Passion (朗豪坊) (已結業)

Gelato ($36)👅之前食過Passion啲salad幾正😋今次試下啲Gelato先😎唔係間間都有嫁😗😗朗豪坊呢間就有啦🤗都幾多特別味，好似三角朱古力咁，但試左幾甜下😀所以簡番穩陣既開心果味😁見到啲雪糕櫃啲雪糕好似有啲水咁都有少少擔心嫁啦🤔點知真係😰又溶得快又太濕👎🏼係重開心果味，都有啲果粒咬下😶但我食過更重味更足料既開心果gelato🤓🤓係銅鑼灣time square個間Petite house正好多🙃唔知係我咁唔好彩定Passion不嬲都咁啦🙁🙁失望～

無論幾時，呢間嘅沙律都係風摯愛。特別係紅菜頭沙律！而呢一日就試埋佢個pizza,估唔到咁好味個皮底好脆，啲芝士 雞肉同煙肉好夾我完全覺得我一個人可以食晒成個😀😀

最近晚餐少吃肉，而且到了朗豪坊買點東西，順便看看有咩岩食。在4樓看到一間未食過的，而且環境優雅，仲幾多人食，咁我就行過去睇下岩唔岩食先......嘩!好多我鐘意既野食，又沙律，意粉，意大利飯，甜品，麵包，等等......咁我就叫左自選沙律(大)，我揀了紅菜頭，鷹咀豆小米，西蘭花，什菜。紅菜頭沒有了平時果種特別既味道非常適合第一次食紅菜頭的人，鷹咀豆小米好有口感而且兩都都好夾，西蘭花都好入味，什菜酸酸的配合埋幾開胃。大沙律係可以揀4個餸，而小沙律揀3個餸的。不過我好似唔多飽下次可能要揀貝殼粉加小米了服務員的態度也非常好，非常有耐心同客戶溝通。晚餐時間都頗滿，要食就早點點去到會好d,下次我要試下個蛋派

琴晚同友人去旺角食完飯，諗住行多陣再食甜品，就黎左Passion 了，我地各自order 左個雪糕堂食，再叫多個蘋果批今日做早餐。雪糕係充滿果味的gelato ，唔太甜，鮮果味充足。蘋果批鬆脆，咬開後見到有無數咁多層蘇皮，唔怪得可以咁鬆脆啦。不過蘋果蓉太少，令到蘋果味唔夠突出

岩岩叫個蛋餅加兩杯野。。。order亂晒大龍，行出行入幾次都唔岩。件餅又唔夠熱。。。坐位逼到椅貼椅，坐都坐得唔舒服，星期六日最好避之則吉，快餐店都舒服過佢。。。唔會有下次

今日約左朋友睇電影，所以就近在朗豪坊食飯。餐廳以半開放式設計，可以睇到員工入面工作情況。餐廳位於朗豪坊4/F, 位置方便。Menu 有沙律，意粉，意大利飯，pizza ，cake , ice cream..採用快餐店自助形式，自行在cashier order食物和自取食物。雙重煙燻煙肉薄餅$68薄餅非常薄身，加上芝士煙肉烤得非常可口，1人食2塊也不會太飽。菠菜蘑菇千層麵 $88千層麵熱辣辣出爐，味道不錯，但偏咸少許。自選沙律（大）$63可選4種沙律，但味道非常西方,和友人都覺得唔岩囗味。豬仔脾$112一煲有三隻脾剛好一人一隻，豬仔脾煮得好淋，輕易可以離骨，但不是非常入味。湯汁類似於羅宋湯，用面包沾著食也不錯。

同朋友去左一間食物麻麻地又傾唔到計既食肆食晚飯，立即想搵個地方gossip同食甜品，補償之前既不足😆見到間餐廳野食同環境唔錯，仲要搵到個秘密位俾fd盡訴心中情，立即坐底買野食😁我叫左2件蛋糕，一件係青檸士多啤梨蛋糕，食落有d酸，仲有青檸香，飯後食，唔太滯，仲可以開開胃😁而且佢個面做左層jelly包住內面既cream 同蛋糕，令蛋糕既口感層次增加😘我仲點左個紅菜頭蛋糕，感覺好似好健康。朋友話食到紅菜頭味，但我食左好多都食唔到😂😂朋友飲 Cappuccino, 我點左 Camomile ,杯 Camomile好香好濃菊花味😋但野飲都唔係落眼點，而係杯飲品旁邊既開心果曲奇，好香開心果、餅乾味，又脆，真係好想再食，但走個時唔記得問餐廳有冇得賣😓

早幾日朋友仔提議黎宜度gathering...原本打算打電話去book位，先知只有walk in!餐廳買野食同搵位都係自助形式，要搵個靚位就要花時間等了！店員既服務就唔多好，叫佢執檯竟然黑面！由前菜而至到甜品都有！特別係甜品非常吸引，款式非常多！櫥窗既蛋糕非常吸引！牛肝菌意大利飯好creamy,好香！但份量唔多，如果很肚餓黎食/大食啲既朋友都應該會唔飽！烤雜菜乾玉米薄餅很值得吃！薄餅材料夠多，批身夠薄夠脆apple crumble味道唔錯，甜度剛剛好！但略覺果肉不夠！Mock-tail 有一半份量都係冰，唔建議order!

