PHENOMENON WINE • DINE (已結業)

來到Weekend，食飯嘅時間通常都打亂，雖然係Tea Time時間，但其實係食brunch。落地玻璃令餐廳光線充足，最中意白色為主嘅簡約裝修，高樓底+廣闊嘅景色，對著維港景，可以放鬆心情去享受美食。餐前有牛角包，上枱時仍暖，而且好脆口。Brunch嘅頭盤揀咗「36個西班牙風乾伊比利亞黑毛豬火腿沙律、香橙醋汁」。菜好新鮮，配合香橙醋汁，酸酸地好開胃，風乾火腿嘅鹹香剛剛好，夾住菜食又係另一種風味。Main Course- 三文魚配日本流心蛋、檸檬牛油汁擺盤十分精緻，只係味道有點點失望，三文魚overcook咗少少，唔太滑。流心蛋嘅蛋黃好紅，類似蘭王，原本以為流心蛋係類似日本拉麵嘅原隻流心蛋，再切開兩邊上碟，但原來係荷包蛋。。。誘惑醉人提拉米蘇用藍色嘅杯上枱，十分精緻，好啱打卡。芝士好軟滑，原來下層嘅手指餅係用Lavazza嘅咖啡浸過，之前飲過Lavazza嘅咖啡，覺得好香。除咗咖啡香，仲有少許嘅酒香。不過略嫌底層嘅手指餅過濕，影響口感。

老公第一次送驚喜給我，靜雞雞book了餐廳慶祝拍拖週年紀念日，真的超級surprise。一上到餐廳整個格局裝修都非常吸睛，原來室內設計參照迪士尼電影「創戰記 Tron Legacy」內的餐廳設計，唔怪之得充滿一些科幻電影的Cyber feel，露台位置簡直是打咭地，有發光圓形吊椅，相信日落時分一定非常漂亮。Set dinner Menu 分開4 courses/ 5 courses, 每項食物都非常吸引，一於決定揀選5 courses ，每樣都可以吃到。頭盤香煎北海道帶子，面頭放上風乾豬面頰肉，上枱時店員再即席倒入燒粟米濃汁，先品嚐燒粟米濃汁，粟米味香濃口感幼滑，北海道帶子煎到剛剛好，入口細嫩鮮味十足，風乾豬肉咸香酥脆，而且更加可以提升鮮味。龍蝦湯 用上新鮮龍蝦長時間熬製而成，老闆仲要每天親自監督出品，保證做到最好，用透明玻璃壺裝上再倒入碟中，龍蝦湯加埋干邑忌廉，龍蝦湯香味濃郁，酒香可以增添香氣，啖啖龍蝦精華，滋味十足。香辣炒全麥紅辣椒扁粉、鮮活蜆扁粉本身已經加入紅辣椒製造，所以入口香辣惹味，麵質口感都會比一般意粉更堅實、有咬感，最重要呢款口味加咗紅辣椒，令平常意粉料理多咗辛辣香味的層

向尖沙咀有這樣夢幻地方, 呢到係朋友推介既Phenomenon Wine Dine, 地址向尖沙咀 The One 20樓. 一入去已經比佢270度既落地玻璃窗吸引住, 不論在下午或晚上入到餐廳都令人覺得入了夢幻既虛擬世界,  加埋室內設計加上傢具有點置身皇宮,裝潢環境枱都非常打咭都非常岩打咭,  一邊影一邊食. 叫左下午茶, 頭盤有2隻法國生蠔，蠔非常鮮甜加上小小海水味.接住系西班牙風乾火腿加松露烤三文治, 芝士加上火腿仲有淡淡松露簡真系絶配. 仲有系份量不少既西班牙伊比利亞黑毛豬風乾火腿加埋肉腸仲有之士焗粟米片, 火腿加上芝士, 感覺超滿足.仲有兩杯甜品Tiramsu做甜品真係完美下次要黎食晚飯再欣賞270度夜景

