Pancake 專門

营业中

休息中

不可一不可再！叫咗個呢度個個都大推嘅和牛pancake漢堡, 超級普通，和牛無牛味，係咁易夾d生菜同夾塊惠康都可以買到嘅薯餅⋯個pancake 皮好似舊煎蛋糕咁⋯唔鬆軟，咁就$168 到底當中有幾多比左KOL賣廣告？叫咗個薯條 好垃圾 乾爭爭 無味 麥當勞比佢好食 又$68到重點！甜品！ 粟子pancake = 同去東海堂買嘅粟子生日蛋糕係無分別架！呢間嘢d pancake 唔好食，整到成個海綿蛋糕咁⋯仲有個女店員叫左3次佢都唔斟水俾我哋🙃點解呢？

餐廳行日式木系小店, 俾人感覺好舒服, 而且有好多猫猫既元素, 相信店主都係愛猫之人。除左佢地既招牌班戟, 呢度仲有輕食系列, 夜晚係可以係到一條龍, 由主食到甜品, 同朋友傾到盡興而歸。.輕食系列餐湯, 主菜, 麥茶/抹茶餐湯係濃既味噌湯, 裡面有牛肉同蘿蔔, 蘿蔔好甜。椰香咖哩雞 $118椰香味好濃, 雞件同配料都幾足夠, 雞件都好大舊, 味道都唔會太辣。.松露香煎帶子$1383大粒帶子煎香左放係最面頭, 意粉本身用白汁煮, 仲有松露碎係香口。意粉本身既質感唔會太硬。.伯爵茶無花果班戟$148佢唔係好似平時見到既pancake 咁有2層, 呢個得一層。班戟本身都幾SOFT, 上面既CREAM 係用伯爵茶整, 所以好香茶味, 令到CREAM 本身冇咁膩, 仲有好多無花果係旁邊, 整體是不錯的。.提拉米蘇咖啡$48未飲過, 咖啡底係MOCHA, 面頭有手指餅俾人浸住食。欣賞佢地就算有餅仔係咖啡面頭, 都好用心拉花, 令我更加享受杯飲品。.抹茶富士山 $56抹茶本身應該係加左糖打到佢好厚身, 抹茶味道濃, 都唔會太甜,再溝埋牛奶飲好夾。

朋友生日，食完晚飯，意猶未盡，再去食個甜品完結，搵到一間好靚pancake dessert,去試下。8點左右，有位坐下，因為仲好飽，order左2個pancake,不過店員話有最低消費，人頭$100，唯有叫3個唔share食，好快pancake到齊，我地有同店員講朋友生日，佢都好sweet幫我地放個生日牌，3個甜品，我本人唔食太甜，所以覺得奶凍最啱我，其餘2個都不太差，打咭唔錯，pancake價錢唔太平，平均$140左右1個，如果食埋飯，應該差唔多人均$500左右，當日入座大約6-7成，店員應該彈性d處理最低消費，回頭客應該會更多。

有個蟹粉烏冬套餐要超過$200，我見到有人食緊，但我冇叫到，因為剛剛冇幾耐之前喺Kiki麵食完蟹粉麵，今次主要入嚟食栗子甜品。 吧枱前其實有幾個位，但係佢哋Bar枱後面放滿雜物，冇開放Bar枱位置俾客，我覺得浪費咗幾個座位。 枱與枱之間比較窄，設計無特色，裝修風格是普通嘅日式小店。星期六的下午，特別好生意、門口有人排隊，但唔算長龍，我哋旁邊嗰枱兩個女人傾傾吓偈俾侍應主動要求埋單，話「我哋有限時，外面有客等緊」兩位女士埋單四百幾蚊，座位只是一般茶餐廳細枱，坐中間唔係窗邊唔覺得環境特別好，我唔清楚兩位女士坐咗幾耐，佢哋都無奈離開。缺點：要叫先上餐湯，跟餐的茶沒有款式選擇，餐牌上多款唔同味嘅雪糕選擇但實際只有雲呢拿及綠茶，限時要離開優點： 甜品款式選擇多，栗子份量足夠，味道好。

