影片
大前日（16-8-2025 Sat）傍晚，同老公饮完花斑茶社嘅四重开心果奶绿后，都要食个晚饭至睇戏，食咩呢？由于大家都唔太肚饿，就食啱啱行过，见到嘅饭团啦。我哋嚟到睇，饭团每个$12.00，亦有$33.00嘅饭团套餐，老公话，要一个套餐一齐食就够，于是坐低拣，我拣配两粒自家制猪肉丸𠮶个，而饭团我拣紫苏昆布，老公拣恶魔的饭团。买完飞，都等咗一段时间至有，睇见饭团size适中，喺冇留意相对饭团嘅相，我先食后面深色嘅饭团，呢个味道几浓但唔太咸，面头嘅饭有少少干，但整体都湿润。之后食前面浅色𠮶件，味道清淡得多，好重芝麻油味，原来呢个系恶魔的饭团，呢个口感都一样。最后食自家制猪肉丸，呢个外面有烧汁，食落口感松软，我好似食到薯仔，成个味道系外浓内清。环境：食用枱都几阔，但射灯啱啱射到应，觉得热。
继续阅读