Outdark (飛達商業中心)

营业中

休息中

📍 **餐廳環境** Outdark 旺角分店走韓式工業風路線，昏暗燈光搭配霓虹裝飾，營造出年輕活力的氛圍，適合朋友聚餐或情侶約會。週末人潮較多，建議提前訂位。 🍗 **食物：芝士炒雞（$328）** 主打韓式fusion料理的Outdark，這道「芝士炒雞」絕對是邪惡之選！上桌時鐵板熱氣騰騰，濃郁的芝士裹著嫩滑雞肉，拉絲效果驚人。雞肉以甜辣醬炒製，辣度溫和（可調整），搭配年糕，口感豐富。不過芝士冷卻後會變膩，建議趁熱食用。份量足，2-3人分享剛好，但以價位來說，配料若能更豐富（如加入韓式魚糕）會更抵食。 🍓 **飲品：Fresh Strawberry Yogurt（$48）** 草莓乳酪酸甜清爽，草莓果肉打碎混合乳酪，賣相吸睛。甜度適中，能中和芝士的膩感，但略嫌質地不夠細滑，且份量偏小，性價比一般。 💡 **總結** Outdark的芝士炒雞味道不錯，適合芝士控，但價格稍高；草莓乳酪清新但未算驚艷。整體適合打卡或聚會，若追求正宗韓式風味可能會失望。 ✅ **推薦點**：芝士拉絲效果、聚餐氛圍 ❌ **改善點**：飲品質感、配料多樣性

芝士炒雞雞肉嫩滑到爆，夾起時芝士拉到成米長，仲要配埋外圍啲滑溜雞蛋，撈埋紫菜飯一齊食，口感超豐富！跟餐仲有泡菜，酸辣爽脆，解膩一流。不過芝士好快會凝固，記得趁熱食！！飲品就叫咗蜜糖米酒，甜甜地好易入口，米香好突出，飲完成個人暖笠笠，同濃味嘅芝士雞好夾。下次有機會想試下其他味！小食叫咗Chips Trio，有薯角同薯條，炸得金黃脆身，薯角外脆內軟，正！環境暗暗地好有feel好靚！適合同朋友或者情人一齊黎！飲住酒 食住炸雞吹水，一流！小貼士⏱️ 芝士好快凝固，一上枱就要快影相快食！

最近去咗一間韓式餐廳，整體感覺都幾唔錯，裝修帶少少韓國街頭風，好有氣氛。餐廳播放韓國音樂，配埋餐牌上嘅韓國小食，真係幾有代入感。 食物方面最推薦嘅係紫菜包飯，飯粒煮得啱啱好，唔會太軟，配埋內餡嘅醃菜同蛋卷，味道層次好豐富，一啖一啖超滿足。炸魷魚就更加不得了，外皮炸得香脆，但魷魚肉質一啲都唔韌，仲帶少少鮮甜，配埋特製辣醬，真係好滋味。 最後一定要提芒果米酒，呢個真係大驚喜！芒果味甜而不膩，配埋米酒嘅微醺感，飲落好清新，完全係女生嘅心頭好。 呢間餐廳無論係氣氛定食物都好值得一試，想搵個地方感受一下正宗韓式風味，呢間真係唔錯！

