Panash (已結業)

哩個黑糖提子包，好似在港式包店果ｄ所謂既提子麥包，不過ｐａｎａｓｈ就好誠實喇，人地比黑糖既就叫黑糖包，唔似得ｄ包舖明明係落咖啡粉比個啡色人睇就叫麥包～講返味道啦，黑糖味都幾出，話哂佢既第二成份巳係黑糖ｍａ，提子都幾多下ｇａ，成個包連皮都好軟綿綿，因為我鍾意咬口ｄ既野啦，所以我都係鍾意有韌度既法國提子包多ｄ

想買方包食,就去左panash~因為有張loyalty card見到有隻叫左"超熟"方包,睇左一睇,原來係因為將d麵團發酵得比較耐,所以就叫超熟~質感好煙韌,好有咬口,唔錯~其實係咪亦都因為同加左糯米粉有關呢......

無得食court rosarian o既muffin, 就黎左panash買麵包. 見到tiramisu北海道包新鮮出爐, 就同家姐一人要左一個. 除此之外, 再要左一包牛奶條. 麵包新鮮出爐一定唔會差, 再加上呢個tiramisu 北海道包有好香o既咖啡味, 芝士內餡又夠滑, 我地兩個都食得好滋味. 至於個牛奶條, 帶淡淡o既牛奶味, 亦係一個唔錯o既選擇.

Tea Set包括煙三文魚怑生菜法包,Salami餡麥包仔,朱古力/普通曲奇,春卷,生果伴碟,一吋成兩吋cream cake,迷你生果撻,好似仲有兩舊o野, 冇咩印象...成$15x...唔抵

見呢個包做緊promote, 買左黎試~都唔錯丫,入面夾左d菜呀煙肉咁~仲有d薑味,日式燒餅醬,真係ok似日式燒餅,不過只係用左包嗟~

平日少食呢度既扒類,今次就試左,係一個餐,主菜係西蘭花魚柳刁草汁,有兩大件魚,肉又滑又好味,而汁又唔太漏,仲有薯蓉添!估唔到比想像中好!反而個忌廉湯唔佑用左咩料,橙色既?至於甜品就要彈,因為只係一小片蛋糕,仲要一件一半蛋糕一半忌傔既,而且小到一口食完個口仲有位剩!根本好似無食過一樣!我自己order了豆腐芝士蛋糕,都係唔太大件,我認為豆腐味同芝士味都唔夠,但係就好軟滑,有d清甜, 餅底比較硬,有麥維他消化餅味道。

昨天情人節, 在不用訂位的情況下, Harbour City 的Panash 竟可不用排隊便有位。我們點了兩個套餐(不是情人節套餐, 因為太貴, 要$5XX), Maincourse一個是雞胸, 另一個是茄汁大蝦蜆天使麵。天使麵不錯, 不太軟, 茄汁也豐富, 沒有加工的甜味, 不過大蝦有D mui, 不新鮮, 雪東西是這樣了, 幸好有火腿卷著, 不太差, 蜆則過熟, 但整體來說不錯。

之前有食評話哩個包好怪,我即管食下睇下點,其實我真係覺得好好食,一d 酸味都冇,而且佢內裡有既穀類我都好鍾意,當然啦,佢所講既健康,其實都唔係好健康既,就好似yamazaki, 美心等既所謂健康包,咪又係咁唔健康lo~成份依然都係有糖,鹽,油,麵粉改良劑,牛油,奶油等真係唔知點解咁都話健康

合桃忌廉芝士鬆餅~$6.5好大件,係panash 黎講算係抵食架啦~!但係我係第2朝焗返熱先食既,熱食好正,一大層半溶既cream cheese,仲有好多合桃,好鬆化既scone<好回味,但我憝凍左真係麻麻,因為我未整返熱之前個scone係泛油光既,我諗食左一定好滯~!一口芝士~$9@4好食過山崎/聖雅多^^"

呢隻包好香芝麻味,我recommend你地去試下呀~~~但係個五穀雜糧包唔好食...酸既...又冇乜咬口...個鮮忌廉芝士疏乎厘都係麻麻...有一大舊cream cheese係中間,但係就唔多似我食開果d疏乎厘...

哩個方包係普通既法包加d提子,份量好多有成8塊重好厚tim!個包包幾軟熟,個皮就韌d,不過我鍾意哩隻好感wo~hehe

個包一袋有8塊, 佢所謂既雙味, 我feel係有普通麵包味同咖啡味,咖啡味好出,軟就唔係好軟喇...

最近成日行經果度,真好,可以成多幾次panash,今次買左黑芝麻包, 一袋有4塊,嗅就有dd芝麻味,食落就重d, 都係好香軟既感覺,正!另外買左南瓜包,係新出既,一袋有5小個, 個樣好討好, 細細個,上面有3粒南瓜籽,食落就好失望,因為一d南瓜味都冇, 好似食淨餐包咁!

我們會努力地做好d 麵包啦!!

今日第一次食佢既紅豆方包,好軟綿綿呀,不過食唔倒好出既紅豆味,希望佢落重d料啦下次...法包都好正呀,好大條,而且又係外脆內軟果隻, 我鍾意!