Pickabowl (荃新天地2)

营业中

休息中

放假去荃灣揾男朋友食lunch，終於可以食到我勁掛住嘅健康魚生飯😋，食晏時間好多上班族買外賣，我同男朋友就選擇堂食。我哋兩個都揀咗DIY自選系列，自己想食咩就揀咩👍🏻我嘅配搭係：經典呑拿魚、泰式熟蝦、西班牙蒜油八爪魚+ rainbow配菜 + 沾烏冬。烏冬配魚生和蔬菜粒，我覺得係唔錯嘅，而且烏冬口感煙韌，愛麵之人首選🤩。魚生一如既往高質，泰式熟蝦好好食，啲蝦又大隻又彈牙，個泰式醬好fresh🧞‍♀️男友嘅配搭係：經典三文魚、慢煮天多利雞+ mayo + 糙米飯。慢煮雞配印度香辣汁好惹味😆下次可以encore！我哋其中一個升級咗做套餐，有一隻温泉蛋、一碗日式昆布湯、一個甜品，食到好飽🤰🏻另外，我哋又試咗新出嘅vegetarian soup-broccoli green希望遲啲屯門都可以有分店🥰🥰

唔知點解近排覺得呢類魚生飯好盛行將一堆原型食物放埋一齊 味道又出奇地夾同清新wor!本身都好多自由搭配！但我實在選擇困難症😫😫唯有同朋友簡H同I！H經典雙拼（吞拿魚X三文魚） +$25 set~除咗吞拿魚三文治之外，佢都有好多配料！包括玉子粒，生菜，蕃茄仔，南瓜同豆角等等每一樣食材都好新鮮唔算落太多調味料有佢嘅風味所在而且飯底有得簡椰菜花底 啱曬想食少啲澱粉質嘅人昆布湯有昆布同豆腐 不過不失溫泉蛋唔錯～流心得來唔會過生I夏威夷四重奏（辣味三文魚，經典吞拿魚，泰式熟蝦，牛油果）配料相約 但多咗中華沙律～可能因為辣味嘅原因，食落會重口味少少。而牛油果嘅滑順口感～撈落飯到好正Cold Pressed DragonFruitJuice好飲～清新舒服！

咁啱同朋友嚟到荃灣附近，想問一下健康嘅做晚飯，嚟到見到有魚生飯，所以就嚟試吓。呢到可以同配料，去組成一個魚生飯，自助形式有個好處就可以根據自己嘅口味去選擇，以我自己就比較懶，佢另外有意見配搭號嘅組合，我自己就揀咗夏威夷四重奏。組合裏面有辣味三文魚、吞拿魚、泰式酸辣大蝦、牛油果，配料好豐富一次過滿足我想食刺身嘅願望！同埋啲餸已經調晒味道，顏色又夠晒繽紛，我揀咗配沙律菜，感覺好似健康啲。我幾中意佢地個牛油果，口感夠晒香滑，同埋個辣味三文魚，佢病咗見你，加埋三文魚嘅鮮味更加突出，都幾惹味！另外我個朋友就叫咗彩虹組合，佢揀咗香草芥末大蝦、吞拿魚，佢就揀咗沾烏冬，個大蝦幾爽口，配埋啲芥末醬幾好味，好似食緊日式烏冬咁，而且份量都幾多吓，不過烏冬比較爽口，如果平時食開湯烏冬個種腍身嘅口感有時唔同，不過配埋啲醬汁一齊又幾惹味！彩虹組合故明思意係色彩繽紛，佢有啲青瓜、黃椒、紅椒等等切成粒狀，擺埋一齊都幾靚又夠晒健康。我地加咗錢轉咗做套餐，跟餐有包餐湯、甜品，甜品就一般啦，所以下次再食嘅話我會加錢加多啲配菜多啲，因為佢呢到配料有好多選擇夠晒多。

係荃灣做完瑜珈之後，係附近搵野食。見到Pickabowl，成日都經過但無食過，因為我唔太愛食生冷野，但個日望真啲，原來有熱食！有得跟佢set好嘅餐或者D.I.Y.自選配搭。我就揀左佢set好嘅薑汁松阪豬，和風口味。另外飯底點了黃薑椰菜花+半糙米飯。可能因為得半邊，黃薑味並唔算重。不過可能因為飯底一早整好，所以最後只有豬肉係熱，配合和風配粒，半熱半凍。飯量唔算多，適合我岩岩做完運動唔想食咁多嘅人。另外跟餐加錢點了冷壓果汁Red Dragon，內含蘋果，紅提子，藍苺，紫椰菜，火龍果。唔清楚份量係點，不過火龍果味好出，似係紅色版五青汁，頓時覺得好健康！

