Pancake Colours Cafe & Bar (已結業)

一見到三文魚已經夠哂吸引啦，睇到個名都流流地口水~~所以我同個fd第一時間就決定叫lee個pizza~個三文魚pizza又香又脆，批身夠薄脆可口，芝士既份量同埋比例都幾適中加埋鮮美既三文魚係pizza上面真係一流呀!!!份量都幾多 同個fd一齊食都夠飽!

繼上個禮拜之後，今個星期又要做獨男...自己一個食晚餐...上次試過公司樓下間野唔錯，決定今次繼續幫親，試下其他野今日唔知係唔係早去食，無咩人等位入到去叫左個焗飯(不過我唔記得左個名.....)不過大家見到相都應該明個焗飯上面有一大粒車厘茄，不過得物無所用.....小弟唔食車厘茄==.講番個焗飯，d飯有少少偏硬，特別係個底...不過依個都係焗飯既defects ...無得怪佢...而個面就焗得岩岩好好，少少脆而唔會太dry，而味道亦唔會太濃!!good!!!!總體黎講都有80分!!除左個焗飯，仲叫左個雞軟骨 小弟細個果時成日食街邊d串燒 所有對雞軟骨情有獨忠不過平時食開既係燒...今次唔係，係炸食落唔錯 同普通炸物無咩大分別 味道都唔錯 不過我都係鍾意串燒果d多d不過都ok 既xd下次有機會再試下其他野

首先，不用等位坐位的佈置有佈同的風格場地佈置優美很適合去輕鬆輕鬆下^^好好食！值得推介！！！！^^溫泉蛋剛剛好，我最愛！意粉很彈牙和很多意粉－很足料！很有水準＊O＊肉醬意粉也很好味有芝士在面增加味道的層次將意粉的味道昇華，讚！價錢合理！可以跟朋友一邊談天一邊享受美味的食物！

今日難得約左中學同學聚下就去左pancake colours 食貪佢地點方便 又可以坐得耐叫左個lunch set 食包餐湯 意粉 同一杯飲品今餐最驚喜既係個餐湯平時去大部份餐廳食set lunch個湯好多時都係淡mou mou 好稀但係呢個味道好濃大讚個意粉就反而普通d以個價錢嚟講有d唔抵 貴左少少仲值得一讚既係佢既環境裝修幾令! 好有古典風同中同坐左幾個鐘 都唔會有人趕但係d waiter 唔會好主動要揮好耐手先有人應不過整體上都幾好!

一開始上開飯睇過下呢間餐廳, 反正個日出到旺角都唔知食咩好, 就去試下啦, 點知唔差喎!!!一入去叫左個吉列豬排蛋包飯, 原本諗住好HEAVY啦, 食落又唔係喎脆得黎又唔會好多粉仲有個蛋包飯全完唔係HEA整個種, 不過如果多啲茄汁就好啦跟餐配左杯朱古力脆米+布丁普通朱古力, 不過不失=)

今日去旺角行街，經過瓊華就諗起Pancake Colours之前個FD推薦過依間CAFE所以就入左去食。果然冇令我失望！先講下環境，個人都幾重視餐廳既環境有靚既裝修加埋好野食先係享受一入到黎個時就覺得幾GRAND，周圍都幾閃D裝修幾靚，D座位好特別，成件事幾有FEEL所以係度食野都真係幾開心叫左個我去到邊都食既焗吉列豬扒飯，依度特別既係佢有埋肉醬幾好食D吉列豬扒炸到岩岩好，外面好脆，入面D都唔老，而且仲有好多肉汁，正！個飯既份量都幾大食完好飽好滿足：）跟住叫左忌廉咖啡，認真好好飲！一上黎已經聞到好香咖啡味好滑而且唔會太苦！推介！整體滿意今次用餐，會再黎食！！！

