Outback Steakhouse (已結業)

跟朋友慶祝生日~決定來食 out back~雖然訂左位~都要等一陣先可以入座~黑糖麵包付送的 ~ 好吃~磨菇漢包~燒骨配燒雞~3個人點了2主菜已經好飽了~~因為份量也滿多~也有很多配菜~~一人也不過是100多元~

黑糖包 普通麵包:S 唔明D食家點解可以講到咁好食 同埋我想講個D白色唔係cream 係芝士泥炸蘑菇 $7x 係炸得唔錯 但個dressing好普通牛排+豬肋骨+薯條+雞味飯 $23x 牛排rder 5成熟 泥到9成差唔多welldone 之後叫佢換 都係已經7成熟 咁算啦 豬肋骨k但唔值 係其他準餐廳食過 9x$ 比佢大3倍 一定好食好多 薯條: 唔明點解咁多人話佢薯條好好食 同burger king 冇乜分別 雞味飯: 真係唔識欣賞 可能係鬼佬野啦 係outback食真係覺得食service 但係有一樣野令我完全吞唔落啖氣就係飲品方面 我一坐底就問我要飲D乜呢 我地D野係無限加潻架 但係冇同過我講要34$一位 34$無限飲冇問題 但係menu冇講過 waiter冇講過埋單4xx$先知 真係想同經理理論下但係總括泥講 唔計飲品個到 服務好ok呀 但食物方面 可能係做開飲食關係 真係唔見得有食評D食家講得咁好

自從黎過一次之後就愛上咗outback既午餐，抵食又好食。我每次必叫漢堡包，大大件，又好肉汁，仲有仔仔最鐘意既薯角牛扒都有午餐，叫咗5成熟，剛剛好，好腍，唔駛醬汁，只係灑d鹽上去，已經好好味，而且咁先食到牛肉既原味。暫時去過4間outback食午餐，都係覺得呢間比較好，味道ok，最緊要多選擇。**p.s. 坐係我地隔黎枱有一位女仕，佢都係食牛扒，但係佢塊牛扒可能煮得比較熟一d，同個waiter反映，個waiter即刻幫佢換過另一塊，到新果塊黎到又問位女仕，覺得呢去牛扒啱唔啱，位女仕答其實都可以再生d﹐waiter話需唔需要再幫你再整過，你話咁既服務態度係邊度搵呀，唔俾個笑點得呢﹗﹗

同同事食 他們每個人都食過Outback 只我一人未食過.....真大鄉里.....當日店門都好多人等位 不過大家傾下計時間很快就到環境唔係好高級 不知其他分店會否更佳先來一客招牌作 黑糖麵包 相當好食但我覺得是麵包夠熱 所有入口感較好的關係 而不是麵包本身整得十分出色之後都係點了大路出品 炸onion 芝士薯條 及new york雞翼都ok, 但也不是之前朋友同食評所指出咁好食到飛起呀但burger一到, 我不得不舉起大姆指 真係正!之後幾個人share個牛排 都唔錯還叫了個阿拉斯加crab leg, 雖然要$2xx但真係值 每隻腳都有過呎的長度 大家都讚的服務方面 我也覺得員工都表現應有水準以上的水平一間咁多人 咁旺的餐店 他們真的每十幾二十分鐘 就來我們台一次 很主動收碟加茶加汽水 而且幾有笑容值得再來!

雖然冇訂位, 但我們二人6點半到, 時間早, 一去到不用等已有枱給我們,我們點了以後食品:黑糖麵包 -- > 送的, 熱的..好好味,...個忌廉醬點來吃很好味豬肋骨拼薯條 --> 豬肋骨燒得的賣相麻麻地,唔多吸引, 啲肉都有小小"鞋"爆谷蝦--> 都好食...不過係熱氣d...多人食好d..芝士煙肉薯條-->必食, 之前一試愛上 , 芝士味重, 配搭出色我們還點了一客凍檸茶 ($32) , 是免費添飲....最後埋單, 二人$340 ...價錢都合理, 但覺得款式選擇不太多

Last Sunday my friends and I went to this Outback Steakhouse to have dinner. This is not the first time we visit this restaurant but surely is the last time. At that night we ordered 1 app and 3 main courses. The app (Fired Squid) was the best dish we had on that night. The rest was terrible.1) Outback Special Sirlon Steak (I ordered medium well, it come out with almost well done, no taste at all, the gravy was really runny)2) Garlic Diced Steak (very tough,again no taste at all, very poor textu

