Partager Bistro

营业中

休息中

家母針灸完畢，臨時過來和我吃中午飯。幸好這個隱世小店，基本上一定有位。服務細心，服務員見到有長者，主動協助我們在一個比較舒適的位置安頓，又幫忙盛湯。咖啡師考慮到長者需要，熱餐飲先上。紫心薯片有益又好味，一個唔小心食完唔記得影相。煎魚和烤雞都是皮脆肉嫩。很有特色的薑汁鮮奶咖啡，泡沫細膩，少許薑蓉，薑汁的比例剛好，不淡也不喧賓奪主，特別要讚一讚。感恩今天愉快又豐足的午聚。

最近同朋友喺灣仔Lunch，朋友介紹至發現喺灣仔政府大樓有Partager Bistro呢間餐廳。環境好寬敞舒適，以其食物質素，價錢算幾抵。公務員仲有8折, 唔係公務員的話, 登記做會員都有9折。菜式好多選擇, 中、西都有。我揀咗香辣虎蝦扁意粉連自助沙律吧Lunch Set，虎蝦真係超級大隻，好鮮味彈牙，意粉熟度剛剛好，醬汁非常美味濃郁，好有風味，成個菜式我係十分滿意，食到。沙律吧都好新鮮，又頗多款式揀，除了各式蔬菜，仲有藜麥同水果，又有好香嘅蘑菇湯任飲。成個Lunch Set份量十足。 有機會我下次會想試下個海南雞飯。我好多時都會去灣仔，就研究吓個餐牌，方便隨時搵食 ，發現早餐都有齊中、西式，除咗三文治，Panini包類，連粥同埋雲吞麵都有，又有 All Day Breakfast，成日食都唔怕悶親。

今日行過見到政府大樓出面有人派傳單，就入咗去試下。又估唔到環境好好，起碼 d 座位唔會坐到好迫，要縮埋一舊食 🥴 講真呢區lunch 想坐好 d 都唔容易 😒 仲要唔駛點等位，都算係高性比隱世餐廳 😅 叫咗個烤雞味道都 ok，起碼切開 d 肉都多汁流出嚟 👍🏻，百幾蚊埋單呢個位置黎講都算係咁...不過最估唔到既驚喜位係咖啡😳...$35 响呢區絕對可以 Encore 👍🏻，仲拎埋佢張 coupon buy one get one free 冇得輸 🤣🤣🤣

唔係朋友帶我去, 真係唔知灣仔政府大樓有間咁正嘅Partager Bistro餐廳。地方非常寬敞舒適, 呢個價錢有咁好的環境, 喺灣仔真係好少有。最近推出咗新Menu, 有半自助午餐, 我試咗虎蝦扁意粉, 虎蝦超大隻, 蝦味十足, 扁意粉軟硬適中啱啱好, 醬汁亦濃郁, 好味!抵食! 最正係個set有埋自助Salad Bar, 材料相當新鮮, 可以任食蔬菜好健康。去開灣仔的話, 推介大家去試下。睇新Menu 早餐都好多選擇，有西式三文治, Panini等等, 中式早餐粥, 雲吞麵, 蝦餃都有, 喺附近返工的話, 呢度係早餐好去處。如果係公務員仲可以有8折, 唔係公務員的話, 登記做會員都有9折。