Papi位於灣仔核心地段，合和中心對面o既QRE Plaza二十六樓，顧客除咗可乘搭地鐡，好多主要o既巴士同小巴線仍然運作，方便程度無減。一出升降機門就留意到餐廳logo上面個「i」好似就快跌落黎咁，好搞鬼 （請看上圖）。Papi間隔開揚，光線充足，右手邊為開放式廚房，左手邊一角為酒吧區，格調輕鬆舒適。其地板及枱櫈全為木造，簡潔乾爽衛生，四方形o既木枱更可隨意拼成大小不同o既長枱，無論係小情侶一雙，友人一大班，甚至扶老攜幼o既家庭聚會都咁合適。
全男班o既廚師們及服務生，不論職位高底，態度同樣親民和藹。雖然我地大伙兒遲遲未點菜，佢地都完全冇催促過，仲會自動添水，好有耐性，亦非常細心。主理我地張枱嗰位Eric哥哥除咗不時為我地替換餐具之外，佢對餐廳o既菜式及所選用o既各種食材簡直係瞭如指掌；我地向佢提問o既問題，佢都可以熟識地續一解答，XO仔真係佩服得五體投地！
壽星仔好民主架，見大家都想試多幾款唔同食物，就決定乜都叫啲黎分，有提議只需發聲，鍾意可以隨時encore。嘻嘻，小肥當然係老實不客氣啦，一聽到哥仔提到多款酒品有七折優惠，就拉埋表妹歎番杯先 ！
唔好酒o既A友人叫咗杯咖啡提神，當哥哥仔送上熱奶時，佢感動到再三叮囑XO仔一定要於食評中提及，因為佢絕對會為此舉而加分 ！
Homemade Crispy Crackers with Olive Oil & Rosemary：入座不久，哥仔隨即送上熱烘烘o既脆餅及清水。新鮮烘製o既脆餅集香熱、薄脆、輕巧於一身，送酒佳品也，比起普通西餐廳o既麵包籃更為有特色，更加溫暖 ！
星期三為小肥o既「無菜日」，自己放「唔食菜假」 ，所以由鬼鬼地o既契妹代為評論各款沙律。
軟心意大利蛋菠菜松子仁沙律（$98）：沙律外形唔係好吸引，大家都唔知點樣入手去分， Eric哥哥見狀即自薦為我地撈攪。契妹食後感想為「平時好少有咁o既配搭，口味獨特，菠菜好新鮮。意大利蛋個蛋黃味道香濃，比本地蛋美味得多。」
薄切日本油甘魚（$148）：油甘魚薄切質感有少少好似熟咗咁，即使油份足，肉質卻唔夠嫩滑，表妹話此乃用檸檬「拿」過後所致 ，建議師傅加檸檬汁時輕手少少，或可改用松露油，效果應更香嫩。
意大利火腿Gorgonzola芝士蛋卷（$68）：蛋卷芝士味濃，入口先知原來係涷食o既 ，大家對此抱有不同意見，正負都有，個人就唔係好習慣囉。
翡冷翠燴牛肚（$98）：飲茶成日都會食牛肚，喺西餐廳食都係第一次，真係唔知意大利人都識食 。牛肚勁爽，用茄醬香草煮製聽落雖然有啲怪怪，但味道其實好似食緊肉醬意粉咁，甜多過酸，幾得意。
炸意大利Mozzarella芝士（$88）：炸芝士為契妹所點選：「其外層同平時啲mozzarella sticks好唔同，配上橙醬好奇怪囉。」
香煎北海道帶子（$128）：個人覺得帶子過熟，嚡咗少少，而伴碟細細粒o既實心意粉就較韌。
扒原隻魷魚（$118）：小肥平時好少食魷魚，因為怕韌同腥。Papi依條燒魷魚不但爽脆非常，而且一啲都唔腥，微辣o既調味醒胃野味，送酒一流 ！
黑松露醬薄餅（$208）：黑松露醬薄餅一上枱，女士們都嫌其芝士味勁得滯，唔係好敢試，Eric哥哥解釋，薄餅所選用o既芝士有三，分別為mozzarella、gorgonzola及parmesan，當中gorgonzola味道同blue cheese頗為接近，應該就係令女士們反感之元兇。細佬對濃味芝士絕不抗拒，聞到o既亦只有香濃o既松露味，心中當然係暗暗自喜啦，可以食埋佢地嗰分嘛 。黑松露醬薄餅夠薄夠脆，芝士三重奏雖然強勁，但並無奪走黑松露o既味道，而且一啲都唔溜，四者非常協調，必吃推介也！