今次有九個人, 其實唔係叫左好多野, 每人分到一啖. 叫左芝士薯條, 炸洋蔥花, 青口, 燒雞拼豬肋骨, 牛扒, 沙律, 另加甜品兩款. 其實我最主要是食了芝士薯條跟炸洋蔥, 因為叫這兩個頭盆時人未齊, 我地其中五個人差不多食晒, 先至人齊. 芝士薯條好脆, 好香芝士味, 但五個人食也覺得濟. 炸洋蔥一上枱是很香口, 很好味, 但時隔五分幾鐘, 出油, 淋晒, 可以說是不能入口, 但好彩遲來的朋友, 都唔介意清埋佢. 其他的東西只係分到一啖左右, 唔太差啦.順帶一提... 侍應非常attentive... 值得一讚黑糖麵包很好吃！

當日一行4個女仔前往,事先我們已BOOK 左,一去到不用等而且早已準備位置給我們,一開始朋友未到齊,待應已介紹是日的優惠給我們(絕對不是推銷),之後給水 & 黑糖麵包給我們品嚐。 黑糖麵包 -- > 熱的..好好味,...如果唔夠可問佢地取...free 的...炸洋蔥花 --> 都好食...不過係熱氣d...多人食好d..凱撒沙律..(跟餐送) -->比一般送ga 好食...我朋友話另一間分店再好食d....西冷牛(燒) 七成熟--> 可以la...不過不失... 豬肋骨拼燒雞胸 ->燒雞胸好食... 豬肋骨我覺得可以淡d(我食慣淡口)蘑姑海鮮闊條麵 --> 好食...

雖然訂了枱但仍然未能準時入坐,不過這個小問題不會與他計較,只會說了出來舒發一下就可.....是次叫了芝士薯條，真是非常好味，7個人分一碟當然是完全不夠的，吃完後很想再吃。另外叫了燒牛排、豬肋骨及意粉......燒牛排真是太生了所以我吃了少許便沒有吃，但友人們都說味道不錯，比熟牛排更好吃。另外豬肋骨味道不過不失，而那個白汁意粉比想像中好吃呢，值得一試。另外覺得他們的服務態度都不錯，因為我們有不少要求但他們都樂意為我們服務。

已經差不多二年沒有來過outback食晚餐. 沒想過現在比以前好像好食很多. 不過價錢方面, 好像比Dan Ryan的貴一點點, 食物的份量也是比較少. 我星期四才打電話去訂位, 七點半開始, 要我們九點還枱, 真的有一點趕. 由於是我朋友生日, 所以我帶了蛋糕. 有一些餐廳需要另收切餅費, outback就沒有這個收費. 開餐之前, 當然不得不提的便是它們的麵包. 非常鬆軟, 而且還是暖的. 麵包表面放了一點糖, 食下去的時候就不會淡而無味. 另外, 配上它們的特肥牛油, 進來食飯只為了這個麵包也不算太過份. 首先, 主打的一定是這個炸洋蔥花. 如果喜歡食洋蔥圈的人, 這個選擇也不錯. 可以看到花了一點心思來做出一個花球的東西. 中間的醬的味道也不錯, 但是不知道可否減低熱氣程度, 哈哈.其次的便是, 雞就很好食, 有一點點燒烤的味道, 而且不會很乾. 菜就普普通通, 很多都是葉, 而且份量很少, 我不太喜歡. 茄汁海鮮意粉 – 也是普普通通. 沒有特別覺得很子食, 番茄味也不是很重, 我比較喜歡白汁. 但是這個番茄汁也不是很酸, 我想這是這個意粉的好地方吧, 哈哈. 燒雞 + 豬肋

