Pickabowl (荃新天地2)

营业中

休息中

夏日必選~抵食又健康的日式魚生海鮮飯~最近迷上做運動減肥，平時都比較多係自己煮健康餐。早幾日同朋友係荃灣西行完街，先知原來荃新天地開左間pickabowl ，即刻就決定食呢間。好耐之前食過D2 place 果間 pickabowl已經覺得不錯，所以想試埋荃灣呢間質素如何啦。一如既往，我成餐飯用左最多時間係「揀食咩野」因為有好多款呀，仲可以自由配搭。我懶得諗就揀佢既熱賣款「夏威夷四重奏Giants' Bowl」 $106 (彩虹)- 辣味三文魚、經典吞拿魚、泰式熟蝦、牛油果配白飯超級colourful又大碗好味，牛油果同3款肉海鮮肉好夾岩哂我要食高蛋白+高纖+低碳既飲食要求而朋友就DIY自選，可以揀2款魚生或熟肉，然後再揀配菜同底層- 煙薰辣味吞拿魚、西班牙蒜油熟蝦、彩虹底層組合、配黃薑椰菜+糙米飯- 另外加$25升級套餐：有昆布湯，溫泉蛋，同埋甜品蒜油熟蝦質地超爽口又惹味，連超容易中伏既黃薑椰菜都煮得唔錯講真香港夏天熱到傻, 間中食下清爽健康食物真係好正。pickabow走既都係健康路線，連自助水機都係羽衣甘藍+檸檬浸出黎。餐廳另外仲有健康冷壓果汁加配，但我地今次太飽無點到，但我su

今日去荃灣食健康野～係楊屋道有間以健康食物為主既餐廳叫”Pickabowl’’，配合刺身+蔬菜+自選海苔飯，半糙米飯等等嘅base。雖則Pickabowl以健康為主，但同樣可以食得豐富、飽肚❀ D.I.Y 自選價錢由HK$70起,，如果想食最豐富既就可以揀夏威夷四重奏，再貪心d亦可以額外加錢加料～但今次我就揀咗個刺生雙拼(吞拿魚+三文魚)。依個base揀左半糙米飯，蔬菜就揀咗個四季豆。個人感覺第一眼望見兜飯就好有食慾，原因喺三文魚嘅橙色加上吞拿魚嘅紅色，配埋四季豆嘅綠色俾人嘅感覺好清新，而到將配料加飯擺入口之後，首先感受到三文魚同吞拿魚嘅油脂香同軟淋淋嘅口感,其次感受到四季豆脆卜卜嘅口感，最後食到糙米飯香。 高度推薦比keep 緊fit既大家去試下~ 🥰

去到荃灣成身已經出晒汗熱辣辣真係好想食返啲凍嘅嘢咁啱見到呢一間新派嘅魚生飯走年青路線而且入面仲好似車仔麵咁樣可以有唔同嘅選擇而且睇佢個選擇比例亦都非常之多除咗佢已經訂咗嘅食物比例仲可以每一款食物自己揀可以創作超級多唔同嘅選擇而且啱晒我呢啲選擇困難症嘅人因為又想試唔同嘅嘢又有唔同嘅組合可以配合自己想食嘅嘢不過鑒於時間非常之倉猝所以就選擇左外賣返屋企食首先叫咗個彩虹四重奏就係貪佢有好多唔同食物嘅組合包括有吞拿魚三文魚中華沙律而且仲有半個牛油果咁多而且最愛值得期待就開嘅配菜就係有唔同嘅青椒紅椒黃椒切丁最鍾意就係食咁多蔬菜再配合埋沙律咁樣嘅組合鑒於天氣實在太熱所以我就冇選擇左飯大姨選擇左烏冬底果然冇選擇菜因為上面係凍冰冰嘅主菜再配合埋呢個烏冬非常之咁配合烏冬會吸收晒醬汁嘅味道所以非常之濃郁嘅麻油味另外同行嘅朋友就選擇咗天多來吼雞配上了亂畫嘅雞肉再加上辣辣地嘅印度醬汁非常之咁惹味另外因為屋企有小朋友嘅關係所以就選擇左一個細細份量嘅親子丼但係拎到返屋企發覺原來都唔係太細分因為佢嘅份量同大人版都係差唔多配上了慢煮雞肉粒小朋友食得非常之咁開心而且醬汁仲非常之咁溫和唔會泰龍味所以小朋友亦都食得非常之咁開