今日放工約左朋友去荃新天地睇戲，咁睇戲前緊係去醫下肚先啦，係地下果層搵到呢間食美式魚生蓋飯既專門店，二話不說就決定係呢度食晚飯啦！我地係門口已經見到呢度係開放式廚房，見到哂所有食材都好新鮮，所以都好放心係度食飯啦！餐牌見到可以自選食材同埋飯底，亦都有預先配搭好既蓋飯供客人選擇，另外加$25仲可以跟溫泉蛋、昆布湯同甜品添。餐廳仲提供左有西柚同羽衣甘藍味既清水，飲落陣味都幾清新，而且仲有少少開胃添！我就揀左夏威夷四重奏呢個配搭，入面有辣味三文魚、經典吞拿魚、泰式酸辣大蝦同牛油果。三文魚帶有泰式既酸辣味，食落都真係幾惹味。😋😋吞拿魚肉質都好扎實，而且都食得出濃濃既鮮味。🤤大蝦咬落質感好嫰滑彈牙。牛油果亦都切得比較大片，撈埋糙米飯一齊食就夠哂refresh啦~至於朋友就自選食材配搭，佢既西班牙蒜油熟蝦口感都好結實，而且蒜香味都夠濃郁，連埋紅菜頭一齊食真係好健康啊！😙😙食完飯再飲埋清甜既昆布湯同埋黑糖布丁就夠哂滿足啦👍🏼👍🏼

荃新天地又多嘢食又可以泊車🚙今次嚟樓上玩完掉彩虹🌈🌈就梗係要醫下個肚仔啦😋🤤✨夏威夷四重奏（ $110）本身已經包括有辣味三文魚、吞拿魚、泰式酸辣大蝦同埋牛油果！蔬菜我哋揀咗彩虹（蕃茄、甜椒、青瓜）個底呢我就揀咗黃姜椰菜花加白飯！黃姜椰菜花配埋蔬菜感覺成件事真係超健康！呢一個夏威夷四重奏可以話係咩都試晒最抵食！三文魚同吞拿魚都好高質！唔會怕佢唔新鮮會鯹😋酸辣大蝦真係大大隻好彈牙！✨DIY自選（ $88 +$12）自選組合呢我哋就揀咗煙燻油辣味三文魚再加萬煮天多利雞配埋撈烏冬🤤蔬菜就揀咗蛋黃醬系列（菠蘿、青瓜、蟹子、蛋黃醬）再配埋流心既溫泉蛋🤤！當然唔少得加錢都要食嘅牛油果啦！$12有半個牛油果都算幾抵！雪糕軟綿綿口感嘅牛油果！呢個清新嘅組合100分! 雞肉啖啖肉🥰本身溫泉蛋撈烏冬已經超好食！配埋辣味三文魚！跟上一層樓！✨✨冬日暖暖湯--南瓜湯（$18)近排天氣咁凍想去梗係要加個南瓜湯飲飲佢！新鮮南瓜食到南瓜蓉嘅味道！✨蜜桃汁（+$10)韓國果汁！雖然偏甜但都好重桃味😋仲夠錢可以享受到停車場優惠😎✨

平時出荃灣經過見到Pickabowl係主打健康飲食，主推介低卡路里美式魚生蓋飯，終於約埋朋友去食一次。同朋友做完運動過嚟食個健康晚餐就非常適合！首先，魚生嘅類型非常多元化，多到唔知點揀好，最貼心係餐牌有唔同嘅組合推介，等大家更容易選擇。我叫咗個夏威夷四重奏，包含辣味三文魚、經典吞拿魚、泰式熟蝦及牛油果。呢個組合豐富得來又高蛋白質，再配埋黃姜椰菜花同半糙米飯，完全係低卡路里之選，食完又有飽肚感，健身人士都好啱食，而且味道不錯。最後，點杯冷壓果汁Red dragon，入面有蘋果、藍莓、紅提子、紫椰菜同火龍果！飲落好fresh!又有豐富維他命，得閒飲下唔錯，對身體又有益！

