Omotesando Koffee (已結業)

想試好耐終於食到了！一粒小小既蛋糕索價18大元真係有d貴喔，但質素果然很好😍😍。焦糖外層口感脆脆的又帶點甜，裏面係吉士，帶著軟綿綿既質感仲有蛋香😊。 才發現把它倒著拍了😣，太心急要吃的代價🙄

之前想試但總是很長人龍，很多人排隊。這次碰巧人不算多，排了一會就可點餐，很開心。叫了一杯 cold brew，味道不錯，果味很香。朋友那杯烘焙味較濃郁，正符合心水。下次可試試小食

一日之計在於晨，早餐食豐富一點，對我來說一頓豐富的已經夠讓我滿足一整天，放假天，起床已經差不多中午時間，既然今天有要事要在灣仔辦，就在此地找點好吃的吧，一直想去試試呢間日式咖啡店，柔和的燈光，簡約的設計風格，典型日本店的style? 呢間coffee shop 當然有咖啡喝之餘亦有蛋治，好評亦不少，我才去試呢！幸好今天是平日，位置很多，呢到係先order既，我叫左杯抹茶latte同蛋治,蛋治先取，latte後取，仲叫多左夠綠茶朱古力brownie,厚厚的蛋治實在太吸引，並排的排放，白色的面包很軟熟，塗抹了芥末醬，玉子好滑好軟，滑到一拎起就會好易掉下來，咁既醬配上玉子第一次食，幾特別至於杯latte係冇甜味，直頭得回甘味，綠茶粉份量十足，濃濃的，好有奶香，奶泡綿滑，入口順喉，拉花圖案好靚，一啖蛋治一口咖啡，再吃brownie, 甜度幾高，配上綠茶latte, balance番甜度，外面亦是脆脆的，入面有white chocolate chips, 好crunchy, 而且brownie不會太乾，不太嘈吵的咖啡店，很享受呢

作為咖啡控,唔去呢度真係對唔住自己,呢次我仲要星期六下午去真係好大膽.結果去到當然要排隊,不過呢度我要先同大家講聲,佢有2個排隊的部分.第一個係排門口買野食的隊,無論堂食定外賣,你都係要排o個條隊.買完先再到cafe內部再排隊搵位(就好似快餐店搵位咁=0=)呢度咖啡選擇都幾多,主要係黑咖啡,唔飲咖啡都有綠茶latte選擇~~~食物方面佢有抹茶brownie同芥末玉子三文治,我地2個都叫左~o係朋友搵位gei同時我就去左呢個正方"攤位"度拿咖啡,見到咁多試管,加上barister都著白袍真係好似實驗室咁,的確呢度沖咖啡就好似做飾演咁.唔同試管裡面有唔同產地的咖啡豆,佢地gei香氣同味道都有分別.barista會問你喜歡偏果味定豆味的咖啡,之後佢會推薦幾款比你揀,你揀好佢就會立刻沖.你鍾意可以睇住佢沖~~等待gei期間聞到D咖啡香感受埋呢度gei氣氛(雖然全部都係人)真係好舒服,大家都唔會好嘈,所以氣氛好好~~我已經忘記我杯咖啡係甚麼產地的豆,不過入口nuts味好突出,雖然苦,但未到飲唔到的程度~~值得小小咁品嘗至於朋友叫的latte就真係無敵,奶同咖啡比例相當完美,silky又soft~

我daytime 路過冇咩人wo... 就沖入去hehe.... 叫返過雞旦三文治同杯green tea latte嘆下先....雞旦三文治一盒得三件價錢偏貴但真的好好味D 旦厚切而且好滑加埋D 醬巧得！杯野飲飲到底拉花冇走樣

Coffee is mild, fruity and floral like most of the Japanese coffee. The egg sandwich is average. The jelly like filling, with a hint of wasabi is quite interesting but not my cup of tea. The overall quality is not bad, but given the relatively high price, I probably would not visit again.