坐立The one 20/F, 有美景而沒有好好利用，裝修想走前衛科技感，但又配上格格不入的歐陸家具，地板像廁所階磚。服務既不專業亦不認真，入座後空杯子冇人加水，飲品、前菜、麵包次序混亂，侍應彷彿巡邏般走過卻不曾看見客人舉手。食物質素極差，一般西餐水準都達不到。餐廳定位好混亂，一般餐廳座落此地段，食物質素、裝修格調、服務質素，呢三樣起碼會做到兩樣，暫時係第一次見識到呢個價位既餐廳3樣都做唔到。相當肯定人客只去一次後並不會再光顧。建議老闆仔細再想想要做一間點既餐廳，裝修同食物一時三刻改不了，但無論如何都有必要做好服務。更有效是索性唔做餐廳做酒吧，放幾張beer pong table, 飛鏢機，賣大桶大枝既中價酒，既無需高質服務亦免了食物奇差的尷尬，炸下薯條當佐酒小食更好。

如果問到人生最享受嘅事係邊一個moment嘅話相信可以望住靚景感受同品嚐一餐高質素嘅美食絕對係不二之選，再矜貴嘅食物如果缺乏咗一個靚嘅環境點都係覺得差咁啲嘢，所以就越嚟越多打卡餐廳出現咗，咁就可以令到每一位顧客都可以有視覺同埋味覺嘅享受。 😎所以喺尋找高質餐廳的故事呢條路上可以不斷咁突破自己嘅認知，即使係貴少少嘅餐廳但如果可以食埋靚景嘅話咁就真係值晒回票價。 😌如果講到環境高質同埋食物高質嘅話相信喺尖沙咀呢一度絕對搵到唔少嘅心儀選擇， 尤其是喺The One呢一度更加可以飽覽到周圍嘅環境，其中有一間更加可以用科幻來做比喻嘅餐廳更加係瞬間震懾到幾乎每一位顧客— Phenomenon😏未講食物之前真係要強烈讚嘆下呢一度嘅環境實在係令人置身科幻電影裏面，的確呢一間餐廳嘅室內設計就係參照咗創戰記Tron Legacy裏面嘅餐廳設計，相信睇過呢一套戲嘅人都感受到戲裏面嘅虛擬空間同埋以幾何形狀嘅單位構成仲有邊界會有泛藍光嘅光條，喺呢一度感覺時間好似流逝得更加慢，可能就係因為沉醉於呢一度嘅環境。🥹特別係夜晚嗰陣嚟到先至會完全感受到何謂科幻氣氛。😳香煎北海道帶子、風乾豬面頰肉、燒粟米濃汁🌽——— 首先

🌕Hello我係Moon🌕唔知大家有冇睇過《創戰記 Tron Legacy》，😎入面嘅視覺效果真係睇到好澎湃！嗰陣時已經喺度諗，😝如果現實生活都有咁樣嘅設計就好啦！🤪我仲記得嗰陣時係同一位同我一樣咁鍾意科幻電影嘅朋友一齊睇，😝數下手指都好耐冇同佢睇戲啦，😤最近大家都好忙冇咩時間睇戲又好少聚會嘅時間，😳喺OpenRice見到一間超級超級靚嘅打卡餐廳，😏又有創戰記 Tron Legacy嘅feel，😗即刻text佢問下有冇興趣一齊食餐飯想當年😂我喺評論區睇到話依間餐廳一定要訂枱，😉我就訂咗係晚市時間開始嘅時候入座，😌我同朋友一出嚟就已經比呢度嘅環境震撼到，🥹真係好有Tron Legacy嘅感覺，🤣估唔到未坐低就已經有咁樣嘅feel！😊坐低咗之後，😉我同朋友都決定要食佢哋嘅set dinner，有頭盤到甜品都有！🥰落咗單之後，😉店員就為我哋送上牛角包同埋拖鞋包，呢個應該就係香草牛油，😗搽上麵包，令麵包更加香同埋開胃！😝一邊望住夜景，一邊食牛角包真係唔錯！🤓我幾鍾意佢哋嘅牛角包，😚鬆脆而且有層次！🤪好快就嚟到頭盤香煎法國鵝肝·焦糖洋蔥·無花果，🤣鵝肝煎得好香，☺️而且佢嘅厚度足夠，😝仔細一睇原來

