食韩烧抵抗寒风！6间韩式烧肉店推介

嚟紧天气终於进一步转凉，除咗搵返衣柜啲冬天衫出嚟之外，更系约朋友食烧肉暖身嘅好机会！继上次嘅5大CP值高日式烧肉，今次嚟介绍韩式烧肉啦。提提你记得善用OpenRice网上订座服务，赚Rice Dollars当钱使啊～

韩国街头风格烧肉店平昌

旺角呢间楼上韩烧餐厅今年为咗庆祝开业九周年，搵嚟林祥焜及甘小文两位香港漫画家创作充满香港本土同韩国文化特色嘅璧画，加上餐厅本身嘅红色铁桶櫈，更有韩国Feel呀。餐厅由韩国主厨主理，走放题形式，当中嘅世子御膳套餐更可以任食酱油虾！

大角咀今年新开嘅韩式烧肉店，店内有唔少真·Oppa店员，最贴心嘅系可以帮手烤肉，就算唔识烧肉都完全无问题！招牌烤猪肉套餐有齐猪腩肉同猪颈肉，前者肥瘦分布均匀、有脂香而唔油腻，後者肉质软滑爽弹，配埋泡菜食一流！烤猪皮同烤牛排骨都可以一试。

呢间韩式烧肉位於尖沙咀楼上店，坐窗边可以望到街景，夜晚加上灯光更有情调啊。牛魔王可以试韩牛1++ 腹心肉或者牛肉拼盘，後者有牛小排、腌制牛肋肉、光阳烤牛肉、牛舌芯。但每枱必点嘅其实系佢哋嘅酱油海鲜拼盘，酱油蟹、虾同鲍鱼都好高质。

订座优惠：现金8折优惠

韩式烧肉店同韩团BIGBANG嘅G-Dragon有咩关系？原来系呢间餐厅嘅创办人朴奉哲系GD父母嘅好朋友呀。餐厅设有自家熟成牛肉工房，以乾式熟成方式进行60至90日风乾，令牛肉更富香浓鲜味。另一推介系用上自家酱汁嘅调味特级牛肋骨。

锺意食肉而且想试匀唔同部位嘅话，呢间喺旺角同大埔都有分店嘅韩式烧肉店就有两款拼盘好啱：牛气冲天和牛拼盘同黑毛猪拼盘！和牛拼盘有1++韩牛肉眼、日本A4背峰肉、美国上肩胛肉、澳洲和牛舌等共九款肉。而黑毛猪就胜在肥瘦适中，肉味浓郁。

呢间韩式烧肉店可以话系本地韩式烧肉店始祖之一，当初「韩流」袭港嘅时候就进驻尖沙咀，而家喺铜锣湾同旺角都有分店，都系约饭局嘅热点！特色之一系有猪护心肉，即系横膈膜同肝之间嘅肌肉，脂肪少但相当鲜嫩。另外炉边蛋同自助前菜吧都好加分。

文：Cathy.H