PHO 24 (已結業)

今日要去沙田新城市做嘢, 為免同其他人迫, 跟同事提議不如早啲食lunch, 左揀右揀都係決定食Pho24 , 因為我钟意食越南扎肉吖嘛。 咦~點解餐牌無扎肉粉架?? 好無奈地叫咗碗$38個大洋嘅雞絲湯粉, 個waitress好似唔想做咁, 態度勁差。 雞絲湯粉: 味道太淡, 碗大大, 一大碗都係味精湯, 得一撮粉, 幾嚿無肉嘅雞, 仲要得幾條芽菜。 真係有冇攪錯呀

要補返一個之前既食評先...同朋友去開沙田，原本打算食 SUPER SANDWICH，但朋友又想食越南野，咁就入左去。見佢 D 午餐，如果唔加飲品的話，佢只係同散叫差一兩元，真係冇乜着數。叫左三碗湯河，佢總括黎講都叫幾清，但成三十幾四十蚊一碗就真係唔值囉。至於佢既魚露係唔夠鮮，再加上杯冰 -- 真係嚇死人，佢真係用同傳統中式綠豆，再加椰汁。好少可係越泰菜館見到。食物質素一般，勝在夠清，但真係唔抵... 所以唔會再幫襯。

行完一田百貨，開始搵野食，眼見Shakey Pizza堆左幾十人响門口，呢度有位唔駛等，一於試下啦，又唔駛死既 ~我地坐响Bar枱，見住班廚房員工不停碌粉、包米卷，都幾得意。雞絮湯河($3x): 湯底夠味得黎唔會好濃，食完成碗都唔覺口渴香茅豬扒煎蛋飯($48): 試過少少豬扒，真係普通過普通，咁我做乜要响呢度食呢，仲貴埋個加一添越式拼盤($7x): 雞翼扎肉都還可以，但唔見得標青，春卷炸得唔夠脆，最差都係個米卷，一Pat漿糊咁小食真係麻麻，種類又唔多，如果有機會再黎既話，都係食碗粉算數Lu......

地方新裝修,清潔,光猛甜、辣醬齊全香花菜、芽菜、青檸齊備湯夠熱、夠濃生牛肉+牛丸粉 $49 ： 牛丸比較咸但美味,個粉好正招牌什錦牛肉粉 $59：牛展好腍蒜蓉炒時菜 （九菜花)$38: 有魚露鮮味,好爽脆

想吃一頓稱心的越南河粉，可惜令人滿意的店子真的不多，這間Pho 24打正跨國集團的旗號，在多個國家也有開設分店，對於過江龍總多加兩份注意，選了較平的下午茶時段前來，除河粉之外，也想喝一杯地道的蒸餾咖啡。侍應的服務態度十分不錯，叫了一碗生牛肉河粉，先奉上青檸檬、辣椒、芽菜和香葉等，桌上也有碌冧、鹹魚露和辣醬等，配套可算齊全。始終主角還是那碗河粉，而其湯底的優劣，則影響著味道成敗的關鍵。論賣相是不俗的，其湯底成色也深，用的是幼身的金邊粉，口感爽滑之餘亦有米香，可惜湯底味道實在不如人意，一來熱度不夠，「灼熟」不了上面的生牛肉，二來味道實在也淡，更遑論鮮甜之味，唯一可以做的，是下上香葉來「提升」味道， 整體而言大有改善的空間。以前也試過其他餐館的出品，味道上未致於蔡瀾所說的境界，但湯頭的鮮甜，用心之下還是嚐得出來的。這裡依靠流水作業的方式，品管上可要下點功夫了。不過那杯越南咖啡倒是值得一讚，咖啡豆質素不錯，配上特製的蒸餾壼，衝出來既有香濃之味，卻沒有酸苦之感，配上地道的煉奶沖製，口感香滑，亦嚐出回甘的感覺出來。四十餘元一頓的下午茶，也不算十分貴，但那碗未盡人意的河粉，令我大大減低再來的意慾。

上星期第一次到這間食越南嘢,我同朋友叫了一個咖哩雞飯,一個生牛肉雞絲湯河及二杯咸檸七。首先牛肉雞絲湯河啲湯好清,同出面唔同唔會覺得油膩,值得一讚的是牛肉非常新鮮,同埋最鐘意佢上檯時的牛肉係生既(因為我成日係食度啲熟晒既牛肉),另外佢啲芽菜香葉係分開既,所以啲芽係生既,返而更好食好鮮甜。咖哩雞飯,汁好味...但係最特別係隨咗有薯仔外仲有番薯添,跟住好奇之下問個職員點解有番薯,她就說正中越菜係會有既,總括來說,價錢合理,職員有禮,環境舒服.

