P Cafe

難得湊夠四人～要做Ｄ四人先做到既野啦^^就係上CAFE 玩BOARD GAME...雖然係科技年代, 人人玩手機遊戲~但係始終唔夠面對面玩BOARD GAME 開心既~由於之前食過...所以唔記得影餐牌比大家睇~我地叫左個PARTY SET ~ $128一位既~包2款小食~2隻味雞翼~2樣主食~4湯~4飲品~4雪糕~萬年如一日~從來無轉過其他味既湯~ 水準KEEP到~熱辣辣~滾湯黎要小心食用1人有3隻雞翼~2串雞肉串~雞翼大大隻~雞肉串就普通料~都係皮同肉既混合體~難分難解魚手指~食完都唔知係咩黎....應該係急凍魚肉?不過上面既食物都係急凍架啦~唔通新鮮咩主食雞皇飯~佢會根據人頭黎煮份量~你可以同佢講多飯既~真係會好多飯另一個主食千層麵唔記得影相..飲品同雪糕都唔記得影相啦啦林食完玩BOARD GAME了只見同場幾台人都係到玩手機GAME"傳說對決OR王者榮耀"玩BOARD GAME的我們是老一輩嗎?總結:環境舒適 乾淨~仲有2個好乾淨既廁所~2位老闆都好NICE~有講有笑~入座起3小時~夠鐘會自動問你加唔加野飲坐多3小時~但都唔會催你~會比你玩埋呢場BOARD GAME 由於以前申請落做會員~所以$128免加一~坐3個鐘~ 有野食有野玩~唔錯的~ 有機會會再來~…查看更多

真係好少覺得有咩餐廳會特別難食，但我可以話俾你知呢間絕對係😂😂😂果次同朋友一齊去食，望住個餐牌10分鐘，都唔知叫咩嘢食好😑但入咗去冇理由咩都唔叫就出返嚟⋯所以就叫左一杯朱古力沙冰同埋芝士焗薯，但點知個焗薯原來係薯蓉😓仲要係用菜油開出黎，而唔係用牛油，食到好大浸菜油味😨😨😨好恐怖史上最難食cafe😡😡😡唔得呀！完全唔得呀！我都唔知自己食緊咩！😫無評語呀，總之就唔知自己擺左咩入口😤😤😤請俾分：💣-300分…查看更多

昨晚12個朋友在這間cafe 食生日飯， 每位叫了個約hkd140的餐， 有沙律， 湯， 飯， 冷麵， 小吃， 包餐飲， 食物不錯， 尤其有個芥末冷麵， 很好吃。我們玩到11點多， 老闆也很好人， 服務很好， 值得再去。…查看更多

一入到坐底已經覺得好有家既感覺，不過梳化太矮同張枱有啲距離所以有啲唔舒服。我地叫左2個set餐，一行七人。佢晚市每位最底消費要60，因為係好耐先一次聚所以想坐耐啲，都加大哂杯野飲，入座起計三粒鐘其實都ok。最深刻食就係我地個set叫左個薄批真係超好味，配料同醬汁都係自選，即整熱辣辣。仲有堆小食，食唔停最後我地又黎多round野飲同小食，打埋牌足足坐左5個鐘，因為over左3個鐘所以要多轉最低消費。…查看更多

準備寫食評時看到自己原來在2013年有來過 基本上裝修沒有改變過，Menu基本上也是差不多~點了1個Set餐~有沙律+主食+飲品。如果不想吃沙律，其實可以選是日餐湯 (碰巧我去的時間是雜菜湯)主食我又選回了2年前選過的 - 意式千層麵 ($108)看回舊有的照片~發現了烹調的方法好像有所改變?原本的「薯蓉」是放在面的，現在都放在千層麵的最底  芝士也像比以前的多了~整個很夠味。不過份量就沒有太大改變了喔~跟餐可以選一杯$36的飲品~常常也覺得能選的只有最基本的咖啡或茶 ._.不過這裡的乳酸系列都是這個價錢，所以選了 - 水蜜桃乳酸。…查看更多

