Oliver's Super Sandwiches (已結業)

尋日行下又一城果幾間旗艦店....買完野就食呢間野..因為呢間唔係咁多分店好想食下,我叫左set dinner龍蝦仔肩意粉有湯再+6元特飲酒作樂熱蘆薈檸蜜)..=54元...等左成2個字先有野來.......個白湯..唔熱只係少少暖...味道ok...不過個龍蝦意粉..都唔知係龍蝦仔定魷魚..細細舊子子地色,一d都唔似係龍蝦仔...味道唔太ok....又涷冰冰冇味冇道.....意粉又涷又硬........................個特飲ok啦...正正常常一杯檸蜜+蘆薈粒粒--下次都唔想再來食...

昨晚與友人到amc 看電影，因時間關係，未容許到餐廳慢慢嘆，於是友人提議來這裡。要了一客煙三魚沙律焗薯，配蘑菇湯和凱撒沙律。不知何時，OLIVE 已由自助自拎，變成自買等人拎，可能真的太久沒來，有點不慣。幸而上菜速度也恰如其份地似快餐小店。焗薯︰沙律醬實在多得太過份，蓋過晒煙三文魚O既味道，搞到自己唔知沙律醬還是食焗薯。凱撒沙律︰不如有期望，但用普通生菜是否有點馬虎呢？DRESSING 應該是自家調校的，但味道太搶。湯︰好CREMAY，不過好溜，而且湯唔夠熱。$44 有焗薯、有湯、有沙律，在九龍塘也叫便宜。

本想食焗薯的，．但係諗諗下．已經過左８點．唔好食咁多．．．叫左個雞肉凱撒沙律ｗｉｔｈ　蘑菇湯，男朋友係食意粉加龍蝦湯，蘑菇湯根本似金寶，沙律不錯，但多左好多雞肉，下次我一定要食到焗薯！！！！

今次黎到super sandwiche叫左個O3 o既set~將個包轉左意式牛油軟包!的確好味個包烘過同埋幾鬆軟^^我唔中意食tomato走左~d egg salad真係好正呀>3<smoked salmon都唔錯~~不過得個一塊,唔夠喉呀><

今日又一個人解決晚餐了。我的口味真係十年如一日…我嚟這裡來來去去都係只食鹹牛肉焗薯、三文治！間唔中就意粉…咁佢的意粉又唔差~絕唔係只有三文治才見得人。其實十年前中學時已同ex成日去super sandwich求其一餐…當時我亦一樣去親必叫鹹牛焗薯或三文治。當時的焗薯與現在的味道亦沒太大分別。今餐的panini又係照舊火腿、蕃茄、芝士…烘過後一口咬落去很香脆~yummy！蕃茄烘完仍很juicy...>3<杯lily coffee合格！今餐收貨。

睇戲之前黎食晚餐,友人堅持要食super sandwich,所以一放工就集合一齊黎~宜家既menu好似完全同之前唔同晒,好似以前可以有公司三文治,或者可以揀其他料既,而家全部變晒set,好似少左選擇咁;其實一整份三文治對我講係多左少少,本來想揀半份三文治加凱撒沙律餐,不過只可以揀吞拿魚/蛋沙律/火腿,呢三樣都唔中意..所以唯有揀其他啦,最後決定要個蜜味火腿磨菇芝士panini,友人都係揀左呢個,要左個熱啡,朋友要羅宋湯;朋友有membership card,所以有九折;個飽烘得夠熱,好多餡,好中意佢好多菇,芝士都好味;食左半份都飽飽地,最後都係淨返1/4食唔晒;杯咖啡ok la,不過唔夠香,但係好過delifrance

自從三年前完成城大既課程, 已很夠沒有踏足此間superwiches 了!今早要來開會, 就在此處回味一番! 自助形式已改變, 現在是買了飛, 舒舒服服坐下便有人端上餐來!我選了一個輕型餐, $25 + $3, 選了蕃茄和炒蘑菇, 蕃茄可以切薄少少, 蘑菇味太濃, 聞落味道麻麻! 麵包我選了麥法包(另加$3), 細細件, 烘熱了, 乾乾的! 連飲品, 整個餐也很輕型, 食完好似無食, 仲幾貴!

太太不嬲好喜歡呢度嘅焗薯。今日有興致，就嚟個light lunch，因晚上要去Cafe Kool搏殺...蕃茄煙肉三文魚沙律牛油包，聽落唔多light wor..味道不俗...butter bread甜甜哋，正合口味，配上微酸嘅tomato及鹹嘅bacon，起着微妙嘅化學作用...Baked potato就係一般水準la..呢類速食，隔一排食吓，都唔錯ge..

