Pillowtalk Restaurant & Bar

营业中

休息中

本🐻同男友慶祝週年紀念，所以決定要搵間有情調既餐廳慶祝 🥰 終於搵到一間大家都有好評既西餐廳試試看🍴佢下午5:30先開門，而且疫情期間坐位都少左一半，所以大家想食就早點book啦😬餐廳安排左高枱俾🐻同男友坐，環境真心有情調，音樂亦好配合，果然係傾計好地方 🤭 我地order左兩個main course「黑松露芝士火鍋」、「美式BBQ豬仔骨配薯條」，另外加$45 upgrade 左set 餐，就多左是日餐湯/沙律、蒜蓉包、是日甜品、基本飲品 🥰 推介‼️✨「黑松露芝士火鍋」芝士控必叫 🧀 濃郁芝士醬配上黑松露醬（男友將佢變左心型🥰）點上硬身法式麵包、長通粉、惹味脆口薯角同埋炸起既雞件粒😋 食到停唔到口唷‼️✨「美式BBQ豬仔骨配薯條」一上枱就嚇親，比平常既size再長一點，而且滿滿既BBQ 醬汁鋪上，非常吸引❗️雖然🐻覺得豬仔骨既肉無想常中咁嫩滑，不過係可以接受既正常味道‼️✨本🐻叫侍應上Set 餐既甜品，叫佢幫手寫隻字，佢地都好樂意 😆🥰 而且好快手就有得食，🐻發現佢上既甜品都係隨機，今次就有一件cake，雖然味道唔算好好，但誠意搭夠啦‼️價錢‼️「黑松露芝士火鍋」$128「

呢間餐廳愈來愈多人食,推介左同朋友一齊黎食。餐廳有好似CAFE既設計,又有好多酒係到睇下MENU 先,有好多唔同TYPE既野食加左45再配埋set dinner，有餐湯或沙律磨姑湯 沙律幾FRESHFusion 蒲燒鰻魚意大利飯$138fusion係有EEL加意大利飯，蒲燒鰻魚成條成條上，仲有木魚，好多汁，加上意大利飯幾夾。喜鰻魚既一定要試下。Fusion避風塘軟殼蟹意粉$118好香口,好重避風塘風味，仲有炸我剛好既軟殼蟹 ,份量又多又大，都好有特色，可試。芝士蛋糕甜品，份量都唔少。食完真係好飽，係一間好有特色的餐廳。

同朋友經過屯門呢間餐廳，原來細細間既小店都咁多人排隊食🥰亦唔知原來呢到都有間bar cafe 不過排左十分鐘就有位了👍🏼裡面既環境都好有氣氛 同朋友黎飲杯野定同男朋友共度晚餐都一樣好適合👍🏼先黎既係跟餐既餐飲、沙律同蒜蓉包沙律🥗菜夠哂新鮮、配埋我最仲意食既胡麻醬係超夾超出色🥰再黎就係小食👑Bbq雞翼 $42雞翼都好大隻、又入味、而且咬落啖啖肉好滿足🥰然後就係兩個主菜 ：👑龍蝦意大利飯 &👑肉眼扒個飯係出奇地覺得幾好食🥰而肉眼扒我點左七成熟、肉質好淋、好香口！而且咬落口有肉汁一啲都唔乾、最重要係超大塊！兩個人食都岩岩好！薯角係無人抗拒到既食物、外脆內軟，配茄汁永遠都係絕配！最後套餐都有甜品、食完都好滿足🥰走既時候仲見到門口好多人排緊隊、愈夜愈多人😱