最近見好多 Foodie 幫手宣傳呢間，令我諗返起一年前食過嘅經驗想分享返。當初我都係睇咗社交媒體網站foodie 介紹 pancake 先過嚟幫襯。-店面幾大，晚市有 3-4 枱客，得一個侍應姐姐招呼。侍應姐姐態度幾好有禮貌，但問題係在於廚房出品質素。-落完單過咗陣侍應姐姐話冇意粉介唔介意轉烏冬，上咗菜先發覺唔對路。兩碟都係烏冬還烏冬，料還料，忌廉嗰碟明顯係煎帶子 + 原廠直出盒裝忌廉+ 烏冬，仲 hea 過我屋企煮。仲要兩碟上手都係微溫，再擺一陣就凍曬。實在頂唔緊叫侍應姐姐幫我再煮熱啲，但再等多20 分鐘左右都仲未出現，再問侍應佢答返我唔好意思廚房漏咗 😰😰😰 再拎出嚟熱係熱，但全碟原封不動，原來用微波爐都可以叮半個鐘。見到人地意粉啲相正正常常，但烏冬就可以咁求其。夜晚 7 點幾如果佢地搵同事去隔離惠康買返包意粉，煮出嚟比客食會唔會好啲。-Pancake 就正常，只係定價太貴，又未靚到要打卡，唔會再食第二次。-套餐飲品加沙律加烏冬 $138x2，pancake $158，埋單連加一 $477.4，完全唔知食咗乜，有誤墮騙案嘅感覺。

之前經過百德新街已經留意到這間甜品店，裝飾精緻，充滿日式木系風格。今天忽然很想吃甜品，於是決定進去試下😍😍 🌺芒果拿破崙拿破崙共有三層，頂層是滿滿的芒果肉和忌廉，一口咬下去，幸福感瞬間充盈心間❣️拿破崙的牛油香氣濃郁，口感超級香滑。中間夾層有兩塊麻糬，柔軟有嚼勁。最底層則有三球香草雪糕，整體搭配令人滿足無比😋❣️❣️ 🌺焙茶富士山和抹茶富士山外觀超級打卡able，仿佛小型的富士山般迷人🤩 焙茶的茶味非常濃郁，帶有一絲苦澀，但整體仍然香甜可口，鮮奶的加入使口感更加豐富。抹茶富士山則保留了抹茶的原味，甜度適中💚 🌺和粟Mont Blanc班戟班戟外層脆而內層軟嫩，口感層次豐富。配上濃郁的Mont Blanc餡料，甜度適中，不會掩蓋班戟本身的香味。整體味道非常和諧，讓人一試難忘😋👍👍

如果你系Pancake甜品控，就一定唔可以錯過這間店了，雖然次次經過，我都無留意，但系最後還是發現左哩間寶藏店鋪。裝修風格系日式設計噶，好多我中意噶貓貓擺件，環境都幾好，服務態度都唔錯。我試左個沖繩紫薯Pancake，我覺得紫薯點都唔會出錯吧。好多紫薯絲圍住個雪糕同埋Pancake，口感豐富，紫薯絲脆脆地，然後雪糕軟綿，我覺得同個班戟真系絕配，下次我再試試個個好多人推薦噶板栗味班戟先得！

餐廳門口影像應該都好睇，日系風格，餐廳入邊有好多喵喵挂相，好得意，紫薯口味topping加朱古力pancake配士多啤梨雪糕，上面一層字數topping真係好似食紫薯甘，夾埋既朱古力pancake都好搭，香奶味濃，最後士多啤梨味可以清新口味，幾好；焦糖燉蛋班戟，燉蛋夠滑，蛋香味好濃，甜度ok，富士山焙茶係真係好出片。

平日下午店內唔多人，設計別緻，環境寧靜，好享受！上次食過依個，好好味於是再朋友黎食。今次揀左金薯囗味，抹茶pancake，粟子雪糕。外面的蕃薯蓉好香而且入囗即融，入面的粟子雪糕味道清香，而pancake嘅抹茶味就唔太出。整體而言，好味！值得推薦！今次仲試左佢嘅主食，都唔錯！

