Omotesando Koffee (已結業)

週末的早上人潮都較少，我都愛到囍帖街的omotesando koffee食個豐富早餐，享受一刻的寧靜。一如以往叫了egg sandwich 配iced cappuccino。egg sandwich我覺得是必吃之物，唔好以為只係普通蛋治咁簡單。呢到的蛋非常滑但又不散，配上淡淡的芥末，開胃十足，一個人食哂3件完全唔係問題。邊食邊呷一啖cappuccino，蛋香咖啡香，彷彿回到了那天的表參道。

利東街咁靚，當然要帶女朋友黎行下，幫佢影下女神相，打下卡。行行下女朋友話想飲咖啡，我就貪就腳同佢黎呢間Omotesando koffee。呢度成日都排長龍，今日竟然無，啱晒。我叫左個Ethiopia coffee bean嘅handdrip比佢，仲加多粒kashi。kashi係日本嘅果子，我覺得好好食，好似caramel+custard嘅味，但女朋友就話佢太甜。Hand drip 就幾正，有濃濃果香，微甜，後有甘香。

這是一間由日本過江龍來到香港開的咖啡小店，我朋友提議想試吓這間店舖品嚐高品質的咖啡。這間店舖位於利東街，一入到這間鋪頭，從裝修上能夠看到日本人對咖啡的執着，因為會有一個corner專是由咖啡師沖咖啡，而職員是穿着上實驗室的袍來沖咖啡感覺真的很專業，同時亦擺放了不同品種的咖啡豆作為裝飾之用，難怪有很多人來到這店品嚐高品質的咖啡。我朋友叫了iced cappuccino（$55），而我就叫Cafe mocha ($52)，之後我哋仲share一個三文治 B.L.T sandwich ~坐定定在座位上，大約等了大約10分鐘左右，看着咖啡者沖咖啡，食物終於到手了。外型整得很精緻。lced cappuccino & Cafe mocha，我就覺得很重奶味但是咖啡味未必太濃郁，所以如果是很想品嚐濃郁的咖啡，這款未必得到太高分。三文治就比較普通，而價錢方便比較貴，未必太抵食！

當年既囍帖街經過多年洗禮後成為宜家充滿歐陸美既利東街早前有幾個朋友都同我介紹呢間日系過江龍咖啡趁今日搵朋友前有啲空檔就去朝下聖一入到去第一感覺已經覺得環境唔差雖然幫襯既人都無少但一啲壓迫感都無, 好舒服由於比較趕急既關係我直接叫左杯Cafe Latte見到日本師傅既用心制作已經加哂分最後仲要拉哂花自己都忍唔住叫佢放底俾影張咖啡寫真加埋秉承左日本食店既優良文化店員有禮之餘咖啡師見有客人出入都會打招呼5分鐘的等待, 迎來一杯熱騰騰的香滑LATTE, 絕對值得下次再黎試下個蛋治先

我在灣仔區做野個陣, 有時忙的關係, 都愛吃Fast Lunch, 因為快捷方便, 最重要是中午嘆杯coffee, 叫人感覺暢快! 這店是日本品牌咖啡店, 價錢不便宜啊!之前都試過下d coffee, 上次叫左杯Hand drip koffee, 手沖咖啡都好香濃, 但濃味餘韻細緻不足, 唔知係咪我唔太識欣賞啦，但呢個不是我喝過最好的，感覺不太值這個價錢，飲番連鎖個D可能仲好飲。lunch 我就點了芥苿蛋黃醬蛋三文治,拎黎醫下肚 ,d 蛋凍所以蛋味不濃, 芥茉跟蛋黃醬味唔太match, 包都幾鬆軟,吃落好軟綿, 呢次fast lunch 水準好普通, 價錢貴吧。

同朋友食完飯，大家想坐下飲杯咖啡行下行下，朋友建議不如入去試下，就係咁樣入左去叫左杯 iced cafe latte環境係舒適嘅，不過咖啡價錢偏貴，而且無乜特別普普通通當飲杯咖啡咁，可以有其他選擇Iced cafe latte ($50)

