Oliver's Super Sandwiches (新城市廣場三期)

营业中

休息中

好耐未食過super sandwiches ,因為記得之前食意粉🍝覺得退步左，所以一直都無揀佢嚟食點知前幾日同媽咪行街，想食小小野，就諗起佢既焗薯我揀左蛋沙律焗薯加沙律，配多杯咖啡食左又唔錯喎，個焗薯幾香同夠熱啊，份量加埋沙律🥗啱啱好，不過男仔一定唔夠飽我諗要加多個牛角包🥐先得價錢$6x一份，我覺得都唔算太貴，得閒食下都唔錯

呢一日做完嘢喺沙田食諗緊食啲乜嘢好，由於而家減緊肥所以唔想食白飯，見到有焗薯就走過去睇吓，都有好耐冇食過啦，依家啲焗薯花款冇以前咁多，同埋可能因為午市關係所以佢就將款式定係其中幾款，另外仲有意粉同埋三文治可以選擇，對於唔鍾意食飯嘅人來講食焗薯呢啲優質澱粉質都唔錯，飽肚得來又唔會太肥，午市套餐揀咗一個焗薯本身已經有沙律，另外我再加多左兩隻蜜糖雞翼，嘢飲就揀咗餐湯蘑菇忌廉湯，見今日天氣幾好 室內冷氣都幾凍，於是就揀咗外賣拎出去公園慢慢食，攞咗外賣之後行去中央公園大概5分鐘路程，搵到個位坐低就慢慢食，覺得咁樣比起喺商場食更加好，因為人流更加少，至於外賣嘅份量比起我同平時堂食都係差唔多。

今日我哋買咗兩份早餐，兩份都係吞拿魚多士乳酪餐，個多士上邊有吞拿魚醬同烚蛋，但係唔係熱嘅，都好好味，我哋都覺得OK，另外叫左兩杯莫卡 味道濃郁，朝頭早唔算太多人，坐喺嗰度食早餐都幾舒服

想不到這間Oliver super sandwiches超級三文治的分店，竟然只有一個讚好，但往往多人流甚多。這天本身想去大家樂不過原來大家樂現在很間搞，下午5:45就已經將下午茶下架，全部都變成燒味飯或是晚餐客飯。於是我就下午來這邊，看到奧利華超級三文治還有下午茶，而且是炸雞他他醬漢堡配薯條，於是便試一下。拿了嘟嘟機，坐在座位上，店員會端餐給你。看到那次在旁邊的那間台式食店，只是一塊玻璃之隔。薯條不夠熱燙，即使是方形的粗薯條，但是由於不夠熱，也吃到有少少乾涸的感覺。漢堡的麵包，不算烤到太脆，至少打開看看那一邊，只見到少許他他醬汁，沒有怎麼塗過牛油或是放在爐上烤過的感覺，幸好還有生菜以及蕃茄，有點兒汁醬，而且這塊炸雞，都算是夠厚身，亦都不太乾身，可能有現在麥當勞脆辣雞腿包那塊雞扒的兩倍那麼厚身而且的確富有不少肉汁，以炸雞漢堡來說，質素是相當不錯的。雖然下午茶價格都要將近$60 ，不過它的質素卻確實比麥當勞高出不少，而且又便宜過shake shack漢堡，因此這個下午茶其實也不算太差吧。佢最好係因為17:57仲比你落單叫下午茶，均真！

🔸午後公司三文治(全麥方包) $56可能因為係全麥方包，所以食落覺得好難食。每件三文治好似好似格硬塞咗好多材料喺入邊咁樣，加上麵包皮唔夠硬，啲餡一路食一路跌出嚟，所以食落有啲論盡。中間啲薯片有一啲脆有一啲腍咗。🔹炸魚薯條 $60個炸魚都幾脆，而啲魚都幾嫩滑。啲薯條好普通好似快餐店嗰啲薯條咁。🔸嫩雞胸香蒜忌廉汁長通粉 $77碟意粉完全唔熱，食咗幾條已經唔係幾想食，雖然有啲忌廉汁，但係食落去都覺得有啲乾。

見間野明顯係Sell 三文治，咁我就叫左個公司三文治試下三文治的確係幾大份，而且材料都多。不過我要罵既野都好多，首先佢比既刀叉完全無用，雙層三塊麥包你想一個普通市民點樣切？夾硬切只會令入面D料漏哂出黎。比刀叉完全唔知為乜，一D都唔細心。材料係多，但係你食落印象最深既只係凍既生菜芝士蕃茄，最特別係個芝士，根本就係岩岩係雪櫃拎出嚟就求其夾落去比人食。而且入面既肉毫無存在感，你唔仔細食都唔會食到煙肉同雞。個包係暖但係入面D料係凍，成個包比人感覺就係忽冷忽熱又無誠意。真係食到我好嬲連最基本既三文治都整唔好，希望而間野個名可以整走Sandwiches。太失望，唔會再食只會建議想打卡既人去食，想食三文治既你可以唔洗考慮

