OneThird (已結業)

真係感恩，近年元朗愈開愈多高質Cafe～😍好似位於鳳攸南街嘅OneThird Coffee就係其中之一！呢度主打小清新路線，簡約嘅水泥石牆、實木傢具、純白支架、盆栽裝飾.....淨係喺入面坐，都有種好放鬆嘅感覺～！今次跟朋友小聚，只係簡單點了抹茶latte，我覺得整體味道都Ok~先個外觀，色調偏深，拉花幾靚。味道方面，抹茶味同奶味幾平衝，抹茶比例濃淡得宜，唔會搶咗奶香。美中不足係，飲到底有層抹茶沉澱物，飲時質感都唔夠細滑，感受到有少少抹茶粉粒粒。呢度仲供應輕食，好似all day breadfast、意粉、酸種包、沙律、乳酪碗等，有機會下回試咗再同大家分享～😆

第一次試呢間小店 由於我對旁邊moment既焗豆 薯餅無興趣 想係元朗搵間健康d既cafe 好回味澳洲既sourdough 呢間稍微有少少唔夠厚同埋烘得唔夠 但係上面有olive oil搭夠👍🏻 牛油果paste真係幾正 上面仲有pine nuts 煙三文魚下又有cream cheese 又有d fresh既rosemary 希望沙律可以少d vinegar 另外flat white幾好 唔係度度都有澳洲既感覺（Starbucks flatwhite唔得）食完覺得好健康 個口唔會有澀味 會再食過～

朋友話想放假去小店cafe飲下野，打下卡，又唔想去咁多人既地方，於是就黎左onethird cafe.呢度地方唔大，得十幾個位左右，所以都要等一等。我地被安排坐左係室外，夏天會熱少少，同埋雖然室外坐既位打卡真係一流，但係食野係有少少唔方便，因為放食物既枱都比較細同矮，叫多幾樣野食已經放唔到，食野又要wu低身食，有少少唔方便，不過好似得我地一枱係咁矮，其他位係正常高度既。酸種麵包，不過不失，個人覺得唔錯，幾健康又清新。蛋加麵包，再加左條腸，條腸有啲咸，要同人share食會好啲。蕃茄蝦意粉，呢個係最好食既！有驚喜，好快清晒。如果自己一個既話，建議叫個意粉加杯加啡，可以hea一個中午。

元朗都搵到間休閒小店，雖然細細間環境都唔錯，仲有露天位比客人座，感覺好休閒慢慢飲下咖啡hea下。烤酸種麵包：我選擇了煙三文魚配忌廉芝士和火箭菜配巴馬火腿，第一次食烤酸種麵包原來都好好味😋唔軟唔硬感覺好健康配埋三文魚好正，巴馬火腿都好美味一d都唔鹹。Matcha Latte係我飲過最好飲嘅一間，綠茶味好出，唔會過多變苦👍🏻另外仲叫左杯Black Coffee咖啡味唔錯。值得一試，如果食物有更多選擇就好喇。

OneThird 裝潢以水泥灰為主調 設計簡約清新 放有唔少植物 更設有室外座位 街道頗寛 唔算有太多人同車經過 環境頗舒適 超級惹蚊人士表示都係坐返入面好啲 不過餐廳好貼心！會提供蚊膏！▪️烤酸種麵包 $78烤酸種麵包 包兩款配料 total有六款配料供選擇今次揀左牛油果泥 煙三文魚配忌廉芝士Sourdough外皮香脆 麵包質地微微軟韌 亦帶小小酸種既香氣 比起好多之前係香港食過既岀色 如果酸味同韌度再加強啲就正牛油果泥味道天然 煙三文魚則中規中矩▪️Espresso tonic $70大熱天時坐室外 點都要飲返杯espresso tonic⁣呢杯espresso tonic既tonic water係可以自己倒 自行調教所以初初淨係加左小小tonic water既時候 咖啡味道會較為濃郁⁣⁣慢慢飲下飲下 再加返多啲tonic water既時候 酸度同甜度會慢慢提升 越黎越清爽呢杯tonic既甜度較低 酸度亦唔算太高 味道會隨唔同比例而有所改變 亦唔會有我唔鍾意澀既餘韻⁣⁣

