PLAYT 咖啡廳

营业中

休息中

入秋後，系時候要補一補啦？PLAYT首次同 位元堂 嘅自助晚餐！ 要靚就梗系要由內至外㗎喇．😍我咁貪靚，一定要嚟食啦！呢度工業風裝修，簡約舒適，地方寬敞, 仲可以一邊品嘗美食，一邊欣賞維園景色！除咗必食鮮甜生蠔、羊架、還有一貫各國美食之外，特別講下位元堂呢幾款菜式用左包括「正珍珠末」、「野生蟲草皇」和「寧夏杞子」！中西合璧幾有創意《野生蟲草皇系列》 🤎蟲草淮山杞子螺頭燉雞湯 足料，大大粒螺頭，甕內的湯水清透，加入咗蟲草皇，原盅燉制，真系原汁原味☺️🤎蟲草牛肝菌意大利燴飯竟然諗到將蟲草加入牛肝菌意大利燴飯，又香又好味！🤎野菌蟲草蒸餃黏韌的餃皮，蟲草菇菌餡料，ok好味🤎花寸菇扒鮑魚配蟲草我食左好多碟😬大大只厚厚嘅鮑魚《正珍珠末系列》食完都即刻覺得自己白咗又滑左呀😊🤍珍珠末海皇蒸蛋白 蛋白嫩滑，配上蝦肉和蟹肉,再鋪上三文魚子，好有層次感！🤍珍珠末椰子慕絲呢一道可以講話系令人驚艷的甜點，以珍珠末為主要材料，晶瑩剔透、閃閃發光，慕絲的質地細膩柔滑，真系視覺和味覺嘅享受！《寧夏杞子系列》補益肝腎、益精明目🧡杞子山藥炒玻璃蝦球 大大隻蝦球鮮嫩彈牙，搭配了杞子和營養價值豐富的山藥，幾好味

依間buffet係我食過最多款式嘅其中一間，海鮮方面有兩款即開生蠔（法國同愛爾蘭）🦪仲有龍蝦、雪蟹腳、青口、蝦🦞作為生蠔控，雖然每次只限取兩隻，但職員開得好快，加上我去個晚唔多人食生蠔，基本上可以行多幾轉拎多幾隻返去慢慢歎🤤冷盤方面有幾款芝士同各式嘅 cold cuts，包括煙三文魚、parma ham、意大利肉腸同salami腸等🧀🥓刺身同壽司方面選擇都唔少，有帶子、雕魚、三文魚、八爪魚、花之戀等🍣最令我震驚嘅係平時我食buffet好少食熱盤，但佢嘅熱盤好多款式。除左西式嘅羊架、燒牛肉同意粉外，仲有中式嘅點心、粉麵、燒味同鑊氣小炒、日式嘅和牛壽喜燒同天婦羅，仲有印度咖喱同小食🍛好多都令我忍唔住手，其中西班牙烤脆皮乳豬超好食，我食左四五件🙈中式燉湯好夠火喉，忍唔住飲左第二碗！另外仲有台式果茶無限添飲🍹甜品方面，淨係蛋糕等嘅小甜點都有十幾款選擇，仲未計多款自家製gelato、中西式糖水等，選擇多到令人眼花繚亂🧁🍨見到有茅台雪糕好特別，不過我冇勇氣試🤣鍾意食甜品嘅女仔一定會覺得好滿意！ 平日dinner buffet $758一位，食三個鐘，但網上訂位長期有折，仲要都折好多下，會抵好多😆

