影片
食家推介
相关文章
Ovo cafe装修完之后联同大饭糖推出新menu，餐牌上部分菜式含蛋、奶或五辛，有清晰表示素别。特上套餐卖相精致，食完都几饱，套餐价钱根据主食嘅价钱而定。特上套餐 Jumbo Set1. 餐汤/沙律2. 小食3. 主菜4. 甜品5. 饮品芒果金柚有机沙律紫薯甘栗饼 (含蛋)紫薯甘栗饼好好食，外皮炸得酥脆，但一D都唔油，入面嘅紫薯馅质感绵滑，夹有栗子粒。旁边伴有2块素虾片，几香脆。忌廉汁芝士焗西兰花 (含奶)呢款小食亦有纯素版本，不过要另加$10。西兰花表面铺有芝士，勉强有拉丝嘅效果，但我觉得芝士嘅份量唔够多。芝士田园野菜玉米石斑扁意粉 (含奶) ($148)石斑嘅质感似Green Common嘅素鱼柳，酱汁用上粟米汤整成，所以整体感觉唔会太腻。韩式野菜虫草花炒粉丝 ($138)清清哋嘅炒粉丝伴有少少麻油味。配料有本菇、虫草花、椰菜等。宇治金时表面放有红豆同糯米团子，底下似系抹茶味嘅蒟蒻，味道比较甘。新鲜水果盘柠檬冷萃荔枝乌龙茶似饮紧冻柠茶。风干白桃乌龙茶 (热)
继续阅读
以往常去午餐，因为除了环境靓，也认为这是一间符合健康饮食又好味的餐厅。但现在的餐单，似乎与健康饮食不符。我通常帮衬它的轻食餐，但是：（1）甜品太大，除非一心来食甜品（2）小食中大部份是煎炸物，高油脂与健康不符，只能选择西兰花，但前菜已有沙律，小食又只能拣西兰花？所以，建议小食中的甘薯不要油炸及配虾片，如果是蒸甘薯之类，对因为注重健康饮食而帮衬的顾客，可以多一个选择。如果餐单能改一下，我也会多些来吃午餐呢。
继续阅读
OVOCAFE相信大家都唔陌生，出名出品靓味道唔差，不过以往偏西式新派素食为主。近期同大饭糖一同搞搞新意思，OVOCAFE 2.0卷土重来下，菜式更多元化。同以往更大转变系，更多variety，好多都可以走蛋奶转素芝士等，全素蛋奶素等唔同顾客都可以因应自己需要选择。不可能菠萝石斑汉堡伴芒果柚子沙律 HKD 128 （Rating: 8.7/10) 野菜虫草花炒韩国粉丝 HKD 98 (Rating: 8.5/10) 盐酥素鸡脾+川辣杏鲍菇 HKD 52 (Rating: 9.0/10) ［全素含五辛］痴线呢个好推荐！香口得嚟食落唔油腻，辣椒加上啲五香粉，以及好似虾米形状嘅炸蒜，川辣味道突出。配衬好爽口嘅炸杏鲍菇有啲似食紧鸡肉🤤至于素鸡脾其实系酥炸腐皮卷，一咬落去脆卜卜，但好得意保留到水分同少少腐皮嘅烟韧十，食落唔会成啖油又嚡又干，加少少盐调味已经好香口😙芝士忌廉焗西兰花 HKD 52 (Rating: 7.8/10) 意大利蔬菜汤伴纯素面包 HKD 48 (Rating: 8.2/10) ［全素］每日餐汤唔同，当日咁啱系菜汤，不过佢比一般茄膏沟水足料，成碗汤明显多蔬菜再blend. 味道以南瓜、甘笋为主，清楚仲食到蔬菜嘅质感冇打到全碎。虽然冇列明，但饮到应该有洋葱，食斋自己酙酌。全素面包同burger嘅面包有几分相似，带有几分麦味唔甜唔油，偏干身带嚼劲，建议点汤一齐食，否则干到有啲似食紧光酥饼😂宇治金时爷爷 HKD 85 (Rating: 8.8/10) 七色花茶 HKD 58 (Rating: 8.0/10) 花茶都几足料，淡淡地嘅花茶用作消滞一流。薰衣草、菊花等都系饮落舒服温和，唔会太刺激。认真，注意健康素食嘅朋友喺度会有好多选择，而且唔需要牺牲味道实属难得（大家都知健康餐系咩料啦）环境靓好多花草可以影🌸灯光亦比以前光猛，几适合一班朋友一齐慢慢倾计。就算唔系素友，想必都总有好多吸引都大众嘅options, 单系甜品已经三版menu…😂
继续阅读
