Pepper Lunch Express (已結業)

每次到呢間food court都抗拒唔到呢間pepper lunch, 好好食一定要加粟米，鍾意食熟d牛肉嘅朋友建議可以兩邊牛肉都煎一煎，更加香口。。。沒有服務可言，全自助式的。

難得行吓玩具街，開心選玩具，計劃某日一起玩，想起已開心。心靈滿足，腳趾累了，係時候要休息一下，我們到Moko找地方，發現處處人多，唔想等位，就到了美食廣場，人流也不少，剛遇到有人離開，就可以坐下休息，選購。我馬上點出要食pepper lunch 想燒烤一下。與又點選了美國薄切牛肉及蔬菜黑椒牛肉飯。。。估唔到咁吸引。美國薄切牛肉：肉一點也不薄，厚度夠，十分有咬口感，加上十分入味，最愛有蒜片，令人開心。蔬菜黑椒牛肉飯：蔬菜新鮮十分吸引，我最愛的西蘭花，牛肉飯入味可口。累了休息，開心吹水，快樂行動。

世紀廣場food court多嘢食就緊啦，想食鐵板牛肉就即刻諗起pepper lunch呢間就夠曬穩陣啦呢，間野都好出名,好多分店喺全香港，價錢經濟實惠。同大家樂差唔多，但係又唔會好似大家樂咁悶喎，咁都係快餐首選嚟嘅。疫情關係都係只可以叫外賣，外賣同堂食唔同，我買就炒好曬返去就食得，咁樣返到去都好好味嘅都唔使擔心，燒牛肉味道都係一樣咁好味，幾廿蚊有咁嘅牛肉炒飯，好食過其他快餐店，咁畀你睇下佢外賣嘅相啦環境質素🏚：❤️❤️❤️❤️❤️衛生程度🧽：❤️❤️❤️❤️🤍美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️🤍

好耐無去吃pepper Lunch，上新世紀廣場，點最貴個餐＄109 肉眼肉扒 ，結果好失望，肉極“鞋”！失望，憤怒！朗豪坊分店都不是咁的素質，勸告其他人唔好去呢間“中伏”

旁邊很多人都有點，貌相也很好看，在我印象中，Pepper Lunch也算是有名的連鎖店，以前也曾經很得我心，但食完這次就像打破了幻想一樣。黑椒牛肉飯 ♥ 聽著"嘰嘰"聲一邊把整個飯拌勻，可惜地發現拌的不是什麼醬汁，只是肉擠出來的油，不過也正正因為牛肉片多油，所以食起來滑一點。味道還可以，只是黑椒看到食不到味。可能你說這價錢要求不應該太高，但主要是同一廣場內，差不多價錢能食到的水平更好，就是這種反差令人後悔為什麼選擇了這家的飯。這個美食廣場的種類雖然算多，但很多餐廳的廚房都放出很多蒸氣，坦白說除了油煙之外，各種的氣味混在一起也不太舒服。純粹醫肚應該還可以，前提是能找到空位坐。

行街行到累便去Moko food court 食代館找食物醫肚行完一圈最後選了Pepper Lunch~點餐後取了個號碼器等待期間可以透過玻璃窗看見員工在店內放食物的情況～她們戴上了手套和口罩，衛生情況挺不錯👍🏻號碼器發亮時表示可以食物已經準備好了鐵板拿到桌上時也非常熱，只是看見牛肉仍是紅色，記得趁鐵板還熱時用匙羹拌一拌～確保肥牛熟了雖然牛肉數量沒有展示出來的食物模型般多，但是吃畢後也挺飽，份量很足調味也很足夠，黑椒味也挺濃，不夠還可以到取餐處多拿些黑椒惟一不太好是白飯較其他店的爛，沒有粒粒分明另外就是環境又挺嘈吵的不過吃畢後很快食代館的清潔姨姨把鐵板和盤子收拾好很快手

是日好友放假又來moko陪我食午餐，今次好友又要求食佢至愛的Pepper Lunch ，雖然我對呢間的興趣一般，但諗住今日想留肚食甜品，所以決定叫重份量的飯兩個人開心share 食我叫咗加大的黑椒一口牛扒粒飯加牛肉加芝士，牛肉其實食落好普通，d一口牛扒粒真係好一般，如果想食好的，我寧願花錢食和牛😓一上枱要努力攪攪攪，為的就係攪到d肉變熟，怎料好友笑說我沒有落汁，落了汁食到最後感覺幾咸吓，真心講去Yoho 果間店係好過去Food Opera呢間，至少在店可以叫飲品或者加雪糕食~~~

果日見肚餓就求其搵一間，都係以抵食為主，唔會要求太多，在pepper lunch叫左個鐵板飯，真係有啲令人失望。我知牛肉貴，但啲牛肉實在有啲薄，薄到好似「燈影牛肉」咁透光。其實$6x ，冇嘢飲，一啲都唔平。 就咁配幾粒粟米，早知食茶餐廳好過，呢個價仲可以有湯，有扒据。 仲唔使自己炒一輪至有得食。