我地BOOK左呢間CAFE幫個FD慶祝生日貪佢夠方便又OK大佢啲位幾特別~啱晒我地幾個吹下水我地叫左以下呢幾個餸幾好食又夠大份但價錢就貴左小小首先我地叫左個小食再叫左卡邦尼意粉略嫌D汁唔夠濃肉醬千層麵同牛肝菌墨魚蜆肉燴飯個飯好掂落足料呢個咖哩焗香酥雞球飯一定要推介堅好食D雞球真係好脆個汁都唔太SPICY唯一美中不足係個日有D嘈同有D焗但都唔錯

難得有個FD終於趁聖誕假係外國番黎，於時一大班人去左呢到食番餐飯聚舊一入到去就比佢華麗既裝潢吸引住雖然10個人坐有少少迫，但坐落都ＯＫ侍應既態度幾好，幾有禮貌同FD一齊share左意粉+甜品個人對卡邦尼情有獨鍾，於是亳不猶豫叫左呢碟紫菜墨魚籽卡邦尼意粉賣相幾好，都幾好食，但略嫌唔夠濃郁，同我預期中既有Ｄ出入反而呢個溫泉蛋肉醬寬條面出乎意料地好食，流出黎既蛋汁再加上肉醬，真係唔錯，而且岩岩好中和番食落有Ｄ膩既卡邦尼意粉，值得一試但最驚喜既都唔係意粉，反而係呢個玉米濃湯，真係特別香，唔係出面果Ｄ飲落去似飲緊粉漿既感覺，不過如果有麵包粒會更好不過，整體而言，價錢略貴，但都係三五知己聚腳既一個唔錯選擇

我平時都幾大食下今日突然想食下意粉本身都驚會吾會唔夠飽但係黎到個時見到都OK大份應該都夠我食賣相又唔差食落之後D味都覺得唔錯好過我去過嘅其他餐廳食個D咁唔會好淡又好HEY可能我平時都食得比較甜我覺得個沙冰都夠味同埋入口個口感都唔差D冰我自己覺得都整得幾好整體黎講係剽食嘅野都幾好食價錢都叫做合理等嘅時間都唔算太長坐都坐得幾舒服值得一讚XD

有一次朋友生日去左食, 一入到去覺得ok大, 裝修都唔錯咁之後落單叫野食, d waiter既態度都還可以芝士汁軟殼蟹寬條面真係唔錯芝士味夠濃, 軟殼蟹都唔會話得好少一開頭以為 朱古力脆米同布丁會唔係幾夾點知原來係幾正,值得一試!!!!!!總括而言, 裝修同食物都ok, 價錢可以接受, 值得一去!

話逆說朋友生日 諗唔到去邊 是但搵間CAFE幫佢慶祝啦 點知偶然都會遇上驚喜甜品不嬲係我既最愛 依間CAFE D 租品都唔錯重點推介依個鮮芒果沙冰 AND 芒果北海道3.6奶凍其實甜品店既芒果沙冰 一係甜到死 一係就多冰到冇味依個鮮芒果沙冰真係食到芒果味 就算放左十幾分鐘 有冰融左 都仲有味到芒果係我既至愛 當然唔少得叫多個芒果北海道3.6奶凍啦淡淡既牛乳香 未食已經聞到 食落去牛奶又濃又滑 再加埋襯到絕既芒果肉 一個字"正" 兩個字"超爽'場大又夠大 開生日P一流 大家得閒就一定要試下依兩樣^^

與朋友到旺角，推介到此吃下午茶。進內，坐椅設計像城堡童話般，枱之間有若干空間，坐得舒適。餐牌裏套餐食物選擇多，設計精美。點了一份下午茶及天使魔鬼法式班戟。聽朋友說，她的火腿忌廉粟米磨菇餐湯+什果沙律+鮮蝦腐皮卷+凍麥香紅茶豐富而美味。餐湯料多味足，沙律水果不酸，鮮蝦腐皮卷有嚼勁不油膩，好吃，麥香紅茶如其名麥味香濃，既好味，又十分有特式。我的天使魔鬼法式班戟賣相精美，有兩層班戟，上面有雲呢拿雪糕，有焦糖和朱古力漿，又灑上黑白朱古力、餅乾碎、焦糖粒和脆米，吃着脆中帶軟，亦有陣陣冰涼，味道很好，推介!食物出色，服務令人滿意，有閒時希望再來。