巴馬火腿火箭菜薄餅（$188）：S友人同XO仔一樣都好欣賞Papi個黑松露醬薄餅，但就略嫌薄餅冇肉，所以就較為鍾意食有肉o既巴馬火腿火箭菜薄餅。
鮮海膽扁意粉（$208）：師傅選用咗linguine煮製海膽意粉，麵條煙韌彈牙，味道香濃，雖則醬汁唔夠滑溜，但仍不失美味。個人最愛食天使麵，純粹喜好問題，如果食客可選擇用天使麵煮製海膽意粉咁就perfect啦！
辣蕃茄醬手造粗麵（$118）：手造粗麵又長又粗，外層好滑，煙煙韌韌，配上微辣o既蕃茄醬幾醒神。
話明係契妹個哥哥生日wor，當然係有蛋糕食啦！蛋糕購自附近一家餅舖，Papi不但冇收切餅費，兩位師傅仲同Eric哥哥夾好為我地扭出驚喜 ！師傅用心地扭出金黃色o既糖絲為蛋糕裝飾，哥哥仔們更一同高歌生日曲調，幫忙拍照，萬分感激 ！
Papi灣仔分店位於QRE Plaza，交通四通八達，駕車人士更可享用合和中心之免費泊車優惠。餐廳並無花巧o既裝修，簡潔舒適。食材高質，菜式配搭有心思，廚師又有創意，最緊要係價廉物美，男女老幼都啱食。清一色o既男服務生親切友善，誠懇有禮，為當晚生日飯局增添歡樂，賓客們都盡興而回 ！
小C一早訂了位，小妹一人先到，報上名後，門口一文質栩栩的男子有禮貌地帶小妹到近窗邊的一張四人枱，並細心地為小妹拉開椅子。小妹不禁嚇了一跳，這不是高級餐廳才有的服務嗎？ 時間尚早，食客不多，小妹趁空檔就四處拍照了。開放式廚房中，廚師正埋頭苦幹，為午市作準備。一鐵爐內，一大團熊熊烈火正在燃燒，是在焗pizza嗎？
看了看餐牌，Set Lunch 的價錢視乎主菜而定，有六款，包前菜或餐湯以及咖啡或茶。若選吃沙律和意粉，則只需$138；若選吃西冷扒、烤豬和薄餅，則要$168。由於姐妹淘放飯時間較遲，而小妹要趕回公司上班，故一向均是邊吃邊等。小妹是日想吃得light點兒，故要了沙律配紅甜椒蜆肉意粉。
是日沙律是蘋果醋汁配炸軟殼蟹沙律，餐廳出手頗為闊綽，軟殼蟹竟是原隻上碟，而不像坊間般只有切得細碎的幾塊﹗ 軟殼蟹炸得極為香脆可口，配合墊底的鮮爽生菜，再混合酸甜蘋果粒和醋汁，味道配搭得宜，好味又開胃，且不甚油膩。
姐妹淘陸續來到，其中兩位要了羅勒煮鮮蕃茄麵包湯。中間，發生了一段小插曲。話說J致電小妹說在樓下了，請小妹代為叫餐，並要了餐湯。然而，餐湯送上約4分鐘，她仍遲遲未到。一待應走過來，表示天氣寒冷，怕湯放涼了，故先收回該碗湯，待友人來到再上。嘩，當時餐廳已開始多人，他竟然仍有空閒及有心思去關顧客人需要，真是難得，值得一讚﹗ 
有趣的是，我們不約而同地要了紅甜椒蜆肉意粉$138。炒得煙韌具彈性的意粉極為入味，除了紅甜椒和蜆肉外，還加人蒜蓉和香草同炒，用料簡單，但香味十足，且帶有蜆肉的鮮味。蜆肉份量也毫不吝嗇，鮮甜爽無比，也為意粉提鮮了不少。
飲品小妹要了凍檸茶，三位姐妹及侍應露出頗出吃驚的表情﹗是的，是日溫度得八度，正常人不會飲凍嘢，然小妹是另類﹗ 除了J要奶茶外，另外兩位姐妹要了咖啡，是較少接觸的意大利danesi caffe，小妹呷了一口，水準也不錯，夠濃香、夠香淳。
