441
29
14
餐厅: OPPA韩国烧肉店
资讯:

为鼓励食肆透过提供食物份量选择和采取减少厨余措施,与顾客共同从源头减少厨余,环境保护署推出了「咪嘥嘢食店」计划,参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴,以供张贴於店舖内和宣传,供顾客识别。此计划全年均接受申请,申请费用全免。

详情可浏览:http://www.foodwisehk.gov.hk/zh-hk/food-wise-Eateries.php

港铁旺角站 B2 出口, 步行约4分钟 继续阅读
所有分店 (2)
电话号码
23812193
营业时间
今日营业
17:00 - 02:00
星期一至日
17:00 - 02:00
付款方式
Visa Master AlipayHK 支付宝 现金 银联
座位数目
45
其他资料
网上订座
Wi-Fi
深夜营业
酒精饮料
电话订座
加一服务费
电视播放
当面支付
有关奖赏计划
食记 (511)
等级4 2020-01-03
1006 浏览
之前已经去过呢间烧肉两次,今次带埋男朋友一齐去食当庆祝圣诞节😆.我地被安排坐系餐厅正中央嘅枱,座位与座位之间都有啲距离,所以唔洗担心会好嘈同好逼👍🏻坐嘅凳可以打开个盖摆放个人物品,咁就可以两手空空尽情享受烧肉乐趣啦!.一坐低店员就会送上冻水,三碟泡菜,泡菜同紫菜都好好食,我地之後都有追加当你落完单,店员就会帮手开炉同帮你加泡菜同蛋浆去旁边嘅蛋格整泡菜蛋,泡菜蛋味道好好,记住留肚食!另外,值得一提系个佢地嘅烧烤铁板系向下微斜,所以多余嘅油会流走,呢个设计几贴心,咁就唔洗担心会食到成口油我同男朋友总共叫左四样食物:「猪肋肉酱腌」猪肋肉份量好多,我锺意烧嘅时候将佢地剪成细细粒,容易烧同食落会方便啲。味道带甜,最啱用黎包住生菜一齐食「A4日本和牛」一上碟见到雪花网纹就觉得好吸引,因为切得好薄嘅关系,每边烧一阵,好快就食得!食落油香味十足,牛味都好浓烈,好味!「Oppa 四太子」所谓四太子就系四只肥美嘅大扇贝!店员教我地烧扇贝烧得好食嘅方法就系将扇贝肉从壳抽出黎,直接放系炉上面烧,系上面加蒜头调味,两边都烧至差不多,就可以系上面加牛油,烧出黎嘅扇贝肉果然又香好juicy。「和牛脷」呢到嘅和牛脷系薄切,烧出黎嘅口感比较爽口,食得出牛味,味道唔错。整体而言,呢间烧肉店嘅食物质素好,店员服务亦都好好,值得再次帮衬! 继续阅读
(以上食记乃用户个人意见 , 并不代表OpenRice之观点。)
等级4 2019-12-19
994 浏览
呢间韩烧我已经帮衬过几次架喇, 印象唔错, 大埔店放题性价比非常高。今晚咁啱早收, 於是就约朋友去旺角店食。我地其实唔系好肚饿,所以只系单点三款牛, 牛脷、牛肋肉同肉眼扒。我地为左嚟紧嘅一连串圣诞大餐,所以都好克制冇点我至爱嘅猪五花同猪大肠, 有点遗憾😝。店嘅生菜、小菜都系任refill嘅。生菜都几新鲜几爽脆, 我特别锺意佢地嘅Kimchi, 辣度适中唔会太咸, 我地忍唔住refill左几次。跟餐附送一份泡菜蛋, 非常香滑, 想encore就要加钱啊。因为朋友喜欢食海鲜, 所以我点左份Oppa四太子俾佢食。扇贝自己动手用牛油同蒜泥烤, 特别惹味鲜甜。每次烤肉都必点牛脷, 呢度嘅都几香滑,不过都系薄切。我最欣赏系块肉眼扒, 又厚又大块, 牛味浓又juicy,一份有两块,查实两个人食有点多。我地最後仲点左份泡菜豆腐汤, 豆腐超级滑, 其实佢做法同我系韩国饮嘅唔同, 唔算正宗,不过唔知点解又好好味喎。 继续阅读
(以上食记乃用户个人意见 , 并不代表OpenRice之观点。)
等级4 2019-12-11
913 浏览
