Picoso

营业中

休息中

環境都幾舒適同幾靚 有個花花牆 中午時間去食都唔會好嘈 幾岩同朋友食飯傾下計我地兩個女仔 就叫左三款食物！炸魷魚圈(配他他醬) $89見到隔離枱都叫左呢款 好似幾吸引 炸魷魚圈自己第一次食 好脆口 炸咁岩岩好！點埋他他醬 酸酸甜甜咁 食完炸嘢就叫返兩個健康少少嘅嘢食中和下～田園雞絲沙律沙律都幾大碗 唔會兩啖就食哂 兩個人都夠食用哂蔬菜都好新鮮 雞絲都好多 每啖都會食到有墨西哥薄餅 $128呢款都幾岩女仔食 因為入面啲材料都好健康！有青蔥，雜芝士碎，牛油果醬，醉蕃茄粒及酸忌廉！

啱啱去完D2 Place 唔想喺商場咁多人 所以就揀咗呢間荔枝角嘅樓上墨西哥菜食！墨西哥燒雞 $228一見到成隻燒雞原隻上 已經流晒口水😍一咬落去啲雞肉好嫩多汁 再加上燒好嘅外皮份量多 同朋友一齊share 就最啱！仲有會配玉米片 粟米同BBQ醬 墨西哥玉米餅 $118呢個墨西哥玉米餅完全滿足到我想食pizza嘅欲望！入面有煙燻手撕豬肉，煙燻味好濃 但又唔會勁咸佢嘅配料都好豐富 入面有洋蔥絲，生菜，蕃茄粒，全部都好新鮮！巴哈炸魚 炸薯條配他他醬 $129難得食好嘢 就叫多個小食一齊分享啦咁岩想食下啲炸嘅脆口嘢 就叫左呢個炸魚配炸薯條 仲係熱辣辣 食落唔會好油或者啲薯條淋哂

朋友介紹咗呢間餐廳，所以上嚟試吓！咁因為知道朋友會遲到因為開會啦！所以一入去就問有冇用餐時間，咁店主都話冇，勁好！😍😍因為3:30前lunch，所以店主都好好提醒我！跟住因為知道朋友會遲嚟啦跟住店主好細心，可以先上沙律同埋嘢飲！而且Wi-Fi網絡好穩定👍👍跟住到我朋友嚟我哋叫咗白汁蘑菇焗飯、水牛城雞翼同手撕豬餡餅，因為自己先飲咗牛油果奶昔，所以推薦朋友都叫一樣，牛油果奶昔，唔會太多奶啦跟住好滑又唔係太甜！勁好飲😋😋跟住個焗飯佢上面用咗兩層芝士，再加焗飯嘅汁同埋黏度同埋飯嘅軟硬度都好合適勁配合好creamy!水牛城雞翼皮係脆既，入邊啲肉係嫩既，所以好正、另外沙律材料十分新鮮！10分推介下次會再幫襯💚💚而且環境都好靚，好多靚靚Figure同埋佈置都好靚🤩🤩🤩

忙碌完嘅時候最啱就係去食飯，男朋友話想帶我去食好嘢，於是就跟咗佢去咗呢一間喺荔枝角工廠大廈嘅Picoso😍一去到嘅時候就已經覺得呢個餐廳真係好靚！好多唔同嘅店主收藏，再加埋特色嘅墨西哥風格！食咗一個好好食嘅沙律，就係呢一個鮮芒果木瓜大蝦沙律！呢個芒果木瓜沙律好好食，芒果嘅味道好鮮甜，而且，呢個大蝦亦都好出色！另外就係呢一份黑松露雜菌蘑菇白汁意粉！我好鍾意呢度嘅黑松露味道，一上枱嘅時候重佢嘅香味已經好濃烈！成個意粉都調配得好好！當然唔少得要試吓嘅就係呢一份水牛城雞翼！呢一個雞翼都係揸得好好食，再加埋上面有好多水牛城嘅醬汁，成個味道都係酸酸辣辣咁，非常開胃！

今日同老公都想食墨西哥菜🇲🇽，结果就近近地喺附近揀咗呢一間位於億利工業中心嘅Picoso享用我地嘅午餐。其實之前都想試好耐，今日終於有機會試到。我同老公就嗌左田園雞絲沙律🐔，一客墨式香炸雞翼🐔，一份墨西哥燒雞🐔，仲有係黑松露雜菌蘑菇白汁意粉！🐔雞絲沙律份量足，清新得嚟又高營養價值！👍🏻都幾滿意佢個🐔香炸雞翼，炸得剛剛好，配埋個蜜糖汁食成件事好夾！😆🐔燒雞肉嫩多汁，燒到勁香又惹味！黑松露雜菌蘑菇白汁意粉都好美味，上枱嗰陣，黑松露及雜菌嘅香味撲鼻而來，食落每啖意粉都滋味重重！😆