第一次打食評,, 全因為店主太好人,, 我地17人包左半場,但我自己腸胃唔舒服冇胃口食野店主竟然肯免費幫我煲白粥,,仲有落鹽,,太感動了！另外同行既人都認為食物有水準, 我地前菜黠左個P CAFE 必勝沙律,份量十足,好新鮮好freash.仲有3隻汁小食既雞串係無得頂, 串串都啖啖肉,好似依緊雞脾咁!! 味道仲好tim仲有不得不提既係蘋果煙鴨胸.,,勁有特色,配埋個蜜糖介沒,不得了..我地食到lamlam利個PIZZA 我地簡左厚多士底, 意想不到的超水準, 一拎出黎香唔再講,底脆唔再講,味道真係出奇的match, 竟然仲好食過平時食開果D,一個字"正"仲有仲有,個牛尾汁燴牛柳粒意粉, 好好味,又香又甜既汁配埋D牛柳,簡直就係魔鬼,搞到最頭果批人but 走哂D肉,後一批既淨係得汁同意粉><!!! 如果上菜後提一提我地要撈下佢咁就完美啦....我地依左好多其他野,以上既就係印象最深既每道菜一上我地就圍住黎依,所以都唔記得左影相嚕…查看更多

今次同朋友出黎食飯，因為好耐無見，所以想搵D可以坐得耐D既地方，又唔想次次黎都係食自助餐，所以選擇左樓上cafe。係Facebook見到有間話全新佈置，見佢地點又方便所以就約朋友黎尼度。上到去地方感覺好舒服，好有家既感覺，今晚可能因為天氣好凍關係，所以唔係好多枱客，而因為地方又好寬落，所以朋友個小朋友就可以走來走去都唔怕。佢同一般上樓cafe一樣都係有好多玩具比你玩。食物方面因為我好鍾意食蕎麥麵，所以就叫左個翡翠汁配蕎麥麵 ……好好食呀 佢D芝麻醬本身已經好味，而d醬入面又可以食到d日本芥末既味道，但係一d都唔刺鼻肉醬闊麵都好食，因為真係唔係度度d肉醬都可以整得好食。焗雞翼有香草同蜜糖味，一般酥皮pizza 都ok仲有個炸虾咖哩飯都好食，不過唔記得影相 朋友飲左薄荷朱古力同青蘋果乳酸，佢話薄荷味可以多點，青蘋果就ok另外2杯就叫左黑糖QQ朱古力咖啡同QQ炭燒咖啡，D QQ好好味。我仲見到而家係銅鑼灣MTR賣緊廣告個隻沖繩啤酒，佢都有整體都唔錯，下次會再去，而我發覺可以同朋友係度傾下旅行行程，因為可以傾好耐而佢又有電腦，行過少少就係銀行中心。…查看更多

平時去Cafe多數會揀登打士那邊的，今次想試試新的店。之前朋友去過這家，send過照片給我~就決定試一下^^ 這家的Cafe大概是以玩具作主題，所以看到裝飾品都是「玩具」  看到Menu後的第一個感覺是這家如果是攪Party會比較適合~(之後才知道有不少人選這裡攪活動) 套餐也不便宜~星期六、日的價錢會比平時貴大約$20終於點好餐，朋友點了這裡的「P Cafe 特製日或咖喱飯」這裡的天婦羅用的炸粉跟其他的店不同^^ 這個不錯。不過可惜實質上的那隻蝦真的很小一隻Orz我自己則點了「意式千層麵」($98) 上面白色的一堆，我完全吃不出是什麼。朋友說那有點像薯蓉。麵比較薄身，所以吃下去沒有太吃到那口感。倒是肉碎有很多，也有番茄 ^^ (最後整個吃完也比想像中飽肚)但如果加上芝士的話會更完美吧~~最值得一讚的是這裡的朱古力真的超濃。不像一般的Cafe就只有顏色像朱古力啊，飲下去就是超淡Q皿Q！(凍熱也一樣有很濃的朱古力味)…查看更多