自从同男友去完韩国济州食过一次黑毛猪之後,就对韩国烧肉念念不忘,上网搵左呢间oppa 韩国烧肉,有黑毛猪啊😱收工拿拿声同男友来食。间餐厅除左细了一点,其他几乎同韩国一模一样,一坐低,店员递上水,同埋三款前菜,泡菜,芽菜,海带,仲有生菜🥬倒蛋浆落铁板,整炉边蛋。店员亦都好细心告诉我们,前菜是可以无限refill 🤤正,同韩国一样。见到好多台都叫牛排🥩拼盘,我们就点了黑毛猪,肉类放在一个猪仔型的木盘上枱,卖相好可爱,分别有猪西冷扒,猪鞍扒,五花腩肉。店员见我地鸡手鸭脚,会帮忙烧,太好啦🙆‍♀️唔好睇黑毛五花肉甘肥,烧熟之後,那些猪皮和肥肉变到好有口感,食落好甘香有弹性,但绝对唔系食肥猪肉的感觉。猪鞍排肉质都好嫩滑,没有猪臭味,加埋泡菜,生菜🥬,一啖放入口,真系好正。同韩国黑毛猪比,都有80分架,系香港食到呢个质素,真心不错。我们仲点了oppa4太子,谂住食下海鲜中和下😂劲大只带子,中间有一碟仔是蒜蓉,放上铁板烧带子,再落小小蒜蓉,即时变到好有锅气😂带子好新鲜,收乾水好快食得,原汁原味,好正,又鲜甜。烧肉点小得啤酒🍻,呢度啤酒做紧买一送一,有闲小酌一杯,真系好放松。好满意啊呢间韩烧,唔怪得长期都甘多人排队,好似去左韩国甘,可以一边食,一边回味下。最後都要赞下店员,见佢地都好勤力,又帮手烧,又主动refill 小菜👍 继续阅读
(以上食记乃用户个人意见 , 并不代表OpenRice之观点。)
等级4 2019-11-04
1821 浏览
呢间韩烧之前都有食过,觉得几好食,所以今日再带好友黎到呢间餐厅韩烧一下。餐厅座位唔算好多,但系因为咁样变得好热闹!店员都会主动帮忙烧野食,而且好有礼貌呢!看看餐牌,见到有个迷你和牛拼盘好似好吸引,所以就叫黎试试。这个和牛拼盘除了有和牛,更有饭和五花腩。落单後店员会先在铁板上加入泡菜蛋汁。这里的泡菜蛋好好食,好香好惹味!迷你和牛拼盘,虽然是迷你,但每款肉都有4块,都唔少架!这个拼盘包括有A4和牛、A6和牛、雪花牛小排、牛肋肉同牛舌。当中和牛油脂分布平均,牛肉味浓,肉质松软!而牛舌都几juicy美味!五花腩,个样好似display食物果D样,好靓,虽然得3块,但系可以将佢剪成4小块,再用黎夹生菜食,感觉冇咁漏亦好惹味!石窝饭,可以拣猪、牛、鸡,今次拣选了猪肉,石窝饭非常热而且有好多饭焦,加上猪肉是腌过的,所以好可口!鸡肉,因为我好中意食鸡的关系,所以点了鸡肉黎烧。这里的鸡肉已经腌过,所以系咸咸的,但味道我好中意!鸡肉嫩滑juicy!呢间韩烧我真系好中意食,不论味道或者店员的贴心,值得再去! 继续阅读
(以上食记乃用户个人意见 , 并不代表OpenRice之观点。)
等级4 2019-09-26
2196 浏览
住大埔咁耐都唔知道E头有间韩烧🇰🇷🔥🤣, 好朋友👧🏻话之前食过oppa烧肉觉得唔错🤔😋, 今晚就带左我嚟试下😝, 因为我地早收工, 岩岩好食到佢个早割放题, 19:30前卖单$188位喳👏🏻👏🏻😆😆总共有4款酱比你蘸, 有粗盐🧂, 蒜片, 韩式烧烤酱同韩式辣酱🌶前菜方面有泡菜, 芽菜同海带, 可以任添, 味道唔错😊真露蚬汤🍲, 有萝卜, 大蚬同大肠, 汤头清清地带有少许胡椒味, 萝卜几清甜, 大肠可以用嚟烧下佢, 味道唔错😊蚬肉鲜甜足量而且无沙😋牛肋骨汤🐂🦴, 奶白色嘅汤头带有微微嘅忌廉味, 牛肉味浓, 口感软腍猪颈肉🐷爽口, 带点微辣, 五花腩肥美, 层肥层瘦, 烧起上嚟好香, 加埋酱汁同生菜🥬一齐食无咁油腻, 惹味无穷😊牛小排, 有大理石嘅纹理, 油脂丰腴甘香, 一咬落去油脂爆哂出嚟, 口感软熟, 唔错😊牛肋肉肉质鲜嫩有口感, 牛味浓郁韩烧烧得太多肉, 可以食番d泡菜蛋中和一下肥腻嘅感觉先😆除左烧肉类, 仲有几款蔬菜可以配搭, 有鸡脾菇🍄, 南瓜, 翠玉瓜🥒, 洋葱同蕃茄🍅, 食番d蔬菜就可以减低罪恶感啦😈🤭🤫😋 总结:食物质素ok, 店员服务态度良好, 环境几大唔会好大油烟令人感到焗束👍🏻, $188就可以任食到饱, 非常唔错😊😊 继续阅读
(以上食记乃用户个人意见 , 并不代表OpenRice之观点。)