A pleasant surprise. Didn't expect much because it seems to be more of a gimmick. I would recommend this place on a day that you feel you need something healthy but not healthy-tasting or after a workout. Lots of choices so a bit of trouble for someone indecisive like me. Good that I'm a loyal fan of salmon sashimi, I went for a mix of salmon and tuna. To add a twist, it was the spicy version. I felt like it was a bit too seasoned. Maybe it's just me. I expect my sashimi to feel refreshing. I wo

呢間專走健康輕食嘅夏威夷餐廳！我光顧它的原因是為了它既健康又清新，味道還不錯呢！十多款的預設，飯類提供選擇當中有豬肉、蝦或魚生做主菜。我對魚生有特別喜愛，呢款係夏威夷四重奏（辣味三文魚、經典吞拿魚、泰式熟蝦、牛油果配蔬菜）吞拿魚同三文魚既份量都幾多，成個bowl嘅感覺好refreshing ！蝦沒有雪藏味道，三文魚質素非常高，食落新鮮，肉質軟綿，配菜又非常豐富。配料有青瓜、車厘茄、三色椒、洋蔥，撈埋一齊食真係無得輸！經典雙拼 吞拿魚、三文魚（黃薑椰菜花+半糙米飯）吞拿魚同三文魚都非常之新鮮，值得一讚係菠蘿好清新，仲有啲南瓜粒添，泰式醬汁酸酸辣辣蒜味十足 飯底低碳食完無罪，超惹味！食完好滿足，用椰菜花代替米飯，黃薑味唔算濃，沒有香料的味道，吸收少咗碳水化合物我哋加咗$25要套餐，分別有溫泉蛋、味增湯同埋焦糖布丁，分量十足。賣相靚之餘，味道100分！！，用料新鮮份量毫不吝嗇，下次一定會再次選擇輕盈的晚餐

同朋友一齊喺荃灣覓食，想簡單快趣食一餐，經過呢度，見到餐廳名字幾得意，可以自己 Pick a Bowl，有多種組合，咁喺大家都唔反對嘅情況下，就決定入去試吓😆- 我叫咗 $88嘅「DIY 自選組合」，可以選兩款魚生/熟肉，揀咗「經典吞拿魚」同「香草芥末熟蝦」，配「彩虹🌈 Veggie Combo➕白飯加糙米飯」，再加$12嘅「午油果🥑」、$8嘅「泡菜」同「鮮菠蘿🍍」：生嘅吞拿魚🐟同熟嘅蝦仁🍤同樣都新鮮幾好食😋；Veggie Combo 非常 Colorful 😍，有青瓜、粟米、生菜等，加埋我叫嘅泡菜、菠蘿、牛油果🥑，真係幾豐富😋- 朋友叫咗 $76嘅「蒜片油八爪魚🐙配黃姜椰菜花➕半糙米飯」：八爪魚🐙肉質彈牙，用蒜片🧄油煮過，有濃郁蒜香味；仲加咗泡菜、車厘茄🍒、青瓜🥒 等配料，撈勻食真係幾好味😋- $35嘅 Super Food (Cold Press)：血紅色，少少甜，清新好飲😋

之前係荔枝角已經食過一次Pickabowl，日常生活經常多肉少菜，偶然都會想食健康啲😆-餐牌嘅配搭多到眼花撩亂，可以選擇餐廳已經調配好既醬汁、蔬菜同肉類，亦都可以自選自己鍾意嘅組合。而我同朋友就揀咗兩款DIY 自選set，蔬菜新鮮，配搭醬汁就更加容易入口🙈西班牙蒜油三文魚 / 慢煮天多利雞 / 彩虹組合 / 黃薑椰菜花+糙米飯彩虹組合既賣相不俗，青瓜爽口清新，肉類唔會好重調味，都係食物嘅原味為主，黃薑椰菜花嘅口感好特別🤯西班牙蒜油八爪魚 / 經典吞拿魚 / 和風組合 / 白飯+糙米飯八爪魚煮得夠軟稔，吞拿魚正常水準，和風組合就比較適合我口味多啲😛非常推薦呢度嘅冷壓果汁，蘊含多款水果，口感層次幾豐富😋

