Poke Go (漆咸道南)

营业中

休息中

今日做完gym就熟門熟路？狗衝尖沙咀店啦💛做完重訓又行咗500卡我真係已經飢腸轆轆🤣到店已經兩點幾所以可以隨便坐😃今日就繼續走自選路線，揀咗三文魚/沙律/珍珠糙飯/溫室青瓜/紫洋蔥/蟹籽/溫泉蛋/鰹魚醬油/辣椒碎/脆蒜，飲蜂蜜綠茶🍵坐枱果然比較舒服😌飯都好快上，今次冇嗌紫菜碎個飯就更IGable🤣依然請店員汁另上（減肥人士嘅自覺），已經好小心撈勻都會有菜跌咗出黎因為真係太多料😂第一眼沒見到個溫泉蛋，原來完美隱藏係中心C位🙈冇嗌醬嗌咗醬油所以今日係走清爽路線，紫洋蔥辣椒碎同三文魚都好搭，食落有少少～辣味都幾唔錯，每一啖都食到夠新鮮嘅菜同三文魚粒，加埋軟硬適中嘅糙米飯，感覺真係健康到喊🥹蜂蜜綠茶都夠大杯，綠茶味中帶有少少蜂蜜嘅爽甜，唔錯飲😋三文魚/沙律/珍珠糙飯/溫室青瓜/紫洋蔥/蟹籽/溫泉蛋/鰹魚醬油/辣椒碎/脆蒜 7.5/9蜂蜜綠茶 7.0/9OVERALL 7.5/9可以讓我一週之內食兩次嘅地方真係屈指可數😋可能都係因為咁所以今次雖然只係第二次黎但老闆已經認得我😂買單時仲比多我一個印花tim🙈下次我要試下吞拿魚啦💛

地點有點偏遠 距離地鐵站行大概10分鐘下午時段很多人排隊 建議可以打電話book枱十分多選擇 食物新鮮Wasabi乳酪醬好好味好特別員工很友善不斷加水好滿足好大兜 三文魚好新鮮

同朋友食飯，佢食齋又想就番我地所以佢揀左呢間餐廳，因為呢度個飯全部既配料都可以自己揀。但應該因為呢間餐廳新開，去到門口有好多人排緊隊~ 我地Book左枱不過佢都係要等齊人先入得。但佢地好好呀，我地有3個人，人齊之後佢有張2人枱，佢俾我地入去坐住先，唔駛我地企喺出面熱，等隔離張2人枱食完就幫我地combine~佢有幾款飯係設定好，但係我地都各自揀自己既野，因為所有餸同醬汁都係揀自己鍾意既, 所以個飯好好食，不過因為佢碗飯好滿，一開始食係有少少困難，只可以食左面頭某部分或者食左其中一邊既野先有位撈哂啲野一齊食~ 我地另外叫左個炸蕃薯條同3杯野飲。個炸蕃薯條好好食，外面好脆，入面好腍，個Honey mustard source有啲稀身，應該係佢地自己較過~ 至於野飲我地叫左冷壓蘋果汁、紅火龍果汁同椰青水~ 店長好好，行過2次都溫馨提示我地上面既水果乾可以食~ 

今日做完gym就狗衝Poke Go尖沙咀分店，已經過咗午餐高峰時段所以入去就有位💛實不相瞞，雖然見就見過無數次但今日係我第一次親自食Poke Bowl🎊未開始減肥前覺得呢啲好似太健康？同我唔match🤣同埋因為腸胃差平時好驚食生嘢同凍嘢，但而家唔同咗啦！一個洗心革面？嘅我做完gym再食個健康餐完全perfect池🙌驚自己揀得唔啱搭配得奇怪會影響我對夏威夷碗嘅初印象就跟住 @girlsfoodies 食佢嘅不敗組合：三文魚+青瓜+雞蛋絲+蟹肉配沙律/珍珠糙飯，跟辛味蛋黃醬，不過我自己又加咗和式青蔥、脆蒜、紫菜絲，飲熱麥茶🙈已經係沙律/糙飯我就唔使再講少飯啦😂不過都有講要少醬，老闆（應該係啩）好nice咁話可以幫我醬另上💛好快個碗就黎啦！蛋黃醬亦都用一個超可愛嘅小杯裝住，個碗真係堆成個山咁😂小心翼翼淋醬撈勻開動，果然好！好！食！🤤所有料都好新鮮又足量，三文魚大大粒，雖然係辛味蛋黃醬但因為料多其實都唔會覺得有乜辣味，每一啖都有魚有蟹肉有青瓜沙律菜糙米飯⋯⋯每一啖都健康到流淚🥹果然呢個組合冇得輸啊🫶熱麥茶亦都好好飲！茶壺同杯都好靓好精巧，同埋個茶入邊有桂花！有桂花啊！作為桂花愛好者完全係意外驚