#銅鑼灣地膽 今次去柏寧酒店人氣餐廳PLAYT嘅「#PLAYTX位元堂主題自助餐 」，餐牌主打三大極具食療價值嘅野生蟲草皇、正珍珠末同寧夏杞子入饌; 邊食邊養生！ #正珍珠末 有： 💭 珍珠末海皇蒸蛋白：蛋白滑嫩，海鮮鮮甜，加埋珍珠末嘅絲滑口感，太鮮美！💭 珍珠末椰子慕絲：椰香味濃郁，慕絲質地滑順，加埋珍珠末嘅獨特口感，真係一道清新又美味嘅甜品！#野生蟲草皇 有：💭 蟲草淮山杞子螺頭燉雞湯：滋補又開胃！湯底濃郁，雞肉滑嫩，加埋蟲草同淮山嘅滋補功效，令人回味無窮！💭 野菌蟲草蒸餃：餃子皮薄透，內裡包滿新鮮野菌同蟲草，口感鮮甜多汁！💭 花寸菇扒鮑魚配蟲草：鮑魚鮮嫩多汁，花寸菇鮮甜爽脆，蟲草提味，味道層次分明；精緻又美味！💭 蟲草牛肝菌意大利燴飯：牛肝菌香濃，口感細膩，絕對係意大利菜同中藥嘅完美結合！💭 杞子山藥炒玻璃蝦球：杞子同山藥增添香氣同口感，玻璃蝦球鮮甜彈牙，大愛！💭 紅棗圓肉杞子燉桃膠糖水：最後食返個暖笠笠嘅糖水，紅棗圓肉清甜可口、加埋口感滑順嘅杞子同桃膠，秋天食啱哂！大滿足嘅一個養生自助餐！PLAYT地址📍：銅鑼灣告士打道310號柏寧酒店1樓

第一次食柏寧buffet,其實都唔係幾遠，起銅鑼灣E出口行大約5分鐘左右就到，都幾方便易搵，中午就開始入座食了，食到大約2點左右。海鮮區其實基本既野都有，係少左生蠔食，宜樣扣左少少分之外，都正正常常😂前面有好多醬汁可以攞。煙肉ok，多芝士種類食。咖哩種類豐富，牛肉咖哩整得好出色。中式區,佢既叉燒燒得好入味半肥瘦，佢側邊有蒸籠，燒賣同蝦餃好多料。粉麵區既白胡椒雞湯底，一試愛上，少少辣辣地甘，配米粉就最正。雪糕區，最令我估唔到就係有茅台味，宜個真係一大特色，佢既芝士藍莓味好好食，紅桑莓酸酸地，但好好食。整體黎講，其實buffet有既野都有，佢既白酒🍸好好飲，可以一試，宜派做緊魚子醬主題，鐘意食魚子醬既可以試試。

週末在銅鑼灣激安購物之後，於柏寧酒店咖啡廳Playt食自助午餐。經過兩度玻璃門走進餐廳，自助餐取餐區差不多一望而盡。頭盤包括沙律、凍海鮮、煙鴨胸以及今次自助餐作為招徠的魚子醬等。西式主食大概有不同肉扒、肉腸、薄餅、麵包、炸麥樂雞和薯條等。中式就有些蒸點、酸菜魚、照燒汁炒牛柳粒、XO醬炒雜菜、鹹魚雞粒炒飯等。中西湯各一款，當然還有未數到的甜品和生果守尾圍。最突出的應是任飲的汽酒及果醋綠荼、檸檬梳打以及橙汁，由開飲到終結，正所謂食唔飽都飲到飽！芸芸選擇之中，沒有那一樣印象深刻特別好食的，反之不快的記憶體庫存甚多。凱撒沙律的沙律汁烯到是流質的，芝麻菜更是只苦不香！魚生中的八爪魚靭似橡筋。標示牌寫著有不同肉扒檔，當小人排到時就只有兩塊羊扒跟兩條排骨，完全不見有補充的迹象！但話說回來，羊扒稍為不錯，沒膻味，肉質鬆化。可是薄餅又絕對是另一件事：餅底又腍又糊，欠芝士香，評價即時跌回谷底！凍海鮮之間龍蝦戰勝蟹腳，起碼食到鮮美！點心所有的皮都是互相黏附著的，別要妄想能夠清脆俐落地夾起一粒來食！數得出的中式菜餚都不甚了了，最有印象的就是那超級乾硬化的炒飯，感覺跟食著脫水食物無異！而兩款湯品不論中湯或是西湯