今日約左朋友去到pillowtalk食dinner🥰其實之前黎食過都覺得質素好高，所以就再黎食啦。😋叫咗一個芝士火鍋同埋頂級安格斯肉眼扒。晚餐可以加$45轉set，可以揀湯或者沙律，我地兩個人就一個要湯一個要沙律。👍🏻套餐仲有飲品同甜品，都幾抵。😇磨菇湯🥐再配蒜蓉包：湯既味道一般，蒜蓉包就幾香蒜蓉味，都夠熱夠脆，點湯食就一流。😋沙律🥗生菜配胡麻醬，水準不過不失。雖然呢間餐廳嘅湯同沙律都唔算得上令人好回味，但點解我會再黎呢間餐廳呢？係因為佢嘅main course真係好高水準。🤤黑松露芝士火鍋 🧀🍲 $128 呢個價錢食到芝士火鍋都真係好平。重點係佢嘅配料比我想像中份量多好多👍🏻。有麵包，脆脆地，點芝士一流。長通粉份量好多，一大碗。薯角好熱好脆。炸雞外皮炸得好脆，味道有少少似脆香雞翼，好好食，點埋芝士簡直係無得輸。🤩重點係黑松露份量都幾多，食再最尾都仲食到黑松露香，食落好滿足。兩個人食都唔會覺得好膩。🥰頂級安格斯肉眼扒🥩 $188 塊扒一如以往好大塊，食落好嫩而且有肉味，係有少少肥膏咁啦，不過依然好食😚。配埋熱辣辣薯角，正呀☺️甜品🍰侍應好有心特登比兩件唔

Pillowtalk Restaurant & Bar #屯門 #黃店 💛💛💛❗️有驚喜高質西餐黃店💛❗️今次嚟到屯門，搵咗呢間openRice好多好評嘅西餐黃店💛見佢Menu有龍蝦牛扒、羊架，仲有芝士火鍋食🤩價錢大約百幾蚊，一於試一試，果然高質，絕對推介💕！原隻波士頓龍蝦配薯條🦞$208$200食到大大隻原隻波士頓龍蝦其實都算抵，真係啖啖肉，仲有大量膏，好滿足😋用上芝士去焗，令到龍蝦更加惹味，但又冇蓋過龍蝦本身嘅鮮甜，依然品嚐到新鮮龍蝦嘅甜美，味道一流🤤🤤🤤肉質方面，未算係最紮實，但都算彈牙，真心唔錯！(平過red lobster好多，雖然肉質稍為冇咁紮實，但味道絕對優勝)味道: 4.4/5性價比: 4.3/5黑松露芝士火鍋配雞肉 麵包 長通粉 薯角 🧀$128已經好耐冇食過芝士火鍋🧀難得見到即刻嗌返個❗️芝士夠香但又唔會太膩，配埋黑松露真係好正😋而且佢配料都幾多，絕對會飽！。特別欣賞佢嘅雞肉係炸雞，外脆內滑，味道有啲似巴辣雞粒，辣辣地配埋芝士真係好惹味🥰$128可以食到咁嘅質素份量其實幾抵，值得一試。味道: 4.1/5性價比: 4.3/5整體來講呢間西餐真係有驚喜，雖然位於屯門，但佢嘅質

難得係屯門搵到一間有氣氛、適合小聚既酒吧餐廳，位於美食小店多既虹橋，餐廳環境舒適，想食晚飯飽肚又得，想小酌一杯亦可，放鬆吓滿足身心靈😌😋主菜：美式BBQ豬仔骨配薯條豬仔骨原條上碟，下面舖滿薯菜，份量十足，豬仔骨易切而肉質軟腍，值得一讚係豬仔骨面層淋滿惹味晚BBQ sauce，食落夠juicy👍🏾食肉獸必選😋意粉：水波蛋卡邦尼意粉流心蛋好多人都鐘意，一切開蛋汁滿溢感覺治癒，意粉面質煙韌爽身，每一啖都會食到煙肉、火腿配料，食哂成碟都唔會感覺好滯😋小食：脆辣炸雞炸雞賣相吸引，炸得香脆金黃，炸漿厚度適中，仔保留到雞肉既肉汁，咬落唔會覺得乾，蘸上甜辣醬味道更好😋飲品：sex on the peach今次冇試到酒精飲品，反而揀左杯mocktail sex on the peach,賣相好靚，就好似杯果味沙冰，炎炎夏日飲既話更加滋味，有桃肉之餘，融冰後味道唔會變得太淡，甜度適中，味道清新解膩，值得推介😋升級套餐$45叫主菜或意粉飯可以加$45升級為套餐，會有蒜蓉包、餐湯或沙律，沙律材料新鮮，配上胡麻醬夠香夠清新，仲會包埋餐飲🥰🌟見到有其他客人特意黎慶祝生日同周年紀念日，餐廳有心思係甜品碟上寫上祝福語