最近來到位於銅鑼灣的Pancake Senmon，地理位置極好～店內裝潢都充滿和風特色的日式輕食及甜品店🥞大量的木系素材令小店更添親切感.ᐟ⧐ 松露香燒帶子意粉 HK$138 ⧏才剛上桌，幽香的松露香氣便撲鼻而來🖤帶子表面煎得金黃香脆，裡面還是半熟的口感，意粉份量不算太多，不過我們還有接下來的Mont Blanc.ᐟ⧐ Mont Blanc 班戟 HK$158 ⧏一直都很想食Mont Blanc，非常美麗精緻的一道法式甜點♡這裡可以自由配搭栗子泥、班戟和雪糕口味，口味選擇亦很多，我們選了巨峰提子泥+朱古力班戟+抹茶雪糕～清香的巨峰提子味道很香甜，與朱古力和抹茶的味道很搭.ᐟ朱古力班戟口感鬆軟，再配合濃濃的抹茶香🍵這是一個相當有份量的甜點，吃完很飽·͜·⧐ 抹茶富士山 HK$56 ⧏非常精美的飲品，那分層真的好美🗻抹茶的質地帶點Creamy，有像幾年前很流行的400次咖啡，與底部的牛奶混合起來後變得更易入口，是一杯很值得一試的打卡飲品♡⧐ 柚子蜜語 HK$48 ⧏這杯柚子蜜語與預期中甜甜的柚子蜜不同，是帶點鹹味的飲料，再加上碳酸水酸酸的味道，出來的效果是又鹹又酸的味道，顛覆了想像.ᐟ但喝著

今日突然間好想食pancake，喺網上搜羅咗一陣發現呢一間甜品舖好似唔錯，即刻拉住男朋友過咗嚟一齊食pancake見到呢款甜品個賣相好得意，就叫咗一個，佢嘅名係Mont Blanc Pancakes 紫薯味+栗子雪糕+ 原味班戟 $158佢哋係可以好客制化，大家可以選擇pancake，雪糕同埋口味，由於我係紫薯嘅愛好者，所以就梗係要揀紫薯啦，再叫埋栗子雪糕搭配嘅原味班戟so yummmy一條一條嘅紫薯蓉,相當濃郁嘅紫薯味道,同嗰栗子雪糕 簡直係perfect match

🥞Pancake Senmon (銅鑼灣) 📍上次經過銅鑼灣，食burgeroom🍔，經過呢間日式甜品店，望嗰poster 好似好吸引🤩，今次終於有機會試啦。🍴Mont Blanc Pancakes (紫薯味 + 栗子雪糕 + 原味班戟) $158佢係好customised，可以揀pancake、雪糕同出面嗰蓉嘅味道👅。我哋揀咗紫薯蓉、栗子雪糕同原味班戟🥞。一上到嚟好大份吓，同埋食落都好飽肚🫄🏻。出面一條一條嘅紫薯蓉，好濃紫薯味🍠，同嗰栗子雪糕好夾🍦，食落好smooth、好重栗子味🌰但唔會太甜，而班戟本身都好鬆軟☁️。🍴熟成芒果麻薯雪糕拿破崙 $168嗰拿破崙係由芒果、麻薯、雪糕同埋酥皮組成嘅🛠️。拿破崙底部係一層酥皮，酥脆而且好香牛油味🧈；而上面有一層雪糕🍨；最特別嘅係佢中間會有兩舊麻薯，而每一層都會有芒果粒🥭，配埋cream、雪糕同酥皮，味道更加豐富😍。🍴焙茶富士山 $56好靚咁分咗兩層，第一層係焙茶；第二層係奶🥛，而且就算攪勻咗佢，都係好濃焙茶味🍵。🍴提拉米蘇咖啡 $48見到嗰名就覺得好特別，作為一個Tiramisu愛好者梗係一定要叫啦😻！佢還原度都好高下💯，會配埋手指餅🥖，

