Pizza Maru (荃新天地)

营业中

休息中

一直都想試呢間韓國過江龍~今日終於有機會去食喇🥰入到去開始接待同點餐都係要用英文😂然後我哋叫左份烤肉芝加哥同蜂蜜炸雞~其實味道都ok~Pizza啲芝士多到爆出來~係幾有誠意😂烤雞（6件）就略為dry左啲🤣但都ok另外叫左個荔枝酒，清甜的荔灣加少少酒味，易入口~送雞一流👍🏼可以再試🥰🥰溫馨提示：呢度2個女仔都食唔晒🤣pizza芝士好多勁大份

◦•●◉✿✿◉●•◦ 每次經過Pizza Maru都大排長龍 今次終於試到喇🤤 ⁡嚟得Pizza Maru當然要叫Pizza啦！👵🏻同朋友都鐘意食芝士 所以叫咗呢個太陽蕃茄芝加哥Pizza～ 一拎片Pizza嘅芝士絲係比想像中更加多😂 要用Pizza刀切斷先得 Pizza用咗double mozzarella cheese 🧀 ，呢隻芝士唔算好濃味，但咬到有少少攰Pizza邊有少少厚，蕃茄味唔算好濃⁡蜂蜜牛油秘製炸雞🐝 甜辣秘製炸雞🍗炸雞叫咗一款咸一款甜～ 比較鐘意食咸嘅炸雞 不過d醬唔夠多🥲⁡漁夫蕃茄燴海鮮配脆包🍅 麵包沾咗d sauce好好味，應該用左少少cream+蕃茄味，好開胃不過青口&魷魚份量唔算多😆🦑好似食完塊包就食完碟野咁嘅感覺😂⁡Overall叫左3個items都好味嘅，價錢偏高如果要排個幾鐘先食到就未必會再諗諗嚕😆 ⁡😋: 𝟟/𝟙𝟘

朋友是”韓式粉絲” ，即是所有韓國旅遊、美食、韓劇等，通通鐘情，叫佢做”韓粉” 應該冇錯⋯⋯是原這店在荃新天地已有一些日子，但每每經過都大排長龍，以筆者一向冇耐性，這些情形可免則免⋯⋯但朋友今天即興，想醫治思郷之苦。而筆者從疫情起，由一個不看韓劇嘅人也改變了，看得韓劇多也被感染，決定捨命陪君子。嚟到㩒飛仔，朋友攞完飛仔之後，就話行吓街先，開個app 等app通知⋯⋯足足等了半個鐘，對於冇耐性嘅人來說，行吓街轉移視線，依半個鐘又唔覺等得耐。店員安排位置，環顧四周，年青人居多，三五知己，炸雞、拉芝士 Pizza 相當熱鬧⋯⋯牆上大大個電視螢幕，播放男團，”韓粉”看得相當興奮。筆者入座時，還有數分鐘就過八點，一看到餐牌，立即點了生啤兩杯，足足慳返幾十蚊，大家笑作一團⋯⋯Gentlemen  Lager  /Madam Cherry Wheat Ale $59/$56~依兩杯Gentleman 和 Madam啤酒，八點後分別係$87/$82, “韓粉” 大讚店員有效率，為我們趕得切”尾班車” 筆者喝Gentlemen ，麥味香夾滑，唯一美中不足係端上枱時唔夠凍。蜜糖柚子花園$93~清新嘅柚子醬

本身訂左間中菜八點半 但行街嘅時候經過呢間野見到好多人排隊 好似幾好食 同埋原本嗰間野訂到八半又太晏太耐所以就攞左飛食pizza maru 攞完飛都等左成20~30分鐘先有位入到去叫左個首爾醬油咖哩粉炸雞 帶子泡菜卡邦尼意粉同埋青口 三樣野都好好食 炸雞個咖哩粉好香同埋唔辣嘅 青口同意粉味道都好好 呢間係會想返轉頭再食嘅餐廳 推介👍 晚餐人均$200~300味道❤️❤️❤️❤️❤️價錢❤️❤️服務❤️❤️❤️環境❤️❤️❤️

