Oliver's Super Sandwiches (新城市廣場三期)

营业中

休息中

夜晚喺沙田去咗Super sandwiches食咗個簡便晚餐，驟眼望冇咩人，因為好耐冇食所以就試吓自己叫咗個雙拼扁意粉，汁又少意粉又乾又唔夠熱賣相都非常之唔吸引，值得欣慰嘅係佢俾埋相睇起黎好食；雜菜湯屬於正常水準。因為知道會唔夠食所以仲嗌左個費城牛肉芝士焗薯，同意粉一樣都係凍嘅，除咗芝士同沙律醬之外全部野都係冇味😥朋友就嗌咗個肉醬千層麵，呢個反而比較有驚喜，因為佢係熱嘅，再加上佢肉醬好惹味同薯條好夾，屬於滿意之作😄

之前試咗一次，今日決定再比多次機會。 咁既開頭，好明顯就係失望之作啦。 先講落單，之前好冇禮貌既經理（可能係佢個人風格，但咁既態度，真係🤦‍♀️）我問自選個餐可唔可以改魚柳，正常既會答我「唔好意思呀，唔可以，或者試魚柳個隻餐呀」或者 「魚柳要加錢」，但她回應係「唔可以」。 坐位方面，雖然有膠板，依足政府要求，但似乎太迫啦， 其本上出入都要側身外，坐滿既，巴士企位都闊過佢。食物方面，炒蛋係又乾又細份， 以前我最鐘意法蘭克福腸，可能成本貴轉咗芝士腸同早餐腸，但係兩隻我都試過唔好食。 其實佢不如試下某類食食材貴1-2蚊， 唔好多過3蚊， 我覺得咁係可行。 宜x 既熱狗腸成本都唔係貴好多呀。唯一可讚係送餐個位女士， 佢做咗好耐，以前係新城市地下店時，佢已經係度。 即使送餐或收餐都係保持微笑。 沙田咁多早餐選擇，佢再係咁既level, 真係日日蝕。 而家係要做香港人生意，希望會尊重返香港人口味同服務啦。

好耐冇去沙田喇湊住3個小朋友...行到攰攰地來搵地方食下野休息下咁岩見到Oliver’s Super Sandwiches地方夠大 環境唔錯 下午茶時間有空位二話不說入去坐低啦叫左4個餐 下午茶包熱茶或者coffee其他飲品都要加錢炸魚🐟薯條🍟炸魚同薯條都熱辣辣 炸魚唔會一陣雪藏味 雞扒漢堡🍔配薯條🍟雞扒脆口 咬落唔會勁多油 南瓜薄餅🌮南瓜比較大粒 有少少硬配埋粟米同醬 食落都唔錯既雞翼薯球洋蔥圈雞翼入味 咬落口感比較硬身薯球好油 但味道甜甜的 好味洋蔥圈都好味

夜晚係沙田新城市廣場行完街，就諗住搵野食，點知周圍都排晒長龍，咁岩見到supersandwich 有好多空位，一於就揀呢間。自助機自助落單，揀左個三文治同意粉，埋單個陣部機壞壞地，叫極啲店員都扮睇唔到，態度都幾差。自己搵位坐低後，等部機響會自動送餐，呢個服務唔錯，公司三文治大大塊，睇落吸引，食落都okay,好飽肚。另一個意粉，好creamy, 可以另加芝士粉，三文魚份量都幾多，扁意粉較少見，硬度煮得剛好。餐湯黑松露蘑菇湯好香濃～～

Tea Set有成12款，只有一款係賣晒都可以接受，每隔兩三日嚟一次食都唔過分。叫左T12,意粉配湯$62，一細兜肉醬意粉，或者白汁三文魚蜆肉意粉。三文魚意粉好好通通，鹹鹹地，但係如果大啲就好啦。酥皮湯酥皮夠厚，浸湯嘅話好食！至於豆奶，味道幾特別，唔同維他奶同埋豆漿，係真係西式口味嘅豆奶～雞翼，$12有兩隻，下次應該唔再叫，因為比較細同埋有啲乾。玫瑰花味奶茶，只不過係加咗玫瑰花糖漿，冇乜特別，味道一般。

🔸挪威煙三文魚·蜆肉扁意粉配刁草忌廉汁🔹挪威煙三文魚·蜆肉·刁草忌廉汁拼肉醬扁意粉🔸蜜糖雞翼忌廉湯好熱，多蘑菇碎，飲落唔差，但有啲鹹。兩份意粉嘅餸都唔多，但蜆肉都算大粒有口感，唔錯嘅，意粉醬分別似一pat白汁同一pat白汁加肉醬，而且意粉係凍嘅，靠啲汁撈均先暖暖地，加上啲汁較「杰」，意粉份量唔多都好快「濟」。蜜糖雞翼，價錢都ok，但雞翼係凍嘅，蜜糖味唔出。今次失望主要係嘢食都唔夠熱，相信暖嘅話就會幾食啲。

新城市廣場三期新裝修後感覺咗闊落咗， Super Sandwiches 亦係三期開張，見到當日唔係太多人等， 就入去試一試。 都好方便， 可以去cashier點餐或者自助售賣機都得。我同朋友就叫咗一個焗薯，同埋一份三文治， 外加薯條小食一份。 焗薯配上沙律， 味道不錯。三文治餡料很多， 共有三層，有肉有菜， 食完真係會十分之飽！味道還可以， 沒有什麼特別驚喜。 至於小食芝士肉醬薯條， 就令我覺得有啲失望， 薯條唔脆， 軟淋淋的， 只係靠芝士同肉醬味道搭救。

細個開始就好鍾意食呢度既焗薯🥔同忌廉蘑菇湯所以大約一年(?)前新城市間super sandwiches突然之間執左有d唔開心👉🏼👈🏼最近路過新城市見到佢喺3期既open area開番 所以試試😬G13. 🥑牛油果•墨西哥牛油果醬•車打芝士•松子仁配香草包 +忌廉粟米湯($79)牛油果🥑既份量有驚喜 芝士下面仲有牛油果醬 所以滿足到牛油果控!G4. 黑松露牛肝菌忌廉蘑菇🍄扁意粉($64)意粉就失色左少少 胡椒/黑椒味好重啊 完全地蓋過左黑松露既味道😟後記🌟因為實在太掛住有好多蘑菇碎既忌廉蘑菇湯 所以點餐前買過店員今日係咪湯 店員話係粟米蘑菇湯 我開心左一陣 不過飲個陣發現 其實只係普通粟米湯 店員講多左「蘑菇」兩隻字😟另外 食完先後知後覺oliver’s屬於某大集團既然以前既味道已經搵唔番 加上呢段艱難時期應該支持真正支持自己既屋企既餐廳 特別係小店 所以 拜拜喇👋🏽 利華超級三文治🥪

沙田新城市新開Super Sandwiches, 執左一段時間好耐都無食，見到大排長龍，咁啱有張$25coupon即刻試試。揀左一份三文魚焗薯$56+super combo有蘑菇湯或雜菜湯可選擇，碎蛋牛角包🥐，凱撒沙律，即磨咖啡=$76。價錢算合理，另外我怕唔飽再加$15要一份芝士肉醬薯條🍟總共$91-$25coupon後，只需要$66-超值！整體而言，蘑菇湯夠熱飲完成身暖晒，不過好飽；焗薯之三文魚份量好小，真係淨食薯仔，下次唔會再食；即磨咖啡唔太好飲。芝士肉醬薯條好好味，凱撒沙律都唔錯，最後抱住個肚走😛