Panash

营业中

休息中

係太古城做野咁耐都係第一次去ｐａｎａｓｈ買包食好多款揀，差ｄ樣樣都想買不過下午茶又唔使咁ｒｉｃｈ既所以揀左一個芝士藍莓ｔａｒｔ個樣唔錯呀買個時已經凍左不過食個時都冇咩影響因為ｄ芝士同藍莓兩樣都好好味好有口感而且好足料個芝士連我呢ｄ唔太嗜既都食得津津有味值得一試再試既包等我下次又去試另一樣先

尋日行街行到肚餓果陣，同男朋友入左去買包包野＊ｔｏｔａｌ買左三個～一個好似ｐｉｚｚａ咁，入面有菜有豆～食出面有ｄ齌既ｆｅｅｌ，因為最出果兩邊係完全無料，但到中間就好多料～另外一件就係牛角酥上面整到ｐｉｚｚａ咁～果件賣相唔差，但原來林晒＝３＝一ｄ都唔脆！而另一件係用薯仔做，個ｌｏｏｋ有ｄ似ｂｒｏｗｎｉｅ，但係原來得ｄ料好食，個皮好難食～！

好香脆呀!但係食完一定要包返好,否則下次食無咁香脆!原本打算買多件三文治,但係經已sold out~

終於食到city plaza既panash喇~果然正丫~試左提子合桃麥飽and紅豆飽當午餐!前者好軟熟..(A-1果個比交硬d)..同埋panash呢個一d甜味都無..係真正既健康麥飽. 但係提子乾&合桃既份量就A-1明顯多好多..紅豆飽好好食=)紅豆茸份量好夠!!又唔太甜..所以一d都唔瘺~~~最o岩好紅豆茸既我=p

每次去pansh一定會買合桃忌廉餅...外面好多合桃內裡係cream cheese...yummy yummy yummy 每個都係$6我d姪生女就最喜歡佢地芝士波...平均$10有4個波波.

Panash新推出抺茶紅豆大福取代左我o既至愛白大福. 兩者o既分別在於前者o既吉士cream混左抺茶粉, 係幾有新意, 亦食正而家抺茶風, 但係我覺得都係以前原味o既吉士忌廉同紅豆夾d. 希望panash可以出返白大福啦!

今日去太古城panash, 一心想食白大福, 去到竟然發現白大福沒有了...取而代之的是綠茶紅豆大福!!滿心期待的買了,因為我不嬲都好鐘意食綠茶紅豆味o既野,仲買左吞拿魚法包同朱古力蜜瓜包...一定要講o下個綠茶紅豆大福...ai~~絕頂失望!!因為佢d綠茶cream實在太苦,食左半個已經真係唔想食///個吞拿魚法包都係有dd令人失望,因為我平時食開灣仔o個間o既吞拿魚法包係頂尖咁好味,點知太古城o既quality會差咁遠...=[[ 佢d cheese同灣仔o個間用o個d係唔同o既...味道差好遠,而且個包好油..下次都係食返灣仔o個間o個個但個朱古力蜜瓜包就比我想像中好,個皮好有蜜瓜味,好好味,好軟熟...>v<

很喜歡這裡的北海道，大大個，個包面又甜甜地又跪，都只係13大元，下午剛出爐口感更佳，每次行過都必買。

合桃忌廉芝士鬆餅($6)、朱古力包($9)、合桃楓糖包、芝士軟心包($7)都是心水選擇！在店後工場即時製作，保持新鮮。麵包水準中上，最大問題是份量太少，想吃飽要花二三十元，不划算。

買咗軟法包($9.5)、金巴利莓忌廉芝士鬆餅($6.5)同合桃黑芝麻蛋糕($6)。軟法包雖然冇餡，但係就係最出色嗰個，質地真係好軟熟，而且佢嘅香味好吸引。鬆餅做得鬆脆，餡料亦正。係個蛋糕差啲，完全唔鬆軟，冇彈力。

樣樣都好吸引，不過最後買咗楓糖梳乎里同芝士波。個所謂梳乎里其實同蛋糕冇分別，好好味，不過好細個同貴（$8），芝士波好濃芝士味（$9四粒），好味...

前幾日，又去呢度買包食喇！！我買左朱古力ｘ繩+ 朱古力蜜瓜包～一次過食晒兩個！！好飽呀！！！！！！！！！！！！！！！（我諗我短期內都唔會再食包嫁喇！！）今日．．．去完柴灣返屋企～我又去左呢度買包喇！！就係我既至愛：＜脆薯法國包＞＜法蘭克福長法包＞我次次去都會第一時間睇０下有冇呢兩款包既！如果冇既話咁我先選擇其他～今次我又係一次過食晒呢兩個包！！好滿足～　Ｙｕｍｍｙ～～

朱古力蜜瓜包-表層脆脆好食，又有ｄ朱古力碎！合桃忌廉芝士鬆餅－好味，但唔係咁鍾意面層灑上砂糖白大福－豆沙＋cream，食係好食，但甜左ｄ略溜！

Panash簡直係我至愛之一...最愛佢地gei綠豆蜜瓜包,表面緣緣地色gei脆皮,其實係綠茶味ga,包入面有小許綠豆粒..好香甜..最近新出款綠茶鬆餅,我不太好,因為不太愛鬆餅,只係因為一見到綠茶就吸引左$8/2個,不過好重綠茶味..唔錯新出多款迷你牛角酥..朱古力,黑芝麻...今期鮮奶咖啡梳乎里..勁重咖啡味...好Buy佢D梳乎里ga...不時有唔同味道,不過有時間限制,加上$8一個quite expensive

行過Panash~ 雖然唔肚餓,但都要入去買包包食!提子scone-好鬆化好香牛油味!提子都多,我覺得自己食緊一件厚身既曲奇!雖然唔似scone不過都好好味金巴利莓忌廉芝士鬆餅-同提子scone好唔同,呢個口感比較軟,cream cheese少得好可憐...但整體味道都ok既一口芝士-好味但唔抵食(都係去山崎算...抵d@@!)