暑假要帶住啲細路周圍學嘢， 食完飯玩一陣，又到下午茶時間， 精明嘅我當然要格下價先食嘢啦。行咗一個圈moko嘅food opera都唔見有下午茶優惠， 都覺得有啲唔妥。 放假是任性的、大把時間， 唔使趕功課、唔駛溫習默書…… 唔抵得之下再行多次， 終於發現部份食店，有一啲餐牌寫住下午茶優惠 阿女就睇中咗佢最鍾意嘅pepper lunch， 平日返工收夜嘅我估唔到佢都有學生優惠。於是，我就好闊佬咁畀阿女食呢個學生餐， 平時成80蚊嘅餐，今日加埋芝士都係49蚊，抵到不得了。呢個優惠適用於星期一至五，記住要著。校服先有。

今日去新世紀買bb野送俾人，之後就上food court食個飯，food court好多餐廳選擇，中西韓都有，我今次揀左pepper lunch的招牌黑椒牛肉飯，平時相機食先，今次食左幾啖先記得影相，因為來到太好，個牛肉有些生你之後在鐵扳燒下，好快熟加埋黑椒超野味

昨日我在新世紀廣場這間吃午餐，叫午餐時服務員已經打錯了套餐，之後我們叫他更改他已經開始說我們很麻煩了，之後到了取餐時，服務員說這個餐是我們的，之後我在座位在看多一次發現這個餐根本不是我叫的這個餐， 我當時叫你這個餐是勁量牛肉飯，他就給了我好像蒜香牛肉飯，之後我娶到更換他就責罵我為什麼取了別人的餐 之後我就責罵她們是你們說這個餐是我的，我真的有點想投訴他們的服務態度很差，我以後都不會再幫襯他們

美食廣場是一個充滿食物選擇的地方，本該觸發選擇困難症，然而不用為此發愁，因為大部份美食廣埸都有一股濃郁誘人的香氣為我導航。我不敢說Pepper Lunch的分店遍佈所有美食廣場，但我去過的美食廣場裡必見它的蹤影，近年更發展至自成餐廳，可見其受歡迎程度。黑椒牛肉飯$48，另加$7配芝士和蛋。菜式的設計很聰明，大大節省預備食材與烹調時間，店員只需先煮好白飯，並把鐵板一直熱着，客人下單後，他們直接把白飯與其他沒有煮過的原材料堆砌到鐵板上，不需作任何烹煮，讓食客自行在滾燙的鐵板上攪拌使食物熟透。這種做法也順道衍生先味奪人戰術，走過路過的都不放過，必然聞到牛肉被滾燙的鐵板烤得香氣四散。牛肉的份量感覺比以前少了一些，但是以現時的物價來說，還是可以接受，畢竟比它好吃又便宜的選擇不多，尤其美食廣場的食物質素大多在中下。黑椒牛肉飯用上肥牛，牛味猶在，在滾燙的鐵板上烤過使它散發誘人的濃烈香氣，就連雞蛋都被鐵板的熱力化成脆皮炒蛋，吃起來特別香。粟米飽滿，有甜味，倒是芝士味道不太突出，被其他味道掩蓋，不過單加雞蛋$5，雞蛋與芝士同加$7，感覺還是加比不加划算。此外，店裡提供的三種調味料也很讚，店員已事先在飯裡

又到行行下街唔知食乜嘅時候，於是兜到去新世紀個food court，好快決定食pepper lunch。平時唔會話特別想食，唔會話覺得好好食，好耐冇去然後會心掛掛咁想再食， 但唔知食乜嘅時候，佢的確係一個好選擇。照舊嗌咗黑椒牛肉飯，我冇特別去加錢改特盛，因為覺得分量唔係差太遠。另外加芝士同香菇。芝士係必加ge， 成個飯會香口好多， 香菇我覺得好抵加，$5多左好多餸可以咬下咁。去到下次唔知食乜嘅時候，又會來過。

是日跟sister吃lunch, 來到pepper lunch, 實在很久沒有吃了. 點選了黑椒牛肉飯(HK$49). 等待了五分鐘左右便接過鐵板燒. 一如以往, 色香味俱全. 可是牛肉分量明顯變少了, 物價昂貴啊! 試一口, 飯粒加上蜜糖醬汁, 真的很惹味. 粟米又夠甜, 很美味!

放假陪男朋友食lunch，唔知食咩好就去咗food court 慢慢揀，最後決定食呢間牛肉嘅份量啱啱好，飯表面嘅調味都唔會太多，熱辣辣，有陣陣香味，聞到都流口水。因為好鍾意食粟米，所以另外加錢叫多咗一份，趁個鐵盆仲熱嘅時候，就將粟米同醬汁倒落去撈埋一齊食，好夠味！而且牛肉嘅肉質都唔錯，要快啲煮熟啲牛肉，如果唔係個鐵盆凍左就要食生牛肉最衰嘅係，竟然唔配飲品！