影片
以上资料只供参考，请与餐厅确认详情
天后一向都好少有静静倾偈嘅餐厅开到咁夜，又行过见到佢，所以就去试吓，好似题目咁讲其实我已经唔止去过一次！夜晚条街佢间舖头都几光，所以系几容易揾，有东岸公园经过，好快就行到。一般都会由天后地铁站行过嚟。唔好以为佢净系得饮嘢，其实佢都有嘢食，呢个系固定餐牌，如果你好彩嘅话𠮶日可能都会有厨师限定要留意佢都有截单时间太夜过嚟有机会冇得食，而且啲嘢食水准一啲都唔差，个厨师仲好年轻，一睇就知佢系少年厨神餐厅摆满不同嘅红白酒，有来自世界各地，听到老板同其他客人倾偈所有都由佢亲自挑选，同埋真系试过先会放喺度，每支都明码实价，仲偷听到佢其实每只款都唔系入好多，有啲真系饮完就冇！墙上面嘅都系同酒相关嘅设计佢有我最钟意食嘅芝士拼盘，系我每次嚟到嘅必点之选由于我每只芝士都钟意食，所以我就唔评论啦，拼盘入边会有一啲冇盐果仁同埋有味嘅梳打饼配搭。每次嚟到一啲芝士碎都唔会放过～呢个虽然份量唔系好多，但系非常适合送酒，同啲朋友谈吓心吹吓水，不知不觉就会食晒。系餐牌上面少有唔太西式嘅嘢。我嘅嘢食可作大家参考！呢个意粉是辣的，全店嘅意粉类型都系扁意粉类，对于唔系好识辣嘅我只系食到少少，味道ok，亦有茄汁味，但系唔会盖过咗整个意粉，适合配酒。当然相比之下卡邦尼意粉，对于我就好吸引，芝士味香浓，佢入边嘅肉属于较咸性质，有少少肥肉，但系捞埋一齐食唔过分。记住最好趁热食，都适合一大班朋友分享好快就清碟。本人其实唔系好食炸物，但系呢个菜式系朋友每次嚟到都必点嘅炸薯条，我哋试过肉酱同埋呢只有蛋黄嘅配合都好好食！钟意食炸嘢嘅朋友一定要叫，佢嘅幼薯条系有味薯条，亦都可以系重口味选择嘅嘢食配酒由于小编同有啲朋友都已经嚟过好多次，以下介绍一下一啲隐藏餐牌啦唔记得系美国定系澳洲嘅牛，但系厨师弟弟整得好好食，煮出嚟啱啱好唔会Over cook,当时系一台人share，牛上面有少少盐带起成个牛嘅味道，上面仲有酱俾你配搭。仲有一次食咗鹅肝多士，由于我哋系订咗位去，我哋都系去到先知有得食！虽然佢个鹅肝唔系好大件，但系佢个烤过加牛油嘅多士超级好食，鹅肝应该都有稍稍煎过，所以封住肉汁，蒜蓉包是很脆和很香的。由于喺度饮嘅红白酒已经好多，所以不能尽录。冇心水想饮咩嘅话可以揾店员帮手介绍吓，佢哋会根据你嘅口味去挑选，一般都系一支叫。唔想拣嘅话，佢都会有一款红同白俾你用杯计。老板系个好年轻嘅后生仔，虽然个样可能唔系好似～ 的确系天后少有嘅餐厅品种，有时平日经过都会见到有客人。加油
继续阅读
环境：店面比较细，但整体好安静，店内嘅人都系谈心居多，好适合同三五知己或者情侣系到饮下酒倾下计。酒类及食品：酒品主要系红酒同白酒，见到都有Gin Tonic系以一杯计，冰柜都有少量手工啤酒。冇试到店内嘅小食，选择都好多主要系用来𩠌酒。服务：应该系老板同老板娘，会推荐适合你嘅酒，由于店面唔算大，基本上都可以照顾到客人需要，推荐嘅酒都好好饮总结：天后/炮台山附近比较安静可以饮酒谈心嘅地方地理位置靠近东岸公园，如果有机会再经过会再去嘅一个铺头
继续阅读
朋友想聚会，咁啱比我发现天后有间wine bar地方唔系旺区所以比较难发现，仲要新开都仲未好多人，想安静倾计chill饮红酒🍷红酒种类都算多，老板个人都几健谈，仲坐低倾计饮左两杯，原来大部分既酒佢都试过好饮先入货，质素有信，唔知饮边款可以请教佢帮你选择.最有惊喜食物，因为wine bar 所以对食物期望不高，选择唔算多！我就一开始叫个cheese platter见$180仲有六款芝士都算平，最钟意系个炸猪大肠🤣老板话改名为‘荡气回肠’个sauce系自家调制好夹个大肠，好夹饮红酒.Sharing Platter有全份或者半份，我地四个人就叫全份入面有6款炸物，新鲜炸起好香口其实我见仲有几款都想试，但真系好饱，唯有留待下次啦🥲以后有多个饮酒聚既选择🥰
继续阅读
您可能会有兴趣的...