Picoso

营业中

休息中

最近有個公司同事，因為工作上有好成績，話帶晒成班同事去食好西，我即刻提議左食依間墨西哥餐廳，因為我食過一次，又好食，環境又靚，坐既位又舒服唔會覺得逼，食完之後，大家仲可以飲下野吹下水芝士焗招牌玉米薄脆 烤西冷牛肉， 上一次食完已經覺得好好食，平時都冇咩點食依type既菜，但係佢依個俾我食到停吾到，芝士汁好香配牛油果醬又開胃喎然後叫左個水牛城雞翼配酸忌廉 我地本身大家都好中意食雞翼🤣🤣，個水牛城汁嘅味道又啱啱好唔會話太鹹，外脆內軟，配埋佢個酸忌廉，一碟唔夠阿！自家製炸蟹餅，平時都比較少食蟹，因為好多殼，但係炸蟹依D我都可以接受，配埋個沙律醬，not bad😎😎仲有墨西哥燒雞 玉米片，香甜粟米及BBQ醬，成個雞都好嫩好多汁，燒到個皮都好香，其他配菜都同佢好格墨式秘製芝士雞配墨西哥青飯依個就好出色喇，芝士味汁好濃，雞肉又好juicy多汁，又淋，配埋青飯吸曬d汁，正到爆阿🥰🥰又飽仲有依個芝士玉米燒焗捲餅一定要講，芝本包住餅，仲要好足既料係入面，唔講唔得，滿足到爆每一啖都係，我地最好叫多左份，但無影到，哈哈😂😂最後係依個玉米薄脆沙律埋尾，係大家食到濟之時，好彩有個沙律解下膩，有牛油果，芝士，蕃茄

終於比我搵到一間高質素嘅墨西哥餐廳，餐廳位於荔枝角億利工業中心樓上既餐廳。牛油果奶昔 ＄52造型好可愛呀，係仙人掌杯😍喜歡牛油果嘅朋友一定要叫這杯飲品，飲落好香牛油果味，淡淡奶香，而且味道不會好甜，好fresh😂墨西哥薄餅 $128薄餅烤得很香脆，裡面夾住滿滿既餡料，今次簡了煙燻手撕豬肉，調味剛好。上面滿滿的牛油果醬和蕃茄粒，令薄餅的口感更加豐富。西冷牛扒鐵板燒 $158還配有薄餅皮和三款醬料，有牛油果醬、碎蕃茄粒和酸忌廉。小編比較喜歡沾牛油果醬，朋友仔比較喜歡用薄餅捲着牛扒吃。牛排肉質嫩滑，上菜前已經切好，非常方便。朱古力布朗尼 $58蛋糕嘅甜度適中，還配有一球雪糕，擺得很有心思，還有皇冠做裝飾。好靚嘅水壺和水杯😍

今日同幾個朋友出去食飯，間餐廳係朋友book嘅，我之前都未食過關於墨西哥既野食，所以有得試都飽住期待既心情既，但可以講係今次食完一定會有下一次😋墨西哥燒雞配玉米片，香甜粟米及BBQ醬首先佢雞既肉質唔會太老或者太硬，反而食落去好多汁好Juicy，呢個價錢來講份量同味道絕對物超所值。配埋玉米片係多種享受阿☺️墨式秘製芝士雞 配墨西哥青飯 +$18，發現墨西哥野食都幾多圍住雞黎整既菜式，但食落完全唔覺得有難食，幾新既體驗，因為平時食關於雞既野食都幾多，依個芝士雞係令我眼前一亮既野食，而且肉質都好軟嫩，最出色係個墨西哥青飯，食完直頭想問佢可唔可以單叫多個意大利飯嚟食🤣配埋食勁送飯阿墨西哥薄餅個芝士汁好濃，但係都仲食到薄餅既個種香味，配埋嚟一齊食溝返淡啲汁，仲有好多唔同既配料去令到食落完全唔會膩，有青蔥，雜芝士碎，牛油果醬，碎蕃茄粒及酸忌廉，仲要個薄餅底唔係厚底，更加易咬同食落肚，仲想買多底返屋企阿👍🏻👍🏻👍🏻而且個賣相啱晒我哋呢啲港女打卡🤣份份都咁大份，食到最後真係飽到想爬返屋企😂 不過係好滿足既，可以在黎多次