星期日嚟到柏寧酒店嘅PLAYT食weekend brunch,呢個weekend brunch主打係無限添飲sparking wine.任食魚子醬同三文魚籽🍽️食物款式有好多選擇,包括有龍蝦🦞蟹腳🦀羊架🥩點心同自家製雪糕🍨等等.每款食物質素都唔錯,最驚喜嘅係羊架同茅台雪糕😍羊架肉質鮮嫩,醃料好惹味.茅台雪糕酒味幾濃🤤

香港柏寧酒店Playt一直都有自助餐優惠，今次見有榴槤甜品專區，於是決心一試其自助午餐。介紹說明有麵包蟹、急凍海鮮，朋友更是為麵包蟹而來，所以一入場就朝麵包蟹方向進發。期望是一隻隻的麵包蟹被碎碎地安排在一個小盤子上。雖然肉質還是實淨的，但雪藏味濃，之後也沒有再回取了。另一招牌是籠仔荷葉蒸原隻鮑魚配時令海鮮，賣相精緻，不過數量非常有限，親自去蒸部不下五次，最後在差不多完結時，朋友才搶到一籠，味道還可以，不過數量過分珍貴。本人很喜歡泰式生蝦刺身，味道正常發揮，本人回吃幾次。驚喜是有芒果糯米飯，芒果不多，不過糯米飯入味。其他精選魚生也算是新鮮。之後留肚食甜品，先試自家製意式雪糕，選了茅台及榴槤味。雪糕非常出色，茅台味雪糕真的好像喝下茅台一樣，不過自己不太喜歡飲茅台，所以吃了幾口就和朋友分享，可能非常適合平常不吃雪糕的長輩。榴槤味雪糕味道也不錯，但榴槤味製品還是要有榴槤質感最好。全場最不容錯過的是榴槤味葡式蛋撻，這是我在所有食物中最推介的，榴槤味甘甜，配合蛋撻熱辣辣的，非常惹味。整體而言，以大概折後港幣360來說，算是不過不失。款式在自助午餐來說算多，也有我喜歡的刺身和甜品，雖然麵包蟹和籠仔海

因為慶祝，朋友介紹去附近呢間餐廳食自助餐，話午餐如果用會員$300再加一炸好抵本身以為呢個價錢喺銅鑼灣食到質素唔會好，點知入到去都好多嘢食，而且食物性價比都真係好高，無論刺身海鮮熟食都好味！只係嫌佢啲熟嘅菜多油同埋有一個問題就係，佢啲嘢食好似1:30之後就唔會refill 😮‍💨😮‍💨搞到想飲多碗湯都唔得螺肉最好味！燒味都冇乜機會試，因為一去就得返啲下欄位冇咩肉，食到夠唔靚嘅叉燒好瘦蟹鉗都係好似平時咁麻麻哋好食

因為有某D卡既推廣,一行5人黎左食下午茶自助餐。 座位好舒服,有好多sofa位。 食物--下午茶嚟講咁既價錢算係咁, 為起 $210/人, 4大一小, 有魚生。 魚生5款,當中有三文魚；壽司算多款式亦有冷麵。 熟：粉麵-白胡椒湯底好正亦有清湯,點心4款左右-有魚肉燒賣（最多人食）,碗仔翅,粥,咖喱,炸物,PIZZA-有款叫麥炸雞好好食,亦有即炸天婦羅,咕嚕肉,鳳爪等。 甜品：甜品最出色,自家雪糕3款,可惜下午茶無榴槤味；軟雪糕機兩款味乳酪同柯華田（無試）,蛋糕連鬆餅奶凍應該有成10款,朱古力噴泉,柯華田心太軟勁正。 無乜影相, 因為人流都多,坐到滿晒, 大致都同呢度放相既人差不多。沙律同出面差不多。 飲品：本身包一杯咖啡或茶, 而出面亦有任飲果汁豆漿。 咁數數下其實都多款，值試一次, 因為其中一個朋友食完都話下次想再黎。 衞生：很好,見到剩下甜品都會倒（有點浪費但無辦法）,唔會留晚上buffet。時間：3:00已經勁多人排但安排得勁好,先tick名比號碼紙再行去排隊而且有人用手機不停去條龍度問你資料,3:15準備有人帶枱, 5:00會通知5:15完,食物會收但眼見仲有人坐都唔會傕你走。

