影片
有次同老婆晌屋企附近行完转短山上石梨贝水塘，之后入咗Circle K打个转，初头谂住买啲嘢饮吓就算，再返屋企煮嘢食，但发现有啲即买即食嘅薄饼，咁就改改策略速食薄饼。呢间Circle K有少少特别，就喺里面有个烘焙厨房，不时都有新鲜出炉面包卖。而上述嘅薄饼，都喺晌店内焗制，可谓新鲜出炉。啲薄饼睇落唔错，又唔贵，故决定买个返去试吓。口味仲有好几款选择，如辣肉肠、夏威夷、烟肉蘑菇……店员话不时转款。此外，仲提供一啲鸡翼、鸡锤小食，亦都唔贵啊！最后，买咗一款薄饼，再加蛋挞，啲蛋挞一买就要4个，即喺两盒（每盒两个），既然喺两个装嘅包装，点解无两个两个咁买，试过之后明白点解。烧汁海鲜杂烩薄饼 $22拎到返屋企当然唔会热焫焫，所以，我哋都稍微放入焗炉烘番热少少。你见都算叫几多料，又加咗唔少芝士，唔会太hea，而厚身嘅批底咬落软熟，廿蚊货仔，真喺算唔错架，比起啲急冻就肯定好食好多，最紧要都方便嘛。蛋挞 $14 / 4个单卖一个标$5，比起周边嘅面包铺，唔喺平，佢哋喺包装好，每盒喺两个，所以，基本上无一个个咁卖，而买两个又好唔抵㖞，故此，大多数嘅人都被捆绑一买就4个。啲蛋挞望落真喺几靓仔，但味道真喺麻麻哋，唔喺难食，但无乜蛋香，反而有阵阵好重嘅奶粉味，总之，感觉有少少怪怪哋，幸而挞壳都脆，叫做还可以。之前都有试过佢哋啲面包，其实都几OK架，不过，今次嘅蛋挞真喺麻麻。
继续阅读
黑椒牛肉潜艇🐮🥖 $20睇个样真系同subway有几分相似🤣见佢咁平就买黎试吓😚呢个包足足有9吋长9️⃣内馅有好多片烧牛肉😍仲有好多芝士🧀叮番热黎食真系唔错🔥不过牛肉食落似干身少少嘅黑椒味火腿🧐芝士同平时𠮶啲片装芝士唔同 呢只相对冇咁咸淡味少少🤏🏻入面仲搽咗好多蜜糖芥末酱 可能因为咁搞到啲生菜好湿好腍~~同埋个味有啲浓🤭包包嘅口感系超级软熟 我自己唔太钟意🙈但系佢加咗啲芝麻同亚麻籽落去 食落有淡淡嘅香味😋以呢个价钱黎讲真系几抵食‼️仲记得细个屋企楼下有间subway😭好挂住佢💔
继续阅读