本身今日星期六約左個女仔fd去做瑜伽🧘‍♀️跟住行街，原本無乜話想特登想食乜，但係經過開荔枝角，見到餐廳環境唔錯，又可以打卡，膽粗粗入去試下墨式秘製芝士雞 $228配墨西哥青飯 +$18一坐底，就叫左個餐廳推薦既餸，見幾特別即刻叫左，個芝士味勁濃，加埋啲汁撈飯，好邪惡，但停唔到口🥲 雞肉又好嫩喔，成碗清曬咁制😂😂自家製炸蟹餅 $128一開始聽到覺得麻麻地🤨，因為我地驚食落好粉同有油味，食炸野最怕係有個陣油億味，佢無，仲好多蟹肉喔！賣相唔錯，配埋小小辣既沙律醬，勁有食慾墨西哥玉米餅 $118而個玉米餅真係香，而且我即刻試下食個手撕豬肉，仲有小小汁水味，而且五係好柴，非常好。仲有好多配菜，洋蔥絲，芝士碎，生菜，牛油果醬，蕃茄粒，酸忌廉，餅皮又唔會好難撕，依個係令我幾驚喜🥰總結一下先，3樣野食都唔錯🤔，分量都幾大,差d食唔曬....不過真係幾好味，我見到好多野食都幾吸引，一定會再返食。🙆🏻‍♀️加不斷影相😳

今日同男朋友出去搵食，佢話有個朋友推介食呢間餐廳，咁我緊係話好啦，可以發掘新嘅餐廳推介比朋友😎我地就走黎試下。佢個朋友推介一定要食個，芝士雞同青飯，今次我哋一共嗌左三樣嘢。首先講自家製炸蟹餅 $128，我就麻麻哋炸野，因為我係食落會覺得好熱氣同炸野會有油億味係到，男朋友就話唔錯，咁我都試左一塊啦，佢個蟹餅就真係整得幾好，炸完之後唔會冇左魚蟹味，仲要無油億味，亦都唔會話好粉，蟹肉幾都幾足既，GOOD阿👍🏻其次就係墨式秘製芝士雞 $228 配墨西哥青飯 +$18，真係好味，我好鍾意，因為本身我都好中意食芝士既人黎，濃濃既汁在配一啖佢個飯，好match，個雞又係好嫩好多汁，完全唔老，佢個朋友推薦得唔錯，係幾好😎跟住就係烤墨西哥燒雞 $188，玉米片，香甜粟米及BBQ醬，我非常鍾意，因為佢燒得係岩岩好，仲有蒜頭同玉米片，香甜粟米既配合，唔會食到好膩，執鞭仲有BBQ醬，個燒雞口味多左變化，雞肉唔柴，我地兩個食曬成件燒雞，覺得自己勁大食🤪😂佢個朋友真係無推介錯，下次會再嚟試吓佢其他野，一間好符合我口味既墨西哥餐廳☺️☺️

看重氣氛既朋友仔可以試下尼間餐廳，氣氛好有情調，最緊要既係坐位好寬敞唔會感覺好壓迫，坐得好舒服，服務態度好！中意影相既餐廳有好多吾同打卡位！！墨西哥薄餅 $128濃濃既芝士汁焗薄餅真係經典配搭👍🏻個底唔會話好硬，撕開黎食，配搭青蔥，雜芝士碎，牛油果醬，碎蕃茄粒及酸忌廉黎食，屈機阿墨西哥燒雞 $188配玉米片，香甜粟米及BBQ醬燒雞非常多肉汁，完全唔會覺得肉質好鞋，因為雞肉煮得太過肉質會變，但係尼個燒雞好香好嫩。再配上佢bbq醬食落去會有種好有滿足既感覺水牛城雞翼配酸忌廉 $68雞翼本身以經無得輸，搭埋水牛城汁，小小辣，但又食到停吾到口喎，佢個酸忌廉又好開胃，可惜得4隻，仲想食多幾隻🥺🥺🤩想拍拖搵間有氣氛既餐廳或者想一班朋友chill下傾下計，尼間餐廳完全係一間好好既選擇

