Odelice! (蘭杜街)

食法國餐呢個brand算抵，dinner set 2 appetizers + 2 Main 五百幾，包餐湯同小法包。覺得法式點心拼盤值得加錢食，另外香煎帶子配忌廉煮大葱就正正常常。吞拿魚他他、炸黑松露蘑菇球、番茄鹹醬、西班牙火腿、中間有爽脆法式小蘿蔔，清一清口腔再食其他更好味；最好味係迷你蛋批，蛋香ok細細件唔漏；Main course 嘅香橙油封鴨腿配蘆筍同燒薯粒，輕易離骨，雖然乾咗少少，但咸香入味，燒薯粒惹味。另一個Main，阿根廷安格斯牛脊肉配蘆筍、燒薯粒伴鴨肝砵酒醬汁，牛肉好嫩好淋，juicy，個汁好靚，砵酒香令個汁昇華，加錢都抵嘅。飲品方面，老婆飲嘅Frozen Strawberry Daiquiri由士多啤梨沙冰，有士多啤梨果茸，小紅莓汁，檸檬汁，糖漿mix出嚟。我鍾意飲soda多啲，飲左個菠蘿，西柚，小紅莓汁，薑味汽水mix出嚟嘅Punch Fruité。沙冰味道會較甜，兩杯味道都係酸酸甜甜。

好少見到有咁溫柔又有禮貌既飲食業同事牛面肉好好味 又淋又入味仲要好滑最後mango crepes 無哂芒果 補上士多啤梨🍓貼心 可見㕑師用心 而不是單單沒有就沒有☺️下次會再黎！

今日星期天約咗朋友去灣仔食早午餐，聽講呢間法國餐廳評價很高，所以特地走去試試。➰ 西班牙白毛豬火腿呢碟火腿好大碟，薄切火腿片夠咸香又好细腻，配埋酸青瓜，更可增添口感。➰ 炸黑松露蘑菇球口感外酥里嫩，還充滿濃郁嘅黑松露香氣和鮮美嘅磨菇的味道。➰ 生牛肉他他生牛肉嘅肉質和脂肪比例適中，口感有嚼勁又不失滑嫩，層次感豐富，而且牛肉他他入面更搭配咗有點辛辣嘅芫荽，進一步豐富咗口感。➰ 黑松露鴨肝鍋鸭肝好嫩滑，而且煎到外層有點微焦，令人垂涎欲滴，而且更配有兩隻太陽蛋加埋墊底充滿咗鴨油香味和松露氣味嘅薯仔粒，令到口感和層次大增。➰ 香橙油封鴨腿鴨腿嘅外皮焗到好酥脆，而鴨肉又夠嫩滑多汁，香橙味嘅加入為鴨腿帶來咗清新嘅嘅果香，使到風味更加獨特。➰ 馬卡龍馬卡龍三顆，其中以紅桑莓味最為突出。➰ 鬼佬啤酒 & 水果特飲兩款飲品都極冰凍，夠晒解渴。

今日同朋友去左一間法式小洒館《Odelice》 度食晚餐。今次來嗌左个二人晚餐 +538首先嚟左忌廉湯配手工麵包，高質素嘅貨色，忌廉湯香滑，麵包鬆軟。生蠔一放入口就能分辨到係新鮮嘅生蠔，隻隻飽滿，肉質鮮嫩配合埋附上紅醋，更顯鮮味。前菜法式點心拼盤每款細細粒，例：有三文魚撻，炸肉球，一口一啖，啱啱好。主菜1.原隻烤龍蝦 +135原隻龍蝦上枱，舖上了邪惡嘅芝士汁，啖啖Q彈香濃味，食完感到好滿足。2.阿根延安格斯牛脊肉 +55質素不錯，我嗌Well done 都冇渣。甜品火焰橙酒可麗餅 +35 單球雪糕加左雪糕，在冰火交融下，食呢个可麗餅真係超級正！另外，嗌左2杯飲品，Sangria Blanche $85，洒味不重，梳打味重。Frozen Strawberry Daiquiri $65，酸酸甜甜幾好味，賣相吸引。