店内空間較擠迫 就算開埋店外露天位置 大約能容納十多人不過是animal friendly cafe即使自己無養寵物都可以同別人的小狗玩❤️咖啡味道不俗 略欠層次但味道不錯打卡位置就一流 大大的趟窗吧檯賞心悅目露天位置的圓桌椅也很好拍美中不足的是食物雖然美觀但早餐份量偏少 酸種麵包正常是偏chewy但真的太韌 切開也切得手軟 咬也咬損咀了油漬蕃茄和芝士的配搭很classic 調味也適中煙三文魚沒有過鹹 也夠香 飲杯咖啡、打打卡就perfect了

平日返工咁鬼攰，weekend放工自然想Chill一Chill。之但係舒適有feel嘅cafe成日都要出港島九龍，新界牛表示路途遙遠。好彩，雞地都有間唔錯嘅cafe，可以比我鬆一鬆。.鋪頭係路邊，setting好開揚，我個人好鍾意曬太陽，可惜出面已經滿座，只好坐鋪頭入面，幸而全間鋪採光一流，感覺都幾舒服。.嘢食方面，我就叫左呢份煙三文魚+牛油果泥配烤酸種麪包。個人係歐洲食過酸種麪包之後就念念不忘，佢嘅酸種麪包有recall到我嘅記憶，咬落酸酸甜甜，而且厚得黎又keep到脆度。無論係配上綿滑嘅牛油果泥定煙三文魚都好正！我另外嗌左杯Americano，非常有水準。如果元朗人想搵有質素嘅cafe，絕對可以一試。

上星期，趁著 #五一黃金週 同foodie朋友們👫🏻再嚟一次 #cafetour ，今次目的地係元朗。元朗美食多係人都知，近年更開多咗唔少精品咖啡店☕️同文青cafe🍴，一場嚟到，當然要試晒佢。第一站，先嚟呢間小清新cafe！☺️.Cafe位置近雞地，由元朗站行過去都要十幾分鐘。呢度環境清靜，如果早啲嚟，仲可以好似我哋咁坐出面，感覺更爽😌。一班人叫咗份 #烤酸種麵包🥯 配煙三文魚同牛油果($78)🥑，麵包質感較煙韌，三文魚、牛油果味道正常，可以一食。不過對 #慢煮白毛豬聊配芒果莎莎醬($168)就有少少失望，豬柳有啲韌，而且略嫌呢個價錢有啲貴呢！😅

身為咖啡迷的我，最喜歡就是到訪不同地方的咖啡店嘆下啡，今次適逢五一長假期，決定遠渡元朗品嘗小眾咖啡店 One Third Coffee。One Third Coffee店面簡潔優雅，不期然給人一種舒服寧靜的感覺。烤酸種麵包 配 牛油果泥，煙三文魚 ($68)以天然酵母製成的麵包，帶有獨特的濃郁酸味與麥香，口感軟綿鬆散，加上牛油果泥和煙三文魚配料，更有酸酸甜甜的美味口感。慢煮白毛豬柳配芒果莎莎醬 ($168)豬柳肉質爽嫩，鮮嫩多汁，配上清新香甜的芒果莎莎醬，口感一流。Matcha Latte ($45)用抹茶粉和鮮奶調製的Matcha Latte，口感順滑，抹茶味道香甜，是抹茶迷的至愛之選！Pour Over這次選擇了淺焙的咖啡豆，酸味較重，果香風味與口感均衡。在連鎖店林立的當下，咖啡小店宛如一股清流般的存在，願我們能珍惜現有的小店，把小眾的品味延續下去吧。

疫情之下，朋友約我黎呢度傾下，貪佢有outdoor seat, 安全D。本身我都住元朗，平時行開都無為意呢間小店，今次就試下啦。一坐下睇到個menu, 即時嚇一嚇，百幾蚊食塊豬扒加幾舊薯菜，唔講我以為去左西貢，不過可能好好味，都無計啦。入到舖入面點餐，一對好後生既疑似情侶看舖，我加多廿幾蚊叫杯凍啡，我話唔要糖但要奶，佢話佢自己做精品咖啡，一般都無糖無奶，我真係學到野，同時又好其待佢杯咖啡。嘢食上得都算快，10分鐘到就黎齊，杯咖啡我唔落奶試一試，又無乜特別，同我平時去7仔買燒賣加幾蚊杯咖啡無乜分別，所以唸都無唸就落埋奶，不過不失，跟餐加22蚊杯我覺得唔值。上主菜，一塊一個女仔拳頭咁大既豬扒加D菜0係隔離，味道不過不失，但就一定唔值百67蚊一個餐。算啦，食過就算。

