影片
由于新冠肺炎疫情依然严峻，所以近排都减少咗出街，改为买外卖返屋企食。早几日听朋友讲，观塘新开咗间叫「Pastarian」嘅意粉外卖店。浏览过网上资料，原来店舖卖嘅意大利面系以车仔面形式供应，客人可自由选择面条、酱汁同配料，自己拣、自己发办，都几有特色。打去店舖问过，据店员称，餐厅不设堂食，客人可以透过 whatsapp 或电话落单。依家新张期内，外卖自取更可享九折优惠，店员仲即时 whatsapp 咗张餐单俾我。细心研究过个餐牌，哗，净系 Pasta、配料同酱汁，加加埋埋就已经有成廿几款，另外仲有意粉套餐、小食同饮品等供应，选择都几丰富，真系令人花多眼乱。点咗两个 Pasta Set：温泉蛋阔条面、慢煮烧牛肉扁意粉同两款小食。意大利面有 120g 或 200g 两款重量可供选择，全部都会附送一罐 $10 饮品。温泉蛋阔条面配番茄肉酱 ($84/200g)：阔条面卖相很不错，面条上有一只温泉蛋，把温泉蛋𠝹开，蛋液慢慢流出，与肉酱混和之后，既湿润又有光泽。面条入口充满弹性，番茄肉酱带有甜甜微酸的香草芳香，同阔条面比例亦刚好，捞埋蛋汁一齐食，口感更滑！至于另一款慢煮烧牛肉扁意粉 ($80/200g) 就系店舖嘅是日推介，意粉除了配有温泉蛋外，还有松露片和松露酱。经过慢煮的烧牛肉，卖相甚佳，不但色泽均匀，而且外层亦烧得很香口，肉质腍滑，拌蛋汁吃更加滑溜。扁意粉味道亦不俗，煮得啱啱好，食落嘅烟韧又有咬口，酱汁充满松露幽香，加上意粉的热力让松露片散发浓郁香气，惹味油润。小食点咗芝麻鸡翼 ($20) 同章鱼烧，鸡翼选用了鸡全翼，大大只，鸡皮相当肥美，鸡肉嫩滑，入口充满芝麻香气，为鸡翼添上丰富口感。日式章鱼烧 ($20) 一客有 5 粒，粒粒都烧到金黄，面头淋上了日式烧汁和大量木鱼碎，卖相好睇。食落粉浆比例恰好，口感软熟，外脆内软，里面的八瓜鱼粒带鲜味且弹牙，入口烟烟韧韧，酱汁不太咸亦不太甜，配埋木鱼碎吃，食味不俗。
继续阅读