今日同朋友約左係荔枝角食飯,有選擇困難症既我地完全諗唔到食咩好🤦🏻‍♀️兩個女仔盲舂舂，路過見到一間裝修幾精緻既西餐廳就諗住求其入去試下啦,入到去充滿藝術氣氛,對於看重裝修既我,尼一點相當加分👍🏻第一樣我推薦既係玉米薄脆沙律 $102成個沙律，食落都好Fresh，入面嘅所有配料都好新鮮，佢嘅玉米薄脆片都整得啱啱好配合埋牛油果，芝士，蕃茄粒，沙律菜，同個沙律汁，好健康既feel😳墨西哥燒雞 $188配玉米片，香甜粟米及BBQ醬我同朋友order都諗過下，但要讚賞既，雞肉味好香，好容易切開咬得開👍🏻用燒既方式完全將雞汁鎖哂係入面，正阿墨西哥玉米餅 $118我食過好多玉米餅，但依間我可以話係勁足料，有洋蔥絲，芝士碎，生菜，牛油果醬，蕃茄粒，酸忌廉，煙燻手撕豬肉，一啖落去，好滿足，但我口吾夠大，漏曬🤣🤣

收工同個同事去左荔枝角搵野食，本身諗住求其食，點知個同事話想食好少少，然後見到餐牌啲野又唔算好貴，又幾特別，就入左去食！墨西哥燒雞 $188配玉米片，香甜粟米及BBQ醬之前未試過食咁嫩既燒雞，我唔知係佢烤既火喉控制得好定本身個位就係咁嫩！件雞真係好食到會食咁食吾停口，配埋玉米片，good😂芝士焗招牌玉米薄脆 $128烤西冷牛肉西冷牛肉配芝士玉米脆呢個配搭幾特別，芝士令到啲玉米脆食落去更上一層樓，加埋個牛肉真係覺得好惹味👍🏻👍🏻芝士玉米燒焗捲餅 $118平時都好少食餅依啲，但呢個反而覺得幾唔錯，開左眼界既，唔知係唔係用牛油果蓉同芝士汁既關係，而且餅皮吾會好厚，又易入口，唔錯👍🏻我地兩個女仔邊食仲邊打卡🤣🤣環境同位都舒服

今日約咗幾個大學同學出嚟食飯，大家出到黎完全都唔知食咩好，最後個同學上OpenRice睇到呢間野評價好似唔錯所以就諗住試一試😂 仲有打卡位🥰墨式香烤豬手 $218可能因為係豬手嘅關係，好多德國餐廳或者西餐廳都食得多，但係呢間真係好正，食落去好嫩好多汁，而且份量亦都好夠👍🏻配埋薯條真係頂呱呱芝士焗招牌玉米薄脆 $128烤西冷牛肉啲菜係好新鮮，配埋佢個芝士醬，又濃郁，同埋玉米薄脆一齊食，好搭，又吾會好膩，仲有牛油果醬，都有fresh😳 牛肉又吾會好柴，good 👍🏼 水牛城雞翼配酸忌廉 $68本身我地都好中意食雞翼，一黎已經吸引到眾人既眼光，再配埋個酸忌廉同水牛城真係覺得食得一隻完全唔夠喉😢我同幾個同學都食得好開心，佢環境亦都唔會話好嘈，又可以影相，所以一啲都唔會影響到我哋敘舊，如果下次經開我會再試埋其他野食🥰🥰