夏天總會想吃得清爽一點朋友推介這家夏威夷刺身bowl配料新鮮，款式不少口味配搭選擇多樣化既可自選，亦有已定配搭：）點選過後就可等待後自取朋友點了新推出的火炙系列她選了帆立貝蛋黃口味的丼飯，聽說很不錯呢我則點了自選bowl，選了和風三文魚及蒜香大蝦主食點了的烏冬很彈牙也推薦大蝦配料和蛋黃系列的配菜！！我倆也將bowl升級至套餐升至套餐後便會包有流心溫泉蛋和飲料～更有是日甜品呢！！！整體令人滿意 😊😊

想健康清新既好選擇，食之前既擔心係好dry，但除左主食之外，仲有好多配料同醬汁令到成件事無咁單調。可以選擇自選，或者唔想煩就揀佢set埋比你，今次兩款都有試。.Classic Couple 經典雙拼 (三文魚+吞拿魚）升級仲有個溫泉蛋，布丁同埋昆布湯。份量大既，切粒既三文魚同埋吞拿魚唔係唯一主角。預設左既和風底有南瓜，玉子燒，豆腐，四季豆。最最關鍵係加埋溫蛋，成個set係加分好多。.而DIY自選組合就係Mayo 泰式熟蝦，西班牙蒜油三文魚，黃姜椰菜花加白飯。蛋黃汁用嚟撈飯係一流，另外仲加埋牛油果好match 。西班牙蒜油三文魚非常香口，配合埋好新鮮嘅熟蝦已經好好食，而估唔到食落係咁香甜嘅黃姜椰菜花都好值得一揀。

講起荃灣，就會諗起「天空之城」，因為只要行天橋，就可以去晒區內9成商場🙈今次我地唔咁「離地」，去咗間係荃新天地二期地下嘅沙律/日式西餐店食個晚餐😆同一個商場仲有donki，可以食飽去行下跑下，有得食又有得玩！其實menu都幾多選擇👍👍鋪頭採用先落單付款，後取食物嘅形式……落好order比完錢，就可以拎埋部取餐機坐低飲水！ 呢到嘅水比其他餐廳嘅自來水更好味，因為佢係一大樽浸住西柚羽衣甘藍嘅水😛Tapas Origin 蒜片油三文魚＋黃薑椰花飯及白飯呢個款賣相打卡一流，用料(彩虹組合) 都唔馬虎，有青瓜、菠蘿粒、三文魚等等……食落好fresh，粒粒都大小分明👍 個飯底幾特別，有花香同埋夠高纖，健康人生😎Thai Dragon 泰式青檸熟蝦＋沾烏冬熟蝦加咗酸酸甜甜嘅青檸汁 (蛋黃組合) ，配料主要有蟹籽同青瓜，令人食指大動……然而，加埋沾烏冬令到配菜變成小小沾濕狀態，個人建議揀返「飯類」做basic，食落口感更佳🤪 另外，我地仲加咗$25變成套餐，多咗個溫泉蛋、鰹魚昆布湯同布甸。🥚：入口凍身，內裡流心🥣：味道較淡，唯海帶數量不小🍮：日本🇯🇵 pudding，好邪惡🙈鋪頭唔算太大，廚房用膳各佔

2021年9月18日 晴今日去左荃灣, 見到有魚生飯就食下la有期間限定, 一定要試la都有好多款揀唔想食佢配好ge 飯都可以自選仲有得試下tim果汁都幾吸引睇住店員裝飯, 望到都流口水呢邊係配菜仲有水自己隨便針, 個水有淡淡ge 西柚味, 飲落好fresh 好好飲焦糖火炙帆立貝 $98, 配山藥wasabi 同黃薑椰菜花+半糙米飯火炙帆立貝真係好好食帆立貝鮮甜, 仲有好香火炙味山藥同椰菜花爽口, 仲有紅梅乾、枝豆同秋葵, 好足料好大碗山藥仲有拉絲, 好似食緊芝士咁煙薰油辣味雙併 $86, 有吞拿魚同三文魚, 唔會好辣, 配料有青瓜泡菜同紫菜, 好香好惹味呢碗揀左配沾烏冬, 感覺唔會好heavy, 份量arm arm 好仲升級左做套餐 +$25, 有蛋有布甸同湯, 但因為冇曬湯換左個飲品個布甸真係好好食, 好滑好香, 食完飯食arm arm 好個人比較中意食烏冬, 食飯太大碗好飽呢Red Dragon $35, 飲落好香蘋果味, 唔好以為咁多生果就好難飲好草青, 佢又冇喎同飲果汁差唔多, 而且都好大杯, 兩個人share 都夠