想約朋友放工後chill吓，見到呢間法國餐廳，有晚餐二人set，性價比都幾高，所以就黎試一試 👍🏻🔵意大利青瓜薄荷忌廉湯出面比較少飲到依款湯，口感好飽滿，好濃郁🥰🔵流心水牛芝士沙律蔬菜好新鮮，burrata 極富奶味，香味濃郁👍🏻🔵法式點心拼盤拼盤好豐富同好有特色，一次過可以試到唔同種類嘅小食，我個人最喜歡係炸黑松露蘑菇球，外脆內軟，黑松露味濃郁😍🔵原隻烤龍蝦配薯條好香口，一叉成條龍蝦肉出嚟，龍蝦肉結實，配上荷蘭汁，豐富奶香外，微酸口感令食慾大增😋🔵伊比利亞黑毛豬肩肉經香烤過再薄切，可以食到黑毛豬既甘甜多汁與鮮嫩口感，油脂分佈均勻😊🔵Frozen Strawberry Daiquiri沙冰飲品，士多啤梨味濃👍🏻🔵Frozen Tropicolada配合咗香蕉，菠蘿同椰奶，好有夏天嘅感覺😋

沙冰好飲！牛扒好味！五成熟恰到好處！法國生蠔新鮮甜味！服務員招呼得很好！好耐未試過喺香港餐廳有如此貼心招呼！餐廳環境都很不錯, 雖然靠近馬路但並不會很嘈！可惜係用膳時間只限90分鐘！

灣仔歐洲風情Brunch🔥👍🏻🤘🏻🦥🥰星期六日想吃個豐富又高水準的Brunch，這間餐廳一定是必選的！套餐食材有質素，菜式夠特別，就連頭盤也有心思！主菜多款選擇，有輕食至食肉獸也不成問題！連海鮮也有！先說一說頭盤，可以有餐湯、凱撒沙律、西班牙白毛豬火腿、炸黑松霤蘑菇球或煙三文魚拼盤酸種麵包和法國白乳酪，四選一，的確是有特式的頭盤！主菜選了兩款。《澳洲牛胸腹排》$175牛扒配搭了燒薯粒、火箭菜和香草醬，呈現粉紅色的澳洲牛胸腹排賣相很美，肉質鮮嫩易咬，更有鮮甜香濃的牛味，好吃！《烤龍蝦燴飯》$225半隻龍蝦以芥夫荷蘭醬烤焗，配龍蝦蕃茄醬汁，很香濃的龍蝦啖啖肉，鮮味十足，加上意大利飯軟熟而有嚼勁，且很入味！好吃！此外以優惠追加了小食。《法國 Charolais 生牛肉他他》$95很creamy的生牛肉他他很有治癒的感覺，夾在包上同時吃，很順口和香濃！甜品方面點了《香蕉船可麗餅》餐廳甜品以可麗餅為賣點，充滿了歐洲的風情！這次把可麗餅形成雪糕杯，加入雪糕和水果，非常滿足！跟餐更有餐飲。

法國菜真係一種藝術，之前收工同朋友黎呢度食dinner , 西餐食黎食去都係咁，無咩特別，但今次呢間餐廳我覺得都幾有驚喜。我地叫左2個set dinner , 餐湯甜甜地，應該係南瓜湯，餐包有啲硬，可能法國菜係咁？前菜點左一個好有特色既 生牛肉他他，食落有啲似食緊刺身咁，唔會腥，而且可以用麵包夾住食，第一次食覺得唔錯。法國田螺配有胞胞地既麵包，可以配田螺+點小小汁食。主菜食一個蟹肉意粉+火腿意大利飯，兩個份量都唔少，蟹肉好多，意大利飯唔會太硬，氣味濃厚。食完2個set dinner 已經超級飽，加上呢度環境唔錯，又近地鐵，平日收工黎happy Friday都係一個唔錯的選擇。