由於第一次黎的時候時間太早無機會試到三文治多個月後的今日終於得閒去幫襯多一次,較岩時候下午十二幾左右黎到店來8成滿座，多數都係外國人，因為聽唔到廣東話今日之後真係唔明點解好多人都覺得好正，係咪比環境蒙蔽左個味覺之前飲過杯__熱__抺茶latte 印象係好好飲。今日咁熱空氣污染指數仲爆燈一定要飲返抺茶latte絕對要點凍飲唉⋯⋯⋯⋯一日既第一餐好與壞，係好影響心情成餐第一啖就飲我杯抺茶latte ,嘩⋯⋯⋯出聲，大佬飲水呀？綠茶味淡到剩飲奶一樣，跟住係覺得自己飲緊啲熔左的冰果啲水咁真係好灰，但好貴一杯都要飲曬佢，乾杯另外仲點最出名的蛋三文治Iced mocha ,仲有洋蔥茄汁牛肉飯期待左好耐的蛋三文治，付完款由收銀員即時比你個飯就要等10分鐘左右，呢個時候搵個坐個靚位啦先講蛋三文治，口感係玉子蛋又似滑滑蒸水蛋，味道就全靠個有啲啲wasabi的醬，面包係超普通的方包，唔計口感個人更愛港式蛋治。個人覺得個飯就真係普通到極點，無驚喜但黎到又肚餓無計，點個飯試下就係咁，一天的開始敗於此

同朋友行開灣仔，知道呢度有一間嚟自日本東京嘅cafe,唔想飲連鎖店咖啡，就入嚟試下，因為日本咖啡都幾出名。我叫咗杯mocha,星期六呢度都幾多人，都等咗幾耐，杯咖啡我就覺得冇乜特別，要50幾蚊好似不太值得，而且坐得唔係咁舒服，可能太多人太嘈，令我有啲偏見。

好耐冇寫食評，因為近排好少去食好西😂😂好！開場白唔講咁多，開始喇～～入到去間店鋪好特別，設計簡單，所有職員都著白色袍，唔知係唔係想有種professional的感覺呢？尼個位好特別呀！請望一望右手邊的test tube其實係莊咖啡豆架終於可以食到超厚玉子三文治了我係第一次食咋，起初以為好似港式果d厚蛋三文治啦！一咬落去，原來好滑啊！入面有芥末的味道，但眼見唔到，可能係放左係雞蛋入面啩！另外，作為咖啡精的我，當然要試埋佢個招牌咖啡啦！杯咖啡都幾好，最衰太多人冇位坐，冇得漫漫嘆👉🏻👈🏻

不少人都會黎到利東街潮聖人氣咖啡店”Omotesando Koffee”餐廳設計風格走和式路線，全店木調簡約設計日本開過來既咖啡店，對烘焙咖啡豆相當嚴謹客人可以自己選擇咖啡豆的烘焙程度，因應各人口味每位專業咖啡師沖咖啡的手藝總令顧客讚歎 -------招牌蛋三文治 🥚EGG SANDWICH ($58)用方形盒子盛載著蛋三文治別小看它份量小小，吃起來會好飽肚中間既玉子相當具份量，超厚的兩邊麵包都有少少既芥末醬一口咬落去，玊子超滑，就像會即刻融化在口裡後帶點辣，和玉子融和在一起，這個配搭一絕！--------Hot Cappuccino ($42) &Iced Mocha ($58)Hot Cappuccino用上02 medium roasted 烘焙程度既咖啡豆沖出來的咖啡很醇厚滑溜，奶泡幼滑，每方面都做得很平衡心心拉花簡潔俐落，十分喜歡這杯咖啡 Iced Mocha與平時飲的凍咖啡有點分別，雖然是凍，但沒有減少了咖啡豆的香加上朱古力醬，口感比一般凍咖啡幼滑！