今个月个schedule 几乎full哂，今日难得可以休闲下就约左个朋友去铜锣湾食晏，食完晏行个街，然后就book左去湾仔按摩，以前一个月点都最少会按一次，但自从疫情后我就再无keep住按摩，今日有时间就松一松。.按摩完成个人爽哂，由于我哋仲未肚饿所以就四围揾下有无甜品食，行行下见到OVO x大饭糖呢间素食餐厅有甜品，见到餐厅装修好靓好多花好园艺feel 我地就入左去食。.乳酪雪糕 $45近排爱上乳酪雪糕无咁甜，酸酸地好好食.北海道3.6软雪糕香蕉朱古力西多士 $58雪糕几重奶味，不过好快溶。西多士有惊喜，西多微脆入面既朱古力唔会好甜，I like !.椰皇炖桃胶树记腐竹糖水 $58冬天除左要食雪糕外，都要食返啲滋润既糖水补下既😂腐竹糖水唔会太甜，不过配埋桃胶就有少少唔夹🤔可能我对桃胶一般般(´▽｀)
继续阅读
OVO Cafe X大饭糖前身为OVO Cafe，一直以来口碑不俗; 随后跟随名家品店OVO Studio和OVO Garden，搬到旧湾仔街市。这橦三级历史建筑，以前方的船形流线设计为重点，呈现典型的Bauhaus建筑风格。现在为OVO Studio增添现代艺术的元素，而cafe跟大饭糖的联乘则加强了幸福感，是为优质生活。餐厅充满著园艺设计和摆设: 绿化的墙身、兰花处处、后方的盆景、拾级而上的多款植物，配上多张用实木制成的桌椅，有一种如在庭园中用餐的感觉。餐厅的氛围温暖喜悦，那种温暖不只是光洁明亮的灯光和装潢，是一种真正的温度。🌱 所看到的客人都是轻松愉快地，一边谈笑一边享用左美食，是人与人之间的幸福;🌱 选择素食是对动物和地球的关怀;🌱 餐厅上上下下，由老板到前线到宣传员工，为客人送上美味素食的背后，更蕴藏著当中的心、用心和亲切有善的服务，照料客人的身心。我欣赏餐厅的:于我曾到访过的素食餐厅中，它是最全面的: 不论于味道、装潢、舒适度、价格、服务等等; 即使对比普通的餐厅亦完胜。我的用餐体验正如餐厅的理念一样 “Eat good, feel good, do good” ，
我实在很喜欢。如你有进行静观饮食，你可同时细味我创作的小标题，那是我品尝每道菜式后的感觉和体会。此外，由于吃素人士注重素食的分类、食材的配搭、调味、以及营养的均衡，因此我亦写上分类和所吃到部分菜式的食材，以供参考。I 鲜果沙律 I 「麻雀虽小，但五脏俱全。」吃素讲究食材，从一碗多元化的沙律中，就看到餐厅诚意满满。吃得清爽舒心, 胃口大开。材料：鲜果（西柚、芒果、西瓜、香蕉、菠萝）、果仁、松子、葵花子、炸燕麦皮、藜麦、蕃茄和沙律菜。I 甘笋汤 I 「纯粹的美好」以甘笋打成的热汤，暖橙色系的汤面洒有少量香草。每一啖都是甘笋蓉，甘笋味天然清甜，好满足的口感。I 川辣脆炸杏鲍菇 • 盐酥鸡髀 I . “Why not be sugar and spice?”(辣、五辛) 杏鲍菇菇身爽脆，川椒粉惹味。最特别的是盐酥鸡脾，造型以木棒支撑著一卷炸腐皮而成。外皮脆身，内里的素鸡肉一丝丝，一丝不苟。尽管内外的材料相同，仍能以烹饪魔法做出不同的效果。I 紫薯甘粟饼 I 「山系的甜」(奶) 炸皮薄身，入口香脆，内馅香甜滋味，有紫薯蓉和甘粟粒，紫薯味浓郁。即使套餐里不可选择这款小食，我仍然坚持一定要单点必吃。I 玛嘉烈特芝士薄饼 I “Simple is better, less is more.”(奶) 罗勒叶新鲜，满口清香; 香浓的芝士香气四溢，芝量多呈拉丝。Pizza饼底薄脆香口，非常 crispy! 比很多餐厅做得更出色。I 油渍番茄罗勒酱松子意粉 I (五辛) 意粉唔单止有蕃茄,罗勒酱,松子还有粟米心,蕃茄干,紫洋葱粒,意粉软硬适中,酸溜溜的蕃茄干和菜式配搭好均匀。I 吕宋芒果沙冰 I 啖啖芒果蓉沙冰，真材实料。
I 鲜果爷爷 I 「果漾椰椰」(奶) 牛乳雪糕耸立在椰皇上，鲜果下的底层内有干坤，是用椰皇水做的啫喱。啫喱晶莹剔透，味道清甜，好重椰皇味。鲜果: 芒果、西瓜、香蕉、菠萝I 鲜果芭菲杯 I (奶) 同样是香甜的牛乳味雪糕和鲜果，底层还有细细粒的小丸子和蒟蒻，口感好丰满。
继续阅读