喺一個星期日嘅早上，剛好去灣仔附近，所以就到訪飲杯靚啡輕鬆下。其實都已經唔係第一次黎（幾個月前），不過今次再臨，咖啡質素、氣氛都keep到水準。而吧中亦有日籍咖啡師駐場，可見仍重視細節。今次同朋友飲左一凍一熱嘅Mocha，豆方面佢地用左京都小川咖啡，朱古力味有訂企之餘，亦可以飲得出咖香，相當順喉又唔會太甜。仲有叫左的骰嘅正方形焗Kashi，主要材料有麵粉、蛋、糖，內裏味道好似焦糖燉蛋咁軟腍腍，外面就焗到好似Canele果種感覺，少少焦香味配番hand drip嘅烘焙味，感覺特別日式。

幾乎每次去親灣仔，我都一定會去呢間咖啡店。佢呢度嘅手沖咖啡的確令我回頭數次。Ice drip用咗Ethiopia coffee bean, 飲落果酸味會比較重，味道濃郁，而唔係nutty嘅感覺。呢隻咖啡嘅回甘好強，味道會徘徊喺口腔一段長嘅時間。加埋我最鍾意食嘅日式果子kashi，外層有caramelised嘅焦甜，裏面有吉士嘅香味，外脆內軟，真係可以一次過食十舊！

今日經開灣仔，順便梗係要去下利東街，感受一下節日氣氛啦。嗰度嘅聖誕佈置已經做好7788 ,好多情侶都特登過嚟影相。而我就梗係要去本身係表參道好出名嘅咖啡店，飲番一杯靚咖啡先。叫咗一杯Hand drip coffee, 用咗來自Ethiopia嘅咖啡豆，佢嘅咖啡味係偏向果酸味重，如果唔鍾意酸酸地嘅咖啡嘅人，就唔係好啱你口味啦。之後仲叫咗一個日本好常見嘅小果子 — kashi。呢舊細細舊嘅果子真係巴之閉，買成＄18一粒，但我何嘗又唔係乖乖um荷包即刻買黎食呢？佢嘅外層有好濃嘅焦糖香味，硬硬地，入面就相對煙煙銀銀，有吉士嘅味道。呢粒野真係一食就上癮，用嚟送咖啡就啱啱好。

［充滿咖啡之香］想品嚐好飲又正宗的咖啡香港有很多，而這一家是我會向黎港遊玩的旅客推薦的店之一，不但可以在香港飲到日本地道的咖啡，連小飲都特別。餐牌簡約而清晰。室內是一層半設計，下層是先賣單，蛋治也在付帳處直接買。然後再上去攞咖啡，咖啡是即冲，所以店內充積一股很香的咖啡味芥末蛋三文治蛋非常滑，而芥末味道不重，不會搶了蛋的味道一盒有三份，適合一個或两個人食裝潢很日式，空間感更是一流。蛋的厚底一口食落去有一種幸福感Iced cafe latte配蛋治門口絕對可以影相厄like

某日下著微微細雨，灣仔街頭漫無目的既遊走，不覺間黎到左呢條附有歷史色彩既「利東街」，歐式建築但比我覺得 好似去左澳門咁姐，咁黎到就去下打卡勝地Omotesando koffee上網先知原佢係間位於表參道既一間咖啡店仲曾被《TimeOut》選為「東京最佳咖啡店」 , 店面比人一種時髦既感覺再加上木系既裝潢食野除左食物裝修都好重要，呢到既裝修就幾好味啦，唔怪得成為打卡勝地啦 。每個人都為不同既目的黎到飲番杯☕️最後叫左杯green tea latte,味道已經忘記，只記得係微雨下店面帶比人溫暖既感覺。一杯咖啡既時間，有人放鬆一下心情有人回想過去，計劃將來，唔通呢間就係每個人心入面既「䌫車之行」...