Raspberry ice cream with waffle ($38)好fresh啊 而且有d果肉係入面 誠意之作🤗食落呢款raspberry ice cream酸酸甜甜 好開胃加都😚😚😚用黎裝住雪糕既waffle 都幾好食 waffle好脆 用黎送雪糕流 又靚喎😚😚而且份量唔細架 好大個雪糕😍以30幾蚊黎講 佢比其他牌子既雪糕算抵食☺️而且係朗豪坊行到攰攰地既時候 可以買杯雪糕一路行一路食係唔錯加！😍😍😍

有日朋友whatapp我提議我食passion～我傻更更以為做咩野食野要有passion定係D野食好有passion?! 原來一直都會錯野，間野個名叫passion~ 我地食左一碟自選既"主菜""主菜"係自選沙律：有好好食既紅菜頭，貝殼粉，小米，同沙律菜。話說回來，我未食過咁好食既紅菜頭～～～平時紅菜頭會有陣腥味，但呢度係一D都唔覺，而且愈食愈好食～只係叫左一碟"主菜"，原因就係我地要留肚食甜品。甜品]最前方形的是Creme Brûlée, 焦糖比布丁甜。左邊係栗子撻，右邊係雜莓Mousse～後面係gelatos～雜莓mousse太酸，酸到唔係好口胃口：(

幾個月前食。因為之前食過依間覺得唔錯，所以又再食haha 玫瑰白朱古力咁既小蛋糕。外形已經好靚，仲有店面好外國feel，裝修靚食落唔會太甜同埋外面既汁少少酸，更加中和到甜味，底既朱古力都好脆，多d就好啦

8號風球放假一天，到了這店叫咗一個雪糕(Raspberry"Passion") $38/Tulip 😘外觀非常吸引，酸酸甜甜的味道非常開胃連埋餅乾一齊食不錯。水果蛋糕(Mixed Fruit Danish) $25 😍提子鬆餅 (French Butter scon) $19 😂就讓我有點兒失望，因為不太熱而且有點乾，希望店能改善，這裡還有不同款式嘅食物Pizza、意粉、意大利飯等等，環境也非常吸引。總括來說我們覺得非常享受的一晚。

週五甫一下班，便相約老公到朗豪坊吃晚飯。一心是為了到Icremeria朝聖，但在此以前總得要吃正餐了吧!雖則Passion by Gerard Dubois是這夜的配角，但仍屬是我精挑細選下的開飯之選。Passion的主食有一定水準，甜品做得岀色，而美中不足的是快餐式服務。但早説過這天是為Icremeria而來，此等快餐速食是正中下懷了吧！已經不止一次光顧此店，對自助點餐程序的混亂早已默默接受，老公卻因此而對Passion印象大打折扣。雖然如此，此店仍是一位難求，要找用餐的位子並不容易，這與食品的質素與多樣性有關。一系列的主食有健康沙律、薄餅、意粉、慢煮系列， 甜品更是令人花多眼亂，十多款gelato，數十款蛋糕、馬卡龍、巧克力......如此陣容，極輕易引發選擇困難症。而飲品也是甚具特色的。即使是零服務，相信食客也不會太在意吧！找了餐桌的一角坐下，便開始點餐了，若然是茫無頭緒，餐桌上有圖文並茂的餐牌可供取閲。點選後拿取自助電子呼叫器，不消數分鐘，餐點極速到手。Small Salad Box($45)一向喜歡這家的自選沙律，250g說小不小，事實份量是滿多的，可自選三款沙律，而且還會附

約了朋友在朗豪坊看首映，之前當然一起吃飯兼吹水了，因之前的午餐很有份量，到晚飯時間仍未「落隔」；吃沙律就最好不過了。煙三文魚凱薩沙律 ～ 三文魚煙熏味淡薄，生菜還算新鮮，但沙律醬偏少，有些生菜什至沒有醬汁 ，焗麵包粒明顯過火，又硬又黑。芒果汁一支 ～ 芒果味香濃杰身，但偏甜，飲完比未飲更口喝。最近太多人的食評出現問題，以表示支持及配合（不想誤殺良民，又白費自己一番心血），特上載收條，以示清白。

每次去到都好似喺外國咁，好好feel，去完第一次就上曬癮、成日好想一去再去。除左環境好fantastic之外，食物質素都相當高~不論甜食咸食小食都一應俱全。第一次係叫佢個4款沙律，60幾蚊真係抵食。出面啲沙律得幾條菜都要70幾蚊啦。最最最推薦係個小米沙律，微微咖哩味非常醒胃。另外薯仔青豆、番茄芝士同紅菜頭沙律都好正，值得一試。第二次係叫佢果啲撻，梨撻喺香港係非常難搵，自當年喺IFC某高級餐廳食過之後搵唔返。近年終於喺Passion搵到，而且仲要係好食。少少建議，其實條百力枝唔太美觀，另外仲可以加厚啲酥皮等口感rich啲。但士多啤梨撻我麻麻，除左士多啤梨唔夠甜之外，啲醬又唔似cream又唔似吉士令人好confuse!再試埋啲熱野，我覺得厚pizza反而一般，但係薄pizza超級出眾。我最鐘意蔬菜薄pizza，加少少tabasco簡直係絕配。就算有時同朋友講下講下，個pizza凍左都一樣咁好食，個邊脆脆地有啲焦香，正！