韓國留學時期最中意就係食Outdark🐔，好一段時間無返鄉下就黎香港嘅Outdark解鄉愁。黎到發現喺門口有得免費任影復古黑白相，之前喺韓國的店鋪都見過類似嘅影相機，等位嘅時候可以消磨下時間。再者，香港店嘅裝修幾乎係完全還原韓國店，連店員都係韓國oppa，真係特別有返咗鄉下嘅感覺🥹雙拼炸雞🐔選擇困難人士必點嘅雙拼炸雞，姐係韓國嘅半半炸雞，我哋揀咗醬油味及香蒜蜜糖味，仲另外加配了一串소떡소떡 (脆皮腸&年糕)。同韓國店一樣，除了炸雞仲有好多嘅配料，薯條、薯角同埋薯格，再加上炸雞嘅份量又多，非常大份。炸雞即叫即炸，外層夠脆內裡就夠晒juicy，唔會乾爭爭，幾時都覺得韓國炸雞世一，略顯有少許美中不足嘅就係兩款味道都係甜鹹嘅組合，但食落都唔會覺得太漏，因為另外有醃蘿蔔中和返。平時喺香港嘅韓式餐廳好少見到嘅脆皮腸&年糕串，係韓國常見嘅街頭小食，甜辣甜辣再加上腸仔同年糕都有烤過，外脆內韌，口感非常特別，推薦一試~辣炒豬肉 豬肉薄片再加上芽菜、洋蔥等唔同嘅配料，用韓式辣醬炒成嘅韓國家庭嘅家常菜之一，非常惹味，會忍唔住一啖接一啖，爐邊仲有泡菜、芝士粟米、脆皮腸同紫菜拌飯，可以配搭埋一齊食，同一款菜式有

今日放假同朋友去旺角附近行街食晚飯，朋友喜歡食韓國菜，話附近有間好地道嘅韓國餐廳，這間餐廳叫Outdark，位於旺角彌敦道613號飛達商業中心2樓，港鐵旺角站E2出口，行幾分鐘就到，非常方便。 餐廳內環境寬敞，裝修以韓式風格為主調，好有韓式氣派，進入餐廳見到好多星星月亮吊飾，令環境好靚，感覺好有氣氛，同朋友來歡聚，真係一流，亦都好適合俾人來打卡，枱椅擺設都濶落，令人坐得舒服，店員服務態度都好，來這裏食真係不錯。這間餐廳係韓國人煮料，餐牌上面嘅食物都係韓國人自製，真係好似去咗韓國食嘢，餐牌上的食物款式都不少，有炸雞、芝士王國、韓式燒烤、炒年糕、韓國的布帳馬車、麵類、小食、紫菜卷飯、炒飯、飲品、酒類，真係令人口感豐富，食得開心。韓式燒烤一定要食，選咗烤豬梅頭肉，煎餅喺韓國菜好有特色，揀咗海鮮蔥煎餅，而韓式嘅炸醬麵，絕對係韓國嘅國民美食之一，飲品就叫咗西柚梳打同埋韓式果汁。海鮮蔥煎餅煎餅粉漿薄身，煎到外面焦香脆口，而裡面又有唔少海鮮餡料，海鮮有八爪魚和鮮蝦都鮮甜爽口，煎得底面都帶點焦香，一點也不油膩，而且仲切成一格格，鋪排整齊，方便食用，煎餅咬落軟軟糯糯，有好多蔥在上面，所以仲有好有蔥香，沾

今日同朋友嚟咗呢度食午餐，同朋友都好滿意食物質素。😚首先，烤牛肉飯捲嘅味道豐富，有層次感。😍至於炸醬麵，麵條彈牙，炸醬香濃。😍最令人期待嘅雙拼炸雞，甜辣味同香蒜蜜糖味各有千秋。炸雞外皮金黃酥脆，肉質鮮嫩，甜辣醬汁令人想不停食，而香蒜蜜糖味更帶來獨特嘅香氣，完美平衡口感。👍🏻👍🏻飲品方面，柚子米酒清新解膩，藍莓乳酪好新鮮，COOLPIS PEACH都好清爽。整體而言，好滿意！會再次光臨！#outdarkhk #香港美食 #香港必吃

同男朋友去旺角呢間韓國餐廳食dinner，餐廳出邊有好得意嘅公仔。呢度用QR code落單，好方便。首先，我哋點咗半份無骨炸雞，呢個炸雞真係唔錯！外皮炸得夠脆，但又唔會太油膩，一啲都唔覺得重口。香蒜蜜糖醬喺雞件度平均咁包住，每咬一啖都有種甜中帶鹹嘅層次感，仲有少少蒜香撲鼻，好啱鐘意濃味嘅朋友。另外，點左烤豬梅頭肉，豬梅頭肉燒得啱啱好，外面有少少焦香，入面仲保留住肉汁，夠晒嫩滑。最後，呢個海鮮蔥煎餅啲邊位煎到金黃酥脆，入面夾住啲蝦同魷魚，口感幾有層次。飲返杯蜂蜜米酒，甜甜地唔會膩，酒味唔算重，女士應該會幾鍾意，好適合飯後飲住慢慢傾偈。