Pizza Maru-太陽蕃茄芝加哥 $183調味番茄醬偏咸但有糖分係面🤔整體個味道偏甜 芝士拉絲效果超勁如圖可見🤤睇到都食慾大增 但係啲芝士味唔濃 感覺係單純得mozzarella cheese 係食口感 冇芝士咸香味🥲有d小失望 一上枱即叫即焗脆卜卜加埋芝士煙煙韌韌嘅口感好好食 但係放涼左食其他嘢再回頭食個口感對比冇咁大就會覺得一般 最好一定要趁熱食 而且多人食一人一舊就啱 打卡呃一流但係唔會覆桌嘅選擇🙈-蜜糖柚子花園 $93沙律菜新鮮但係同lunch set嘅沙律係一樣 所以如果叫set就唔需要特別嗌 面佈滿超多芝士但係食落都係冇芝味嘅🥲-香烤鴨胸番茄乾意大利飯 套餐$108包沙律跟lunch set嘅鴨胸份量極少得四片仲要勁薄 risotto調味一般 每粒飯粒都唔係太分明 而且口感係好硬好鞋唔順滑🥵飯桶如我都冇一個追住想食嘅念頭-整體餐廳性價比唔高 份量唔多 評價有一般 食一次呃like就好 唔會係回頭最想食嘅選擇

I just had a bad experience for the take away service. I placed the order with 2 large pizzas at 6:06, the staff told me to leave the message and will call me when it is ready. I came over around 6:45 to see if it is ready, when I saw there are 2 boxes, I guess the order is mine. Then I asked the staff if my order is ready, but she asked if I had received the call. I said no, she just asked me to wait for the call but didn’t check if those boxes are belong to mine. Finally, I waited for 10 mins

周六是小朋友輕鬆的日子，八歲女孩又約我去看電影和吃pizza。下早2時多Pizza Maru 仍然要等位。今日除咗吃指定的pizza和意粉之外，還叫了小食和韓式年糕。Maru 紫蘇炸魷魚圈 薄薄的紫蘇葉炸漿下是鮮嫩的魷魚圈，嫩口好味，旁邊爽脆的椰菜沙律更是點晴。韓式海鮮炒年糕 可以選卡邦尼醬或韓式辣醬，我哋當然選擇韓式辣醬，咁至正宗。年糕食材包括韓國年糕、韓國粉絲、蘑菇、洋蔥、煙肉、椰菜、青口、鮮蝦和魷魚等，惹味但真係有點辣。太陽蕃茄芝加哥薄餅 材料簡單，滿滿的芝士，芝士條，辣肉腸，蕃茄和番茄醬等，薄餅本身的質感軟糯有香味，吃極都想再吃。帶子泡菜卡邦尼意粉 比一般的卡邦尼意粉多了一個層次，帶少少辣，帶子亦鮮美。

堂食真係第一次，因為次次經過都好多人排隊。襯平日，岩岩到晚飯時間，見唔洗等位所以就第一時間衝入去啦。枱雖然多，但位置唔係太寬敞。首先黎左個韓式辣醬魷魚意大利飯，本身唔係太食得辣，所以問左店員會唔會好辣，店員話唔係太辣。結果出嚟真係okay wo, 入口有少少辣，但唔口渴唔會食到滿頭大汗，可以感受到辣既感覺但唔會辛苦。之後就到Pizza, 叫左個9吋芝加哥pizza, 薯角炭燒雞配蜜糖杏仁邊，呢個超好食呀，芝士味道岩岩好，同食pizza 既時間有食緊甜品既感覺。

