Pain Perdu salon de thé (已結業)

旺角小巷中有間新開幾靚既cafe小店 週末閒情當然係要去坐一坐 ～ 芝士三重奏 $65 連飲品 以三款唔同既芝士打造而成既法式多士 加入左蛋漿烤焗 所以多士出奇地香同埋鬆軟無論係口感上同味道上都非常特別紫羅蘭花茶香味突出 非常舒緩軟雪糕奄列蛋糕 $38 買一送一非常有飽腹感既甜品 充滿蛋香既pancake包住乳酪雪糕 有咁多新鮮雜莓 仲要買一送一 真係值回票價!地址:旺角豉油街126-128號明威閣地下K舖

天時暑熱無咩野做，入左黎呢間新開嘅咖啡甜品舖。環境唔錯喎，冷氣超涼沙發好坐。叫左一個麵包set，$70又幾抵。叫左三文魚芝士多士，熱辣辣香噴噴，一客有兩塊法包，厚切，勁多芝士烤到滆左，旁邊的芝士烤到變成脆脆，好正呀。跟餐要左杯latte，好失望，無咖味，唔夠奶，亦唔熱。食物ok，環境好，係杯野飲差啲。

Pain Perdu salon de thé是一間小店品用上甜品食材，以小吃形式的食物賣相作為賣點的甜品店。Pain Perdu salon de thé位於旺角，餐廳地方不大，店內也放滿了很多不同的裝飾，給一人種前來輕鬆一下的感覺。旺角區甜品店也很多，Pain Perdu salon de thé 靠著食物的賣相來吸引食客之外，還有每天鮮製的乳酪味道，正在暑夏暑高溫之時，前來一坐吃一份甜品也是一個不錯的消暑方法。*************************Pain Perdu salon de thé 位於旺角豉油街，走在街上，看著餐廳用上落地玻璃窗，可以很清晰地看見餐廳內的裝飾，有點像花園之中悠閒坐著一樣。餐廳環境也很舒適，簡潔光亮的環境，還放滿了很多裝飾物。餐內還掛滿了很多甜品美食的簡介。不同種類的甜品都寫的滿滿。是日的乳酪味道是士多啤梨和哈蜜瓜味。法國馬檸甜品，也是第1次聽見的名字，感覺都幾特別。紫羅蘭之戀 HKD30，很美麗的一個名字，在腦海之中想起紫色的花，不知道味道如何。完全只有花茶的味道，一點都不甜，茶的味道帶點較濃的草味。蜜樹茶 HKD30，茶色淡淡的蜜樹茶，

Pain Perdu salon de thé充滿法國小店感覺，寫意悠閒。蜜瓜乳酪雪糕雪糕都很吸引，自家製的鮮果乳酪雪糕，用了澳洲鮮牛奶及乳酪，配上時令鮮果蓉，新鮮製造，味道不時更換。今期就是蜜瓜乳酪口味，用了蜜瓜果蓉造成，配上香脆的麵包粒，口感豐富又清新。Tiramisu口感濕軟幼滑，咖啡味香濃而不覺苦，做得非常出色。青檸梳打酸味十足都幾好味，仲係歐洲直送添呀。

來到近油麻地的 Pain Perdu, 充滿法國氣色的小店。小小的店面只能容納十多人，地方不大，但賣的是心機甜品。軟雪糕奄列蛋糕 ($38)一塊蛋糕包住軟雪糕🍦的配搭幾新穎，今次係熱情果乳酪，酸酸甜甜冰感重都幾開胃。第一次食，不過蛋糕有點乾身。面頭的新鮮生果🍓🍇，食得出唔係頹嘢，新張期仲係買一送一，小店播住🇫🇷歌成個氣氛好chill ....血橙乳酪雪糕這個雪糕外面也不是太多地方有得食，血橙的酸甜和乳酪十分夾，冰感重這個悶熱的夏天食就至啱。入面仲有脆脆增加口感！推介特別的乳酪雪糕，也欣賞小店的心思和用心！係遠少少，不過吃完飯不妨行多一兩步試下！