荔枝角隱蔽墨西哥餐廳放假想食好啲，話說好耐冇食墨西哥菜😃特登過去荔枝角搵食～億利工業中心有好多隱世美食餐廳環境裝修很有墨西哥風格，裝修和碗碟都色彩繽紛。個性中帶點可愛擺設，牆壁超多打卡位：玫瑰花牆、漂亮型格燈飾等。枱面放滿各式各樣的醬料，打卡一流～提供WiFi 和手機自助下單非常方便，另收加一服務費。假日午市套餐抵食好多，跟餐有迷你田園沙律🥗（生菜、洋蔥、蕃茄粒沙律醬等）和一杯飲品，而且可以用加配價加套餐小食和升級飲品😍#墨西哥薄餅 #Quesadilla $128脆卜卜的墨西哥餅皮，燒得很香，包裹住惹味手撕豬肉，上層還有很多牛油果醬和蕃茄碎粒，不會咸，推介#蘑菇白汁意粉 #🍝 $108啖啖足料菇菌，白汁包裹著每一條軟硬適中的意粉，不錯#牛油果奶昔 +$42牛油果味濃郁，奶昔很幼滑結身而且不會太甜，推介。不過小心頂胃#洛神花茶玫瑰特飲 +$9仙人掌特別設計的杯，配上仙人掌匙羹和仙人掌飲管，好可愛。甜甜的洛神花茶，建議叫少甜炸薯條配蛋黃醬 +$24跟餐+配優惠，即叫即炸粗薯條🍟熱騰騰，幾好#水牛城雞翼 $38跟餐+配優惠，四隻小辣的中size雞翼，一般#木瓜大蝦沙律 $128套餐跟四件炸

終於，好耐都無同男朋友出去食過餐好少少既飯，但佢又話唔想去太遠，所以就搵下附近有無啲特別少少但又唔會太貴既餐廳，就比我搵到依加墨西哥餐廳😂😂😂水牛城雞翼黎講主要係個汁，我諗佢個酸忌廉應該係自已調出黎，因為出面真係未食過咁好食既汁😂😂絕對為隻雞翼加曬分！玉米薄脆沙律，先唔講其他，佢既size真係大得好緊要！真係未試過咁大份既汁律，😂😂個玉米薄脆邊都唔會好厚，但又好夠脆！配上牛油果，芝士，蕃茄粒，沙律菜，幾好！墨西哥燒雞配玉米片，香甜粟米及BBQ醬，呢個雞應該係我成餐飯最中意食既一個餸！啲雞整得岩岩好，唔會太冧搞到無曬口感，好容易就咬得爛，而且好入味好好食！！又多汁，nice😆😆芝士玉米燒焗捲餅賣相幾靚，但我自己食吾多，乖係切左小小黎試，因為女朋友特別中意食芝士佢話好好食囉🤣🤣我試係覺得吾錯，個配搭幾好又吾會膩墨西哥洛神玫瑰花茶特飲 加 墨西哥羅旺子玫瑰特飲加上佢2杯野飲，可以清下個口，等食每一道菜都有全新體驗，野飲唔會太甜，玫瑰味都幾香

今日同幾個朋友去咗做運動！做完運動之後諗住喺附近搵間餐廳坐低食啲嘢，諗住一大班人，搵個坐得舒服又吾差既餐廳，就去咗試呢間墨西哥餐廳，入到去啲員工相當有禮貌亦都好好笑容，最後我哋五個人總共嗌咗六樣嘢食🤣芝士玉米燒焗捲餅 $118首先講吓呢個芝士玉米燒焗捲餅，做完運動食呢個其實都幾有罪疚感，但係見佢咁好食就無諗咁多啦🤣食落去芝士味勁香阿！配埋佢捲餅嚟食亦都唔會覺得好濟，簡直一流👍🏻墨西哥玉米餅 $118之前淨係食過其他玉米餅，但依份係好足料，有洋蔥絲，芝士碎，生菜，牛油果醬，蕃茄粒，酸忌廉，煙燻手撕豬肉，配埋入面既醬成件事好新鮮，而且賣相亦都好靚打卡幾好😂自家製炸蟹餅 $128我平時唔係好鍾意食炸嘢，但係呢個蟹餅炸出嚟我唔會覺得好油膩，而且配埋沙律醬食落去相當唔錯🥰，仲要食得出蟹肉添！墨西哥燒雞 $188配玉米片，香甜粟米及BBQ醬唔好睇佢188蚊，好似得件雞咁，佢呢個份量其實幾大，而且啲雞肉肉質食落又吾老喎，咬落真係啖啖肉，我哋五個人分都覺得件雞其實幾大🤣🤣墨西哥薄餅 $128個薄餅底好脆，唔會話好似厚批咁，食一件就飽肚，依個真係食落完全吾會頂住🤣仲青蔥，雜芝士碎，牛油果醬，碎蕃茄粒及酸