今日約咗朋友嚟銅鑼灣食飯比佢呢度專食pancake吸引上網睇睇 發現仲有好多甜品樣樣都好想試 真係為咗甜品而嚟不過甜品係有第二個胃所以都有叫主食 有配餐湯、麥茶- - - - - - - - - - - - - - - - - - - - - - - - 1. 松露香燒帶子見到佢啲帶子都算幾大 外皮煎到微焦食落都好濕潤鮮嫩 唔乾 有微微酥脆感加埋松露香氣可以豐富帶子同意粉嘅味道意粉熟度都啱啱好 同埋唔會食到好漏2. 日式雜錦便當木盒入面放咗好多食材柔軟蟹柳、滑嫩玉子、酥脆炸雞有咬口嘅竹輪、有餡芝士牛肉餅便當入面啲食材好多樣啖啖都好有飽足感芝士牛肉餅驚喜到我本身以為冇餡 有餡加分3. 熟成芒果麻薯雪糕拿破崙呢度嘅拿破崙係即叫即製嘅見到有三層厚厚嘅酥皮好有香濃牛油香味 超級酥化入面有綿密幼滑嘅雪糕仲有煙韌麻薯、香甜熟成芒果無論視覺同味覺都係好享受4. 貓貓熱朱古力貓貓熱朱古力好正 係要先倒牛奶入杯之後先將貓貓朱古力放入牛奶度慢慢用匙羹攬到佢溶 好鍾意呢隻味係可可奶香味 配埋似係鮮奶 味道啱啱好啊5. 焙茶富士山呢杯嘢好靚啊～ 個名改得好好上面有層400次焙茶奶蓋要先用匙羹飲一啖 質地濃郁滑

無所事事去銅鑼灣行街，行經這間食店，被它的一棟銀杏樹所吸引，所以決定入去試菜，原來呢間餐廳重點係食日式甜品。🍵 焙茶富士山濃郁的培茶香與絲滑的鮮奶完美結合，每一口都充滿了層次感和滿足感。☕️ 維也納咖啡帶一種濃郁而深沈的咖啡香氣，每一口都能感受到咖啡的醇厚與深沈。🍴 壽喜燒叉燒烏冬叉燒經過精心烹制，外焦裡嫩，口感醇厚；而烏冬則煮得恰到好處，既不會過於軟爛也不會過於硬挺，食起來既滑又彈。🍰 金薯滿屋外面是用日本鳴門金蕃番薯用紗織機唧出一條條幼條的蕃薯絲，而裡面是忌廉雪糕班戟再加上蕃薯蓉，蕃薯蓉的香甜味道、雪糕的清涼和班戟的鬆軟口感相互交織，彷彿在口中融化開來，帶來一種清甜而不膩的口感。🍰 粉紅花園這個甜品，用來打卡超美。上面嗰杯係草莓雪糕加香檳啫喱，而下面嗰碟係日式燉蛋加日式厚忌廉再配上草莓。草莓雪糕的酸甜與香檳啫喱的清新口感，口感既清新又美味。而燉蛋的綿密與忌廉的絲滑交織在一起，在口中輕輕化開的感覺，實在太美妙。

🍁好耐無同瑪姬皇后出銅鑼灣行街🛍，行完街肚餓緊係要醫肚，見百德新街有間日系輕食餐廳《Pancake Senmon》，裝修好特別✨，一於入去坐下。📌LOG ON 行前小小就係《Pancake Senmon》，門面以木系裝潢，透明玻璃🪟清楚看見店內一大棵黃金楓葉樹🌲放在櫥窗內，咁吸睛行過都會望兩眼👀。📌入到店鋪，就有一隻坐地貓貓擺設歡迎你，好得意喎！📌吧枱上都放了幾個日式貓系陶瓷，看來店鋪以貓貓🐱為主題。📌餐廳感覺好光猛💡，裝潢好簡潔，牆上掛上幾幅日式招財貓掛簾，枱凳🪑以灰白色及木系為主，日系風格真係出哂黎🇯🇵。📌金黃楓葉樹上都掛了一個個招財貓公仔，好搶眼喎😻！📌金黃楓葉樹下仲擺放了一個小小的金幣許願箱💰，成件事真係好日本風情🖼。📌《Pancake Senmon》以日式輕食為題，主打各款日本班戟甜品🍩，起碼有十款以上可選擇。📌另外仲有日式輕食。和風輕食系列包餐湯、主菜同麥茶，主菜有好多款揀，有咖哩🐥雞、牛肋條🐮、五花腩🐷、燒帶子等等，可以跟飯、意粉或者烏冬，價錢$118-$138，套餐咁的價錢抵食喎！📌飲品方面都好精緻，有各款沖調咖啡☕️、特飲🍹同店鋪最吸睛的富士山系列🗻。日本鳴門金時蕃薯