是日慶祝尖子生日, 來過1 day 美食trip. 第二站的下午茶時間, 來到Omotesando koffee. 被timeout選中為東京最佳咖啡店, 筆者想試很久了. 週年下午四時到達, 限量的egg sandwich 竟然還有最後數件, lucky! 點選了egg sandwich(HK$58), matcha latte (hot)(HK$42). Order 了之後則到二樓等候座位. 店內地方很大, 全木的設計, 給人柔和的感覺, 亦好像置身在日本, 很relaxing. 地方雖大, 但座位不多, 也等了一會才有座位, 要有點耐性啊! 傳說中的egg sandwich, 蛋真的很厚切, Wow!! 試一口, 原來不是熱食來的, 是凍食的. 蛋的口感真的很嫩滑, 這個玉子真的可以稱霸, 蛋味也很香甜, 但三文治的皮太普通了, 只是用上普通的白方包, 內裏不知為何竟然有微微的wasabi味, 味道因此有點微辣, 有點畫蛇添足. matcha latte, 這個名字跟好友討論了一番, 為何沒有咖啡也可叫latte? 哈哈, 很有趣的議題. 試一口, 綠茶味非常香濃, 奶泡也打得

前排喺IG見到一連十幾個post都係啲囡囡喺呢間野一手拎住咖啡一手拎住個蛋治扮chill再加幾廿個hashtag ，令到與世隔絕嘅木嘴不勝其煩之餘，但又好犯賤地有些微興趣想黎見下呢間野既盧山真面目。今次咁啱去開附近，就決定入去一試睇下點解咁巴閉。木嘴喺平日既4點幾黎到，呢個時間黎講間野都算幾多人，差唔多坐滿。再望一望個環境，木嘴以為自己去左自修室，氣氛偏靜，基本上個個都只係望住自己杯咖啡，或者用手機代眼望住D食物，仿如進入無人之境，你心中無我，我心中無你。當然，文青既野木嘴識條鐵，決定唔再望住呢個自修室，搵搵個menu落單先。搵左一輪，先至發現要去到收銀前面先有得睇，木嘴又唔想企係收銀面前睇咁耐阻頭阻勢，所以都無乜點睇佢到底有啲咩揀，決定就咁叫左杯最常飲既Latte。初時仲諗住一試港女為之瘋狂既蛋治，但望一望價錢，$5x食個蛋治，嘩鑲金嫁？實在有違木嘴既常識觀念，都係返屋企叫阿媽整俾我算，最後淨係叫左杯飲咖啡。間野分開左兩層，原來下層只係用黎落單，落完單要行上上層先再交張單比barista ，個設計確實係幾有空間感既。拎住杯Latte坐低，偷瞄到對面位人兄食緊個鑲金蛋治，原來一盒有三大

旅遊時總愛光顧精緻的咖啡店，尤其在日本，一來可欣賞裝潢設計，二來咖啡總有驚喜，這間2016年才登陸香港的精緻咖啡店，本店在表參道（但據說已結業），在國外開設不少分店。這天到利東街店品嘗一下～店面設計簡約富空間感，全採用木製傢俬，椅子可收納於桌子底下，感覺舒適潔淨。除了咖啡，有提供少量食物，包括較人氣的「厚蛋治」，聽說是香港限定。一份厚蛋治有3件，用紙盒盛載。雞蛋味很濃而香滑，帶少許芥辣味，口感滑得像吃著咸味雞蛋布丁般，看過介紹說是雞蛋混合了蛋黃醬。雞蛋層頗厚，但份量不大，原以為足夠三人分享，真是想太多了另外點了一份BLT,也是日本咖啡店常見Menu, 這份BLT 看來比蛋治更單薄只有一小片蕃茄、一小塊生菜和一片煙肉，煙肉煎得香脆較厚身，有驚喜的美味，只是賣$58 有點Over-priced。來咖啡店當然要試一下即磨咖啡，分別是Cappuccino, matcha latte 和Cafe Latte，Regular size 當中Cappuccino 的拉花最美！Cafe Latte的拉花是變形版而味道倒沒令人失望，平常已喝慣手磨新鮮咖啡，對咖啡有一點要求。這杯Cafe Latte奶味不

After doing some shopping with my mum, I decided to take her to see the moon before going home. She was quite impressed. I was a bit thirsty so I suggested to have a cup of coffee at omotesando and I ordered a tamago sandwich for my mum. The iced mocha was ready not long after we found two seats. I let my mum try first because she has special tooth against coffee and I was right, she found it too milky......... I thought it was ok and had strong caffeine flavour which I love. After mixing it wel