意猶未盡，故決定追加一杯賣相kawaii的Papi's Tiramisu $68四人同享。餐廳的Tiramisu咖啡酒味薄弱，然義大利產的mascarpone芝士和吉士蛋打得極為柔滑美味，且不甚甜膩，啱晒小妹及友人的口味，大家吃得舐舐脷﹗
隨便拿來餐牌一看，真是一目了然，雖然只得一版，但款式卻有不少，而且牆邊還有不少黑板寫著推介或時令菜式。既然是主打意式小食，便著眼在頭盤及小吃裡。今天的狀態不是太好，便來一杯醒神又好飲的Homemade Italian Lemonade。
初搾橄欖油蒜片燴蝦，蒜味可以再濃一點辣一點，但蝦肉則無可挑剔，夠爽口彈牙，一碟數隻，真的一下子便吃完。接著來個清新一點的，亦是我很喜歡的意大利Burrata芝士配鮮車厘茄。芝味輕盈而富奶味，配上車厘茄及火箭菜，永遠是簡單又美味的沙律。
鮮炸白飯魚/芝麻菜送來時，真的不知道是何物，很像炸野菜天婦羅，細看之下才發現有白飯魚混合其中，很香脆鬆化，芝麻菜的質感脆卜卜，蘸上少許沙律醬，既香脆又好味。扒原隻魷魚絕對是吸引之作，原隻上像極在碟中游水般，吃來軟滑爽口，雖然以橄欖油浸著，但檸檬汁卻帶來清爽的味道。
接著來的是香煎北海道珍寶帶子，以pancetta包著來煎，外表色澤金黃，內裡半熟而嫩滑，兼富牛油香，配合煙煙靱靱的fregola sarda，形成強烈對比。這款紅酒燴牛尾配白甘荀蓉，可能是頭盤中最具份量，但其實只是兩大塊，並不是一大鍋，牛尾已被燜得細軟鬆化，與打得軟滑的薯蓉，又好吃又飽肚。
這個黑松露醬薄餅做得相當好，香氣濃郁，餅底香脆，上面舖了滿滿的芝士及黑松露醬，相當美味。
來到意粉時間，點了三款不同意粉，全是店家自家製，先是質感與烏冬差不多的香辣蕃茄醬手打粗麵，雖然差不多，但實情是更為煙靱，以香辣蕃茄醬調味，酸酸的帶上辣味，又幾好吃。
接著的是深海小龍蝦手造薯仔糰，醬汁做得不錯，能帶出半生熟的小龍蝦的鮮甜味道出來，本是不錯的，可是薯仔糰煮得太過腍身，失去了應有的煙煙靱靱，有點失色。
最後是波士頓龍蝦手造意粉，意粉又回復到那種煙煙靱靱，感覺良好，可是醬汁味道夠濃，但不夠鮮味，幸好龍蝦煮得爽口彈牙兼鮮甜。
甜品時間總不能少，分別有熱意大利蛋莫斯加托甜酒沙巴翁、Papi’s Tiramisu及意大利朱古力慕絲蛋糕配雪糕。沙巴翁是一款用上甜酒來做的甜品，改用Moscato令甜度更高更香，吃來甜甜蜜蜜，以手拍餅蘸來吃，不錯的，如加入一些野莓同吃應會更佳。另外的兩款甜品水準不俗，Tiramisu都做得相當軟滑。
這店的水準感覺不錯，而且位置更好，加上店舖座位更多，來這裡吃飯也不錯。還記得曾經吃過一道白松露意粉，挖空整個大芝來製作，再片上數十片白松露，相當豪華，真想再吃一次。
忙裡偷閒，請了半天假(其實是清假 )，早已安排好節目
來這裡，不用説，必要先點這裡的名物 - 自家製的lemonade
真是意想不到，竟然有白飯魚，第一時間就點
蝦隻爽口彈牙，味道鮮甜
原隻燒的魷魚切片，簡單的加入多款醬汁配料
珍寶裝的帶子實在搶眼吸睛
沒錯，精彩的前菜頭盤在前，主菜也就無可避免給搶了一點風頭
這裡的麵條全是自家人手打製
薯仔糰是很考功夫的東東
以波士頓龍蝦手造意粉作為甜品前最後一道主菜
看到這賣相精美的Papi Tiramisu 不禁令人滿心歡喜
沙巴翁是坊間較少見的意式甜點，其實是一款甜的蛋酒，再配搭生果齊吃
影片