旺角甜品店愈黎愈多，尤其黑布街，白布街，煙廠街，每逢晚餐後的時間，都人頭湧湧。這天襯7月1日假期，來碰碰運氣，經過在鼓油街的這間新開甜品店，不用排隊，就落腳了店舖空間不算很多，能容納最多10幾20人，有靠窗的bar枱，和3張可坐4人的枱。cafe充滿了法國風情，令我回想起在法國南部那次的旅行，非常懷念。期望甜品能令我找回更多的回憶看看menu,cafe主推法式多士，有咸有甜，我們2人已經吃過了午餐，當然點甜的。於是我點了個玉桂焦糖多士配花茶。朋友還點了個芒果椰子乳酪雪糕和餐廳近來熱推的軟雪糕奄列蛋糕玉桂焦糖多士賣相不錯，多士是用上法國長面包，哄得非常香脆，一半配搭軟滑忌廉一半配搭雲尼拿雪糕，上面曬上玉桂粉，旁邊有我最愛的焦糖，味道很夾，而且不會太甜。芒果椰子乳酪雪糕兩種味道都很清新，不過椰子味沒有我想像中那麼香，淡淡的。乳酪雪糕比起普通雪糕，就是健康一點，這裡的乳酪很滑也不會偏酸。軟雪糕奄列蛋糕用pancake包著雪糕，再加上一層cream和少許生果，賣相討好，不過pancake不夠軟熟，如果能用一塊剛煎好的pancake，那就非常完美了。現在新張期間，全單還打8折！真的非常抵吃

以前去旺角，肚餓起來，都是在行街地點附近「掃街」或找間茶記搞掂；但現在人大了，就怕擠擁，不愛熱鬧排隊，想遠離人群，醫肚休息自然會找一個舒適寧靜的角落，靜靜地享受。就這樣，我又在旺角發現了新食店喇！店名 Pain Perdu salon de thé，看名字，不懂讀，又不知甚麼意思；但就被店內環境和餐牌所吸引。原來 Pain Perdu 是 French Toast 的法文，就是說，這裡是吃西多士的。不過，這裡的西多士並非單是配煉奶或糖漿，而是有鹹食，也有甜食。前者如芝士火腿、煙三文魚或白菌；後者則配不同水果和雪糕，即時玩味大增。值得留意的是，用的是法包，不是白麵包，感覺層次高了呢。下單時，我才發現有新產品——軟雪糕和馬檸，下次有機會再試。下單後，便跟好久沒見的朋友靜靜地聊天。我們發現店子雖然座位不多，也不算大，但陳設和裝潢都能營造出一個輕鬆閒逸的感覺來。長檯配高櫈，坐著往外望，整個人就有種放空的感覺。（我想，我還是想太多了）桌上有玻璃碗，原來盛載著薄荷糖，真貼心。木勺子和其他餐具也十分可愛。終於等到食物了！迷失的鹹 - 火腿西多 ($50)這個西多有沙律伴著，感覺健康多了。烘過的麵包上

炎炎夏日,最好嘆番本乳酪雪糕,就在街頭,見到了這個Banner,新開張,有8折優惠。便和友人去幫襯.去到門口,好有清新的感覺,門口都掛了一些植物.而店內都佈置得很有家的感覺,令客人坐著店內亨受著食物,很舒服.望出店外,很炎熱的天氣,坐在店內很有消暑的感覺.望下餐牌,原來除咗有雪糕,還有多士吃,有甜及咸多款選擇.我們各樣叫了一款.芝士三重奏及精譔莓子.望著厚厚的包,加上三種不同的芝士,己經食指大動,急不及待就咬了一口包很香脆,帶著三種不同味道的芝士,有咸的,扯不斷的莫扎雷芝士,和有些香草和黑糊椒,令到整個包的味道好豐富.伴以不同的沙律菜,沒有只吃包那麼單調.吃完咸的,到甜的了.這個精選莓子,好有心思,和我想像的不同.這個有點像甜品.這個雖然沒有芝士三重奏的香脆. 可能忌廉令到包包變軟,但有多種的莓子,酸酸甜甜,夾雜著包包一起吃,又有不同的口感.這個感覺很清新.吃完兩個包包,又點可以唔食番杯乳酪雪糕呢.  點了杯是日精選~~扭紋雪糕很柔和的顏色,是日的精選是熱情果加士多啤利味....很香的熱情果味,士多啤利味反而清淡了一些. 食下去很軟滑,中間還有些脆米,不會只是乳酪雪糕那麼單調,望著街外