次次經過呢間餐廳都見到超多人排隊，本身荃灣咁多好嘢食嘅地方，多數都係冇人排隊，點解呢間餐廳有咁大嘅吸引力呢，今日早咗放工，見到門口比較少人，終於有機會去排隊試吓啦。呢度嘅Menu圖文並茂，睇得好舒服同清晰，而且呢度嘅裝修又靚又闊落，啱晒一班朋友聚會或者拍拖嚟食。首先我就叫咗個藍青口，一上枱真係有啲驚訝，因為估唔到佢嘅份量咁多，而且價錢又唔貴。佢嘅青口又大隻又新鮮，食落唔會乾，親埋佢個汁真係非常入味。而且我不停係咁食，但係都仲見到剩返唔少，就知道佢真係好足料啦。雖然我唔鍾意食pizza，但係聽講呢度嘅Pizza 10分高質，而且朋友鍾意，咁就叫咗個芒果pizza黎試吓啦。估唔到呢個Pizza又幾啱我胃口喎，因為佢面頭有啲芒果，令到我食落唔會覺得好似平時嘅Pizza咁嚟，而且仲非常開胃，越食越想食添。最後我哋就叫咗個八爪魚蕃茄意粉，同佢其他嘅菜式一樣，都係好足料好多八爪魚，而且佢嘅蕃茄意粉整得好香，唔止係得茄汁嘅味，仲非常多蕃茄蓉，又係一道非常開胃嘅菜式。呢間餐廳又抵食又好味，而且價錢又唔貴，唔怪得次次都咁多人排隊啦。希望下次有機會見到佢比較小人，又可以嚟再食過啦。

小編想試好耐既Pizza Maru，終於食到啦，由佢係荃灣開左之後，次次週末去到都要拎籌排好耐，所以一直都無食到🤔◾薯角炭燒雞肉芝加哥 $189◾蜂蜜牛油秘製炸雞 $118◾Mary秘製青口鍋 $158◾甜辣秘製炸雞 $118◾泡菜海灣芝加哥 $189好好好味呀🙈我諗係我暫時食過最特別的Pizza，Pizza邊邊有杏仁片，配上中間滿滿的配料，芝士味濃，以上照片係小編去左食兩次，真係超級好味。▫️食物：4 / 5▫️抵食：3.5 / 5▫️環境：4 / 5📍地址：荃灣楊屋道1號荃新天地1期UG樓28及30號舖

今日停一停，唔寫懷舊系列住，因為今日8嘅風球，唔係你想舊就有得舊，有得食已經執到意外發現，人龍熱店竟然有開，平時又要齊人，又要早到先有得食，見到有位唔洗等，即入啦其實我唔明點解8號風球仲有人返工，咁危險，香港人真係好鍾意返工必食嘅一定係牛骨汁炸雞，依然好好食，外脆內嫩又juicy，汁醬同調味都好啱我口味Pizza今次試左個未食過嘅蟹肉pizza，我都金精火眼望清楚個menu，係蟹柳定係蟹肉，confirm係蟹肉先嗌，佢幅圖啲配料鋪滿成個pizza面，我仲加錢轉埋金芝邊。但係上枱一睇，啲料只係得中心部分有料，外圍只得芝士，如果係因為轉金芝邊而減少配料，咁我真係捉蟲。最慘係啲蟹肉冇乜味，啲木魚碎又好難咬，個配搭好似有啲問題。講番條邊，金芝邊啲芝士真係超多，冇食飯，食3塊pizza係極限，鍾意芝士嘅人應該好滿足，我就怕怕。

每次經過荃灣都好想試嘅韓式餐廳眼見每次都要等成百幾張枱 今次決左假日晏晝食 人流冇想像中多 但都滿座🍗蜂蜜牛油秘製炸雞 HKD118/6件一上枱就聞到蜂蜜牛油薯片陣味😂雞件嘅大細 同以前係韓國食一樣 都係採用偏細嘅雞炸雞外皮夠香脆 美中不足嘅係肉質有少少鞋🤏🏻 🍕泡菜海灣芝加哥 HKD189芝加哥薄餅批邊上有蜜糖同杏仁片中間有厚厚嘅芝心邊 可以拉到絲㗎😋Pizza 嘅質感偏軟 醬汁偏甜 但係配料同海鮮都好豐富 算係幾特別嘅口味🍺Mistress Yura Sour Ale HKD87有炸雞又點可以冇啤酒呢😁日光日白都唔好意思問吓店員有啤酒供應未😂係有熱情果同血橙嘅啤酒味道偏酸 幾易入口 相對比較適合女仔飲💬 香港都有唔少韓國過江龍嘅餐廳 而呢間嘅食物質素都算中上 炸雞同薄餅嘅款式都比較多 係一個適合朋友聚會嘅好地方 💬建議想食嘅話早啲用apps拎定飛啦🚩Pizza Maru 荃灣楊屋道1號荃新天地1期UG樓28及30號舖