呢排同男朋友食得太多中餐，突然好想食下d意粉嘅嘢，雖然佢麻麻哋好西餐，但係佢最後都有陪我去食，好開心佢咁就我！咁我就揸主意揀咗間食墨西哥菜，喺荔枝角億利工業中心1樓嘅Picoso，收工就可以去啦😆會合左男朋友上到去餐廳之後，隨即叫咗四樣嘢食，一份田園雞絲沙律，一份玉米薄脆配三色醬，仲有一份拿破崙雞絲意粉同埋BBQ美國豬仔骨！雞絲沙律開胃又清新，夠大份！👍🏻真係要讚下個玉米薄脆，配有酸忌廉，紅番茄醬同埋牛油果醬等等嘅三色醬！拿破崙雞絲意粉又係出色，茄汁味夠濃，食落好開胃！冇諗過BBQ美國豬仔骨好食到癲！配有BBQ汁令豬仔骨口味適中，極之軟熟，肉汁豐富呢👍🏻👍🏻

難得同d朋友聚會，大家又鍾意食西餐，點可以唔搵返間西餐食！😆😙朋友就帶咗我哋去荔枝角一間餐廳食墨西哥菜，間餐廳叫Picoso！咁睇咗餐牌之後我哋每人揀咗一個菜式，叫咗鮮芒果木瓜大蝦沙律，水牛城雞翼，墨西哥薄餅，地道燴牛肉飯，拿破崙雞絲意粉同埋BBQ美國豬仔骨！一共六道菜式都好出色，尤其係墨西哥薄餅，簡單5種配料，有青蔥，雜芝士碎，牛油果醬，醉蕃茄粒及酸忌廉，但味道口感非常豐富！😋另外BBQ美國豬仔骨，跟埋炸薯條同粟米，豬仔骨好軟熟兼醬汁味濃女好食！大推呢間墨西哥餐廳！😆👍🏻

今日同屋企人經開荔枝角，正當諗緊食咩好呢，點知媽媽話想食墨西哥菜，我就即時搵邊度有得食，點知就比我搵到呢間比較近嘅Picoso。我地由地鐵站D1出口行過去都係4-5分鐘左右。😊入店之後，媽媽點左$102玉米簿脆沙律，另外仲叫咗$158鮮芒果木瓜大蝦沙律同埋水牛城雞翼難！而我就叫咗$128墨西哥薄餅以及$108黑松露雜菌蘑菇白汁意粉！簿脆沙律好正，有原隻牛油果喺入面，口感豐富！👍🏻大蝦沙律，沙律菜十分新鮮爽口，蝦肉夠爽彈！水牛城雞翼配酸忌廉，夠晒惹味開胃！👍🏻而墨西哥薄餅一口咬落去，完全感受到5款配料嘅滋味！白汁意粉汁料足夠，亦好香黑松露味！😊

有日同朋友傾起想食墨西哥菜，佢就介紹咗一間喺荔枝角億利工業中心嘅Picoso餐廳俾我。今日同屋企人嚟到就先叫咗$68墨西哥香炸雞翼（配蜜糖汁），同埋$285雜錦拼盤，香炸雞翼滋味香脆，點埋蜜糖汁又係另一種享受！😚雜錦拼盤小食種類好多，雞翼外脆內軟，烤蟹鉗好酥脆，手撕豬肉簿餅嘅味道令人難忘！😆我哋仲叫咗地道燴牛肉飯以及墨西哥燒雞！燴牛肉飯絕對係最邪惡但又最美味嘅食物，牛肉汁好正加上牛味濃而且牛唔un ！👍🏻不得不讚嘅係墨西哥燒雞都好出色，超大隻 ，雞肉鮮嫩，配埋個BBQ醬汁，真係無得頂！😙

今日心血來潮想食墨西哥菜，同朋友們係荔枝角行街嗰陣search下附近有冇得食，點知係長沙灣道883億利工業中心1樓嘅Picoso有得食，即刻心心眼咗決定要去食。入到去餐廳即刻叫咗個$158鮮芒果木瓜大蝦沙律。由於朋友們想食$128墨西哥薄餅，嗌埋薄餅，隨即再叫咗$285雜錦拼盤，另外我仲叫咗地道燴牛肉飯，超期待！大蝦沙律一到，好吸睛！蝦肉大大隻，芒果夠鮮！跟住再試下佢個墨西哥薄餅，勁足配料，有青蔥，雜芝士碎，牛油果醬，醉蕃茄粒及酸忌廉等等，豐富嘅口感，簡直無得輸😆而雜錦拼盤有5款小食同2款醬汁，又係好抵食，個人較為欣賞佢嗰特色烤蟹鉗👍🏻最後係燴牛肉飯，牛肉肉質軟嫩，嗰汁夠香，好食到可以食到幾碗飯😙😆