今日同朋友去咗一間好有feel嘅韓國餐廳，位置好方便，離朗豪坊行5分鐘就到。一入到去，真係俾佢嘅環境吸引住，成間鋪頭都掛滿星星月亮嘅燈飾，好浪漫，好有情調，啱晒情侶或者朋友聚會。呢間餐廳有幾個特別之處，首先係有免費嘅即影即有，影完即刻有得拎，好有紀念價值。其次，餐廳係由韓國人主理，食物都係由韓國廚師親手製作，味道正宗，食得出係用心做嘅。我哋叫咗幾樣嘢食，第一樣係烤牛肉炒粉絲，牛肉烤得啱啱好，粉絲吸晒啲醬汁，味道好濃郁，食落好滿足。第二樣係串串魚糕湯，湯底鮮甜，魚糕彈牙，串串嘅設計好得意，食得好過癮。最後係炸蝦飯捲，外皮炸得脆卜卜，入面嘅蝦肉鮮甜，飯捲嘅口感好豐富。飲品方面，我哋叫咗西柚梳打同芒果梳打，兩款都好好飲，西柚梳打酸甜清新，芒果梳打香甜可口，好解膩。總括嚟講，呢間韓國餐廳無論環境、服務定食物都好好，價錢都合理，絕對值得再嚟！如果你鍾意韓國菜，一定要嚟試吓，保證唔會失望！

大家好今晚去了一間在旺角既樓上餐廳食野呢間叫Outdark 在飛達商業中心2樓呢間Outdark來自釜山既韓國品牌都有54間分店 2014揀左香港呢個五光十色既城市開第一間海外分店呢間店標榜釜山既人既精神在場都真係好多操英語既韓國人待應真係幾有韓國 style食物方面 點左幾款我經常食既韓國菜所有食物都係即叫即整首先係炸雞我就揀左雙拼炸雞(甜辣/香蒜蜜糖)炸雞都係好傳統既韓式炸雞雞肉炸得好乾身唔會有油在表面一份雞可以有揀兩款口味另外仲有好多薯條同薯格一齊上甜辣同香蒜蜜糖都好正常韓式style仲有額外既醬汁提供同埋有酸蘿蔔粒可以解解炸雞既肥膩感另一個菜係海鮮蔥煎餅煎餅材料好多 好似係蔬菜青紅椒韭菜既樣海鮮有蝦 魷魚煎得好香脆點埋酸酸甜甜既醬汁會更加好味最後就係泡菜豬肉飯泡菜豬肉都同飯炒好均勻炒飯都幾夠味但都唔會太辣仲有煎蛋同好多紫菜飲品點了柚子梳打同藍莓乳酪藍莓乳酪就好似沙冰不過好多cream所以混合後都幾有奶味柚子梳打就有D柚子既啫喱感覺幾清新用來送炸雞同韓式食物係幾夾另外呢間店仲有未來信箱可以寄信俾一年後既未來既自己或家人朋友同埋影相放在牆上面作為紀念都幾有特色

