Pepper Lunch Express (朗豪坊)

营业中

休息中

今日同女朋友去食，我要黑椒牛肉飯，女朋友要霜降牛扒，先講黑椒牛肉飯，飯要自己炒，幾得意，牛肉較乾，但味道ok．．．霜降牛扒賣相幾好，味道也不錯，但塊鐵板真的唔夠熱，唔夠２分鐘已經熄了，我剛剛將牛肉反轉就熄左，最後塊牛扒仍然有ｄ血，塊牛扒５成熟斬冇．．．．＠＿＠

情況同<唔熟52> 一模一樣呀!!試左佢既特選霜降牛扒,不過好好好失望呢~~件扒攞到埋位已經冇晒"滋滋"聲,所以攞去re-heat,不過re-heat完就知件扒一定冇喇, 之後真係老晒~~牛既味道係好,不過因為唔夠熱而影響晒件扒就浪費極~~希望可以好似星架坡餐廳既型式,唔好影響質素麻~~自助型式都要成80幾蚊,太貴喇!!

星期日夜晚去試,見好多人排隊,右試下叫左個特選霜降牛扒$83等左差不多十幾分鐘..唉...埋位食..完全聽唔到鐵板好熱既之之聲, 心知不妙唸住照佢教既方法立即整啦,茶牛油,跟住反轉..一反..底個邊完全熟晒!!! 面個邊一d 都唔熟, 塊板已經唔熱喇!!!攞反去比佢搞先得...最後佢整熟左比我..雖然味道還可以, 真的有牛味但成差不多90蚊食個扒餐仲要自己捧埋位上枱時不冷不熱...不如食大興好過

新年時去日本食過pepper lunch知道香港開左就好開心就特登去試下我叫左漢堡+ 煎蛋, 男朋友就叫左一口牛肉+雞扒個外表完全同日本一樣正當開心之際, 惡夢開始我個塊漢堡食落軟淋淋一pat pat, 覺得有o的古怪, 因為食過個質感唔應該係咁叉開一睇, 成塊漢堡入面o的肉都係血紅色完全未熟!!!! 係10% 熟都無! 直頭係你屋企阿媽牒肉餅未蒸咁既樣(仲要搞爛晒個隻) 之後問返佢啦, 個經理望一望立即say sorry, 話再整過比我見到之前個pat 肉已經無晒胃口(依家一路打諗返起個pat 野都仲想嘔....)我話麻煩換塊雞扒比我就得,諗住雞扒無死喇褂你真係估佢唔到.... 舊雞扒食落個心凍過雪條!!!!! 真係xyz...xx....yxz !!!! 今次我已經無心情再去換... 啦啦淋芽菜送白飯食完算數...香港pepper lunch 塊鐵板根本就唔夠熱, 唔好話燒熟舊肉, 連煎返熱都唔掂真係失望失望再失望... 日本個邊塊鐵板係食到最後都辣手係無可能掂到, 香港個塊渣2min 已經謝晒...唔好食都唔緊要,已經有心理準備實會有差別但都唔好唔熟又未解凍咁過份丫鐵扳唔熱你咪煎

好多人的星期6晚上等左好耐食野,我食漢堡扒加蛋.朋友a食黑椒3文魚~~~~好好味~!!!黑椒3文魚以為好普通.但係都好好味.我仲買多個沙律.好少但係又幾野味~~~

好耐之前已經想去食，睇各人既食評有d好,又有d話唔好，OK！今舖一於信自己！但響court food度食飯，真係要克服d心理障礙！唔係話自己high，而係當你響一處咁大既地方，想用最快既速度去搵位，我真係唔多識.......叫左個霜降牛&肉眼，鐵板雖然無其他人咁熱，但都夠整熟舊牛有凸，建議各位響等食物之前，睇一睇個電視，咁就識得點整塊扒啦！牛肉方面，無其他人話「搵笨呀」、「唔掂呀」呢d句子，可能0係food court度食，要求會稍為降低，再諗下....一個餐100蚊都唔駛，色、香、味都有既話，仲要求d咩呢？如果你問係唔係頂級牛，好juicy？我可以同你講.....唔係羅！但好有新意！佢俾你既感覺好似響stone grill咁，但只係要$9x，都ok呀！唔知去邊度食既話，呢度都係一處幾多既選擇！

26 July 2007 (Thur) - 晚飯打完波黎呢度食飯，我從來都唔知呢度有foodcourt，尋日黎發現呢度個foodcourt啲嘢食全部都好吸引！但見到人哋食嗰個鐵板，真係勁忍唔住，所以同兩個朋友都係叫呢個，一人一個set，我叫咗最平既黑椒牛肉鐵板($48)，另外兩個朋友，一個叫咗肉眼扒，一個叫霜降！大家都覺得呢度既扒好得！雖然只係foodcourt，但質素真係好唔錯，我稍嫌啲飯太少，唔係好夠飽，除此之外，我真係覺得好正！不過下次決定試下食咖喱！

由於星期六去試food court 好多人好辛苦先搵到位兩個人點左特選霜降牛扒一口牛漢堡扒霜降牛扒同漢堡扒都ok一口牛就差d落大量黑椒會好味d好睇你自己反扒得合唔合時我自己就整得唔好overall 冇乜特別prefer 去餐廳舒舒服服有人整好晒俾我食

早幾個星期，朋友三人黎到langham place食晚餐~ 我提議去pepper lunch，因為係新開張，所以想試下．位於food court 入面既PL 我地急不及待點左黑椒牛肉飯自助形式，自己可以控制牛肉生熟度幾得意，黑椒牛肉撈埋粟米一齊食真係好正，牛肉惹味，粟米鮮甜．