呢間buffet 不論中西日印的菜式也多不勝數，如果想要食什麼基本上都能食到。🦞龍蝦特別鮮美多肉；羊架🐑及牛排🥩特別嫰口多汁；燉湯特別濃郁好飲；點心特別新鮮入味；飲品零舍多選擇，由鮮榨橙汁🍊到sparkling wine 都有；甜品林林總總，雪糕🍦味道花樣百出。如果成為會員，生日會有一個蛋糕🍰送。這個蛋糕的品質十分令人滿意。牛奶忌廉是香滑的，蛋糕有很香的蛋味，雜果與蛋糕味道極度合襯，這是一個高質素既雜果蛋糕。

父親節去咗食自助餐，上網訂仲有八折，自助餐嚟講價錢都算合理啦，我哋食早輪五點至七點十五分。嘢食種類都豐富，味道好味，要讚一讚先，呢度啲侍應碗碟嘅密度都算好高。唔使我哋叫，先換碟。海鮮種類豐富，有生蠔、龍蝦、長腳蟹、蝦、青口…… 生蠔係法國嘅，雖然唔係好大隻，但新鮮，即場開。熟食有燒烤，羊架、牛扒，牛扒幾好食，冇筋。熱食，蒸魚、燒味、炒菜、伊麵……冬菇鮑魚，鵝掌呢個都好食，煮得好入味。冷盤，沙律、芝士、生蝦……凱撒沙律，好味，我鍾意啲醬汁。魚生類，三文魚、帶子、油甘魚，正正常常不過不失。燉湯，冇味精，好飲。甜品類，拿破崙夠鬆脆。有朱古力噴泉。雪糕有Movenpick。

就到父親節緊係要同小朋友爸爸食餐勁啦😋😋Playt父親節主題嘅爸BQ燒烤美食盛宴超正自助餐，海鮮鮮甜多汁，肉類外脆內嫩，菜式選擇豐富且每一啖都份外驚喜，滋味滿分💯💯必食限定菜式：蒜香牛油燒生蠔、烤黑安格斯牛肋排、香脆西班牙烤乳豬、泰式辣椒烤大頭蝦、印度風味烤珍寶紅鯛魚、自家製威士忌意式雪糕、滋補燉湯、花菇鵝掌扣鮑魚海鮮、魚生：🦞🦀🐙🦐長腳蟹、龍蝦、海鮮、生蠓10分之鮮味，食到成手都係汁😋😋 勁多魚生及壽司選擇🍣🍙🍘🍱熱食 ：螞蟻上樹、避風塘炸生蠔、黑椒牛柳粒、蝦醬蒜片炒花枝蝦球、畺汁芥蘭、燒味、點心...等等🎂🍨🍦🍮🍧🧁🥧🍫甜品：朱古力噴泉、雪糕、蛋糕、糖水、水果多到數唔哂呀🥰🥰飲品：出邊有兩款好特別嘅🍊🍏水果茶，可以自己加珍珠加配料好好飲架🍹🍹🍸🍸柏寧酒店 PLAYT：銅鑼灣告士打道310號1樓