黑洞之前試過D2分店😉荃灣店都係第一次黎好好彩唔駛等位就入座😗坐低就開始人多🤣-🔹煙燻立美雙拼（$86）每個餐除咗可以揀白飯底🍚仲有黃姜椰菜花同糙米飯揀 或者mix都得☺️黑洞鍾意辣味三文魚同吞拿魚 辣度適中有好惹味🥰泡菜醬推介比鍾意韓食嘅朋友仔😎-🔹夏威夷四重奏（ $110 ）辣味三文魚🐠吞拿魚🐟泰式酸辣大蝦🦐牛油果🥑呢個組合夠晒豐富 又啱黑洞口味😬值得一讚 大蝦爽彈✅大食仔黑洞仲揀埋升級套餐(+$25)🤫有溫泉蛋 堅魚昆布湯 甜品甜品係日本柑橘布甸🍊味道好清香-🔹牛奶梳打（ $8 ）/有汽青檸味礦泉水（ $10 ）唔想飲水嘅朋友仔餐牌有幾款汽水/果汁可以加購😛-P.s 整體份量夠足料食完夠飽肚👍🏻

好耐無去開荃灣，咁岩同行住係荃灣既朋友話附近有間健康多菜少肉又好味既餐廳，推介我去食，於是決定一於去試下！第一次去食，見到原來有好多選擇！除左有特定set，原來仲可以有D.I.Y.自選配搭！我揀左個彩虹組合，另外揀左熟肉 (慢煮天多利雞半份 + 薑汁松板豬半份) ，而底層就揀左黃姜椰菜花 + 白飯。真係好大碗，配料份量超足，松板豬煎得幾香口，口感有d脆同爽口，不過薑汁味就唔係好出，但都好好食，至於慢煮雞味道就比較普通，不過感覺健康清新都幾好。彩虹配菜組合，有青瓜、蕃茄同甜椒等，食落好開胃清新，至於黃薑椰菜花方面，黃薑味道不重，無香料味道，一般人相信都好容易接受，我個人就都幾中意。至於同行朋友就揀左紅菜頭組合，另外都係配熟肉 (慢煮天多利雞半份 + 薑汁松板豬半份) ，而底層就都係揀左黃姜椰菜花 + 白飯。另外再加牛油果。紅菜頭配菜組合有: 紅菜頭、甜黃椒、紅腰果、羽衣甘藍、毛豆，亦係好清新健康、營養價值好高既配搭！我地另外再每人加$20加一支蘋果汁同橙汁，成餐飯都好健康同營養價值高，真係出街食飯比較少有既健康又好味之選，黎開荃灣必定會再次幫襯！

又掛住呢間的刺身飯，今日收工又來到荃灣買外賣番屋企慢慢嘆，太多款次次都睇menu都揀勁耐！經典雙拼 $86今次叫了呢款和風style，滿滿的三文魚和呑拿魚，配上烤南瓜、玉子燒、炸豆腐、四季豆、車厘茄、菠蘿和毛豆，再有少許芝麻和紫菜，jo番屋企再加少少麻醬食，好清新超級好食！同真係好大碗好多配菜，大滿足🥰.煙燻油辣味三文魚 $82工人姐姐喜歡辣辣的就點了呢款俾佢，好多紅菜頭和腰豆，姐姐第一次食覺得好得意同好有咬口，好快就食哂成碗佢加左少少刮豉油食大讚好食！.煙燻油辣味吞拿魚 $82老公都係好辣之人就點左呢款俾佢，好多呑拿魚、泡菜和青瓜，食落好爽口同真係幾辣🤣好惹味岩哂好辣之人.很喜歡呢間刺身肥美新鮮，配上很多配菜和飯，又飽肚又健康價錢又唔貴，一定會再encore!

✨PICKABOWL✨美式魚生蓋飯 POKE BOWL主打低卡路里，食得有營MENU本身已經有好多選擇，選擇困難症真係岩哂，如果唔岩自己可以mix and match，想點食就點食🌈Giant’s Bowl 夏威夷四重奏沙律底+彩虹組合辣味三文魚，經典吞拿魚，泰式酸辣大蝦，牛油果色彩繽紛，賣相好吸引，口感豐富，食落好有層次魚生好新鮮，經過醃漬，配上沙律食味道岩岩好最欣賞牛油果，熟度岩岩好，唔會有黑斑，唔怕有生澀味，食起黎又香又軟又滑，分量十足，食完好飽+ 鰹魚昆布湯昆布湯好足料，有豆腐有紫菜，唔會話好鹹+蜜桃汁🌈SOUL URGE 蒜片油熟蝦沾烏冬+紅菜頭組合蒜片油熟蝦充滿蒜香，夠哂新鮮夠哂彈牙，好可口，烏冬食落好彈牙，好似讚歧烏冬咁，唔會食落一口酸味+ 鰹魚昆布湯+蘋果汁清清地好健康。