最近同朋友去咗Odelice餐廳試佢哋嘅晚市二人套餐，真係好滿足！套餐可以揀兩種前菜同兩個主菜，我哋揀咗蒜蓉牛油焗田螺同埋忌廉煮青口做前菜，主菜就係蟹肉意粉同埋安格斯肉眼牛扒。前菜- 蒜蓉牛油焗田螺：田螺肉好鮮嫩，而且蒜蓉牛油醬汁香濃惹味，每一口都充滿驚喜！仲可以點埋個酸種麵包食，勁香！- 忌廉煮青口：青口新鮮肥美，忌廉醬汁香滑濃郁，配埋香脆嘅麵包，真係一流！**主菜**- 蟹肉意粉：意粉煮得啱啱好，唔會太淋，蟹肉份量十足，而且醬汁好香濃，真係好正！- 安格斯肉眼牛扒：牛扒煎得剛剛好，外脆內嫩，而且肉汁豐富，配埋黑椒汁，真係好香口！**飲品**我哋叫咗兩杯飲品，一杯係Strawberry Frozen Mocktail，另一杯係Japanese Mule，兩杯都係偏甜嘅口味，鍾意甜嘅朋友會幾啱飲呢個晚市二人套餐真係好抵食，而且食物質素好高，真係好推薦大家去試！📍 Odelice! (蘭杜街) (灣仔)灣仔蘭杜街2號地下9號舖=

來一頓美味法國菜，今晚約了朋友去灣仔蘭杜街間法國小酒館，屬於法式家庭料理，充滿溫馨感覺，店員好細心介紹法式食物首先我們揀選了Bistrot Set 晚市套餐分別有頭盤、主菜、甜品及酒精類飲品今日有特價生蠔分別叫了四隻，size 都頗大隻，蠔肉質肥美結實，充滿層次，有濃濃海水礦物味，入口相當creamy 肥美，肉質爽脆，咸鮮的海水味，令味蕾留有回甘是日餐湯是磨姑湯，湯打得好濃密，加入奶油忌廉嘅棉滑，粒粒蘑菇湯內，另外附送小法包🥖， 麵包比想象中軟熟，加埋自制牛油棉幼更滋味法式田螺，入口是滿滿牛油香草，螺肉爽脆，用菠菜汁焗非常美味，旁邊脆脆麵包可以低油膩感阿根廷安格斯牛脊肉Medium 五成熟剛剛好， 肉質鮮嫩juicy , 外邊grill 得相當香脆，牛肉味香濃，相當軟腍, 配法式焗薯食相當合適，新鮮蘆筍味道鮮甜烤法式鵪鶉雖然細細隻，但肉質鮮嫩，肉味清甜，脂肪低，肉質厚實，味道不錯甜品方面火焰橙酒可麗餅 Crepe Suzette是店家名物, 甜蜜之選，Crepe 浸滿甜甜香燈酒，火焰燃點整個橙皮，燃燒的橙酒散髮出芬芳橙酒味，聞到焦糖香橙味的可麗餅Frozen StrawberRita

同朋友之前一直介紹呢間法國菜，今日放工即刻黎食下。吞拿魚他他，個醬汁係有點酸酸甜甜，適合拿黎做開胃菜。香橙烤豬腩，橙子噶香氣同肉排的香氣混合，估唔到可以咁夾，食到停都停唔到落黎。食物份量都幾大碟，而且味道都唔錯。

上網搵到呢間餐廳推介，性價比勁高，又好feel又好味，食得好開心呀❤️同男朋友叫了個二人套餐🤗有餐湯同法包🥖為我哋個胃打開序幕😘個甘筍椰奶薑汁熱湯無得頂！頭盤法式點心拼盤，呢個上網見到人人讚好👍🏻果然如此，必點之選🤩每樣點心都值得食，特別係個迷你蛋批同炸黑松露磨菇球，超級鍾意❤️阿根廷安格斯肉眼牛排配黑松露紅酒醬汁，牛排肉質好出色，廚師煎得剛好，又嫩又多汁，配菜薯條金黃酥脆，讚👍🏻蟹肉意粉 🍝蟹肉鮮嫩，意粉煮得恰到好處，每條附上濃郁嘅芝士白汁，又唔會過膩，整體平衡感好高😍巴黎式芝士蛋糕🍰，口感質地細滑，入口即化，而且甜度適中，有賣相又有內涵，大推🥰