早排restaurant week, 食指大動嘅MM爸又周圍訂未試過嘅餐廳蕉媽又可以黐餐跟住試美食今日嚟到尖沙咀The One 20樓（頂層）呢間叫Phenomenon嘅西餐廳🔸一流的餐廳環境電梯門打開先看到一條長長富後現代感的走廊，感覺像進入了Matrix的電影裏轉左進入餐廳卻看到純白和純銀色為主的裝潢，感覺非常高雅落地玻璃外是尖沙咀和維港兩岸的懾人景色🔹3 Course Lunch 3道菜午餐🔸Starter 前菜泡沫烤南瓜濃湯 - 名字雖然叫烤南瓜濃湯，但其實湯的味道不算很濃，可能叫南瓜清湯更合適，泡沫湯🥣的質感頗有趣意大利布拉塔芝士、車厘茄、羅勒油醋汁 - 打卡一流的一味菜，從未吃過這樣的意大利芝士、味道香濃、口感非常特別，值得一試❤️🔹Main 主菜意大利飲筒粉、風乾豬面頰肉、洋蔥、羅馬諾芝士、鮮蕃茄汁 - 有點像意大利粉，但飲管份的口感更粗獷豪邁黃油香煎法國春雞（半隻）、薯蓉、蘆筍、烤雞汁 - 法國春雞燒得啱啱好。🔸Dessert 甜品🍮Tiramisu 提拉米蘇 - 非常厚實的Tiramisu, 酒味較濃，賣相精緻，啱晒打卡Crème Brûlée, Mixed Berri

尖沙咀原來有個打卡一流既地方，餐廳可望到維港靚景，裝修好有時尚感用上藍藍的燈光照射，有另一種氣氛。set dinner上左個兩款麵包，再配埋自家制香草牛油，牛角包比想像中出色，外脆內軟，仲有少少微暖。【挪威三文魚刺身、鮮帶子、牛油果慕斯】賣相非常美觀，材料新鮮，三文魚再配埋醃製北海道既帶子同牛油果慕斯，帶出鮮甜味同非常開胃。【法式龍蝦湯+干邑忌廉】勁香濃可口，濃厚橙黃色的龍蝦湯，內裡有多粒龍蝦肉，這種濃湯真美味，真材實料。【波士頓龍蝦尾意大利飲管粉】龍蝦尾勁大隻，肉質非常彈牙又有彈性，用上秘製龍蝦汁、鮮蕃茄、羅勒香葉，飲管粉吸收哂醬汁的精華，真係無與倫比。【烤美國安格斯頂級肉眼】肉眼叫了五成熟，烤得剛剛好，肉質軟稔，肉味香濃，再配埋法國鵝肝薯蓉、鮮露筍、瑪爹拉酒汁，真是絕配。【烤香滑芝士餅、意式芒果雪糕】入口勁香濃的芝士餅，軟滑綿密鹹香可口，再配埋香滑意式芒果雪糕。

走進充滿藝術感Tiffany Blue玻璃水晶屋,天花有華麗的玻璃水晶吊燈做裝飾，氣氛浪漫望住海景食，好優雅的用餐體驗，好夢幻🥰 打卡一流👍🏻如果黃昏嚟呢間餐廳應該可以睇埋日落一定好靚 Weekend Brunch法式🦞龍蝦湯.干邑忌廉.小香蔥🦞龍蝦湯味濃得嚟唔會太鹹,入面仲有粒粒🦞龍蝦肉布拉塔芝士🧀 .油浸車厘茄.紫蘇油醋汁見到布拉塔芝士就心心眼, 一定要叫36 個月西班牙風乾伊比利亞🐽黑毛豬火腿沙律🥗香橙醋汁風乾火腿味道鹹香中，口感細緻同香橙醋汁好夾而且有番石榴粒粒，擺盤又靚又好食香煎法國鱸魚配意大利西蘭花同薯蓉魚肉唔夠鮮嫩, 而且魚皮唔夠香脆, 有一點點失望波士頓原隻🦞龍蝦燴意大利貝殼粉🦞肉質扎實，入口爽滑彈牙，鮮甜可口，貝殼粉包住蕃茄汁，酸酸甜甜好開胃烤美國安格斯肉眼肉質有咬口，好juicy，大愛💗誘惑醉人Tiramisu入口香滑輕身，甜度適中且不過膩略帶少許冧酒香氣， 藍色水晶玻璃杯身，賣相精緻茉莉花奶凍柚子啫喱奶凍滑捋捋，上面綴以酸酸甜甜的柚子味濃郁清新