沙田Super Sandwich着黑衫嗰啲部長由我嚟到走嗰40分鐘都對住下屬呼呼喝喝， 我見全場得嗰兩個白衫待應做到忙到7彩，又執枱、送餐、清潔 ，但係班部長剩係識手指指自己又唔過嚟幫手，搞到我都無心機食飯。作為一間大集團餐廳，到底公司有無定時去每間分店巡查同監督員工? 部長自己都搞唔掂自己，仲有資格管下屬?我嗰晚食咗個黑松露芝士雞肉焗薯，收咗我成$55，味道普通，黑松露同雞肉得嗰兩三粒，完全唔直。我揀餐廳除咗考慮味道仲會考慮服務，我叫個白衫待應攞枝飲管畀我，佢攞到嚟返返過去個白衫待應竟然畀個黑衫部長鬧，叫佢做咩唔叫客人出去自助櫃度攞真係無諗過呢間餐廳唔畀員工提供extra服務畀客人!!!我唔會再考慮再幫襯Super Sandwich甚至大家樂集團其他餐廳，呢間嘢CP直又低，管理人員當員工狗也不如，連錢都唔捨得請人

見呢間餐晚市座無虛席，似乎好似都幾好食，就隨機咁入左試下自己點完餐之後會俾個感應器你放係枱面都特定位置，會有職員幫手送餐～經典公司三文治🥪三文治採用全麥方包，材料都幾豐富，偏乾身但味道都可以費城牛肉車打芝士焗薯🥔個人認為兩者味道非常唔夾⋯食落去有少少想嘔😭😭同埋啲焗薯唔夠熱⋯係偏硬既薯仔唔係薯蓉口感😕最後食左兩啖唔想再食😭作為配菜既牛角包同埋沙律都唔錯既⋯兩個餐都配有忌廉湯，但忌廉湯唔好飲⋯出面嘅罐頭湯更加香口⋯

唔知大家有冇試過好肚餓要去搵嘢食，但係冇幾耐又約咗人食飯唔可以食咁多呢？呢個情況食下啲輕量嘅主菜就最啱喇我就係薯仔同蕃茄嘅狂迷嚟嘅，所以當我見到蕃茄雞肉芝士焗薯嘅時候，毫無猶豫就叫咗呢個餐嚟食喇個份量真係啱啱好呀，食完即刻有飽足感但係又唔會過飽，隔咗兩三個鐘之後食下一餐都冇問題，當然味道都係相當不錯啦

这里的员工的素质有待提高，他们会乱吼乱叫对其他员工，并且态度非常差，看着和听着都让人心里感觉不舒服，希望人事部可以提高下员工的仪容仪表，和基本的服务礼仪，并且希望每个员工在做事情的时候可以秉承着心平气和的态度，员工之间的对话可以让餐厅的氛围看着更加的和谐，而不是急躁，和愤怒，希望人事部可以加强这方面的管理，并且提高员工在这方面的认识，相信如果这方面得到改进，餐厅的未来会更加的美好，希望我的建议人事部可以进行积极的调整，谢谢

好無奈之下食藍店，但係好耐無食過焗薯，所以都係食左本來我唔係叫吞拿魚，係叫左費城牛肉，但係佢落單果時應該落錯左。既然無扣錢，決定硬食。黎到時侯，發現吞拿魚仲吸引過老友個費城牛肉，D肉乾曬，無賣相，我食左舊，仲要好咸吞拿魚就不過不失啦，醬汁唔會太酸，都算好食。沙律菜就少左D咯。。。

其實今次係想讚下佢地既飲品，呢排多左去呢間坐，坐低買杯野飲可以做下野，都唔錯一向有焗薯癮嘅我其實間唔時都會幫襯下呢間呢排發現佢哋嘅朱古力同埋焦糖玫瑰咖啡都幾好飲，所以就幫襯多咗不過唔知係咪太多人，通常都要等好耐，起碼要等三四個字以上， 希望佢哋可以改善下啦

今日中午去了西餐廳吃， Oliver's Super Sandwiches。雖然店鋪名叫sandwiches 但係我要咗炸魚意粉，我覺得好好味同好好食 ，三嚿魚柳燒得外脆內軟 ，好入味 配上軟淋適中嘅意粉 ，仲有三片香葉 ，令碟意粉顯得好清新。

一直都對 Oliver's 嘅焗薯有情意結，響舊鋪位差不多次次都要食，直至關閉，以為它退出新城市，失望咗好耐，唯有去第二間分店食，但次數一定少咗。直到知道會響新城市三期開返，真係勁興奮！當然繼續支持焗薯 🤭 一開始嘅焗薯真係依然好食（如圖）仲連帶中埋千層麵嘅毒 😂但……好景不常……漸漸……焗薯只係暖嘅，上面嘅餡料好少量，伴碟嘅菜得幾片……最嚴重嘅係，試過千層麵面頭係暖，中間嘅粉條未熟 🤦‍♀️ 雖然有換過第二碟（第一時間拮開中間睇，終於熟嘅 🙄），但食慾真係大減。之後再去嘅意慾真係少咗……

店鋪內的食客亦不少，今天不知吃什麼好，最後外賣了一個午餐，有一個傳統意粉和一個熱湯。～卡邦尼意粉奶白色忌廉汁配了惹味的煙肉，吃起來又滑又有𡁻口。意粉是扁的那種，煙煙韌韌，掛上醬汁，味道適中。～忌廉蘑菇湯滑滑忌廉蘑菇湯是用杯載起，喝起來尚算方便。