Odelice! (PopCorn 1)

早前係openrice預訂左依間餐廳，所以星期六係附近既商場行完街就黎試下晚餐。可能時間太早既關係，即係晚上6點左右，未係太肚餓既情況下，我地兩個人分別只叫左一個主食，大約300幾蚊。1. 鮮蟹肉闊條麵闊條麵真係又闊又厚，加埋蟹肉汁味道不錯。2. 特級盛典漢堡配黑松露薯條漢堡飽配上肉汁鮮美既漢堡扒，肉扒唔會太硬或太淋。薯條係粗身個款，又熱又脆，仲有配埋黑松露醬。期間見到隔離枱叫左其他小食同飲品，賣相都幾吸引，下次有機會再黎試下。

小週末在將軍澳區覓食，PopCorn 商場選擇好多也不用走出區外。揀了這間法式小餐館，平日午市都差不多坐滿。午市套餐有多款選擇先來餐湯：粟米湯唔係好稠打咗芡嘅幼滑質感，喜歡還有粟米粒殼的粗糙感。👍檸檬冰茶，唔會太甜但茶味唔夠濃。法國空運藍青口$177(香蒜蕃茜白酒汁煮法國黑青口）好想食佢嘅藍青口，午市套餐也包括實在太正。😍 滿滿的一鐵鍋藍青口，每隻size唔大過隻拇指，肉質非常嫩滑鮮甜，食極都食唔完估計裏面有超過100隻👍😋最惹味係鍋底嘅醬汁，檸檬，番茜，蒜蓉，洋蔥，牛油，再加上青口嘅鮮甜精華， 超好味！！ 第一次吃那麼多青口吃到飽！配菜是脆炸粗薯條，好香口薯條夠粗連皮炸才好吃。也可蘸蒜蓉沙律醬，味道好特別。白酒大蜆蒜蓉闊條麵 $135大蜆肉質鮮嫩煮得啱啱好👍 闊條麵軟硬適中，沾滿蒜蓉白酒醬汁，相當滋味，話咁易就清碟😋！雪芭當日沽清，飯後甜品揀了雪糕：椰子雪糕，雲呢拿雪糕， 吃完濃味嘅食物最適合不過！

第一次寫食評貢獻左比呢間餐廳。見佢新開同咁多好評專程過黎試下，可惜應該無下次。首先，野食非常一般，我地嗌左一個白酒蜆肉意粉 ($155)，同一個牛油果benedict +煙三文魚($135)蜆肉意粉份量少，質素差，完全唔值155牛油果benedict正常睇過其他食評發覺其他人都話意大利粉有伏，如果真係要黎建議大家千其唔好揀意大利粉。另外漏單無人follow up，等左30分鐘野飲都無黎，要我主動問先側側膊跟單Overall個experience好麻麻，唔會再黎。

今日來將軍澳popcorn呢間法國餐廳午餐😋店內座位寬躺，坐得好舒服✌️叫左套餐，前菜揀左田園沙律🥗酸酸哋好開胃👍主菜揀左經典肉眼牛排配薯條🐂要5成熟的，真心覺得呢間好食，烤得啱啱好，內裡嫩红，外邊帶有炭香，味道濃郁😋😋紅酒燉牛肉闊條麵✨每條麵都沾有濃郁的番茄紅酒醬汁，牛肉夠林又入味😋😋最後order左士多啤梨夢可麗餅，甜品的魅力真厲害，明明飽到上心口，都可以極速消滅，士多啤梨好新鮮🍓，跟熱辣辣的可麗餅係絕佩👍👍

在家工作的日子，中午鬆一鬆，就來Odelice食lunch. 由於很早到來，餐廳座位任擇，空間明亮舒適。午市套餐的價錢比散點便宜，而且還有餐湯或沙律。是日餐湯是周打蜆湯，內有蔬菜粒、薯仔、蜆，口感不算濃稠。個人認為沙律更出色，醬汁微酸，而且配搭多樣化。法國空運黑青口整鍋上，青口屬小size,以香蒜、蕃茄和白酒烹調後，每顆鮮甜味美，而且鍋底的醬汁充沛，吃到最後也不會乾巴巴。粗薯條蘸上蒜香沙律醬，香口酥脆紅酒燉牛肉闊條麵茄味濃郁，燉牛肉軟腍，闊條麵軟硬適中。套餐加錢可選天然鮮榨果汁，我點了椰青芒果熱情果沙冰，以芒果味最為突出，超大杯的，好抵飲。

