Pho Anh 越式牛河法包外賣店

純路過見有招牌越南豬肝醬法包，就買嚟試吓，睇吓會唔會同荔枝角嗰間一樣咁好食，只可說失望～其他未試過不能作評論，只可說包冇乜特別，啲肉嘅味道麻麻，成個包毫無特色，如果有幫襯過荔枝角嘅小店就知我講乜，冇比較冇傷害…查看更多

最近有同事介紹呢一間越南外賣店，鍾意食越南粉嘅我就決定去買一次外賣。佢門面都幾隱蔽㗎，好容易就經過咗😗佢哋啲餐都幾化算，河粉連小食加嘢飲都係$58 ，今次叫咗越式牛肉河加柚子沙律，另外加$20叫咗焦糖咖啡，埋單$78一打開個牛肉河，就見到佢份量好足！淨係牛肉都有十塊 ，最正嘅係佢啲牛肉真係啱啱熟，好嫩滑，而且個湯底都好好味，同越南食嘅湯河有八成相似🇻🇳柚子沙律相比起就有啲失色，本來以為會有少少肉做配料，但係真係得柚子同埋菜😆不過如果$58嚟講都算係咁，所以都冇投訴最後就係加$20嘅焦糖咖啡啦！標榜係獨創嘅焦糖咖啡，反而就覺得唔係好值，雖然味道係唔錯，但因為同出面飲嘅咖啡分別唔大，我覺得唔需要特登加$20飲啲支咖啡😗雖然咖啡唔係好建議大家叫，但係總括嚟講佢哋嘅嘢食都好好味！如果響附近做嘢嘅話可以一試🩷…查看更多