有睇開動漫既朋友仔可以試下尼間餐廳，氣氛好有正，裝修又好，仲好多吾同動漫Figure🤩最緊要既係坐位好寬敞唔會感覺好壓迫，坐得好舒服，服務態度好！中意影相既餐廳有好多打卡位📷芝士玉米燒焗捲餅 $118濃濃既芝士加上焗捲餅真係經典配搭👍🏻捲餅唔會好硬，可以撕開，配搭一啖汁同上面既新鮮牛油果，蕃茄黎食，完全match阿墨西哥玉米餅 $118配煙燻手撕豬肉豬肉非常之多肉汁，完全唔會覺得肉質好老好柴，因為豬肉煮得太過肉質會變，但係尼個豬好香好嫩。再配上洋蔥絲，芝士碎，生菜，牛油果醬，蕃茄粒，酸忌廉，食落去會有種好fresh 既感覺同完全吾膩😋芝士焗招牌玉米薄脆 $128烤西冷牛肉成道菜睇落好似無從入手，但當我拎起塊玉米薄脆，放一舊西冷牛肉，放少少牛油果醬，再點啲芝士汁，一啖落去，感覺好正，又好味🥰墨西哥燒雞 $188配玉米片，香甜粟米及BBQ醬墨西哥燒雞啲肉好香，好足料，肉質好嫩，吾會話好鞋，皮又吾會話燶，配埋bbq醬，岩岩好阿😆😆

今日男朋友過嚟接我食晏，佢同我講話呢間墨西哥餐廳啲人話好出色想去試吓，我聽到嘅時候本身都想鬧佢，因為我本人唔係太鍾意食墨色哥菜，因為試過中伏，但係食完之後我又覺得小小改觀，會在食既😂墨西哥燒雞 $188配玉米片，香甜粟米及BBQ醬我本身真係完全唔中意雞肉，成日覺得雞肉咁整會更加硬同柴，又好肥，但今次食呢個又唔會覺得好肥好硬身，反而食落去口感好冧，，佢配埋啲醬同玉米片食真係幾有趣，完全刷新左我對依到餸既認知😂水牛城雞翼配酸忌廉 $68以前都食過好多吾同整法既雞翼，呢個相比起其他唔會話令我有好大既驚喜，但佢汁辣辣地，配埋酸忌廉，好食開胃既🤣🤣相當唔錯。芝士玉米燒焗捲餅 $118我本身係一個芝士控黎，只要係芝士既野食我都覺得贏左啲先，呢個芝士捲餅佢陣芝士味好濃但係唔會有膩既感覺，可能配埋啲汁，完美融合埋一齊，我最後仲嗌多左份打包返屋企比屋企人食😂😂超正！！墨式秘製芝士雞 $228配墨西哥青飯 +$18食到依到我已經頂住頂住，不過都食左幾淡，雞肉幾嫩，撈埋芝士食！正陣，個汁配飯岩岩好，吾會話鹹，我男朋友食曬食個飯咁制🤣

難得放假緊係要同男朋友搵下有咩好野食😂一個月入面，大家忙，有時真係得幾日係一齊出去食餐飯，所以要搵間好食然後環境又舒服既餐廳！好彩今次無中伏，而且我同男朋友都滿意🥰玉米薄脆沙律 $102沙津就唔特別點樣形容啦！但就咁食個沙律就已經知道佢啲食材都好新鮮！牛油果，芝士，蕃茄粒，沙律菜清甜爽口，成個比我感覺好fresh芝士焗招牌玉米薄脆 $128烤西冷牛肉成個菜式係個牛肉令我比較驚喜，吾會食落好老，隻味道調得好惹味，芝士味好足，配埋個玉米薄脆，更加突出佢成個菜既味，一流！墨式秘製芝士雞 $228配墨西哥青飯 +$18平時既我唔係話好中意依種整法既雞，但係男朋友點都話想試下咁就只可以叫啦🤣我唔鍾意嘅原因係因為我驚佢嘅雞會整到好柴，但我女朋友話呢間絕對唔會，咁就試下啦，又有驚喜喎，肉嫩阿，汁好正，我係咁配飯食😂