平時都去開虹橋食嘢 飲野 成日經過呢間都想試一試 今次難得同朋友食生日飯 咁就有藉口去試拉😌 之前上open rice book左枱 去到等左10分鐘左右就有位 當日其實都見到好多walk in 但基本上無位比佢地入 所以真係要book定枱會好啲 Menu無影到😅叫左2樣嘢食 2杯野飲個Menu e個本身係飯 可以轉意粉🍝掛住影相 d野食凍左😂😂 但都好食另外叫左Burger e個真心推介大家食 真係好好食Book枱個時有叫staff 係甜品上寫字因為無叫set餐無cake跟 但有個staff好好人 佢另外加比我 加小小$服務又不錯 值得再去

叫做pillowtalk o既restaurant bar，位於屯門較寧靜o既地段；攬住梳化上o既枕頭，嘆番杯cocktail，同身邊o既人一路食一路來個悄悄o既枕邊夢話，相信感情一定會增進唔少！我幾鍾意d 西餐廳可以叫一個main 加錢升做set dinner，呢度係加$45。是日餐湯同沙律二選一，揀o左沙律，如果湯會係磨菇湯。個田園沙律有水蜜桃，simple and refreshing。蒜蓉包係長長o既一塊，焗到濃濃地更覺香口。黑松露芝士火鍋($128 未加一) 聞落好香，羨煞旁人！杰身o既一碗，以蠟燭微溫heat 住，不停冒出芝士同松露o既氣息，令人流晒口水……成set o野夾埋都算幾大份幾多料，有麵包粒、炸薯角、炸雞、長通粉，另外當然亦有d 伴碟沙律菜。炸雞大粒而微辣，薯角內裡如薯蓉般軟滑，就咁食已經唔錯，蘸埋芝士，則再多一重口感。麵包同通粉就本身比較淡味，又多d 空間黏附d 醬，更能嘗到芝士o既濃滑。用枝芝士火鍋專用o既叉吉住，放入去暖一暖，再拎番上o黎，睇住佢被一昧creamy 厚身o既醬汁包住，然後慢慢擺入口，簡直就係享受。Up o左grade 做set 會包一客甜品，

🔎Pillowtalk Restaurant & Bar (屯門)💛 #黃店系列📍屯門青棉徑5號金寶大廈地下6號舖-💛1/10、11/11罷市🔹美式BBQ豬肋骨配薯條 $148相當大份 兩個人share配個意粉/飯就岩岩好個汁鹹淡適中唔會好heavy除左薯條 rib個底仲有d沙律菜🔹FUSION蒲燒鰻魚意大利飯 $138去到邊都會嗌返個鰻魚飯 呢個鰻魚飯都幾特別鰻魚好淋好夠味又夠大條 個飯好重菇味 味道都唔錯架 值得一試Upgrade套餐＋$45 跟餐湯/沙律＋蒜蓉包＋甜品＋餐飲是日餐湯係磨菇湯 會有一粒粒嘅磨菇碎 相當濃郁沙律就有各種沙律菜仲有新鮮水果蒜蓉包亦都幾香幾脆仲有份甜品 不過我唔鐘意甜品就無咩comment啦#90sfoodieshare_屯門#食在屯門

近來翻返嚟屯門， 上一試吓虹橋嘅餐廳，記起三個月前就過嚟呢一間西餐廳，係第二次食嘅時候我覺得佢嘅水準差左啲，但因為朋友再次玩搵個地方食，咁我就俾個機會佢再嚟試吓啦！你一到其實都係比較分嘅咪地方唔方便係新樓盤嘅龍床單位，不過今次唔係我想介紹嘅嘢，而呢一間真係一間好細嘅餐廳，之前每一次你都幾多人嚇人呀！但因為疫情嘅原因都少咗人， 不過只不過係唔需要早兩日前訂位囉！今次我同朋友就叫咗兩個餐，並且跟咗餐湯嘢飲，成為每位加多$45首先佢哋餐湯都唔錯，以蘑菇湯主打，直接用鮮蘑菇打碎，所以仲食到好多粗粒嘅蘑菇，味道唔算龍，但小清新！配上蒜蓉包嘅牛油香味好香脆，又夠熱，正呀！依頭盤終於到啦，第一個係叫德國蜜糖芥茉醬焗原隻豬手呢個我真係非常之推介，原來呢一個之前真係冇試過，就有點可惜， 首先係因為佢夠巨大，有成隻手咁大，但咁大隻又有人話唔一定好食，咁我就講下佢呢一個菜啦，佢啲味道鹹鹹香香，咁大隻豬手，識落啖啖肉，仲要咁好肉，用葉得好均勻，唔會好似之前識嘅附近骨位完全冇味，而且豬手唔諗唔啱，口感非常之出色！然之後再嚟呢一個卡幫你意粉，佢驚家婆你執好香濃，仲包上一啲香草，新鮮美味！最後去到甜品方面，有芝士蛋