要找地方有氣氛又要有地方打卡又要有美食,還要就腳,這裡可一次滿足所有要求。餐廳的設計參照了創戰記,使環境好有科幻感覺,大家不要錯過有條用LED做成的隧道,𨋢口位置也是一個打卡位,還有可影到全海景真的美。先到的麵包有2種牛角包香脆,另外的是全麥麵包配餐廳自家製的香草牛油更是一流。前菜香煎北海道帶子、風乾豬面頰肉、燒粟米蓉汁,帶子煎得剛剛熟所以很嫩滑,風乾豬面頰肉比火腿的鹹香味更濃烈,粟米燒到有少許焦糖化帶微微的甜味配上粟米汁使味道平衡。香煎法國鵝肝、焦糖洋蔥、脆烤多士、鮮無花果,鵝肝煎得外脆內軟沒有太多油份,多士很香因吸收了鵝肝的油份,無花果夠新鮮而且很甜配合鵝肝的油香更帶出香味。湯法式龍蝦湯、干邑忌廉,龍蝦湯味道濃烈很鮮美,店員說是老闆每日親身監督製作的,龍蝦肉也很彈牙,肉質沒有散開的感覺這是新鮮貨色,干邑的味道使整個湯的層次提升有回甘效果。意粉香蒜炒全麥紅辣椒扁意粉、鮮活蜆,扁意粉質地偏挺身,而且十分掛汁,辣辣的感覺非常刺激,蜆肉鮮甜。波士頓龍蝦尾、意大利飲管粉、秘製龍蝦汁、鮮番茄、羅勒香葉,意大利飲管粉真是少見,真如飲管一樣中間是通空的,管裏有一些汁醬汁使整體更加掛汁,龍蝦肉是新鮮

超級無敵靚影相影唔停♥️ 室內裝修簡單奢華，白襯藍好夢幻，好有唔吸血嘅吸血鬼feel😆野食普通無乜特別，蠔直澄得個咸字，包又怪味，最好食係個甜品。啲杯碟刀叉襯到好靚，明明marks and spencer 可以買到嘅野立即level up🤣 室外海景睇住日落好浪漫，岩晒情侶去chill, 夜晚夜景我諗會再靚啲。如果單講野食個tea set 性價比超低，完全無廚技可言，真心可一不可再，呢個價錢食好西絕對有更多更好嘅選擇，如果為氣氛同影相絕對值得去。

裝修幾靚。服務。。。。只能說我唔識同年輕人溝通。食物一流，好過地盤快餐車，燒肉油膩膩，蘑菇湯完全唔滑，好似冲杯杯湯嘅味道。三文魚好特別，煮得好食過我。燒牛肉。。。點講好呢？係正常囉。。。不過都唔及大陸美食團嘅酒店早餐。個唔知咩嘢腸係最凸出，簡直媲美生日會嘅菠蘿腸仔，應該係今餐最無敵嘅食物。作為一間係尖沙咀核心地段，餐廳睇到嘅境係幾好嘅！打卡一流。。。咁嘅環境最適合淨係飲杯嘢，真係飲杯嘢好嗱，想食嘢。。。就算罷啦⋯⋯