After a heavy meal yesterday, we planned to go for something light for dinner tonight. Since we were near Tsuen Wan, we suggested Pickabowl. It was located at Citywalk 2, few minutes walk from Tsuen Wan West MTR.It catered for dine in as well as take away. They have a transparent glass window at the counter showing their staff preparing our bowl, where all the ingredients were placed. They have a water drink counter for customers to drink too.For just selling salad bowl, we were spoilt for choic

日日放工都唔知食咩好，食茶餐廳又太heavy，沙律又太dry….終於穩到一間食得健康低卡路里但係又好味既健康餐啦。沙律黎講Pickabow選擇都算好豐富，淨係個底都有超過十款選擇。望住個餐牌十分鐘都唔知食咩好，因為樣樣都想食🤦🏻‍♀️…..環境都唔錯，堂食仲有西柚水提供，有D特別。不過今次我係外賣，下次再試西柚水😋🥗揀左個夏威夷四重奏$110，個沙律底係彩虹，而肉類就有辣味三文魚，吞拿魚和泰式熟蝦。呢個最適合我地呢D選擇困難症人士啦，咩都有。🥗屋企人叫左個DIY自選$88, 沙律底揀蛋黃組合，肉類就有吞拿魚同蒜辣八爪魚。如果平時中意食辣既人，想食得健康但係又唔想淡而無味，非常推薦食佢地個蒜辣八爪魚….好好味 總括黎講，非常推薦，好味又健康。💯💯

星期五晚公司要開會，夜晚開會梗係會肚餓，就決定去買啲健康嘅Poke Bowl同同事一齊食。荃灣西有Pickabowl店，之前喺荔枝角都食過，質素真係唔錯，荃灣都有店，就一於喺度揀幾款外賣。見着店員帶着手套幫手加入不同的新鮮食材，感覺相當衛生，安全。經典三文魚$82（和風組合）夏威夷海浪三文魚$82（彩虹組合）慢煮天多利雞$76（蛋黃組合）由於大家一齊開心share，就一於揀幾款唔同嘅特色組合。全部都揀咗黃薑椰菜花+糙米飯，等大家都可以食得特別健康，黃金椰菜花口感爽口，糙米飯亦相當健康。唔同組合有唔同食物，例如經典三文魚就有豆、豆粕，相當爽口入味；另一款夏威夷就多咗青瓜及中華沙律。鹹香十足特別清新。慢煮雞大家一齊開心share，比想像中嫩滑唔dry，上面亦都有好多汁，令味道更有層次，裏面亦都有好多水份十足嘅青瓜粒，令整體清新得多！

和風組合經典雙拼經常食，貪佢魚生沙律夠健康，今次我揀咗個三文魚＆吞拿魚。我選擇了沙律菜，不過好似陣風咁，輕飄飄唔夠食。如果怕唔飽，可以選擇半糙米飯，堅飽肚。或者加 avacado，中華沙律等。有太多選擇，有排簡。菜新鮮，爽脆。喜歡它的配料有好多款，菠蘿，豆卜，南瓜，豆角，車厘茄。樣樣都有 d。正。因為我至愛🍍，經常買。不過今次啲魚生切到好細粒，明顯縮咗水。無咬口，食得唔過癮。魚生比較少。三文魚肥美的，但吞拿魚就麻麻新鮮了。主要靠個汁令成個沙律/魚生更出味。偶然會食，因為市面上比較少同類沙律。質素OK，份量可以多返啲，因為價錢都唔平。