一早就打左電話上P Cafe Book左十幾人位 for birthday dinner準時齊人上到去坐低一開始都覺得環境唔錯幾好之後就叫侍應拎餐牌過黎但遲遲都唔拎過黎佢話佢寫緊野個陣都唔知咩事之後佢比餐牌同一張紙比我地佢話: 我地廚房無哂野食 得番紙上面個D跟住望下張紙哇 得番公仔面個D我番屋企食唔好?要特登去cafe食?其實呢間Cafe真係好過分1. 一早book左十幾人位點解會唔預好份量比我地?2.如果無野食 咁點解唔提早打電話通知我地?7點幾成十幾個人真係好難搵到位食野3. 間野無野食 咁叫Pixxa外賣上黎再係cafe叫杯野飲唔過分呀?仲叫我地要比足最低消費$50坐3個鐘 話要同老闆交代明明問題係CAFE嘅錯 有無諗過點樣同我地交代呢?Discount又無 保償咩都無一杯野飲$4X我地都覺得OK 但叫2杯我地真係覺得去第2間食算一班人都係想開開心心食係個飯gathering一下啫點知黎到咩野食都無野食無 提早通知無仲一上到黎唔出聲話無仲要叫番我地要最低消費推卸責任比顧客一句道歉 保償/Discount 都無 令所有朋友又肚餓又無哂mood無責任心咁離譜過分嘅CAFE真係第1次見對呢間CAFE超失望…查看更多

下午茶叫法，晚餐的份量，有心思的設計，飯的形狀都變成鬆弛熊，日式咖哩普遍都很容易入口，就算怕辣的朋友都可以試下阿！除了咖哩外少不少紅蘿蔔和薯仔，看似簡單的配料，但我曾在茶餐廳遇上不熟的紅蘿蔔和薯仔，可能是假日賣完再切配料到咖哩汁浸浸便上菜。今次吃的紅蘿蔔和薯仔煮得剛剛好，特別是薯仔吃吸收了咖哩的味道。吉列的扒類在茶餐廳一直都很少點，原因容易理解，茶餐廳做法多數沾粉再炸、再番炸，若扒厚度不足很容易炸成豬肉乾…別講笑，還會附送一灘油，真的不會有放進口的意思！認真！你應該也遇過同樣問題。再看這塊有相對厚度的雞扒，單看賣相已經想放進肚子，由於有相對厚度一咬之下仍然感覺到啖啖肉，是有肉汁的呢！並不是肉乾！讚！！！…查看更多

今日終於夾到時間上黎啦！望落去呢度好寬敞~ 叫左兩個set，一個係千層麵，另一個係漢堡扒，上菜個陣侍應仲好有心咁提醒我地小心熱同趁熱食，咁considerate都幾估佢唔到後尾老闆同我講個漢堡扒唔係買現成，係自己親手打架大大塊真係好抵食~員工個個都好helpful同好有笑容，完全無十問九唔應既情況，但又唔會好似其他新開既Cafe咁過份地熱情，幾個friend上黎玩或者傾偈都好relax同舒服！論景觀，兩邊大玻璃窗實在係開揚，高樓層無窗花個view確實係唔錯呢間Cafe真係好都遊戲玩，最意想唔到既係竟然有經典紙盒裝既波子棋!!! 我有friend見到佢馬上話：「今時今日 乜仲有紙盒架？我以為剩返膠盒裝，真係集體回憶呀！」(定係其實我地太孤陋寡聞呢？)玩到12點幾，都幾夜下，大家仲要住得遠，不過走都好方便，一落樓下已經係女人街附近，搵車搭都唔使周圍盲摸摸~!…查看更多

同朋友一齊上來呢間以"玩意, 玩具"作主題既Cafe, 因為係平日下晏, 所以無咩人,環境都幾闊落, 幾舒服!!雖然特別玩具就好似無乜, 但係野食有特別驚喜!! 四個人夾埋要左個二人餐, $208!! 頭盤可以揀湯或者沙律, 我地要左湯..... 係好似中湯既雜菜湯, 雖然同西餐有d格格不入, 但好多料, 幾好飲!!首先就係酥皮Pizza, 我地揀左蘑姑, 咸牛肉同煙肉, 熱辣辣, 幾好食!!!! 同埋芝士都幾夠味!!!之後就係一個麵/飯, 我地揀左肉醬千層麵, 都幾好食, 芝士夠香!!!! 好吸引!!!! 四個好肚餓既人食都夠飽最後就兩個梳孚厘, 甜甜地, 無咩特別啦!!!宇治紅豆, 其實即係綠茶紅豆冰, 好耐以前吉野家出過已經好鐘意飲, 估唔到係到再遇到, 都幾好飲!!!入面都有幾多Broad Game比人玩, 仲有一個好大部既電視比人上下網打下機, 都幾好!!!如果有多d時間, 入去同朋友消磨幾個鐘一定幾開心!服務都幾好, 有一個好精緻既鐘但點知原來間餐廳有最低消費, 二人餐只係計兩個人去食, 搞到最後要哎多兩杯野飲先夠數, 搞到最後每個人食下午茶都要八十蚊落樓, 如果可以早d話我地聽就好…查看更多