這一間PHENOMENON WINE • DINE位於尖沙咀The ONE20樓，係一間高級西餐廳，店面環境相當之有氣氛🤔，整間餐廳圍繞玻璃幕牆，可以望到大部份尖沙咀景觀😍，餐廳係以電影《創戰記Tron Legac》內的餐廳設計Cyber feel，同時到咗日落打咭仲有嗰靚靚打咭位超靚😲，地方環境坐著寬鬆舒真係好正👍!.五道菜 $788/位.香煎北海道帶子風乾豬面頰肉 燒粟米濃汁呢一款北海道帶子整款望著都好特別🤔，係以北海道帶子肉質鮮味而嫩口🤫，配咗豬面頰肉口感香而脆口味道都幾好😋，再淋上燒粟米濃汁更加香滑而美味!.法式龍蝦湯 干邑忌廉 +$60呢一碟龍蝦湯賣相色澤濃香😙，散發香噴噴龍蝦味，飲到入口濃郁而滑口好重龍蝦味道😋，比起以往飲過D龍蝦湯更加正，佢嘅龍蝦湯加有干邑同忌廉所以更加香濃同滑口!.波士頓龍蝦尾意大利飲管粉 秘製龍蝦汁、鮮蕃茄、蘿勒香葉 +$80呢碟意大利飲管粉賣相都好吸引🤔，係用咗大大件龍蝦尾望著都好想食🤤，意大利飲管意粉賣相好似支飲管一樣咁，口感煙韌比較有咬口都幾好食，龍蝦肉十足新鮮😙鮮甜爽口，配埋秘製龍蝦汁、鮮番茄、羅靱香葉夠哂美味，而龍蝦湯用咗新鮮龍蝦同長時間煮熬

這次去了一家人氣西餐廳，開業時人氣爆棚的打卡點🙈。店舖位於The One 20樓，以電影創戰記裡的餐廳為藍本，打造成充滿數碼時尚感的環境。旁晚時間欣賞日落用餐，享受悠閒的晚餐時光，真的很享受呢😎。-▪︎Set Dinner Full courses HKD$788/位這個套餐包括：前菜、餐湯、意粉、主菜及甜品，另外附送餐包及飲品。每一道菜式賣相精緻，而且味道很香。餐包有兩款配芝士吃，放芝士的小桌子很可愛，有點像及鼠妹🐿用的😆。-▪︎前菜挪威三文魚刺身、醃製北海道鮮帶子、牛油果慕絲這是色彩繽紛的一道菜，三文魚及鮮帶子新鮮爽口，牛油果慕絲口感幼滑。整體味道酸酸，是個很開胃的前菜。-▪︎餐湯自家製烤南瓜濃湯用透明玻璃杯裝著，拿在手飲很方便😚。上層打成泡沫空氣感挺好，底下是濃郁的南瓜濃湯。南瓜湯味道香甜，每一口味道也很香。-▪︎意粉香蒜炒全麥紅辣椒扁意粉、鮮活蜆賣相雖然平凡，但味道很香的意粉，意粉口感煙韌軟硬適中。這個蒜味較重，味道微辣挺惹味🤤。蜆肉肉質鮮甜爽口。-▪︎主菜迷迭香烤焗澳洲羊架、奶油千層薯、意大利西蘭花、肉汁熟成程度是七成，肉質嫰滑有肉汁，帶點油膩很香口😚。千層薯賣相像甜品，薯味濃郁質感香

今日到了一間裝修非常有特色的餐廳，裏面參考了「創戰記 Tron Legacy」這套電影，室內環境非常摩登科幻 ，外面仲有非常吸引的維港景色，日頭夜晚都各有特色！今次選擇了五道菜式先上了兩款的麵包，配上自家製香草牛油。頭盤那威三文魚刺身，醃製北海道生帶子，牛油果慕絲，兩款刺身都非常新鮮，醬汁清新，作為前菜非常開胃。法式龍蝦湯加干邑忌廉龍蝦湯湯底非常濃郁，入面有粒粒龍蝦肉，真材實料，份外高貴。波士頓龍蝦意大利飲管粉勁大隻龍蝦尾，肉質爽實，非常彈牙，飲管粉配上濃郁的龍蝦汁，非常有咬口。呢隻粗質返很少地方可以食到，再加上大量蕃茄，羅勒香草味，真係食多幾碟都冇問題。美國安格斯肉眼扒配薯蓉牛肉要了七成熟，肉質香稔，這個師傅不用特別調味，因為本身這件牛扒肉味都非常香濃。法式焦糖燉蛋燉蛋滑如絲，蛋味濃厚。飲品可以選茶、咖啡或果汁。亦有很多酒類選擇。這裏亦有包廂的地方，一班人過來吃飯傾偈傾生意也很不錯。餐廳設計有特色，有美景相伴，也有美食，還用上法國特製的餐具，人均消費才幾百元，實在非常難得！