PokéToké

营业中

休息中

呢間餐廳主打豐富Poke bowl，餐廳有幾個set好左嘅Poke ，大家亦可以因應個人喜好自選想食嘅材料及醬汁當日分別嗌左夏威夷波奇同加洲風味碗☀️夏威夷波奇💛材料分別有吞拿魚・海帶・紫洋蔥・蟹籽・枝豆・紫菜絲·木魚絲‧黑白芝麻，醬汁配鰹魚醬油，主食簡咗飯+沙律菜🥗呢個組合味道清新，口感豐富，鰹魚醬油卡路里比沙律醬低，再加埋大量蔬菜又有蛋白質夠晒健康，不過美中不同嘅係吞拿魚肉唔算好肥美同埋會整體會比較清淡。另一個Poke 加洲風味碗🧡，材料有三文魚・青瓜・玉子絲·三文魚籽・車厘茄‧紫菜絲‧木魚絲及黑白芝麻，醬汁配日式胡麻醬。呢個poke色彩繽紛，味道會因為加咗胡麻醬而無第一個咁fresh，不過都開胃同三文魚味道又幾夾👌🏼總結餐廳地點方便，食物味道正正常常，cp值都ok，個人覺得有更好食嘅poke，大家夏天咁熱想食得fresh啲就啱晒，推薦大家如果食普通魚生丼食到悶，或者冇乜胃口都可以試下Poke🌼

呢個夏天真係搞唔掂㗎，熱死辣辣🥵即刻諗起去食返個夏威夷蓋飯，健康得來又飽肚🫨🍴自選蓋飯 $88起我哋揀咗辣三文魚🍣做主食，配菜就揀咗蟹柳、蟹籽同埋三文魚籽😚增加飯嘅口感，咬落去脆卜卜！😍伴菜就叫咗木魚絲、紫菜絲同埋蒜碎🧄辣三文魚新鮮又夠味，配菜同伴菜都好豐富，好滿足🥹🍴咖喱吉列豬扒飯$79除咗夏威夷蓋飯，我哋仲嗌咗個熱飯😋咖喱豬扒飯嘅咖喱汁比較杰身，有好多薯仔😍豬扒即叫即炸，熱辣辣脆卜卜😗份量仲好大塊，切得啱啱好～🍴炸物拼盤 $40吉列炸蝦、炸蟹鉗、炸雞、炸魚柳同埋炸芝士。樣樣各一件，再加一大堆薯條🤣我哋仲叫咗個小食一齊分享🤪細細份都幾好，乜都有一兩件🥳可以樣樣都試啲🤓🍴Oreo 奶昔 $40Oreo奶昔唔算太甜，幾滑身🥛性價比：8.5/10好食程度 😋：8/10回頭指數💗：8/10

近年主打健康飲食，標榜少甜少油少鹽多菜而其中一個可以達到呢個標準嘅菜式，就係poke，所以近年都開咗好多呢一類型嘅餐廳，而位於旺角嘅呢一間餐廳亦都係主打poke。見到佢Menu都好多選擇，佢有啲set好咗嘅蓋飯，亦都有自訂既option，唔使怕唔啱食，因為可以自己揀🤪。特色風味蓋飯夏威夷波奇 $88 （半壽司飯、半沙津菜）吞拿魚、海帶、紫洋蔥、蟹籽、枝豆、鰹魚醬汁、紫菜絲、木魚絲、黑白芝麻因為份人比較懶，所以就選擇咗佢已經set好嘅蓋飯，而見到佢呢一個夏威夷波奇非常之特別，除咗一啲大路嘅材料之外，竟然連枝豆都有，於是就打算試一試。而最貼心嘅係除咗淨飯嘅選擇之外，佢亦都可以選擇用沙律做個底，就唔使擔心食完會好飽同食咗好多澱粉質。而佢嘅醬汁都冇直接倒咗落去碗飯度，而係另上比客人自己選擇落幾多，呢樣嘢我認為都幾貼心。厚切鰻魚丼 $108除咗蓋飯之外，見到佢嘅熟食都幾吸引，而我最鍾意嘅鰻魚飯竟然都能夠喺呢度見到，所以就叫咗佢嘅厚切鰻魚丼。佢嘅丼飯鰻魚份量超多，而且入面嘅米真係日本珍珠米，不過我自己就認為佢嘅鰻魚汁略嫌落得有啲多，如果份量少返啲可能會更加好，不過整體上味道都相當之唔錯。草莓奶昔