平時唔係去旺角就係銅鑼灣食嘢，今次朋友就推薦左我去工業中心入邊嘅隱世墨西哥餐廳，朋友話佢食過非常滿意。餐廳雖然係工業中心，但裝修一啲都唔馬虎，從門口已經感受到墨西哥風格，牆上嘅立體花都好靚😍今次點菜就有朋友揸主意切，始終佢食過知道乜嘢好食。雞絲沙律有滿滿嘅蔬菜，蔬菜非常爽脆又新鮮，雞絲都好嫩滑。拿破崙雞絲意粉好濃郁蕃茄味，味道酸酸甜甜，好好食☺️BBQ美國豬仔骨食落淡淡都係肉，再加上惹味既BBQ醬汁，好滿足口！ 果然有朋友介紹嘅餐廳，食物果然有保證！😎

放假同兩個好姐妹一齊去同荔枝角工業大廈，去食一間新餐廳，係主打墨西哥菜！我從未食過，幾日前已經開始興奮！同朋友係地鐵站會面再一齊行去餐廳，都非常近！一坐低即刻睇吓菜單先，見到有好多菜式都好想點嚟試吓😍最後我哋點左個雜錦拼盤，有大家想食嘅薄餅雞翼玉米薄脆，烤蟹鉗。手撕豬肉薄餅非常之惹味，味道非常豐富😋傳統墨西哥薄餅都好好食，材料非常之簡單，但味道非常之豐富又出色！沙律都好開胃，醬汁酸酸甜甜，蕃茄粒好清爽，牛油果超正！每牛肉飯都非常精彩，牛肉已經燉到爛晒，撈埋白飯一齊好好食！😙👍🏻

今日係同男朋友嘅周年慶祝，男朋友話今日要俾個驚喜我🥰特意帶我去一間墨西哥餐廳，餐廳好有特色，仲擺咗好多日本動漫模型。菜單上見到佢哋有牛油果沙律，最鍾意食牛油果嘅我忍唔住點左，沙律好新鮮仲有好多蕃茄粒，識落酸酸甜甜好開胃又健康。雞翼配酸忌廉醬汁嘅配搭好新鮮，炸雞翼嘅油膩被酸忌廉中和左！黑松露雜菌蘑菇白汁意粉都好好食，黑松露出奇地濃郁，配埋白汁意粉超好食！我非常滿意男朋友我今次嘅驚喜美食，難得佢咁有心搵到間咁靚又好食嘅餐廳，真係抵讚！👍🏻👍🏻

終於到年終，等到公司派年終獎金，當然要約朋友一齊食餐好啦。朋友週成日食日本野同西餐，今次要試新菜式，於是黎到荔枝角工業中心試間墨西哥餐廳Picoso。餐廳好有特色，menu都好可愛！😊首先黎到既鮮芒果木瓜大蝦沙律非常靚，味道酸酸甜甜，菜同芒果都好新鮮。水牛城雞翼炸得好香脆，肉質嫩滑👍🏻😆黑松露雜菌蘑菇白汁意粉，外表簡單，但味道非常濃郁，黑松露味道出色，令成個意粉更加好食！BBQ美國豬仔骨好大件，骨頭上有好多肉，豬肉好柔軟嫩滑，加上BBQ醬好惹味！第一次試墨西哥菜好有驚喜，完全係我中意既味道！😋😆

反正因為疫症今年都無得去旅行，就同朋友周圍去食好野！今日就去左荔枝角試一間最近新搵到既墨西哥餐廳！餐廳裝修簡潔得嚟仲好grand，門口投影都好特別，成間設計別有一番風味😄朋友同我睇左好耐餐單，最後都係聽員工既推介，點左田園雞絲沙津，墨西哥薄餅，墨式香炸雞翼同黑松露雜菌蘑菇白汁意粉。樣樣菜既賣相都好靚呀，好colourful 😍田園雞絲沙津好爽脆又新鮮，感覺好健康，口感又豐富！墨西哥薄餅配埋芝士，牛油果醬，蕃茄粒同酸忌廉，味道好香又好吃👍🏻墨式香炸雞翼炸得好脆，雞肉又多汁。黑松露雜菌蘑菇白汁意粉好濃郁黑松露，配埋雜菌蘑菇，睇落簡簡單單，但味道超好食😆