因工作關係要去荃灣食晚飯，朋友話成日想試呢一間不過試黎試去都試唔到，因為實在太多人排隊，見我可以食6pm就決定食呢一間。諗住打電話去訂位不過原來只限Walk-in，佢決定5:45pm去等位，終於成功試到。兩個人叫咗兩樣野，分別係蜂蜜牛油秘製炸雞同埋太陽番茄芝加哥Pizza，兩樣都好食。蜂蜜牛油秘製炸雞係乾身嘅，無乜蜂蜜味，不過都好食。太陽番茄芝加哥Pizza係芝心批，超多芝士勁拉絲，個芝加哥Pizza餅底好好食，好似食麵包咁樣，如果鍾意食芝士嘅朋友一定要試下。整體感覺唔錯，唯獨係排隊排得太誇張，如果排少少都值得等一陣嘅。

新派韓式pizza店體驗平時去開西餐廳食pizza就多，喺荃新天地入面有間新派韓式主題既餐廳，每次見過都會排好長嘅人龍，建議想試嘅人一定要訂位！今日好彩大概放工時間好快有兩人位。呢度嘅菜單原來西式類比較多，但好多都結合左韓式嘅元素，未叫野食之前揀咗都一陣🙈 啤酒選擇方面居然有唔同類別既手工啤，唔係講笑，呢度真係有 Happy Hour嘅價錢，平均一杯$5x幾蚊，平過平時出邊，呢個驚喜對於ipa lover既我係加晒分，仲有其他cocktail既選擇，鍾意飲酒又想嘆美食嘅朋友唔可以錯過！1. 炸軟殼蟹先叫左一d小食，本身想試網友推介嘅韓番蟹肉芝士波，居然賣哂🙈 軟殼蟹同平時出邊食嘅差唔多，但係呢度嘅炸醬比較薄，蟹身亦都好大隻，送酒一流。2.帶子泡菜卡邦尼呢道卡邦尼係成餐嘅精髓，好耐冇食過咁好食嘅卡邦尼！雖然佢唔會做到好似正宗既手工意粉咁硬身，但呢度坐係最出色嘅係十分掛汁，依家加上泡菜既元素令到呢個意粉層次提升，呢個配搭可以減少本身卡幫你嘅油膩感，好有驚喜，必點！3. 蜂蜜牛油秘製炸雞期待已久，因為已經冇食過韓式炸雞，呢度有一個特別嘅口味係蜂蜜牛油，送啤酒係一流，炸雞一共有六件，每一隻都好

每次經過都見到好多人排隊😳終於有機會約埋朋友去食了～人氣果然名不虛傳，提早攞左飛都要等好耐先有位🤪-🎈薯角炭燒雞肉芝加哥(蜜糖杏仁邊) $189推薦🧡黎到呢度一定要試芝加哥pizza!!! 因為我本身唔算好鍾意食🍕(但真心今次係比佢既芝心批同拉芝而吸引到好想黎試的)～芝士完全係重點，無論係中間定批邊個位都勁多🧀，幸福感爆燈😍🌟而佢係麵團係屬於個款厚得黎又軟心既批，所以食落好有咬口～批邊用上蜜糖杏仁邊比較特別，食落甜甜地咁🙆🏻‍♀️餡料同味道方面未算好有驚喜，主要係佢既巨量芝士吸引住我🤩，芝士控絕對不要錯過喔～ (雖然今次叫既pizza拉芝係好壯觀，但唔知點解出黎既效果都唔係一片瀑布芝士咁)🤔-🎈蜂蜜牛油秘製炸雞+甜辣秘製炸雞 $223兩款炸雞自己都好喜歡😚🍗仲要全部都係新鮮熱辣咁炸起～蜂蜜牛油個款會偏重牛油味多啲啲，整體調味唔錯。而甜辣個款既醬汁香甜惹味，十分開胃🤤不過佢呢度既炸雞全部都係有骨既，同平時出邊食開既就有啲分別了🙈-🎈Mango Passion Iced Tea $48冰茶好fresh，同炸雞🍕都幾夾不過就略甜了一點-🔸Pizza Maru📍荃灣楊屋道1號荃新天地1期UG樓2