sauce, 紅酒醋及泰式辣醬，我鍾意點cocktail sauce。第2道菜係焗蠔，真夠野味， 勁讚炸馬頭魚👍👍👍👍 連鱗都炸埋黎食😍😍😍甜品有雪糕蘋果批， 對我黎講緊係好好味啦🤭🤭面對咁多美食真係忍唔到口啊環境舒適，坐得好舒服。

應該係新開無耐嘅餐廳，見用app book有半價就試下。呢度食海鮮為主，可以㨂坐入面同出面，不過外面應該for食煙，我哋㨂坐裡面。我地叫左：Premium生蠔一打（$388）上枱賣相幾得，以細蠔黎講，蠔肉算係肥美飽滿，食落喺有少少爽口，唔係好creamy嗰種，金屬味重。2人烤海鮮拼盤（$318）有半隻龍蝦，帶子，蜆，蝦，三文魚，藍青口，腸仔，粟米，西蘭花同椰菜花，另外配4塊蒜蓉包。海鮮同蔬菜煮得唔會過熟，啱啱好。調味就一般，醬汁有少少辣。蒜蓉包香脆，幾好味，不過有少少燶。甜品叫左蘋果批伴雪糕（$88）蘋果批有啲薄，味道係ok嘅。半價左埋單$476，食到生蠔，海鮮同甜品，我地覺得幾抵。生蠔折左性價比高，其他食物都唔會太hea, 但可以更好。走嗰時見到佢個午餐餐牌，好平～有機會再試下個午餐😂

咁啱同朋友去尖沙咀 happy hour , 諗住食水煙 chill 吓。見佢介紹呢間新開嘅西餐廳即管試一試。入到去環境唔錯，喺 outdoor 飲咗一陣，睇到佢餐牌啲嘢食都幾吸引。就順便食埋夜晚飯，見呢度主打西餐。見價錢都叫合理叫咗幾款嘢食，味道都有驚喜! 尤其係個焗蠔同埋三文魚。 牛扒我order五成熟，佢哋都做到呢個效果。食完飯返出outdoor 食水煙，佢哋個戶外環境氣氛都幾好。服務都算唔錯，咁嘅價錢都會再返嚟試一下。

網上見到lee間新餐廳，想揾地方慶祝生日，一家兩大兩小book左1830,地方ok, 小朋友都好開心！叫左個ham, 蝦餅，海鮮飯，仲有steak+大蝦，再叫左兩個甜品！甜品得3款有d少，同埋價錢都有d唔抵！其他都可以！book枱時已經remarks慶祝生日，叫甜品時加句"Happy Birthday", 但上甜品時乜都冇！如果係咁早知就唔要甜品！環境食物(除左甜品) 都唔錯，但唔會再去慶祝！普通食飯就ok!

睇到eatigo 7折就可以試到海鮮拼盤，所以同男朋友去試下。室內環境其實幾好，但可惜我地去到得返佢餐廳有室外有位， 我哋只好坐室外。我哋叫左魚子三文魚他他，焗海鮮拼盤同海鮮燴飯，一杯白酒同一杯啤酒。三文魚他他好快上菜， 但其餘兩樣都等左一粒鐘先有得食。。三文魚他他，不過不失，魚子好細粒但唔腥，只係份量太少海鮮拼盤，賣相係幾靚，不過海鮮好普通，只有兩隻帶子ok, 其他海鮮係中蝦，三文魚，半隻小龍蝦，少量青口同蜆，海鮮同配菜份量五五比，配菜有西蘭花同粟米，迷你腸，最好食竟然係跟海鮮拼盤的蒜蓉包。。。海鮮燴飯，非常一般唔知係我地黑仔定咩， 我哋張枱嘅枱燈係唔著嘅，職員話換俾我哋，但最後係收走左而冇拎返黎。 另外，因為室外坐位都幾食風，不時吹到太陽傘都郁得好勁，最後吹到連太陽傘上面嘅燈都熄埋，經過員工調整都係唔著，只能摸黑食野，連食緊咩都望唔清楚。我地追問左幾次，個員工先慢慢地拎盞枱燈黎搞得盞燈黎 ，加上勁大風，d野食好快凍，我哋都快手食哂d野，埋單$640，性價比唔高

睇完戲夜晚搵食，朋友搵到優惠，菜單正價7折，咁就試下啦。見餐牌主要都係海鮮，先點了個白酒牛油燴鑽石蜆 $148(500g) 味道唔錯，但無乜酒味，蜆肉唔算大隻。主菜選了西班牙海鮮燴飯 $188 個飯似糊仔，同之前食開既燴飯唔同。青口同魷魚好乾，想打開個青口殼，點知一撬就碎。食完唔夠飽就加多個鮮蟹肉西西里扁意粉 $148，個醬幾似快餐店肉醬意粉唔，蟹肉無乜蟹味，好似食緊無味肉絲，但個扁意粉幾好食。原價加一，七折埋單盛惠$387，呢個價錢尚可接受，但食物質素就真係好一般，原價既話，不了。

海神餐廳？十月啦，今次partner就帶咗我嚟食新餐廳，用咗OpenRice嘅Discount就$1000頭/四個人啦！記得要check單啊因為佢本身唔記得用discount啊！唔收Amex. 店員係有禮貌嘅佢一半嘅座位係室內，另一半係室內。咁室外呢望到嘅都係樓景，所以冇乜特別。但係呢秋冬都嚟緊啦，所以都算舒服嘅。裝修方面戶外嘅地下其實係鋪咗木條啦，我買單嘅時候差啲張相卡跌咗落去條空隙嗱度！真係好險首先就嗌咗一啲小食啦有薯條，同埋有六串嘅泰式串燒，咁其實就冇乜特別。我就比較鍾意食九龍城嗰邊嘅泰式小食多啲啦。不過要留意番佢嘅蝦餅啦，因為連侍應都話，佢哋嘅蝦餅係好奇怪，唔係普通嘅蝦餅。形狀方面，我會話係蝦球多啲，亦都yam咗好多嘅麵包粉，所以其實蝦嘅成份好低，所以我都唔推介呢個小食。佢啲生蠔都算抵食嘅，但係其實我哋只係帶咗半打，waiter就嚟咗一打不過我哋都就咁食啦唔緊要嘅好彩都算好食。如果係more creamy就好喇。佢有個海鮮拼盤，侍應又問我哋係唔係落咗四至六人份量......真係瘋狂落錯單啊，我哋嗌左兩個人份量咋。我會覺得係好睇，都算新鮮。 佢仲會送你一啲麵包，去飲嗰啲海鮮汁去食

今日去咗呢間專食西式海鮮嘅餐廳。餐廳係亞士厘道其中一幢商廈入邊嘅樓上鋪，餐廳嘅面積都幾大下，一格卡位坐四個人都非常之舒適，而且個卡位好高，好有私隱，因為睇唔到其他食客，啱晒而家疫情下保持距離注重衛生。我叫咗一個熟食海鮮拼盤，入面有蟹鉗、扇貝、蝦、蜆、魷魚、三文魚、其他配菜例如粟米、薯仔，仲有附送小食蒜蓉包。份量非常之多，兩個人食就啱啦。成個海鮮拼盤除咗烤過，仲淋想一層香辣嘅醬汁，如果唔食得辣嘅朋友可能要叫餐廳小辣，因為我覺得有啲辣，蓋過咗海鮮嘅味道啊。