即使還未踏入這間咖啡店, 但一看裝潢和感覺就知道這是一間日式咖啡專門店。原來這是東京有名的咖啡店第一間海外分店, 之前行過幾次已經很想試試。這天難得在週末的下午經過, 剛好可讓我飲杯咖啡抖一抖。炎夏裏躲在室內飲凍飲真是非常愉快。走進COFFEE SHOP 空間感十足, 裝修簡約自然。看見有不少咖啡選擇又開始令我的選擇困難症發作了。最後還是點了杯ICED MOCHA。看着咖啡師先在杯裏加上朱古力漿, 以條紋作花, 讓我再次感到日本人對食物的執著。不但要味道好可, 還十分著重賣相。咖啡豆經炭燒烘焙, 多了一份淡淡的烤香, 味道帶甘不帶酸, 是我喜愛的口味。配上了鮮忌廉就更加滑口, 而朱古力漿亦不會過甜, 整杯MOCHA 味道配合得很好, 不會朱古力味過重。雖然這兒的咖啡比連鎖店的價格再高少少, 但得到了多一份寧靜閒適, 和更高質的咖啡, 值得一試。

聽說這家日本表參道名店來港好久，一直沒特別跑去試，那天下午有事前往灣仔，出發前看看地圖那附近有甚麼好吃，見到這咖啡店的蛋治的照片就決定衝去吃了。超簡約線條的店面，跟這一帶五光十色的氣氛完全不同，感覺更像位處中、上環半山小店。店內有1.5層，外帶和內用的咖啡在兩個不同的格子內沖調。咖啡師在立方盒子內工作，將單子給他後，迎來問題：想要nutty還是fruity？這刻才醒覺我喜歡吃果仁應該喝果仁味重的咖啡，而非帶酸的水果，恍然大悟的一剎。三明治的辣味略搶，但實在好滑，布丁口感，一下子順喉而下，咖啡也好喝。INFOOmotesando Koffee Hong Kong地址：灣仔皇后大道東200號利東街G24-25號舖電話：2601 3323營業時間：08:00 - 20:00 (星期一至五)、 09:00 - 21:00 (星期六及日)

據聞周末到訪都有機會排長龍，是日放假特地來到利東街食個晏早餐。甫到店門口，白色的水泥檣低調的寫上店名小字Omotesando Koffee，已經成為一個熱門「打卡位」。一入去見到counter有咖啡師在沖咖啡，好似一幅識郁嘅畫咁。藝術+文青值高!對於馳名的egg sandwich非常滿心期待，必食之選。落單後，店員從收銀機下面的櫃(?)拿出一份蛋三文治給我。紙盒藏著三件放置整齊的蛋三文治，對患有強迫症的人(我)來說是有一份安慰。玉子(以它的外表來說，比起用蛋更為貼切吧)看上去毫無瑕疵，沒有氣泡沒有燶邊，實心的一磚奶黃色，驟眼看真以為是一片厚牛油。一口咬下，玉子滑如布丁，味道竟然驚喜地由白麵包兩邊的mustard帶出，微微的辣滲出點點刺激，確實有畫龍點睛之效果!另外點了一杯Matcha latte，轉到樓上由咖啡師即沖，咖啡師細心問道甜度，我堅決選擇「無糖」。不到數分鐘，拉好花的熱Matcha latte到手，那種青草綠色比日常的顯得鮮翠，而我的選擇是沒錯，沒有被糖分影響之下，抹茶的苦澀味很出，但我喜歡。加上淡淡的奶香使質感幼滑，堪稱在眾多我嚐過的Matcha latte之中最合我口味的

同朋友食完中菜,爭一杯咖啡打完場, 經過這間,簡約設計的咖啡店 ,見日藉咖啡師純熟的手法同埋嗰部成架洗衣機咁大的咖啡機,被 吸引入店, 點了他們的 signature "Koffee", 杯的分量比一般連鎖咖啡店的細杯, 貫徹日式style貴精不貴多, 一飲入口即刻諗番起喺東京讀書時,冬天嗰杯清香咖啡, 味道完全一樣 ,竟然喺香港搵到咁正宗的日式咖啡, 非常興奮! 如果飲慣意大利咖啡的人,可能唔鍾意日式㗎啡的淡口味, 但如果喜歡喝茶的朋友 ,相信會比較欣賞日式咖啡, 有如茶葉茶香的淡淡回甘口味, 比較細膩

Nice Japanese cafe for a quick break. The cold brewed coffee was good , I can feel the oil from the beans . Iced Americano is average I prefer cold brewed . The table beside me had egg sandwich, the egg was at least one inch thick . I will be try the sandwich next time.for such a cafe, they have had to Elevator , very handicaps friendly