前排好似食多左煎炸食物，呢排想食得健康少少，所以同朋友提議食呢間poke,佢哋最出名就係poke飯👍不過次次都係食poke,今次一於試埋佢地嘅丼飯先☺️大滿貫講得大滿貫，即係差唔多乜都有，岩曬我為食嘅朋友🤭Bowl有三文魚•吞拿魚•中華沙律。雜錦香菇。牛油果。玉子絲蟹籽。山葵蛋黃醬•紫菜絲。木魚絲及黑白芝麻，淨係材料都10樣嘢，見到已經好震撼🤩魚生份量都唔少，而且好新鮮👍加埋佢地嘅醬汁，非常滋味😋親子丼香噴噴熱辣辣嘅親子丼飯，有滑蛋同嫩雞，睇見已經流晒口水👍我哋仲加左$18轉套餐，包一份小食同湯，個湯係好濃郁嘅三文魚海帶豆腐湯🤤佢哋仲有其他好多丼飯，下次可以再試另一款☺️📍PokéToké (旺角)旺角廣華街3號百利達廣場地下1號舖

今年試過一次Poketoke嘅兩款夏威夷蓋飯同小食，已經覺得性價比唔錯，一直都好想再試吓佢其他蓋飯選擇。所以今次就揀咗一款熱食蓋飯、一款夏威夷蓋飯同飲品。上次可能撞啱時間，唔使點排就直入，今次放工時間反而見到人龍，都幾有人氣。厚切鹽燒海苔牛舌溫泉玉子丼 $98．厚切牛舌比想像上多好多，鋪滿成碗飯，食到最尾基本上仲有剩．牛舌厚度幾好，如果口感再軟熟少少會更好．另配有溫泉蛋，蛋白部分較為滑捋捋，蛋黃就偏熟少少，撈埋丼飯食都唔錯加州風味碗 $98．配料好足，包括：三文魚、青瓜、蛋絲、三文魚籽、車厘茄、日式胡麻醬、紫菜絲、木魚絲同黑白芝麻．之前試過壽司飯+沙律菜，其實都好飽。今次揀咗淨跟壽司飯，飽足感再強啲．最欣賞三文魚夠新鮮又夠厚身，口感好滿足Oreo曲奇奶昔 $40．奶味較重，感覺係幾少見嘅奶昔做法．曲奇碎磨得好細碎，個人鍾意大粒少少，不過都飲到曲奇香

有時想食得少少健康啲，就嚟呢間試吓夏威夷丼飯，另外都有其他日式風格嘅選擇，都要等吓位🤪🔸Signature bowl(HK$105)都有好幾款配搭選擇，我就揀咗配料有辣三文魚，虎蝦仁，泡菜，紫洋蔥，蟹柳，辛口蛋黃醬，芝麻，辣椒碎，紫菜絲🥸配料都幾多，撈埋食都唔會太Heavy🔸厚切鹽燒海苔牛舌溫泉玉子丼(HK$98)見到枱面有放呢個主食嘅宣傳就試吓，牛舌鹽燒味都幾出🔸手工炸單骨雞翼(HK$48)新鮮炸起熱辣辣，外皮好酥脆👍🏻🔸Oreo曲奇奶昔 (HK$40)飲落幾Creamy，滿滿嘅Oreo

呢間夏威夷蓋飯店超高人氣 爆晒場✨呢到最特別係除左招牌poke bowl 仲熱食蓋飯提供 夠多元化🧊🔥.📌大滿貫 GRAND SLAM $128選擇困難症推介就啱🙌🏻三文魚同吞拿魚份量都幾多 鮮嫩肥美 甘香唔油膩 用上切片同角切 更有口感🍣牛油果熟度剛好 香滑creamy🥑雜錦香菇粒爽嫩有咬口🍄‍🟫topping仲有中華沙律, 玉子絲, 蟹籽, 紫菜絲, 木魚絲同黑白芝麻👅豐富配料再拌勻山葵蛋黃醬一齊食 香滑惹味又唔溜 整體幾清爽🤍揀左壽司飯底 但似係白飯 冇醋酸味🥺.📌泡菜豚肉燒 $69豚肉份量多又大片😍肥瘦適中 炒得香口入味 肉質較乾 但唔鞋🐷泡菜酸酸辣辣 爽嫩多汁 拌勻成個飯 惹味開胃🌶️日本珍珠米飯粒粒分明 飽滿有咬口🍚不過食完先見到 成個碗底都係油 難怪啲飯咁香滑油潤🙈.📌草莓奶昔 $40有少少失望 飲落冇牛奶香滑醇厚感覺🥛質地似沙冰🍧草莓果香酸甜味都唔夠濃🍓.有關食物相片 可參考已上傳的影片🎦