轉了新工作地方，去了附近的商場吃個午飯。但太多的選擇了~最後都是去了這個未食過的越南餐廳。點了一個生牛肉粉和青檸梳打。但上菜的時候心在想，為什麼大家都說湯底不夠熱和濃呢？生牛肉粉和外面的不同，芽菜和香葉分開上的。我反而喜歡這樣~(因為我不太喜歡吃芽菜)上菜的時候麵都幾熱，生牛肉都快要變熟牛肉了~XDDD湯的味精又剛剛好，又不油膩~都幾合我口味~青檸梳打都OK~不過這裡有點令我不解的是……既然收了加一服務費，為什麼會有茶介費呢？(那杯茶一點都沒飲過)這樣一來就變得太貴……唔太抵食……(因為這樣，的確打擊了我再來的意欲……)

約左個老友食飯,趁佢未到叫左個熱既蓮子薏米,唔同出面得個甜字,飲左好舒服,唔錯!朋友到左之後先叫個鮮蝦米紙卷,入面夾左D香草,我鍾意WOR~蝦都唔錯~係個皮厚左D再叫左個咖哩雞連包,睇落好似好稀,食落又夠味WOR, 雞都好食~招牌生牛河就有D失望…個湯清左D..生牛同粉就OK啦~反而最有驚喜係甜品,我地叫左個越式焦糖燉蛋同椰汁香蕉西米露,兩個都唔太甜香蕉味好夠,推介!總括黎講,呢間除左個河一般,其他野食都幾好吖~

兩支公無無聊聊在新城市四處行.經過那poh 24就去試試.看菜牌...錯!連一些最基本的蒙炒也沒有, 那是什麼越南菜館!!叫了生牛肉河及鮮蝦米紙卷.生牛肉河...錯!芽菜和檸檬葉分開上, 要自行加入湯.芽菜根本熟不了, 還有草青味. 檸檬葉根本出不到香味.鮮蝦米紙卷...錯!薄荷葉太多, 根本食不出蝦味.請大家有點良心!

2010年2月28日 ( 2-2 ) 沙田 ( PHO 24 - 1 ) 午餐 日程：( Euro Go Go - PHO 24 ) PHO 24 越南餐廳，在越南已超越74間分店，在香港現有兩家，第一間在沙田，而第二間在尖沙咀了。中午行完山後，來到沙田新城市廣場，首先地找食店醫肚了，選擇了 PHO 24 新店，此舖址前身為 ( 魚尾獅-星架坡餐廳 )，今天獨個兒來到這裡，被安排在對着開放式廚房的BAR 枱高櫈上，亦可看到廚師們忙碌的工作，我選吃了一個飯及一杯飲品。香茅豬扒飯：( $48元 )端上來時，除了有豬扒與飯，還有雞蛋、青瓜及番茄伴飯旁、香茅豬扒是黏著麵粉炸製成，樣子炸得燶燶的，不甚好看，幸好，吃起來時味道也不算差呢。椰汁紅豆涼粉冰：( $28元 )椰汁味濃郁，涼粉爽滑，紅豆腍甜，做得很好，椰香味美。這裡枱面擺放着四重調味料瓶，有辣椒仔汁、海鮮醬、無渣的咸魚露及有渣的是甜酸魚露。餐後總結味道：味道是好味，但今天食物要的彈的地方，就是那燶燶豬扒了。環境：中午人多，嘈雜點。服務：有問題向店員查詢時，店員也樂意回答，接觸到的店員都很有禮貌。衛生：食具乾淨，Bar枱有輕微黃漬

本身其實唔係太鐘意食越南菜, 因為覺得無咩特色0野, 但個日同朋友去到沙田新城市廣場行完街, 又唔想再出去周圍搵0野食,(因為shopping到大袋細袋)見到呢間都唔少人食緊, 咪入去試下lol生牛肉粉 - 值得推介, 牛肉味道唔錯, (好有牛肉咪, 我係其他餐廳食過d牛肉係無味0既), 個湯幾清, 0岩晒我呢d怕油膩既女士咖哩牛腩 - 咖哩味好香, 又唔算好辣wor, d牛腩好lum, 唔錯柚子沙律 - 好清新0既感覺, 仲有蝦片送, 好開胃魚蝦豬肉米紙卷: 我第一次聽到呢個菜, 平時d只係得一種choice, 今次有3款一齊食, 所以想試下, d米紙好得意, 其他都唔算好大驚喜越南蔗蝦 - ok啦越式焦糖燉蛋 - 好有驚喜wor, d味好協調, 正越式椰汁芋頭糯米泥 - 是凍食0既, 亦係我第一次聽到拍既越南甜品, 芋頭同椰汁都好香好num, 值得, 試

