Peace Square (已結業)

昨晚是我們的謝師宴，地點大早就由其他同學負責，選了這間cafe，包場一晚6-11pm。一上去，當時很累，立刻找個沙發歇一歇，沙發軟軟的好舒服。吃的是buffet，受歡迎的食物可叫他們refill。選擇不算十分多，但真的好吃！不過我不知menu，所以不知道名字是什麼。有幾個pasta，白汁的非常好吃！so皮盒好正！我拿了一次再拿一次再拿一次！還是好想吃…雞翼也好香好好吃。不過甜品就麻麻了。我們的食物都是比較平價的，因為budget所限，請professor和包場都是我們的，雖然如此，食物味道依然很好！下次去tst也上這個cafe。但看這兒的食評都說這cafe很旺很多人…我想我要book 了。peace square 真的不錯，relax食野傾計得，玩遊戲玩到顛哂亦得！連高要求的professor都讚好！good mood, good place!!!

本來想search吓有d咩好地方可以match到我本身個plan同男朋友興祝生日俾個surprise佢~點知search到依個website介紹依間upper store,又見到大家對佢gei評語好好,所以就上咗去試....服務好好呀~d位又舒服!!好彩可以一早攞個蛋糕上去同收埋d禮物,令到我個plan好成功。thanks~雖然點咗唔係好多o野,我見到大家留言都話食酥盒,所以就試吓,原來有好多種味ka~我要咗雞肉^^ 好味!!之後食唔晒個蛋糕仲幫我地pack返好~服務真係好好有機會一定會介紹或再去過。

星期日晚, 6點半book7點半, 都有位~去到得兩檯人, 不過我地就無window 位lu~叫左芒果汁- 好呀, 飲到芒果肉!薄荷椰香奶茶- 太甜=.=意粉, 芝士焗什菌- 一般啦~酥盒- 見大家o既comment 都讚所以叫, 果然好食, 熱食好香~~最重要係環境一流, 唔會好似旺角果d cafe迫到飛起, sofa 好好坐有機會我會再去~~~

嘩~~琴晚約朋友食飯,但係又吾想成日都食日本野,咁就上黎睇下有咩好介紹啦,咁朋友仔不嬲都好buy d上樓cafe,咁又見到介紹得咁正,就le間啦~~我地3個人book左8點,我地8:15到,book個時話無哂沙化位既,點知去到又有,靚女服務員話我地可以坐到10點,嘩)))))2個鐘,點都夠啦~~^^咁我地就坐啦~~我地叫左食物:沙律(煙三文魚什菜沙律)是日意粉b(白汁蘑菇海鮮蝴蝶粉)酥盒(吞那魚蘑菇酥盒)焗什菜(芝士焗什菜)飲品:花茶芒果冰(凍)檸檬草花茶(熱)薄荷茉莉花茶(熱)沙律--什菜比較小,得小小生菜同紅椰菜都ok既意粉--海鮮只見到蟹柳同魷魚,不過個汁好好味,好多蘑菇酥盒--我地一致認為最好食既,熱辣辣好香,好正!!什菜--有西蘭花,椰菜花同粟米芯,不過好乾,而且好硬芒果冰,朋友仔話好好味,而且好靚花茶,好香,重會比埋蜜糖你溝黎飲~~整體都好滿意, 坐得好舒服,又吾會有迫你走既感覺,不過真你要book位,好多walk in黎既都無位~~^^

有好幾個月冇幫襯過, 發覺佢個menu 多o左好多款小食, 之前見到網友提醒要訂位, 於是好早打去訂了張window seats 同朋友聚舊, 舒服到唔捨得走: )四個人點了兩款意粉, 一款係茄汁肉腸意大利粉, 另一款係磨菇蜆肉長通粉, 本人認為長通粉好味d : P另外點了黑椒牛肉墨西哥卷, 好夠料! 雞翼, 我朋友話好味; 焗雜菌, 好香不過芝士厚o左d...... 最後甜品係New York Cheese Cake, 飽到食唔晒呢~飲品方面, 希臘咖啡好香, 人手打都好滑; 士多啤梨茶就麻麻; 朋友點了玫瑰咖啡佢話milky o左d; 我相信都係花果茶果汁最值得試, 我朋友點了兩款都好滿意, 好fresh!!特別一提叫set 會送toast 一件, 我朋友勁讚呢款蛋沙律多士, 我都覺得好好味, 仲好夠料添, 賣相都一流呀!!!唔覺唔覺, 咁就坐o左三粒鐘, 過了一個好relax O既Saturday afternoon ~希望下次有多幾款cake 揀呢, heehee : P

　　上星期五同老公去開尖沙咀，有d空檔，就特登上去呢間無煙cafe坐坐。　　當時是六點左右，見到仲有好多位，但係待應妹妹就話，窗口位依家都可以坐，但只可以坐到8:30。　　我叫左杯’花茶芒果汁’，我老公就要mocha，另外仲要左客磨菇酥盒。杯芒果汁好靚，因為ｄ冰係用紅色的花果茶雪成，溶的時候令到橙色的芒果汁有一圈圈的紅色，除左好味之外，仲有視覺的享受。杯mocha就一般啦，酥盒都好好味，但就細左ｄ囉。　　除左無煙之外，整體環境都好舒服，一坐落張sofa就覺得好relax，但歌就好似重覆得太快了點。　　我見佢哋都應該幾好生意，雖然都未坐滿人，但係就因為已經有booking所以冇位坐而走左，所以我唸如果各位有心人上去前最好都book定位才好。