今日中午來到旺角區，特意想來試試朋友推介的小餐廳，聽聞餐廳主打無添加食材，法國麵包相當出色。一個人就來找找看，餐廳乾淨光亮，環境舒適寬敞。迷失的咸 芝士三重奏。即叫即焗的法國法包，外層脆卜卜，香脆得令人驚喜，內裡非常軟熟，麵粉味道突出。芝士份量非常多，三重芝士味道咸香豐富，拉絲度極高的芝士，滿滿的份量，味道頗是滋味。旁邊的黑醋沙律滿滿黑醋汁，香甜開胃，爽脆沙律感覺更健康。

收左工同朋友行左陣旺角，見到呢間新甜品店做緊8折優惠，所以就入去試下新野。因為當時人流唔大，所以友人揀左坐窗邊高枱，一黎可以睇下街景行人，二黎又睇下玻璃上嘅圖畫。一睇餐單，選擇唔算多(咁樣重好，啱晒我呢啲有選擇困難嘅人)，主要分甜多士同咸多士。當時唔算好肚餓，所以同友人分別叫左兩客多士：三文魚同白菌。兩客都唔錯食，三文魚多士都幾大塊，夾住中間層芝士食落好滿足，而不得不讚下件白菌多士，食得出大廚哥仔有認真炒過啲菇菌，唔太乾之餘又出到陣菇香味，夾埋滿滿嘅芝士真係不得了。 十分推薦（食嘅時候唔好客氣，直接用手拎住一啖咬落去先正，因為件多士都幾厚）而跟餐嘅沙律都唔錯，生菜爽得黎車厘茄又清甜。配上黑醋黎食，低脂健康更可減低芝士嘅油膩感覺。血橙梳打有粒粒果肉都幾好味。環境同氣氛都唔錯，就咁樣，同朋友邊食邊飲就嘆左一粒鐘。因為當時仲有下場食，所以未有試佢地嘅雪糕同甜品，但呢個絕對會係下次黎食嘅原因。

迷失的咸 - 煙三文魚 $70呢個芝士煙3文魚一上枱已經深深咁吸引左我，法式麵面上頭鋪左滿滿既芝士，加左幾塊既煙3文魚，配埋黑醋沙律做伴碟，未食已經先流口水。麵包外層焗得好脆，咬落脆卜卜，但係KEEP到裡面仍然係好香軟，比平時我地街邊買到既更加有口感。而每一啖都夾雜住濃郁既芝士，配埋3文魚簡直係完美既組合。而且因為芝士3文魚比較膩，所以新鮮既黑醋沙律就可以中和下，互相抵銷，令成個感覺更加平衡。迷失的甜 - 蜜瓜 $65食完咸野，點可以唔食埋佢個甜食，難得見到用麵包做既甜點。開頭以為只係好普通既麵包配雪糕，估唔到咁簡單既組合，都可以整得咁出色。麵包依舊係外脆內軟，再淋上少少蜜糖，配埋香甜蜜瓜同帶有牛奶口味既雪糕，夏天食簡食係一絕！法國馬檸 $78最遲黎既係呢個法國馬檸，可能由於制作需時，所以都要等一等。不過因為呢到晏就時間客人唔係太多，反而可以俾我舒舒服服傾住計等，我都幾享受呢D咁休閒既時間，唔使趕鴨仔。終於都到。蛋白餅底上面有cream同埋有好多唔同既生果，可能因為個餅底係甜味，所以選用既生果同埋果醬就會帶點酸味既種類。第一次食，感覺好得意，酸酸甜甜，出奇地match。2種味道互相補足