佢哋嘅蜂蜜米酒，一上枱就見到個碗份量多到吓親，夠晒四個人share。味道好清甜，蜂蜜味好突出，入口順滑又帶點微醺嘅感覺，完全唔會太濃酒味，好似飲緊甜品飲品咁。朋友話有啲似韓國街頭小店嗰啲米酒，夠地道。🍯之後試咗炸蝦飯捲，飯捲切成八件，每件上面有條脆卜卜嘅炸蝦，紫菜包住飯同埋紅蘿蔔絲、青瓜絲等配料，麻油香氣好濃。咬落去，炸蝦外脆內嫩，飯粒軟硬適中，配料又爽口，幾層口感混搭得好夾，唔會單調。份量唔算多，但做前菜或者小吃啱啱好。🍤再黎係炸醬麵，呢款係我今次最期待嘅菜式之一。上枱時見到黑乎乎嘅醬汁蓋滿麵條，上面仲有啲青瓜絲同少少肉碎點綴，賣相好吸引。撈勻咗食，麵條彈牙有咬口，醬汁濃郁帶甜，豆醬味好出，略為鹹香但唔會過火。肉碎同醬汁好夾，食落有啲似屋企整嘅韓式家常菜，味道好實在。不過份量略為多，兩個人share會比較好。🍜最後試咗韓式烤牛肉，呢碟上枱時熱辣辣，鐵板吱吱聲好有氣氛。牛肉切得厚身，烤得剛剛好，外層有少少焦香，內裏仲keep到juicy。配菜有金菇同炒年糕，年糕煙韌有咬口，吸咗牛肉汁更加惹味。牛肉本身調味唔算重，搭啲生菜同蒜片包起來食，清新又香口。🥩

#豬同鴨講 #Pig2duck▫️🔍 Outdark (飛達商業中心)📍 香港旺角彌敦道613號飛達商業中心2樓▫️📝 ★★★★★ 👍▫️▪️▪️▪️▪️▪️▪️▪️▪️▪️▪️😍最鍾意食炸雞，所以嚟咗呢間都幾出名嘅炸雞店，一試炸雞質素！🐓▪️▪️▪️▪️▪️▪️▪️▪️▪️▪️▫️【 香蒜蜜糖炸雞 】 $198🍗份量超大！夠幾個人食！🐓外面勁脆，加上調味粉控制得好好，唔會過鹹，蜜糖甜甜地好夾🤤▫️【 烤牛肉紫菜包飯 】 $98🤏🏻正常發揮，其他韓國餐廳差唔多，建議少食飯，多食其他嘢保留戰鬥力🦾▫️【 忌廉海鮮炒年糕 】 $328😋呢個正呀，忌廉啱我口味，年糕煙靭，食落好有口感！▫️【 海鮮葱煎餅 】 $138🍕煎餅好香口，啲邊位好脆，一啖一件，用嚟送啤酒一流🍻▫️▫️完！

呢日黎到旺角呢間outdark食lunch~ 一去到門口已經見到好大隻兔仔, 岩哂打卡! 仲可以寄信俾未來既自己, 真係好有gimmick 好有heart! 入到去既坐位都好闊落, 佢既燈光較暗, 好岩同朋友慢慢吹水! 我地叫左好多野食, 我地叩左個芝士辣炒豬肉, 一個原味炸雞配薯條同藉格, 一個生菜拼盤同埋一杯藍莓乳酪smoothie~ 芝士辣炒豬肉真係超正! 佢係好大盤同埋D 豬肉既份量都有好多! 仲可以點盤邊D芝士黎食, D 芝士燒耐左仲脆脆地添! 真係令人覺得好好食! 而我地叫左個生菜拼盤都可以夾下D豬肉食! 我覺得冇咁膩同埋食到多左hahaha! 跟住就係原味炸雞, 炸雞夠哂熱, 又夠脆, 真係一流! 配埋D薯格仲有薯條份量都真係好多, 食到我地停唔到口! 配埋個藍莓乳酪smoothie真係好開心好滿足!