以往經常光顧此店, 喜歡它的環境及夠free ,早餐可以自己選配, 站在食物櫃枱前拿齊食品及調味料、菓jam 、餐具等便可以付款! 但現在改了先付款, 由waitress 跟NO. 拿給你, 雖然也有set bk, 但沒有自選那么好, 好像我喜歡磨菇拼烟肉腸, 但現在磨茹只可以拼雞蛋...要了一個三拼早餐$26, 比以往貴20% waitress 拿著我的早餐走了數個圈才給我, 蛋和磨姑...已經不熱了, 也拿漏义子給我, 及要自已再到櫃枱取菓jam....等等, 吃完整個餐等了很久還未有餐飲, 見隔離枱比我遲來也吃完走了, 知道是漏單了, 再三call waitress 才有餐飲, 本來有40分鐘可以慢慢吃早餐, 現在連餐飲也要拿著走, 實在不是味兒!!!最大問題是waitress 經常拿著早餐進進出出對NO. 才可以給客人, 忙得面無表情, 到達客人面前早餐已經凍了, 二十多元一個早餐要吃凍雞蛋、凍肉...令人失望, 不會再來了.

不太忙碌的星期一，5:30pm已經準時放工了。趁有時間，來這裡慢慢吃個晚餐才返學。　是日感覺燥熱，故點了清淡吞拿魚三文治餐。食物是即叫即製，不過落單後有人捧餐，食客可以先行坐下，安排不錯。　三文治上檯，餡料飽滿得很，連吃兩件都相當填肚；味道沒有特別，主要以新鮮取勝。隨餐還有湯及飲品，湯是忌廉湯，小小的一杯幾濃郁好味，比delifrance的出品優勝不少，亦令整餐添上不少暖意。飲品就出問題了：見這裡標榜出售illy咖啡，即情不自禁點了一杯。味道當然香醇，不過飲完就更燥了，次日痱滋也發了出來...　除此之外，平均水準都ok的。

今次晚上跟女朋友吃, 我點了一個吞拿魚沙律焗薯, 女朋友點了一個煙三文魚PANINI!先說焗薯吧, 吞拿魚沙律的味道相當不錯, 沙律醬跟吞拿魚的味道非常配合, 一般來說三文魚可能較香, 但這次反而覺得吞拿魚較三文魚更佳! 而且吞拿魚跟焗薯的味道亦很「夾」!值得推介!!另外不得不提女友吃的PANINI, 先說PANINI本身, 加入了香草, 包本身有很清新的香草味, 另外除了煙三魚外, 還有碎蛋, 料算非常充足!愛吃PANINI的一定要試試!!

大大話話幫襯五年啦！由自已餐到而家送餐，咁既服務真係好過以前，皆因以前要自已既時候，要等好耐，又堆哂好多人個Counter前面，而家重好，搵位再等人送餐。食物方面，品質重keep得住，價錢係貴，但食完都覺得值。唔知點解每次見到打呔既經理成日都日都換人?咁樣會唔會令到間舖頭既服務同質素唔穩定呢?其實只係好奇咁問，事關以前做酒店時高層好緊張第一刻同客人接觸既時候，印象問題，而我每次去到時總會感受到酒店式既服務，禮貌既笑容加誠懇既態度，只係付出幾十蚊，就有咁既服務，心足啦！點解咁講？事關有時見到客都幾無理取，人午飯時間緊係忙架啦！見人上面走走去同你整Order，成頭汗，等得o個五分鐘，你估整定既咩？o個副咀臉難睇到呀！我係員工實駁佢呀！但係員工好似習慣哂咁，睇到都登佢辛苦。下次會食番早餐，因為好耐無幫襯啦！希望下次重可以保持咁既質素就最好。

這一陣子經常光顧Oliver's, 要知道在九龍塘, 食的選擇不算很多, 若想要吃casual一點選擇真的不多, 若想吃得「清清地」, 本人覺得Oliver's是本人比較喜歡的選擇!今次本人試了三文魚沙律焗薯, 簡單說即是三文魚醬焗薯!三文魚醬調味得很不錯, 三文魚味算濃郁, 咬落亦有點魚肉的質感!加上焗薯, 味道亦算配合, 而且吃起來不會太「漏」, 但本人仍覺得sour cream & 車打芝士為首選!但若怕sour cream的感覺及覺得車打芝士太「漏」, 不妨考慮這個三文魚沙律焗薯。下次再與大家分享!

今次就等我談談另一款焗薯吧!我今次吃的是車打芝士焗薯。今次的車打芝士焗薯沒令我失望, 車打芝士跟焗薯相當配合, 焗薯的熱力令車打芝士處於半溶狀態, 既有少少「咬口」之餘, 亦可吃到濃濃的芝士的香味, 而焗薯的味道本身較淡, 因此芝士配上焗薯則剛剛好, 不會太漏, 愛芝士的應該會愛上的!而且車打芝士焗薯本身售價較平, 算是焗薯中的既好味又便宜的作品, 愛芝士的不妨一試!下次再試其他焗薯!

今次就等我談談另一款焗薯吧!我今次吃的是ALL DAY BREAKFAST焗薯。煙肉, 蛋片加甜酸汁, 坦白說整體感覺不太好, 三者總有「各自為政」的感覺, 好像分開吃煙肉, 蛋等!最大問題是甜酸汁跟焗薯總有種格格不入之感!吃起來, 未能帶出焗薯的特質!下次再試其他焗薯!