夏天一定要食依間高質夏威夷蓋飯店🙆🏻‍♀️ 低油、低鹽、低熱量，吃光一整碗也沒負擔🤤 餐廳偏簡約休閒風格，環境氣氛舒適，食物選擇好豐富！晚市二人消費：$247 🫧不設加一服務費🫧💖💖💖食評💖💖💖 𝑴𝒂𝒊𝒏 𝑪𝒐𝒖𝒓𝒔𝒆 🍚八爪將軍（八爪魚，蟹肉，海帶，粟米粒，中華沙律，袐制燒汁，芝麻，木魚絲，紫菜絲）✨加配每日前菜（螺肉）+ 三文魚豆腐昆布湯配料非常豐富🤤🤤 壽司飯配上秘製燒汁，非常開胃！😆 大大粒八爪魚 ，肉質鮮嫩，配料份量好多，款款都係我鍾意嘅，口感非常豐富，好飽肚🥰和風牛肉丼（配溫泉玉子）✨加配每日前菜（螺肉）+ 三文魚豆腐昆布湯賣相好吸引呀，大大粒溫泉蛋放喺滿滿的牛丼上面😍 見到都流口水，將溫泉蛋攪勻食用，口感味道一流😋😋😋 份量多好飽肚𝑫𝒓𝒊𝒏𝒌牛油果奶昔（大）✨推薦！少甜健康奶昔😍 入口陣陣清新牛油果香味，唔會死甜，越飲越好味😚日式烏龍茶✨

今晚又約了朋友吃飯，地點選了在旺角。朋友話最近食得放縱了一些，今餐想要健康一點，上網search到廣華街的「PokéToké」。Poke bowl可以自行配搭食材。主食選了三文魚，拌以蟹籽、蟹柳、雜錦香菇3款配菜，還有紫菜絲、木魚絲、芝麻點綴。三文魚非常大粒，入口感覺都新鮮。雜錦香菇加了七味粉，味道會帶點辛辣。飯底配了壽司飯，份量都頗多，想健康一點就可選沙律菜。醬汁是山葵蛋黃醬，山葵味很重，令到整碗poke bowl充滿嗆辣感。加配了前菜和三文魚豆腐昆布湯。前菜是味付螺肉，味道帶辣。而昆布湯帶有三文魚香，幾好飲。除了poke bowl，餐廳還有熱食蓋飯系列，強調即叫即做。點了雞肉親子丼，雞肉份量都多，肉質嫩滑。滑蛋很香，用來佐送白飯一流。話說這款丼飯是高蛋白低脂，同樣都是其中一個健康之選。奶昔真材實料，每一口都飲到草莓果粒，味蕾瞬間被草莓甜香攻佔。

要食健康又美味嘅食物，絕對推介旺角既「PokeToke✨」，餐廳主打低卡低脂特色風味蓋飯，可以自選配料或特色定制蓋飯，而且仲有不同款式小食及飲品🥤。首先必點佢哋既「夏威夷波奇蓋飯」🍚,飯底選用日本珍珠米,粒粒飽滿,而配料有吞拿魚、海帶、枝豆、紫洋蔥等等,好清爽開胃!另外仲有「和風牛肉配糖心蛋蓋飯」🍱,牛肉軟嫩多汁,蛋黃更是溏心軟滑,襯住飯底同特調醬汁,好好味。而小食點左「吉烈炸蝦」🍤,表層炸得酥脆,沾埋佢哋既沙律醬超好味!最後飲品要試下佢哋嘅「士多啤梨奶昔」☕️,奶味濃郁,仲有新鮮士多啤梨果肉粒粒入味,清爽可口!總之,「PokeToke✨」可謂一站式健康美味的餐飲選擇,飯餐小食各種選擇,絕對值得推介👍

有時想食得健康啲, 食Poké Bowl 係唔錯嘅選擇👍🏻！夏威夷蓋飯款式選擇多, 有啲係預先set好咗, 只需揀蓋飯底, 有冷麵、壽司飯、沙律菜、飯菜各一半供選擇, 亦可以DIY Poké Bowl！🥣夏威夷蓋飯我揀咗冷麵配虎蝦仁🦐、溏心蛋🥚、牛油果🥑、枝豆, 每款食材都好新鮮, 營養價值高, 牛油果熟度剛好, 健康美味又飽肚！醬汁可以另上, 因應返自己嘅preference 倒入適量嘅醬汁, 冷麵配日式胡麻醬好正！🥣咖哩吉列豬扒飯豬排炸至金黃香脆, 再配上日式咖哩🍛, 香口又美味！配埋杯士多啤梨奶昔🥤, 莓味都幾香🍓～