旺角超有氣氛韓國餐廳，由門口已經超有氣氛，等候期間可以大玩「打紙板」遊戲，一入店就有好多閃燈裝飾，仲配有韓國音樂，只係氣氛已經100分!!記得同親朋好友係店面既即影即有機影番張相留念呀，可以自選照顧格式，仲不限次數，可以瘋狂留念，雖然只係普通白紙嘅相紙，但係都值得留念~~Outdrak係韓國有幾十間分店，香港分店嘅店員都係韓國人，所以餐牌、搵店員都係英文為主🥢Bulgogi Beff Kimbap韓式牛肉紫菜包飯以醃製的牛肉為主角，肉質鮮嫩，味道香甜，有牛肉的醇厚與微微的焦香，搭配新鮮的蔬菜和香米，口感層次分明🥢Half Size Chicken (Boneless 250g)無骨炸雞外皮金黃酥脆，內裡肉質鮮嫩多汁，甜辣醬的份量剛好，不會太多，吃多也不覺油膩，超有誠意之作，有大量薯條、薯格、薯角作配菜，全部新鮮炸起，很鬆脆🥢Busan Jeyukbokkeum + Ssam(加$20)份量超多!! 足夠3-4人食用!!!以新鮮的豬肉片為主，搭配香辣的醬汁，味道濃郁，肉質鮮嫩，辣味適中，建議加$20配蔬菜拼盤，與新鮮的生菜包裹在一起，口感清新又不失豐富，又可配上大量濃厚的芝士食用，風味大

放工約了友人食飯，今次終於去Outdark，韓國過江龍，來自釜山的炸雞，進駐多年但都未去過，趁今次可一試，Thanks友人book位。大家相約到旺角分店食，位置都幾方便。門面已好多打卡位，大兔仔好可愛，仲要有小玩意，有個郵箱可寄未來的信，亦有個Photo Box韓式拍貼機可影相。餐廳面積頗大，裝潢頗有心思，燈光昏暗下懸掛星星吊燈，花的佈置，鐵網掛上的情侶鎖及心形燈飾，甚有情調，坐的是木枱椅，有點似公園長椅，位子寬敞坐得舒適。餐牌，食物都幾多選擇。藍檸檬梳打，清新的檸檬味，微酸。柚子梳打，友人的。芝士炒雞，$328。爐的中間有一半係辣炒年糕及雞肉，另一半係芝士，周邊配菜有 紫菜飯、煎蛋、迷你腸及泡菜，雞肉份量多，大量的芝士，十分吸引。芝士雞的食法：等待芝士融化，用筷子夾起一塊雞肉，用叉子將芝士卷在雞肉上，店員會示範點整同把拉絲芝士蓋係雞肉上方便進食，雞肉嫩滑，濃稠的辣椒醬配上芝士口感豐富，甜甜辣辣的味道，美味!內有年糕煙煙韌韌，正!泡菜煎餅，$128，份量適中，煎餅口感外酥內軟腍，內餡材料十足，味道香辣又惹味。食物味道不俗，坐得舒適，服務態度幾好，下次有機再戰。旺角彌敦道613號飛達商業

呢度嘅泡菜煎餅好有韓式風味，煎餅外皮煎得好脆，咬落去嗰陣有啲「喀嚓」嘅聲音，裡面就滿滿嘅泡菜同少少洋蔥，酸辣嘅味道好開胃，完全唔會好油膩，煎得啱啱好，泡菜嘅汁滲入餅裡面，帶點微辣同酸味。😋我地叫左兩杯飲品，芒果梳打係鮮甜芒果汁，加咗氣泡水，飲落去有種爽口感，芒果味好濃，唔係嗰啲人造糖漿嘅假甜，仲好解渴。🥭 朋友點左柚子梳打，帶出清新嘅果酸味，柚子汁本身有啲微苦，配上氣泡水之後，變得好平衡，唔會太嗆口，聞落去仲有陣淡淡嘅柚香。🍋腸仔年糕串嘅年糕條煮得軟糯又有彈性，淋上啲甜辣醬，顏色紅紅地好吸引，食落去辣中帶甜，腸仔嘅油香同年糕嘅黏口感配搭得好好。🌭烤牛肉炒粉絲嘅牛肉烤得香噴噴，同粉絲一齊炒，吸咗牛肉嘅汁同醬油味。粉絲炒得彈牙，唔會太乾或者太濕，仲有啲洋蔥同青椒點綴，牛肉質地嫩滑。🥩最後係烤豬梅頭肉，用韓式調味醬醃過，烤出來香氣逼人。肉質肥瘦適中，烤得外皮微脆，咬落去油香四溢，用生菜包住肉同蒜片，食法好正宗。🥬