環境: 舒適服務: 服務員超細心, 見我大肚即刻比杯熱水我食物: - 咸柑桔: 好味, 一共飲左兩杯- 柚子蝦沙律: 蝦新鮮, 柚子酸甜適中- 魚露雞亦: 好香, 唔油膩, 愛好雞亦者必食- 咖喱雞: 送飯一流, 好有椰汁香味- 牛肉湯河: 另附上香草送湯, 好香; 湯好濃; 牛肉好tender- 焦糖燉蛋: 全晚的highlight, 好滑....yummie

平日行過新城市都鬼咁多人，尤其晚飯時間真係想搵個位坐o下都難。尋日再次途經又見肚仔餓，見到PHO24有位都心大心細，因為見咁少人食就有d危機嘛....不過不嬲對東南亞美食都情有獨鍾，就膽粗粗試下咁啦...一埋位睇下個Menu,都係普遍越南餐廳食品，唯見到沙律前菜就較為少見，於是點了個甜酸牛肉沙律試o下,上桌時一共分三碟,一碟牛肉,一碟甜酸醬既東東，再加一碟蝦片.....甜酸醬就要自行倒落牛肉上撈一撈再用蝦片盛住吃---哈！當d沙律放到蝦片上時，即刻發出滋滋聲，原來d蝦片係即炸....又幾特別喎~後再食過雞肉米卷，味道中規中距，但香草就幾新鮮，算唔錯~再黎一碗生牛河同咖哩牛筋連法包,生牛河又係配菜分碟上，除左用開既金不換葉同芽菜，仲見到其他餐廳少見既一種越南香草，味道疑似芫茜既...食落味道都唔錯，但呢d細節上就令我呢個香草人一點驚喜啦.咖哩牛筋味道尚ok，但就好似稀左少少...跟住再黎一個好似叫魚露雞翼...因為香矛雞翼食得多，鍾意試新野既我就挑戰下啦，味道就似蜜汁雞翼,都幾香就唔係炸既，食落就無咁熱氣到甜品時間就叫左個椰汁香蕉西米露同蓮子意米熱飲當糖水，香蕉味夠濃，西米硬度都ok，唔

諗唔到食咩~又好耐無食過越南野~就試下呢間啦~7點幾去到,坐滿人,但等左5 mins就有位啦~menu有點殘...打開發覺得好小選擇渣...即刻覺得入錯左黎~好彩最後食完覺得水準ok...由於食物選擇有限,只點了三樣野食~牛油雞翼---有5隻,每隻都有d蒜係面~幾香口生牛河---河粉份量正常,湯太清越式豬扒飯---其實我地係叫碎米o個隻架~不過我地未食過,唔肯定,睇番食評先知佢上左越式豬扒飯囉~但都好好食,竟然有好多塊豬扒啊~錯有錯著!!

見咁多人俾喊咁口，又見沙田咁近, 就即管試下有幾差------>差都係一個經驗jei, 無妨既 星期四晚無咩人, 好oY, 唔洗等位最岩我 ~~食越南野梗係要試下個牛河得唔得啦，3個人叫左2個牛河, 1個生牛肉搭牛肚牛腩, 1個生熟牛肉搭牛筋, 牛肉都ok既, 湯底話用左24種秘製野整, so far so good la,清清地, 金不換同芽菜都新鮮 ; 牛肚牛筋就無咩味....但只係$4X , 大大碗算係咁 , 好過好多差唔多價錢但更加hea既越南食肆, 果d 單拼都成$40/碗, 明掠水 !! 魚露雞翼唔錯, 食得出係即整, 都幾大只 蜜糖豬扒(唔sure) 都好腍, 甜甜地幾得意, 食厭左香茅豬扒既可以試下呢個 咖喱雞, 香料幾香又唔spicy, 送蒜蓉飽一流!! 甜品一人一款 , 越式焦糖燉蛋 + 越式椰汁香蕉西米露, 旦好滑, 香蕉又香，唔太甜，岩我 : D 每款只係$2X, 都幾抵食overall黎講, 每人都唔洗$100, 環境又唔錯, 有咁既質素其實幾ok ga 喇~~好過好多用料唔新鮮既越南食肆....所以今次唔算係個差既經歷, hahaa