影片
相关文章
自己唔系特别钟意食传统月饼嘅人，旧日年纪小，仲有喺家中过节嘅习惯，总会被亲朋戚友叫到食一两件。而家冇再回家过节，自然较少机会接触月饼，庆幸嘅系除左传统月饼，都多左好多花款，口味亦都愈黎愈多，既有冰皮，又有蛋糕月饼、雪糕月饼、流心奶皇月饼云云，将传统口味变得新潮，恍如食甜品一样。如此一来，即使唔系月饼控，但作为甜品控，都觉得甚为吸引。而且好多品牌都系包装上花过唔少功夫，最少食月饼呢件事，一啲都唔老土。今年都食过好几款月饼，大部分都系朋友请我地食的，以某咖啡店推出嘅最为特别，既有得食，食完又有得玩下。Pierre Hermé呢个品牌，早已听闻过佢地嘅马卡龙很有名，一直未有机会食过，因为男朋友并不嗜甜。临近中秋，同朋友讲起月饼嘅话题，佢话去年试过呢个品牌嘅朱古力月饼，觉得味道很好，邀请我地同佢一齐分享，送我地一盒。既然有机会一试，我当然乐意接受不拒绝我地相约喺圆方分店pick up月饼，然后揾左个位置试下。店内都展示左品牌各款嘅月饼礼盒，分别有我地试嘅四款口味，亦都有一盒系搭配花茶、果香茶，另有八件装礼盒同可以自选组合，定价$390/$750/$760/$1488，包装精美简约，盒身厚硬，衬金印上品牌名字，确系同一般嘅连锁品牌有别，用作送礼都相当得体旁边嘅马卡龙都好吸引，色彩缤纷。Box of 4 Mooncakes $390一盒四件，属于蛋糕月饼，分别有红莓荔枝果酱玫瑰、马达加斯加云呢拿、柚子粒抹茶、香滑榛子墨西哥纯黑朱古力四款口味。传统月饼同冰皮以外嘅选择，因为呢款严格黎讲系蛋糕，做成月饼模样而已。四款唔同颜色，轻松分辨各款口味，好似见到甜品一样，心情大好，面头嘅图案骤眼睇，感觉月有阴情圆缺，加入个人幻想后，成件事更加浪漫我地将月饼分成四小件，逐个口味试，可能因为有一层朱古力嘅关系，感觉有点不好切开，好在我地都已经为月饼影过写真。如果在家品尝，实在非常建议配上一壶热茶（不管是不是品牌的），相信感觉会更好，毕竟蛋糕月饼有一定甜度，热茶可作平衡。由马达加斯加云呢拿口味食起，啊，原来确系蛋糕嘅口感，云呢拿味道特出，仲食到云呢拿籽，带点果仁嘅口感，甜度可以接受。蛋糕都系松软嘅质地，亦都唔会干口，质素不俗红莓荔枝果酱口味则相信女士会较为喜爱，又或者系嗜甜人士之选，个人认为呢款系四件中，甜度最高的，连我呢个甜品控都有少少受不了。用上红莓、荔枝制成，本以为味道酸酸甜甜，比较清新，但显然呢颗是做得比较甜腻，就好似一次过放左几粒马卡龙入口般。当下心谂，如果有杯热茶，相信会更加易接受。柚子粒抹茶口味系当中比较特别，个人未有试过呢种组合嘅甜品。抹茶味道比想像中还是弱了一点，但庆幸呢款嘅甜度唔高，至少我食半颗是绝对冇问题的。蛋糕中加入左柚子粒，味道清新之余又增添左口感，毕竟光食蛋糕都会觉得有点单调。不过柚子味道较为突出，有点盖过抹茶之嫌。来到最后嘅系香滑榛子墨西哥纯黑朱古力口味，我非常钟意食榛子朱古力，品牌配上墨西哥纯黑朱古力，可以降低甜度之余，又可以提升味道，令整件蛋糕唔会食落有廉价感觉。朋友话去年佢就系食过品牌嘅朱古力就喜欢上了，所以我都相当期待。纯黑朱古力并非个个接受到，加入榛子作为平衡，甜度适中，榛子朱古力味浓厚，作为最后一件，十分满足。感激朋友喺中秋节日，想起我地，虽然短聚片刻，但都觉得好窝心。
继续阅读
昔日精致美味的Pastry Gems没了，却来了法国星级品牌Pierre Herme坐镇，丽思卡尔顿酒店9楼的这柜位，惊艳及尊贵吸引力仍在！去年尾及上月离港前，也特别去买了马卡龙与好友们分享。关于马卡龙，不少身边好友都一致有相识：香港、甚至是全球最美味的马卡龙，就是Pierre Herme的出品。虽然贵一点，又不设散点，但于饭聚上带来一盒，大家都开心不得了，留下甜蜜满载的回忆，值得。然而，早前与另一同样嗜爱马卡龙及甜品的友人吃饭聊天，她却认为另一法国品牌的马卡龙较高质。单说没意思，于是索性来场马卡龙blind tasting，一试之下，她也折服了！自此身边又一位PH的粉丝。当然大家爱的不止马卡龙，还有更多的甜品，于是下星期也约好再开餐。去那里？迟些再分享。
继续阅读
话时话,无去几个月,变左Pierre Hermé,原先酒店开既Pastry Gems去左边?...不过过年周围买礼物既我,无论去到边,都总有心水.Pierre Hermé既朱古力出面就系人都知,但系今次想送一点有趣的...用鲜红色放住2罐JAMS,大方得体都系$330.JAMS用鲜果整作,我就试左右面那个,分开左2层,食既时候要捞一捞.有荔枝,raspberry同埋玫瑰做成,一开已经超香花味,食落就酸酸甜甜,超级FRUITY,而且果味又真实,真材实料,口味唔太甜.一分钱一分货就无错既另外买左朱古力,下回分解
继续阅读