原本我地一行５人打算去去開的一間Cafe的，不過咁啱無位，結果經佢地介紹去了這間，亦為我地帶來一Ｄ驚喜地點都算方便，係正行人專用區近戲院嗰度，一搵就搵到上到去比一般的Cafe闊落，唔會太侷促。一入到去可能因為唔係太多人的原故，所以店員俾我地自己揀位。朋友甲老實不客氣就揀咗張有電腦的枱，仲開始打機添之後我地就無理佢自己叫野食。哩度可以叫套餐，有湯或沙律，配主菜同飲品，人多仲可以叫多人的派對套餐添。不過第一次來就試試最基本嘅野先。經店員推介，我地叫咗兩個日式咖哩飯，肉醬意粉同芝士漢堡扒。日式咖哩飯超好食，雞扒炸得好脆，裏面好多汁，仲有Ｄ甜蘿蔔好正肉醬意粉味道啱啱好，用豬肉代替牛肉都唔會難食傳說中茶餐廳的黑牛，仲有牛角添芒果乳酸梳打，朋友話幾好另外朋友話佢個芝士扒都好ＯＫ，下次都要試試先。哩度Ｄ員工都幾nice，好主動介紹，我杯黑牛在menu無嘅，但知我想飲Ｄ特別野都肯幫我整抵讚又多Game同漫畫睇，最有趣係連港漫都有，聽講係老闆自己的…查看更多

依日同朋友一齊去試下依間新開的Cafe如果唔係有人介紹都唔知依度有間Cafe平時食tea去的cafe都係陰陰濕濕咁依度有好大的落地玻璃成條旺角行人專用區都睇到個view幾舒服我最鍾意佢D台，係用馬賽克砌架!!!!(本人好鍾意馬賽克)btw我地兩個其實係想搵地方計劃下去旅行依度有電腦上網供應岩哂兩個人叫左夾份叫左個小食拼盆$60有薯條、薯餅、八爪魚腸仔、炸魚、雞串味道唔錯份量兩個人食都ok又叫左兩杯野飲一杯正價，一杯半價薑母奶茶 同 士多啤梨紅茶薑母奶茶夠薑都幾好飲士多啤梨紅茶ok兩個人食左$107下次會再去…查看更多

某天，同朋友去左旺角食飯，朋友提議去 Cafe 坐下飲飲食食傾下計，就帶左我去一間叫 P Cafe 既樓上 Cafe~一坐底，就見到個好精緻既 BELL ♬ ♫♩ 　其實係用黎係有需要落ORDER 或者其他需要既時候就搖下佢！睇左好耐，最後揀左呢個2人餐，都幾多野要揀。朋友要左沙律，我就要左個雜菜湯，個湯幾好味，近年我好怕羅宋湯式既雜菜湯。跟埋牛油蒜蓉包，焗得好脆身好香口！PIZZA 可以揀酥皮呢，我最鐘意酥皮 (雖然好肥！) 揀左一半係日式芥末醬 (試下麻)，另一半邊係千島醬 (食 Pizza 最鐘意係千島醬，因為成個 Pizza 其實好"漏"，配蕃茄醬會仲"漏")，配料就揀左：吞拿魚、金菇、粟米粒。一上碟要快食，因為金菇會出水，但係原來做 Pizza 都幾好味，最讚既係有大量！係大量既芝士！嘩嘩嘩！鐘意芝士我真係超愛！P Cafe 特製日式咖哩飯 (配炸雞扒)，叫呢個係因為揀野食既時候聽到隔離枱講話個炸雞扒好食過街既大雞塊！好，我鐘意食雞扒，就叫個黎試下啦！不過下次去要熱食，我食個時凍左少少，但係個雞係好鬆脆，入面又好滑。好好食！最後點品要左梳乎厘，呢個做得OK，入口一陣風，甜品中我對梳乎厘有偏愛。室內環境唔太大，但冇局促感！下次黎要 Book 位先！ …查看更多