💛Odelice! (蘭杜街) (灣仔)灣仔蘭杜街2號地下9號舖今次想同大家分享嘅呢間餐廳係位於灣仔，交通十分之方便之外，呢度附近仲有好多嘢食，不過今次呢間餐廳最吸引我嘅地方係佢有生牛肉他他。我哋今日都係收工時間嚟到呢一度，已經係大約晚上8:30但係依然有勁多人喺度食緊嘢，人流勁旺。咁我哋就叫咗兩個set dinner ，首先佢個餐湯已經好好飲，應該係南瓜湯甜甜地，好開胃。首先一嚟嘅法國蝸牛賣相勁吸引，有兩塊脆脆嘅麵包，可以點啲醬黎食，應該係菠菜汁，而且蝸牛都好肥。重點就係生牛肉他他，記得第一次見到呢個餸嘅時候去睇Mr bean, 當時覺得呢個餸真係好特別，居然係生嘅牛肉，上面配上生嘅蛋漿，食落口其實都好似食普通嘅刺身咁，然後可以用用麵包夾住黎食，第一次食呢個法國菜，我覺得感覺唔錯。之後再上嘅蟹肉意粉同埋西班牙火腿黑松露燴飯都同樣出色，首先講蟹肉意粉份量好多好足料，基本上每一啖意粉都可以食到蟹肉，而且配上白汁都好Creamy好順滑。至於西班牙火腿黑松露燴飯係好香黑松露味。不過我個人本身對火腿就麻麻地。總結嚟講位於灣仔嘅呢一odelice都幾有特色，以食物質素嚟講，呢個價錢其實都唔算貴，

今次來訪位於灣仔嘅法國菜餐廳😚 裡面環境低調又不失優雅，兩邊牆身上都掛有特色壁畫作點綴，感覺充滿異國風情❤️ 每張桌上都有一盞迷你燭光作照明，情調十足🤭 晚市Dinner set 非常豐富，二人餐可任選兩客主食同埋兩客前菜或甜品，另外還附贈餐湯和餐包，超級抵食❤️ 主菜㨂咗一客阿根廷安格斯肉眼牛排🤩🌟 牛排份量十足，火喉控制得好完美，食落外層微燻焦香，內裡肉質軟嫩無比，多汁充滿牛香，醮上黑椒醬汁一齊食，更添惹味😋 跟牛扒附有即炸嘅香脆薯條，超級正😚 另選了一客煎鴨肝、油封鴨腿意粉🤤 鴨肝油香滿溢，食落滑溜又嫩口，濃濃嘅鴨香令人難以忘懷😆 油封鴨腿絲份量極多😍 食落軟嫩又可口，與意粉攪勻食用非常夾👍👍 煙三文魚拼盤包括了煙三文魚片、法國白乳酪和酸種麵包😚 煙三文魚鹹香味濃🥰 煙燻嘅香氣非常吸引❣️ 夾埋清新嘅白乳酪，以及香脆嘅酸種麵包一齊食，更添滋味😋 作為甜品嘅芒果紅莓醬可麗餅好獨特🥴 酸香嘅芒果與清新嘅紅莓醬，令可麗餅輕盈又開胃，味道好有特色🥴 加上一球椰子雪糕，配搭令人驚喜萬分🥴

Odelice! 蘭杜街店位於灣仔，一間頗具法國風情的餐廳，氣氛輕鬆又不失精緻。首先來的是Scallops，扇貝煎得金黃香脆，內裏卻保持柔嫩多汁。每一口都能感受到鮮甜的海味，配上些許微酸的醬汁，為整道菜添上了一抹清新的平衡感。份量剛好，作為前菜非常適合。隨後上場的Cuttlefish Clams Spag，墨魚與蛤蜊的搭配出乎意料地和諧。墨魚切得細緻，不會過於韌口，與彈牙的意粉和鮮甜的蛤蜊形成了美妙的組合。唯一可惜的是，醬汁稍微略鹹，但仍能品嚐到食材的鮮美。至於主菜，我選擇了Barramundi，魚皮煎得脆口，魚肉滑嫩細緻，完全沒有土腥味。搭配的配菜簡單而不喧賓奪主，讓人專注於魚肉本身的鮮味。最後來了一份Crépe Suzette作結。薄薄的法式可麗餅淋上熱騰騰的橙酒醬，酸甜適中，香味四溢。冰淇淋的滑順和熱騰騰的可麗餅形成了美妙的對比，是一個完美的句點。Odelice! 的這次體驗非常愉快，食物質素不錯，價格也算合理。特別推介給喜愛法式料理的朋友。