💛黃店💛1/10, 13/11 罷市💛11/11 不扣成本全數捐星火----------🥪烤酸種麵包+2款配料 $78配料有牛油果泥/ 煙三文魚配忌廉芝士/ 油封車厘茄配水牛芝士/ 菠菜菲達芝士配自家制香草醬/ 牛油炒雜菌，我今次就揀左煙三文魚配忌廉芝士+牛油炒雜菌。酸種麵包係用天然方法培養酵母菌，冇任何化學添加劑，麵包比較煙韌實在帶微酸。整體份量唔係好多價錢偏貴，不過呢度係Cafe形式，仲有室外位可以帶埋狗狗黎，坐下都幾舒服。----------🔎OneThird (Monent × OneThird)🚩元朗鳳攸南街9號好順利大廈2座地下63號舖

本來係比呢間cafe ge門口位吸引而黎的(♡˙³˙)但門口嘅位置 一直都被人occupy 所以最後係一張相都影唔到嘅 (其實都等左起碼3個鐘 但都係等唔到🤔)對於突登過黎 諗住影下相嘅人黎講 有啲小失望... 畢竟真係好遠水路...(╥﹏╥)———————🔸Latte🔸Flat white雖然等唔到靚位坐 但佢地嘅Latte同Flat white又出奇地幾好飲 好surprise! 幾岩我口味❤️飲落去好香滑同飲到咖啡香味☕️我見佢仲有其他咖啡豆可以比客人揀 十分專業～.如果住得遠嘅朋友 可能未必需要突登搭車黎😂但如果咁岩去開元朗或者住得近嘅真係幾推薦大家可以去試下佢地嘅咖啡☕️坐係度傾下計食下野都幾寫意～

元朗格調小cafe~❤️呢到裝修幾靚 有室外影相位 食物飲品質素都幾好 岩哂搵個weekend同朋友坐係到慢慢chill😚😚!-烤酸種麵包配 牛油果泥、煙三文魚忌廉芝士 $78酸種麵包比較靭同硬身 配我最愛既牛油果/煙三文魚幾好😚食落唔會乾是日精選意粉-墨汁海鮮意粉$108意粉係我鐘意有咬口既質地👍🏻-比較出色既一定係野飲！叫左杯Matcha Latte🍵 $45除左鮮奶 仲可要簡要豆奶/夏威夷果仁奶🤩店員都有同我介紹有呢幾種奶 而且飲落抺茶味幾濃 推薦推薦！😚😚另外杯咖啡都唔錯❤️幾香咖啡味又唔會話飲到酸或者澀

叫咗幾樣野，平均$170/位，真心貴，因為個麵食完隻碟嘅油可以炒多個飯，最緊要係食完唔飽，個friend介紹我飲咖啡啫，都無話抵食，係我expect太多，SOR! 炒雜菌好油，味道重手咗，可能我平日食得太清，炒蛋一般無特別，$68-98真係貴囉$68正常炒蛋麵包沙律菜，都唔夠攝牙罅，一定要加嘢，加$15多一款配料，加$25多三文魚/腸仔，沙律菜、三文魚、買返嚟無嘢可以評，杯咖啡正常，用明治奶，啡同奶味平均，啱我口味，跟炒蛋餐加＄20，個餐牌寫加＄5。主菜加非啡類飲品係計原價＄40，冰加＄5

大蝦墨魚汁意粉😋4/5大蝦肉質爽口有咬口，墨魚汁意粉得食落有嚼勁，用上蕃茄乾、蒜片、洋蔥及橄欖油烹調，整體味道溫和，可以配杯濃味嘅飲品牛油果泥&煙三文魚配忌廉芝士 😋4/5牛油果泥&油封車厘茄配水牛芝士😋4/5 酸種麵包味道香濃，牛油果泥打綿密細滑加上松子，感覺清新健康，以三文魚、車厘茄配搭不同芝士，味道互補之餘又可以食到食材原味道👍我叫咗杯...flat white 😋4/5咖啡帶點果酸，味道香濃，奶啡比例剛好，拉花也不錯朋友叫咗杯...iced latte 😋3.5/5口感平衡，奶啡完美融合。小店用上不鏽鋼飲管，注重環保♻️值得一讚👍落order 時店員溫馨提示食物製作需時，會先提供咖啡。基本上食物及咖啡質素不錯，不過食物種類及細節仍有進步空間，希望小店繼續努力