朋友介紹話坐得舒服有得食又可坐耐啲傾偈一去見到啲坐位好誇張,每張都唔同,奇怪餐廳有D怪味安排坐雙人car位,椅背好高又窄,好有壓迫感諗住叫菜等咗幾分鐘都唔見人,要行出去先揾到人什菜湯,冇什菜只得咸味差個茶餐廳三文魚扒配沙律,海鮮唔新鮮肉質"梅"朋友叫肉眼扒6成熟,上枱見起碼8-9成熟柴皮一樣,好乾叫餐飲又要行出去揾人走啦,落街要再食雲吞麵

唔係朋友帶一定唔識嚟, 嘩﹗一入門口, D凳同牆紙非常浮誇, 金光閃閃夠bling bling, 好似TVB, 雖然粗糙, 但好有心機, target都係young teens, 我要比90分。靚就靚不過座位非常唔舒服, 而且有陣味, 扣分扣分。 黑松露卡邦尼蛋汁煙內意粉杰到無晒朋友, 差不多無黑松露味而且非常鹹, 優點是 = 大碟, 無論個碟同份量都真大得交關, 意粉無味, 無bacon。奶油龍蝦汁鮮蝦闊條麵, 蝦好似發大膠, 好彈牙但味道好假, 似酒樓以前啲玻璃蝦, 龍蝦汁幾開胃, 超多綠色東西應該係環保人事煮出嚟, 意粉普通無味, 一樣, 好大碟, 兩位女士係無可能食得晒! 甜品朱古力布丁好差, 朱古力奇怪地唔多似朱古力味, 似…茶又似….有啲中藥味, 完全接受唔到。好老實如果成班中學/大學未畢業生墜腳係一個好hea得既地方, 又或者15-6歲拍下拖仔真係好去處! 而且我見隔離臺有咩三國煞玩(唔肯定名), 但係年過25我相信都好難接受呢度食物質素。 好MK既餐廳

這晚相約了老朋友聚舊，地點選擇了交通方便的旺角，但又怕人多等候，於是老朋友靈機一觸提議到樓上cafe去。本想好好享受這頓期待已久的晚餐跟老朋友談談天，怎料得來的卻是一次不甚愉快的用餐經歷！先論環境，店內燈光昏暗需極力尋找光源才可勉強看到餐牌上的文字，這本來對沐浴在愛河中的情侶是非常浪漫有意思的，就算對老朋友來說能在這樣有情調的環境中談天也不失為一個好選擇；怎料這晚店內有大部份面積被分間為包場派對，由於不是密封分間的關係，派對的嘈音愈吵愈烈，我和老朋友只好提高聲線側前身軀大聲地談天，難道這會是一頓值得享受的晚餐嗎？再論服務，就如前文幾位食家所言，「舉極手都冇人理」。這店的侍應真的很忙 － 低頭在玩手機，而且忽略顧客的需要，老朋友要三番四次要求才可以得到一杯簡單的熱水。在點飲品的時候我們發現餐牌上就連一些普通的飲品如熱檸檬「紅」茶及熱奶茶都沒有，向侍應查詢卻得到「餐牌上有就有冇就冇」的冷淡答覆，真使我們非常錯愕！ 龍蝦忌廉汁焗海龍皇飯主菜點了我的至愛 － 焗飯系列的龍蝦忌廉汁焗海龍皇飯。單看其賣相不俗，海鮮用料也不少；怎料其龍蝦忌廉汁淡而無味，就連所有海鮮亦偏淡，令我不其然有「寡口」的感覺