MK原本是旺角英文名的縮寫，但不知何時開始，MK已變作一個獨立的形容詞，有盲目追隨潮流，但毫無品味內涵的意思。原因明顯是因為MK仔和MK女大多在旺角出沒因而得名。由於目標客戶都是九十後至零零後的年青人，消費力不高，所以區內的食店一般都給人廉價，味道一般般的感覺。但最近從網路上卻得知區內新開了一間法式甜品店，主廚是法國藍帶學院的畢業生，藍帶學院是世界最大的廚藝學院之一，其畢業生就等同名校畢業生一樣。但主廚背景都屬其次，最吸睛還是甜品賣相，所以就趁跟朋友在附近晚飯後前來一試。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊Pain Perdu位於豉油街和廣華街一帶，雖然位處旺角區，但由於屬桃心外圍，所以人煙較稀少，少了一陣MK味，不過其實距離旺角港鐵站也只不過五分鐘路程。由於還在試業階段，店方都提供不同優惠。除了雪糕和熱茶是即製外，其他甜品和飲品都是現成的。食店主打是自家製的雪糕，所以從餐牌可見，大半版面都是跟雪糕有關的甜品。而雪糕款式從每天不同，是晚為士多啤梨乳酪和蜜瓜乳酪口味。店內面積雖少，但店主善用每一吋空間，連偌大的落地玻璃都劃滿手繪花紋圖案，配上牆上的鳥籠裝飾，令滿室

某日同朋友在旺角掃完街，不過唔係幾夠飽，就在波鞋街附近搵搵野食。結果看到呢間餐廳的菜單就想試試了，其中一個菜單叫迷失的麵包，雖然唔係好明點迷失法，但係麵包加雪糕真係想試下！這裡環境都非常優美又舒服，朋友說很適合一班姊姊們來聚會，一起吃甜點！迷失的麵包，就是輕輕烤過的麵包加上忌廉及雪糕，而表面都鋪左糖霜。切開麵包後，再沾上雪糕及忌廉，感覺很Light，而且冰凍的雪糕加上麵包，真係吃過不停。而麵包再沾上糖霜後，脆口的糖霜加上軟綿的麵包，感覺很特別。雪糕就是3.6牛乳味道，雪糕幼滑又味道濃郁，非常好吃～而咸點方面，就是精選芝士麵包，麵包是有一層處於溶化狀態的芝士，而且芝士更有拉絲效果，吃下去又不會太咸，而且芝士味幾香。最後來一個奄列蛋糕軟雪糕，奄列外皮是較硬身的蛋糕，會較容易造型，可以完全包著內裡的雪糕，不過個人都是中意軟身的外皮，吃下去或切開時會比較方便易吃。而雪糕外圍更鋪滿水果，像吃緊一個雜果雪糕一樣～雪糕跟迷失的麵包一樣，味道就是按當天有的雪糕口味，雪糕味道濃郁又香噴噴，令這甜點都非常可口！

係旺角豉油街尾有間法式cafe個名好奇怪 上網查原來係讀"班bed朱" 解作"遺失或不要的麵包" 即係食剩個啲究竟佢點樣化腐朽為神奇呢？🤔煙三文魚Pain Perdu 配日式青檸綠茶 $70好食指數: 8/10抵食指數: 7/10一拎上手就感覺到塊麵包唔野少 好脆而搣開之後發現入面係非常鬆軟🤗食落有蛋味 原來係浸入左蛋漿先煎先形成到外面嘅脆皮面😍煙三文魚好新鮮 唔太咸 夾埋食 一流跟餐有黑醋沙津菜同French tea健康又好食 上班一族食lunch又多個選擇😜軟雪糕奄列蛋糕 HK$38好食指數: 7/10抵食指數: 7/10點解叫奄列蛋糕咁得意就係將乳酪雪料夾係班戟入面 形成奄列食個時只需一隻手揸住 好方便上面topping 有strawberry raspberry 同blueberry健康新鮮又夠甜 夏天食又夠消暑❄️而家仲做緊買一送一優惠 抵食

來到近油麻地的 Pain Perdu, 充滿法國氣色的小店。小小的店面只能容納十多人，地方不大，但賣的是心機甜品。軟雪糕奄列蛋糕 ($38)一塊蛋糕包住軟雪糕🍦的配搭幾新穎，今次係熱情果乳酪，酸酸甜甜冰感重都幾開胃。第一次食，不過蛋糕有點乾身。面頭的新鮮生果🍓🍇，食得出唔係頹嘢，新張期仲係買一送一，小店播住🇫🇷歌成個氣氛好chill ....血橙乳酪雪糕這個雪糕外面也不是太多地方有得食，血橙的酸甜和乳酪十分夾，冰感重這個悶熱的夏天食就至啱。入面仲有脆脆增加口感！推介特別的乳酪雪糕，也欣賞小店的心思和用心！係遠少少，不過吃完飯不妨行多一兩步試下！