喺荃灣呢頭返工，放工之後同事話想食健康啲，所以就揀咗呢間喺荃新天地新開冇耐嘅餐廳了😛Menu簡單易睇，而且仲有好多選擇，總有一款係你會鐘意嘅🤣除咗DIY套餐仲有set好嘅餐嘅，啱曬選擇困難症嘅人🤣野飲都好健康好多選擇，清腸胃一流☺️鋪頭入面嘅水都唔係普通野，入面加咗料，望落就知係健康野😆 賣相非常靚，望到就覺得好開胃😋我就揀咗煙燻辣味吞拿魚同西班牙蒜香油三文魚再加埋泡菜組合🥰不過我就覺得咁樣食好似太辣，大家要量力而為呀🤧之後我地都加多$25 upgrade咗升級套餐，咁就包埋野飲，温泉蛋同甜品🤩三文魚好嫩滑新鮮，加埋醬汁撈埋真係絕配🥰地址：荃灣楊屋道18號荃新天地2期地下G06號舖

夜晚不算太餓，就和朋友去pickabowl各自order了一個DIY自選，$88包兩款魚生，自選配菜和底層，控制卡路里也可以很輕鬆～1. 煙熏油辣味三文魚+泰式熟蝦 - 三文魚沒有腥味，但有少少筋，辣味不算太明顯。熟蝦🦐配魚露酸甜可口，非常開胃，蝦的個頭都很大👍🏻 - 配料選了彩虹，顏色果然非常豐富，最喜愛裡面的青瓜粒，爽脆清甜，配魚生吃很解膩。 - 底層選了黃姜椰菜花加糙米飯，椰菜花碎比我想象中容易入口，和其他配料也算夾，低卡之選。2. 煙熏油辣味三文魚+慢煮天多利雞+西班牙蒜油八爪魚 - 天多利雞選用的是雞胸肉，肉質不柴，但略嫌不夠入味，香料味道似乎只停留在表面。八爪魚爽口沒有腥味，配蒜油非常香，如果再切的大粒一點口感就更好了！ - 配料選了泡菜，撈飯吃味道比彩虹濃郁很多，如果怕味道太淡選這個就沒錯了。 - 底層選了白飯，軟硬適中，正常發揮。Ps: 所有DIY自選都可以加$25配套餐，套餐有溫泉蛋，甜品和昆布湯。溫泉蛋沒有腥味，而甜品則是焦糖布丁，嫩滑可口。可惜當日昆布湯已經賣完，所以換成了飲品😢

收工後要去做運動，中間有些少時間真係幾難搵野食，喺出面食要有營養又要味道ok重要快嘅選擇真係好少。之前做完運動夜晚9點，經過呢間荃新天地店想食點知佢地關門🤦🏻‍♀️，今次做運動前食💪🏻。跟住餐牌次序叫，由底到面料到醬料，唔想煩就叫佢pre-set 個啲。我地要快所以叫經典三文魚飯加牛油果，兩樣都係Mr. Jun 最愛。經典三文魚飯+牛油果 The Omega + Avocado - 個底叫左白+糙米飯（唔食澱粉質嘅有椰菜/沙律底揀）- 和風材料（第一次食，揀日式無死😂重有其他重口味或者清新選擇）- 三文魚（魚生又得，蝦，素菜又得）- 加1/4 牛油果（$12有點貴但想食無辦法）材料新鮮，可以食到乾乾淨淨食得有營養，再加運動，過個健康人生😜

📍 餐廳：Pickabowl (荃新天地) (荃灣)地址：荃灣楊屋道18號荃新天地2期地下G06號舖1️⃣Spicy Couple $86 + Meal it $25第一次食美式魚生蓋飯Poke Bowl，感覺都幾清新同健康，而且有多款選擇。Spicy Couple有煙燻三文魚同吞拿魚，配菜就有泡菜，底層就揀咗沾烏冬，味道唔錯，醬汁都幾惹味，辣度亦夠適中。另外加$25 upgrade咗做套餐，包括有溫泉蛋、堅魚昆布湯同甜品，可惜嗰日無湯，有汽水代替。2️⃣D.I.Y自選 $88 + Meal it $25另外仲可以自選Poke Bowl，所有配料都可以自行決定。我就揀咗泰式熟蝦配煙燻油辣味吞拿魚，加上Mayo配菜組合，底層就係白飯加糙米飯。大大碗，配料又多，食完都真係幾滿足。