其實這間澳洲餐廳之前都寫過，這次再吃仍然寫它，原因只得一個，就是這晚這餐廳侍應生的服務態度和招呼確是值得一讚，所以特地寫這食評讚賞一下它。只要來這裡吃飯便免費奉上的「黑糖麵包」是吸引人客久不久番兜的招牌食品，對於這一點，相信很多有幫襯過這餐廳的食客都會同意。除了這招牌「黑糖麵包」外，這天所叫的「愛麗絲坪雞胸」和「昆士蘭沙律」，單聽名字，這兩道以澳洲著名省份和地點命名的菜式已充滿澳洲的風味，不止如此，它們從賣相到份量也充滿濃濃的澳洲地大物博feel，給人豐富和大堆頭的感覺。至於味道，這裡偏於濃重的口味，要是久不久來試一次，應該都是不錯的吧！不過這天最大的驚喜始終是招呼。侍應生笑容可掬，態度有禮，而且有求必應。無論是因為自己饞嘴而要求多要一客「黑糖麵包」，或是因為原來叫的沙律醬汁比自己預計的辣而要求更換另一款沙律醬汁，以至侍應生主動的為自己添加解渴的冰水，都在在使自己感受到它們的良好服務態度。要非如此，可能這一篇食評便不會出現了。不過，這麼良好的服務態度又怎能不多加表揚呢！註：是日沒有準備，沒帶相機，照片欠奉。

友人生日，訂左位十點正。女侍應响差唔多十一點既時候通知有維修，所以會提早十一點半關門。黑糖麵包：必必必必食既一樣！！！佢冇睇上去咁硬，咬落去鬆鬆軟軟的，甜度恰到好處，可惜的是因怕食唔哂所以冇recall。厚切薯條：有啱啱炸既味道，又大份！肉眼扒：我地要左六成熟，但係。。。啲味真係好普通，同椰Ｘ閣既冇咩分別。沙津：啲菜都好新鮮，但本人認為價錢太貴。P.S. 唔知係咪我地張枱太角落，好難先搵到一個侍應，但你明知呢度有人架？ 下次再嚟都只係為左黑糖麵包。

雖然訂左枱都要再等位，因為之前留俾我地果張枱D人埋左單都唔走，不過個RECEPTION好好，不斷想補返張枱俾我地，可惜我地5個人，佢全部都係4人枱，最後佢答左張枱俾我地，迫迫地好過無啦。食物方面：1) 黑糖麵包~ 個包好好味好軟熟。2) 爆谷蝦~ 朋友話一般，我無食。3) 炸洋蔥花 ~ 好好味，不過真係好熱氣。4) 芝士煙肉薯條 ~ 依個都好好味。5) 海鮮意粉 ~ 好一般。6) Choco Choco Cookie ~ 朋友話好甜，我又無食。

同朋友食飯聚會,之前本來想book其他餐廳但無位,打去呢到有位就上去喇~我地叫左rib eye steak,雞胸+燒肋骨,玫瑰酒...我之前係呢間分店同荃灣分店食過,感覺食物同服務都吾錯,今次既服務都ok 係食物就差d,個steak 肉質吾夠juicy 而且食落有渣,食剩左;而個雞胸好鞋,我之前都曾經order過,口感同今次有差別,呢個食剩左好多;今次食左$520,因為食物質素麻麻,吾抵食

友人慶生飯局，這次來到尖咀的這間Outback，因為一早已經訂定位，所以可以被安排到一個沒有那麼多人和寧靜的角落吃晚飯。座中除了自已外，也有個別朋友是「識食老馬」，所以坐下之後，連隨order了這裡最最最好味的「黑糖麵包」先吃為敬，我因為交通擠塞關係，去到時那「黑糖麵包」已被分為6份，放在自已桌子的前面了。「勁好味招牌黑糖麵包」：這款麵包可算是這裡最好吃的東西，熱騰騰的麵包，甜味適中，鬆軟好吃，塗上淡忌廉之後一起吃，更是美味非常，難怪過了不久，我們便立刻添吃了。《小食1號》「爆谷蝦」：細細隻的「蝦仔」炸得脆卜卜的，賣相可愛，點上沙律醬汁後的爆谷蝦使人忍不住胃口大開，一眾友人一口一隻的，眨下眼一隻，眨下眼一隻，話咁快所有爆谷蝦便被一掃而空了。《小食2號》「炸洋蔥花」：這個勁熱氣、勁香口的「小吃」是這裡的名物之一，雖然十分熱氣，但外層炸得香脆而內裡軟熟的洋蔥花，點上微酸開胃的沙律醬，甚是滋味呢！《主菜1號》「愛麗絲坪烤雞胸」：以澳洲一個有名地方Alice Spring命名的這道烤雞胸，想不到原來甚為嫩滑，在嫩滑的烤雞上放了煙肉、 白菌和芝士，半溶的芝士舖在雞胸上，起了錦上添花的作用，味道可