🍚加州風味碗 HK$ 98呢個真係非常非常多料，啱晒有選擇困難症或者咩都想試既大家！裡面主要有三文魚、青瓜、蛋絲、三文魚籽、車厘茄、紫菜絲、木魚絲、黑白芝麻，配日式胡麻醬。三文魚超大粒兼厚切，車厘茄新鮮爽口Bowl份量非常多，如果可以選擇少飯就好啦😅另外如果唔鍾意佢哋嘅組合亦可以選擇自選。🍚和風牛肉丼（配溏心蛋）HK$ 69
餐廳亦供應多款日式丼飯，唔食生嘅可以選熱食蓋飯。牛肉丼鋪上滿滿嘅牛肉，份量超多，洋蔥汁煮非常入味，用溏心蛋蛋黃拌牛肉飯一流。
🧊Oreo曲奇奶昔（+$40）🧊草莓奶昔（+$40）飲落味道唔算太甜，冰冰涼涼好晒夏天飲！

最近天氣真心好熱，醒起可以食夏威夷pokebowl就可以食得健康之餘又唔洗咁油膩。餐廳野食選擇都多，有pokebowl之餘仲有熱蓋飯，仲有D特色小食，不過基於唔想太熱氣就無叫D炸物Choose your own Poke Bowl個Base叫左壽司飯底，飯量都多，包一款主食同三款配菜之後另外再叫左D自己想食嘅主食。因為想健康少少，就叫左鰹魚汁。成個飯好多料望落好豐富，重點唔油膩夠健康。叫左三文魚，粒切都幾大粒，食落都鮮唔會有雪味。雖然成個pokebowl都唔係熱，但食落就覺得好舒服好飽肚。厚切鹽燒海苔牛舌温泉玉子丼 $98另外叫左牛舌飯，牛舌都幾多片，上面鋪左D紫菜片感覺和風D。牛舌雖然燒得唔錯，但食落就有D硬身，似乎係用左牛舌尖嘅關係。吉開隻溫泉蛋撈暈黎食，飯同牛舌都濕潤少少又唔太差。Oreo奶昔女朋友叫左杯oreo奶昔飲，我自己對奶昔一般般，飲左啖都幾夠oreo味，唔評論太多

年紀越大越注重健康尋日食左烤魚今日就食得健康d🥹而家周圍都開左好多間自選又得食set又得出開旺角見到有就食❤️大滿貫入面有三文魚，吞拿魚，中華沙律，雜錦香菇，牛油果，蛋絲，蟹籽，山葵蛋黃醬，紫菜絲，木魚絲，黑白芝麻可以揀沙律菜/壽司飯/雙拼我當然揀左沙律菜呢款營養價值高蛋白質含量高岩曬輕食既人士❤️加州風味入面有三文魚，青瓜，蛋絲，三文魚籽，車厘茄，日式胡麻醬，紫菜絲，木魚絲，黑白芝麻，蟹肉呢款我就配左壽司飯呢款味道酸酸甜甜好開胃食得太油膩想平衡下又唔想煮大家可以考慮下食😌💁‍♀️PokéToké (旺角)👣旺角廣華街3號百利達廣場地下1號舖

今次到旺角美食集中地的廣華街搵到間Poketoke，估唔到大雨天都坐滿人。食物方面除咗有夏威夷蓋飯之外仲有日式蓋飯，今次呢就點左辣味三文魚蓋飯，和風牛肉飯。一次過滿足冷熱食兩個願望，佢哋嘅奶昔都相當唔錯，位置亦相當便利。辣味波奇配料有辣味三文魚，虎蝦仁，泡菜，紫洋蔥，蟹柳，辛口蛋黃醬，芝麻，辣椒伴，紫菜。想飽肚的話可以點壽司飯及沙律。選擇多醬的話，撈完沙律再撈飯都夠。不得不說呢碗Poke真係夠辣！和風牛肉丼配溫泉玉子牛肉丼分別可以選擇溫泉玉子或溏心蛋，小編推薦口感嫩滑的玉子，蛋白好似啫喱咁，蛋黃重係流心嘅，拌牛肉飯一流！牛油果奶昔&士多啤梨奶昔中杯份量不多，所以一定要叫大杯！採用鮮果即製而成嘅奶昔，飲慣珍珠奶茶的朋友可能會覺得淡口，我就覺得微糖無負擔就岩岩好。