Pizza-Box

其實都食過兩三次(都係自取)有一次係上網買(都OK快)今次就電話order,點知由7點到10點都未到講返食物先,其實都算OK.未至於太難食,所以先會再食多次但經今次等咁鬼耐,打左幾次電話,話出左車都未黎無諗過再食…查看更多

話說呢度開左成年，依然都仲有外賣自取半價。所以有時唔煮飯，買返上去食真係唔錯既選擇。而且呢日既人都唔算多，等半個鐘就差唔多啦。香辣烤雞pizza呢個加左芝士軟心批，個軟心既味道真係唔錯。芝士味好重，真係好正。而且我覺得呢個pizza既配料好正，個味道辣辣地，好得意。小食拼盤呢個就無得半價啦，不過就貪佢好多野食。豬肉腸就無乜特別，唔使特別講。而薯波又幾脆口，不過就細粒左。而個雞翼都唔差，幾好食。個豬仔骨好正，個汁有小小辣，幾開胃架。最小肉唔會燒到乾哂，真係好食架。炸雞36蚊4件，都算幾大件。而且皮脆肉嫩，真係抵食。呢餐都係二百幾蚊到，真係好抵食。實有下次既。…查看更多

有日經過...決定買個pizza番屋企同媽咪食...我地食個個係"千島多香雞芝士軟心批"如果自取係半價呀...所以咁大個批都只係$74.5,同埋就係呢個pizza係新出...所以買呢個pizza,就會送雪碧綠茶味汽水2罐!!!!hahahaha...抵到爛呀!!!後尾有個朋友來左,一齊食,都食唔哂...好飽呀!!!而且個批熱辣辣,d料都好好味~…查看更多

是日試吃來到了pizza box, 呢間以半價自取pizza作招徠的pizza店一直都吸引不少人幫襯,門口經常有多人等候。從落單到出餐的時間都大約用左四個字,不算太耐。今日order了"千島多香雞芝心軟心批,香脆雞,薯波,玉米湯,兩鑵汽水"千島多香雞芝心軟心批 : 因此批為全新推出,未有普通批供應,只能選擇大批,但因應外賣自取優惠,大批的價錢平一半的確抵。此批主要配料有"洋蔥,粟米,烤雞肉,蘑菇"另配上千島醬, 洋蔥味道一般,沒有洋蔥應有的甜味，卻吃出了酸味。烤雞肉的確不錯，肉質尚嫩，仍吃得出有烤汁的甜味。此批味道分怖略嫌不夠平均，起初的一塊吃落口十分清淡，但去到第2塊時,味道又返返晒黎。芝士方面香味都有但未至於濃厚,吃下口時芝士夠軟。整體黎講,pizza的味道對比起另一家pizza快餐店未算突出,但勝左夠抵,的確係一不錯的平價pizza的選擇。香脆雞: 皮當然係夠脆,肉質與平時吃開的炸雞無咩分別,起碼唔會話太"老"。薯波 : 因為外賣自取關係,不身pizza店唔會俾太多的隔熱物料你,所以如果住得遍入,d食物ge溫度已經趺左唔少,薯波並不脆口,內裡的味道麻麻,只是一路將d澱粉質送落口。…查看更多

呢日無人煮飯，就嗌外賣啦，不過要自取既。今次醒啦，預早打個電話叫，咁就唔使等太耐。結果，一去到就有得拎啦。炸雞無薄餅店既咁好食，不過好多汁既。而且雞肉又唔鞋，算係咁啦。香辣烤雞芝心批比pizza hut既多芝士，批邊有好多好多滿流流既芝士。而且配料都幾多，好均勻。真係半價都唔會太求其架。卡邦尼類肉意粉好重芝士味既意粉，而且當中既配料算幾多，都食得過既。有下次既，因為個半價既的優惠長做長有。外賣自取都抵啦。…查看更多

呢一晚無野好食，就黎呢度叫外賣。個店小二話要等半粒鐘，點知成粒鐘先有野食。等真係等得好耐，好無奈。香辣雞pizza係一個幾好食既pizza，個雙層芝士夾心批只係得個脆字。但得意既係，個批係可以分到好細好細件架。配料都幾多，呢個批真係抵食。卡邦拿煙肉意粉呢個意粉既芝士味好重，配料都算幾多。意粉算幾彈牙，食落都唔錯架。炸雞呢個都唔差既，啖啖肉得黎又算幾多汁。唔錯唔錯。呢餐食左咁多野都係128，不過代價就係要等好耐。睇下你點取捨啦。…查看更多

呢間野都半價左半年到，今晚又想食啦。就要個大批pizza、吞拿魚意粉、同薯波。而家都幾好，都係等五個字到，之前要等八個字都未整哂野食架。香辣雞pizza其實都唔算太辣既，料都算幾多。pizza焗得好好味，我地仲加左芝心，好食過__ hut多多聲。吞拿魚意粉都幾多吞拿魚，味道都唔錯既。而意粉算整得幾淋，而個汁就係白汁。無乜特別，但又幾好食。薯波其實都唔係好似，我覺得好普通。而且焗到好淋，唔係太好食。其實真係好平，大批半價之後都係六、七十蚊。加意粉同小食都係百二蚊到，無唔食既理由呀。…查看更多

估都估唔到，pizza-box會開天水圍。呢間個質素都唔錯，而且新開張大pizza仲有半價，搞到門口好多人等。當然，我都係其中既一份子啦。等野食都等左幾耐，有八個字到啦。香辣多寶pizza個pizza都幾辣，不過好惹味呀。而且都幾多料，芝士又多，真係好味過薄餅茅屋呀。而且大pizza真係大pizza，無縮水，真材實料。巴黎牛油汁燒雞意粉其實個汁唔似牛油汁，咖喱汁就有小小似。意粉整得好爽口，配料都唔錯既。芝士蒜蓉包都唔錯既，不過真係無乜特別。真係幾好食，有半價。原本二百幾蚊，半價之後百幾蚊。真係好正，味道又唔錯。…查看更多