一班屯門朋友慶祝生日，唔去咁遠啦，揀咗間係屯門嘅Bar，食下野飲兩杯咁。間餐廳環境都唔錯，偏暗既Tone，Happy Hour 個時仲會較暗燈光，點埋蠟燭仔咁，都幾好Feel。野食就叫咗個德國芥末醬焗原隻豬手、黑松露大蘑菇長通粉、香草醬法式羊架配薯角、Fusion避風塘軟殼蟹意粉，有得加$45 跟沙律同湯。豬手不過不失，唔會過鹹。因為一直麻麻地黑松露，個長通粉冇乜掂過，但朋友話都ok既。而我就覺得個羊架係野食中既No. 1啦，有輕微嘅蘇味，唔錯唔錯。至於個長通粉就麻麻啦，避風塘係可以夾軟殼蟹既，但夾唔到個意粉啊。至於野飲個方面就好啲啦，個人覺得最好飲既Cocktail係Pine in the grass，有熱情果同菠蘿汁做底，成杯果汁咁，岩晒我。朋友分別叫左Victoria‘s Hotel Secret 同Buddhism Cocktail，個secret有朶花做伴碟，又係打卡用，味道一般。而個Buddhism 就有啲青瓜同檸檬，但太甜了，建議加多啲檸檬或者青檸會更好。

今日同朋友慶祝生日，叫餐前我同朋友好開心欣賞鋼之鍊金術師Figure，之後店員姐姐知道了壽星仔喜歡主角愛德華，在甜品碟上偷偷地畫了出嚟壽星仔好開心同驚喜（我今日先知壽星仔中意愛德華）店員姐姐真係好細心，畫功好靚，專登上黎表揚店員姐姐

呢個位於屯門既餐廳，經常都係滿座既情況，位置都幾方便，今日幾左fd一齊黎食飯傾計我地突登選左戶外既位置坐高櫈，感覺更chill避風塘蟹意粉呢個超推薦，超大的避風塘蟹，好脆口而且size係好大，最鐘意呢個意粉超濃既避風塘味道，帶一點辣而且脆脆的口感，真心不錯脆辣炸雞呢個超抵食，即點即炸的，加上泰式辣醬既醬汁點埋超正雞肉係好嫩口，份量都幾多，餸酒食真係一流豬手等左大約20分鐘，黎到都哇左一聲！超大既一隻豬手，要切好佢都唔係易事，超大片的肉，皮超脆的，必需要同fd子share先食得哂

波士頓龍蝦意大利粉$128佢嘅意粉口味比較清淡，而且隻龍蝦好新鮮，啲蝦肉好爽口，而且有魚腥味之後我+$45就可以有 是日餐湯或是日沙律、蒜蓉包、是日甜品、飲品我揀左餐湯，個餐湯係蘑菇湯，蘑菇湯好香菇味，而且個蒜蓉包好香牛油蒜蓉味，而且好脆呢個雞軟骨串，佢煮得好香，而且好脆

波士頓龍蝦意大利飯很好味，鮮甜多肉，很喜歡。肉眼扒建議不要煮得太乾身，7成的應該還有肉汁才對，但並沒有，有點可惜，配搭上很好，但蒜有點焦，可以的話還是改烹調，把蒜不削皮的去焗，軟身又夠香，入口不會覺得乾。甜點方面，有點小，一口系列的感覺。湯較像bb糊仔，哈哈！不好意思，我真的這樣覺得。飲品方面十分好！那杯sex on the peach 很美，還有士多啤梨🍓多配搭，很好喝！洗手間比較臭，希望放一些吸臭的，去完洗手間胃口會下降了一點。服務很好，環境較簡約。