星期三的晚上, 亞妹食鴨腎, 得番我們兩個食飯, 揀了這裡.未係日本食過這店, 今次就當試新野. 位處美食廣場內, 等位有一定難度. 見附近都幾多人係度吱吱吱, 看來不少人惠顧.要了兩個餐.特選霜降牛扒: 6分, 跟據店方所講, 鐵板係會係90秒之內加溫到260度. 給我們的係生肉, 生熟情度自己決定. 見個鐵板真係幾熱, 雖然有紙托圍住, 但都係要小心. 先整熟件扒, 然後再著芽菜, 肉質未算好靚, 牛有點難咬, 有渣. 單計件牛扒係令人失望的. 定係我們不懂控制火候?不過加上黑胡椒係相當入味, 香噴噴, 好好送飯.煎蛋漢堡扒: 8分, 或許這個比較容易去整, 漢堡扒沒有霜降牛扒般難控制. 肉味較香, 再加上黑胡椒同蜜糖醬汁, 係好惹味的. 但係隻煎蛋要盡快處理, 待我們拍完照之後, 隻蛋已經同個鐵板融為一體了.價錢不算抵, 但食物係幾有特色的, 試試無妨的. 不過這樣搞搞震, 食物的質素有點聽天由命, 倒不如好好地等廚師去控制火候.

一年前在日本幫襯過pepper lunch，當知道佢登陸香港時，當然第一時間去試，希望可以重遇果一塊入口即溶既霜降牛扒。抵步後，拿拿聲先搵個位，再去買食物。我發覺香港唔係用自助販賣機的，counter 俾錢唔緊要，食物要緊。我拎住塊過百度鐵板，左穿右插，驚險萬分咁番埋位，準備欣賞我塊扒。咦！點解這裏的霜降牛扒顏色是呈瘀黑色的？完全不是鮮紅色，更找不到那紅白分明既肉與脂肪。唔緊要，味道要緊。為求保存美味，我只是係咁二燒兩燒就放落個口度，點解咁硬既？我相信這只是幻覺，試真ｄ？真係好硬喎，而且仲要無肉味添！我依然相信這只是偶然失手，我試埋拎一塊肉眼。天啊！鞋過我塊面既肉眼。至此，我既希望正式破滅了！我和太太懷住失望既心情，拿拿聲食埋ｄ野就走勒，因為我唔想企在我旁邊的人等得太耐。85蚊霜降+飯+大汽水95蚊肉眼+飯+大汽水

sister係日本食過話好食, 我就第一次來食!$75買一個要自己煮既雪花牛排實左唔值, 忡要有好多根又唔"淋", 2個男性友人食完唔夠飽, 要另外買薄餅食...

霜降牛扒$73加$10跟餐有一碗飯同埋汽水.睇住塊生牛扒係鐵板上, 自己用筷子翻下翻下咁燒熟佢, 係幾好玩, 自己又可以控制生熟程度. 夠熟就要放開啦, 咪塊牛扒好易被鐵板繼續燒, 熟得滯.食落口感唔錯, 外面熟裡面仲有少少生, 肉汁好多好夠, 但有d可能燒得耐, 就覺乾身, 又無汁, 變得少少鞋lor, 唔夠味.咖哩黑椒牛肉飯$43牛肉係一絲絲, 伴係飯側邊, 飯面有咖哩粉, 同埋好多粟米. 食之前撈勻, 等d牛肉熟, 同埋等d飯有d牛肉味.好好味道wo! 粟米好甜好鮮, 將d飯係鐵板上燒, 幾香口, 仲有少少飯焦tim, 又唔會太乾身. 牛肉都唔錯, 有d黑椒味, 咖哩味又足. 呢個係好味又抵食呀.

貪新鮮的我，怎能不到這玩玩新來港的鐵版？單是那份興奮，我覺得已經值回票價啦！當然，我要的是最便宜的這個，只是４５元。鐵版好熱！吃完之後還可以極速融掉一粒冰！至於味道，牛肉像肥牛，加上大量粟米，好！有點牛油味的，味道不錯，一試無妨啦！

今日路過朗豪坊搵食時,見到間新開既日式鐵板鋪- Pepper Lunch,係D相好吸引既情況下,同MASTER一人食左一個SET (連優惠2人共$108.0).鐵板黑椒牛肉飯(跟汽水) :牛肉最初係圍係飯邊,要快手同D飯兜熟,飯有好香既黑椒味,但唔會話辣.鐵板一口牛+ 漢堡扒餐(跟白飯及汽水) :牛肉好好好靚~~~ (由於佢适冇貨既關係,所以免費UPGRADE左做肉眼!!!)本來係全生既,一放上鐵板就比你囉走.可能坐得遠既關係,囉到番埋位就要同塊牛轉身,牛肉預先切成小塊, 上面放左塊好香既牛油~反左無幾耐就己經見唔到粉紅色,就將D牛肉放晒上配菜既芽菜面(防止塊肉太熟變老)咬開入面仲係粉紅色好多汁好正~~而塊漢堡扒都好正~ 食到尾都一咬有汁.唔怕肥頭就直情可以將D白飯倒入鐵板點D牛油+ 牛肉汁食, 又係正~~一食完就即刻同MASTER去研究下餐叫邊款牛~個人攻略：1, 近FOOD COURT入口有個PEPPER LUNCH既廣告牌,好彩既可以囉到$15.0既優惠卷.2, 坐位以近PEPPER LUNCH既好D,唔係未番到位D牛肉都熟到變老.3, 等位同等佢準備既時間都比較耐,請比D耐性.