好耐無去Park Lane食tea，今日湊巧約朋友再去試下。食物選擇眾多，有不同類型嘅款式同埋風味，可以算得上應有總有，琳瑯滿目。熱食方面:港式有魚蛋豬皮蘿蔔、豬腳、豬大腸、沙薑鳳爪、炸雲吞、煎釀三寶、自選粉麵....東南亞有章魚小丸子、鱈魚丸、炸忌廉蟹肉、炸雞、薯條、豬頸肉、雞翼、咖哩牛腩、 春卷、咖哩素菜角.....日式有刺身(三文魚鯛魚八爪魚)、壽司......冷盤方面有凍蝦凍蜆同埋青口， salad bar有紅菜頭、羽衣甘藍....甜品方面都好多選擇，蛋糕、pancake、 macaron、雪糕、生果.......tea buffet包一杯餐飲, order 左 cappuccino.總結: 食物質素不過不失、食物選擇種類好多。切合到唔同人的需要， 環境都唔錯，枱與枱之間距離寬敞，兩小時，可以舒舒服服咁食下野傾下計👍備註: 網上訂座有7折優惠

我係一個好鍾意食自助餐嘅人，因為好享受一次性有多種食物選擇😆可以同朋友慢慢食慢慢傾，如果要揀水準以上嘅自助餐，我推介香港柏寧酒店PLAYT😎襯住聖誕逐漸濃厚，就嚟試吓佢哋嘅自助晚餐，場內有多款自款區：包括沙律、芝士、海鮮、刺身壽司、燒烤、咖哩、粉麵、燒味、點心、粉麵、甜品，另外亦有鴨肝提供，雖然係限量同要排隊拎嘅，但係推薦大家一定要試，食落一啲都唔肥膩，好香好惹味～ 特別推介焗蟹蓋，用匙畢起見到入面好多料，食落好creamy！仲有牛肉羊肉都好好味， 雖然本人無咩點食，但係我同行朋友拎咗N轉，佢話超好食，火候控制得好好咁話🙈 海鮮選擇都唔少，處理得好乾淨， 鍾意龍蝦，肉質鮮甜又好多膏，每人食咗半邊已經好滿足，即開嘅生蠔亦超鮮嫩， 滑入口中冇得頂～甜品亦非常精緻，款式多到眼花繚亂，最特別一定係佢哋自家雪糕嘅味道， 除咗有朱古力味、士多啤梨味、伯爵茶味等等，仲有中國酒味嘅雪糕！當日就試咗茅台味雪糕，入口好有驚喜，奶味之中滲透出陣陣酒味✨值得一讚係由廚師到服務員態度都好好，每一個崗位嘅職員都恰到其分✔️ 同埋食物款式太多了，PO都PO唔曬，下次會再嚟食，喺銅鑼灣夠方便🙈 

有日呀娘無啦啦話想食buffet😳自助餐喎🌝真係又愛又恨開心既係可以食到好多唔同野但我一定忍唔住食到200%飽怕肥又怕熱氣😮‍💨女人🤦🏻‍♀️聽聞柏寧 #playt 唔錯 係網上平台見到又做緊promo Ok食囉～環境：環境好大 拎野食既area都好分明闊落 職員安排左我地坐窗口旁邊✌🏻而且開放式廚房 睇到即煮即上枱 pizza都係即焗 我鍾意呢種透明度❤️‍🔥服務：職員幾多又友善 做野爽手收碟快 不過負責比野食既職員就差啲 無咩禮貌無咩交流😅大家都好似唔想開口講野haha質素：大眾化既冷盤選擇都多 想快啲番本揀龍蝦就岩 有膏肉質彈牙但無咩鮮味 壽司刺身都正常水準 熱盤唔算特別多 不過印式日式中式港式也不乏 最好味係我飽到賴屎先發現到既壽喜燒🥹鹹蛋黃軟殼蟹我都encore左幾次🫠甜品最令我失望啦 真係好少款 無一個值得食第二次 全部試過就算 勝在夠迷你 又唔會好甜囉