原本無諗住寫食評，所以冇影到環境既相第一次試,lunch time好彩book定位，full曬樓底好高，裝修偏raw同夏威夷feel，環境舒服等左半個鐘..出菜好慢終於等到，見到個飯食完係值得既，真係好好味，真心好鍾意。超足料，平時大食既我竟然食唔晒..我選擇左自選bowl ： 吞拿魚、蟹肉、芝麻海帶、麻醬豆腐、蟹籽、牛油果、木魚絲、紫菜配鰹魚醬油壽司飯拼沙律吞拿魚好大粒無筋，所有配料配鰹魚汁壽司飯真係好夾，可能樣樣都係自己鍾意食既野牛油果同豆腐配沙律都好夾。重點係食極都覺得碗野冇郁過，多料到好誇張美中不足係出菜實在太慢，所以食得好急。如果唔係會更加好。

公司附近開了間想試很久的夏威夷魚生飯，Poke Go本店在深水埗，現在在尖沙咀都可以吃到了！牆壁畫了大大幅吸睛的畫，是和KOL畫師合作的，想打卡但坐不到這個位😹Lunch hour 有set可以選，免除選擇困難症的煩惱，又包多杯飲品～我們選了：OHO $108配料相當豐富，有三文魚、壽司飯、溫室青瓜、雞蛋絲、皇帝蟹棒、果仁醬、芝麻。三文魚切得好厚都幾大粒，所有配料都好多好大份，個配搭都清新好味，唯一美中不足是覺得個醬太多了😹下次可能同店員溝通下～SHIYU AHI $108一樣超多配料，有吞拿魚、壽司飯、芝麻海帶、黃色青葱、紫洋蔥、鰹魚醬油、木魚絲、芝麻。海帶多到同事吃不完～整體味道都好吃！跟餐飲品選擇有4凍4熱，凍果汁有菠蘿汁選都幾吸引，我們選了熱柚子蜜，正正常常～沒有加一服務費，可能剛開業的關係lunch time都未算滿座，不過lunch來說價錢過$100是有點貴呢。Menu其實可以自選配搭不同的夏威夷飯，喜歡新鮮感的你一定要試下！另外小食menu看來都吸引，有機會會再來吃！

ono (4/5)好足料，食完都覺得好飽! 啲醬都夠多，但係個人就覺得壽司醋落得比較多，不過我個frd 就表示鐘意呢一點！三文魚冇話好新鮮，不過不失! 至於用嚟做擺盤嘅炸蓮藕片，就覺得有少少重油味🥹牛油果奶昔(3/5) 呢個係根據朋友俾嘅意見，佢覺得奶味偏重，同牛油果嘅味有少少唔balance，覺得自己整好味啲🙈呢度服務都幾好， 侍應都有keep住幫我哋斟水🙈💗但係環境方面，朋友同我都調咗位，因為聞到一陣煙味🥲

有得食素我會揀食素，所以Poke Go夠大碗又多餸醬汁好食，服務係幾好嘅，另外見到佢有街邊area寵物Friendly可以帶狗狗去食，都唔錯。飲品嗌茶都係茶包加乾水果果啲冇咩意見啦，呢方面嗌新鮮打嘅奶昔就抵飲啲啦。我覺得可以食到全素又大碗又靚又好食汁又有心思好過好多聲稱健康但完全冇煮過嘅餐廳。好值得讚係佢個菇底啲菇係真係有心煮同調味，有啲cafe餐廳真係覺得食素就要食冇味野，好難受。餐廳內嘅壁畫都好靚，見到好多人黎打卡朝勝。推介：自己拼左碗素嘅一大碗飽足$98蜜糖芥末醬調得好好炸番薯條好甜好香脆梅凍蕃茄個梅味好香