近期最有水準的樓上咖啡店﹐要算這間Peace Square。白色主調沙發位﹐檯的高度適中﹐落地窗口位很開陽﹐氣氛令人十分relaxed﹗餐牌選擇多﹐尤其食物比一般樓上cafe要多﹐我們4人點了當晚的意粉餐﹐是蘑菇白汁蜆肉意粉﹐味道不錯﹐份量亦夠。還有白汁蘑菇酥盒﹐白汁香濃。芥醬脆皮腸是出乎意料之外的好食﹐份量更是一般cafe 的2倍﹐正﹗墨西哥卷餡料十足﹗芝士多士亦OK﹗另外餐牌仲有多款三文治﹐飛碟﹐小吃等﹗飲品種類更多﹐我們要了花茶﹐有冷有熱﹔仲要了蘆薈檸蜜﹐都幾甜﹐加水就可以飲多杯亦無被人黑面﹗可惜甜品只得蛋糕﹐但賣晒﹐請早預訂。非常歡迎這裡禁煙﹗環境舒適﹐空氣清新﹐唔會一身煙味﹗9點前通常滿座﹐記得訂位﹗

此餐廳如期名，環境清靜、空氣清新(無煙食市)，給食客很peaceful 既感覺，最適合三五知己談天說地。食物方面，很配合年青人口味，有意粉及三文治等；也有流行的花茶多種選擇，而且價錢合理！

朋友介紹peace square 係無煙cafe,所以要黎試下, 感覺幾好,不過意粉款式不多, 最後叫左飛碟, 都唔錯o既!服務幾週到, 好relax, 幾適合同朋友傾計聚聚.唯好多時都畀人包場,最好book定位, 否則白行一趟.

上星期黎左呢間cafe,都真係幾好!環保都幾舒服,最重要就係無煙!!umm...係就係嘈左少少,因為我跟朋友兩個人傾計,都比後面既一大班人既聲浪掩蓋左,不過佢地都係太開心姐!我最滿意就係玫瑰咖啡,好香,d味好balance!食物都唔錯!不過最尷尬係...原來唔知過左幾點上去,就要按門鐘,我地唔知個鐘係會邊度響,所以勁"禁",店員話係上面響架,幾瘀呀!!話時話,有d店員都冇乜笑容!!

這裏有很多遊戲提供, 我們玩層層真係嘈到拆天, 但其實果度係好寧靜的, 真係好唔好意思, 開心難掩我的大笑。說真的，我本人嘆了一杯熱玫瑰咖啡, 飲既時候根本不用加糖已經夠甜好香, 我朋友就選了一杯熱薄荷咖啡，也很香，薄荷味不會過濃，說真的不是處處可以飲到唔錯的薄荷咖啡，這裏竟然讓我讚好，真的要推介一下。當天我試左大家提到的食物，酥盒啦, 雞翼啦, 墨西高卷啦, 說真的, 雞翼令我沒有太大感覺, 因為吃下不太特別, 但味道尚算不錯, 但酥盒26元一客, 我挺喜歡這酥盒, 細細件的, 好香好脆, 而墨西哥卷都好好味呢, 還有一個蕃茄芝士麵包, 都係推介黎的, 這個味道不會太濃, 吃下很清。這間CAFE 以白色為主, 上面也有朋友提到是大梳化, 我去到又不覺得真是很大, 但兩個人坐我會覺得是剛剛好罷了, 因為我去過台灣及韓國的CAFE, 那些才真的是大梳化呢, 如果再大多少少會更舒服!不過服務好可以搭夠丫!不過本人是喜歡點起支煙慢慢坐低傾計的，可是這裏是禁煙的，所以煙民不太適合, 不過也因為佢的格調較為清雅, 樓底不算太高關系, 如果食煙的, 真的破壞了氣氛,大致上我挺滿意這間CAFE, 有

上星期六．．由朋友介紹去這間上樓ｃａｆｅ．．．去到環境真係好好．．有張好大的ｓｏｆａ．．加埋佢ｄ野食都幾唔差．．而價錢不是太貴．．．值得一試．．

環境一般, 寬敞,可是台太矮,要彎身吃東西,不方便!食物都不錯,而且SET LUNCH抵食!可是得2位WAITER,人手不夠!

12月10日友人生日一行16人便到這間cafe慶祝食物方面當日意粉為香草火腿炒意粉和甘筍濃湯螺絲粉意粉炒得香口螺絲粉乍聽"甘筍濃湯"以為會偏淡不料味道比炒意粉還好!白汁蘑菇吞拿魚酥盒酥盒香脆，內餡香滑，值得一試!脆皮腸、雞翼和墨西哥卷也不錯要留意的是飲品的冰好像是糖水結成的那次我的泡沫咖啡初時不夠甜但到臨喝完時就變得很甜......環境氣氛不錯柔和的燈光加上音樂很適合三五知己相聚談心當日還見有幾個OL在玩波子棋侍者很好人、有耐性原先我們傻呼呼的想點16客意粉餐(想起也汗顏...)但侍者細心的替我們設計菜單令我們不用全部人只吃意粉可以多試幾款食物價錢還便宜了呢!而且服務週到即使諸多要求而且我們一行人吵吵鬧鬧她們也沒有黑面說起來，破壞了氣氛還真不好意思呢......總括而言，實在值得推薦!

我最鍾意這裡的顏色配搭，感覺很開揚舒服。這裡有很多梳化位，消磨一個下午確是一件樂事！食物也不錯，三文治的份量可足夠兩個女孩子分享。極力推介"香草蜜餞鷄翼"，勁好味！。再來一壺花茶就非常完滿喇。不過人手不夠，要等一等。