平時真係好少去popcorn呢個商場，今日就由朋友帶路食lunch呢間環境好寬敞舒適lunch menu款式都好多仲有mussel揀餐湯：周打魚忌廉湯個湯比較稀左啲，飲落好薄身不過當中有好多料有洋蔥、紅蘿蔔、蜆肉！口感超豐富法式空運黑青口哇！好大盤呀份量好足！青口肉既顏色偏黃，每一隻既大小不一口感比較淋身，不過仍然好鮮甜湯汁都唔可以浪費，所以精華集中係個湯度用咗白酒汁煮，好鮮甜呀！煎鮮魚柳魚柳煎得好香口，配上鮮蟹湯既醬汁！倍增鮮味不過美中不足既係有魚骨新鮮魚又真係會有魚骨喎，我真係好矛盾百香果冰茶

食西餐時候又到了，今日放工想食好啲，黎到Popcorn食odelice,佢有分店，以前係尖沙咀見過但就冇食過，今日第一次食。叫左一碟蟹肉闊條麵，羅西尼牛扒配鵝肝同啤酒烤雞，野飲就叫左一杯甜蘋果酒。蟹肉闊條麵睇上去以為冇乜蟹肉，其實撈下撈下又幾好味，闊條麵唔會太冧，有咬口，都幾香，仲要份量多，唔錯。羅西尼牛扒配鵝肝依個價錢有牛扒又有鵝肝都算係咁。牛扒叫左5成熟，完全做到！好香牛味，加上有肉汁，配埋側邊既薯蓉，一d都唔hea架！仲有菇食，撈埋一齊就正啤酒烤雞我好耐冇食過好食既啤酒烤雞。一係就太淡味，一係就咸到死，但依間雖然啤酒味唔重，但會有種甜味，加上雞好嫩滑，係好味之選。不過唔夠喎佢側邊d番薯條我覺得仲好食😂😂😂😂真心我係咁食係咁食搞到勁飽，如果大家食過應該明我講乜。。。甜蘋果酒我就冇乜研究酒啦，但佢甜甜哋，易入口既，所以岩女仔飲！酒精濃度又唔高！☺️☺️

黎到差唔多禮拜尾嘅時候梗係要約朋友出嚟食好西！啱啱喺法國工作假期完返嚟嘅朋友話想喺香港食法國菜我二話不說帶咗佢嚟呢一間餐廳Odelice位於將軍澳嘅popcorn商場，一上電梯左邊就已經見到間餐廳好易搵！入去之前亦都要量體溫同埋飲酒精搓手先當日係平日夜晚7:30餐廳都叫做有七八成滿再睇吓個餐牌其實都有好多唔同嘅選擇而且圖文並茂所以望落去個個都好吸引！到最後我同朋友就決定叫一份燒雞意粉燒雞唔會燒到好乾，雞肉鮮嫩，配上pesto嘅意粉，好有味蕾嘅享受之後我哋仲叫咗prama ham做前菜裏面仲包住左芒果同一啲火箭菜帶點鹹苦甜酸嘅感覺所有味道集於一身，好豐富嘅感覺！絕對係一個唔錯嘅開胃菜之後我哋仲叫咗一份牛扒，牛扒我哋叫咗5成熟，煎得岩岩好，好香口而且切落去仲見到佢有少少粉紅色。牛扒仲會配上兩個唔同嘅配菜我哋就揀咗普羅旺斯集燴同埋薯條，有蛋白質得來仲有纖維亦都有澱粉質當然佢仲會賠償一個燒肉汁大家可以印着自己個喜好選擇點定唔點啦整體來講成餐飯都食得好開心而且店員嘅服務態度亦都好好！下次我哋會再嚟試過因為佢實在有太多嘅選擇啦不過提一提大家佢唔單止剩係得將軍澳嘅分店佢喺其他地方都有，下次就可以去試

食物雖然貴 （合理價錢）質素好 環境好 食物都好食叫咗個漢堡 黑松露薯條 蟹意粉漢堡又大又好食多汁松露薯條好夠味蟹意粉就正正常常啦因為帶埋小朋友去佢哋服務都好好仲即時執埋啲小朋友用具水杯等整體幾好唔錯

呢排搬咗嚟將軍澳發現原來呢間蕎麥薄餅法國餐廳喺呢度都有分店梗係試一試啦點知一樣咁好水準個午餐Menu好吸引好多選擇啱晒大食既男士同埋想keep fit 既女士黎都唔使等位環境都好靚呢個係是日餐湯雞湯黎妹妹話覺得麻麻地因為太稀我又覺得幾好飲喎因為好重雞味仲有一粒粒嘅雞起入面好足料而我就要咗沙律好新鮮呀最重要dressing好夠酸酸地好好味我全部食晒妹妹要咗個經典肉眼牛扒配薯條（$145）個薯條啱啱炸起熱辣辣好好食我係薯條控黎個肉眼扒都好林好重肉味個燒汁唔會太濃味搶晒focus真係好好食而我呢個法式火腿，埃文達芝士，雞蛋法式蕎麥薄餅（$68）個名好長好好味呀！！！利申我好鍾意食蕎麥薄餅嘅火腿芝士雞蛋再夾埋一齊好好味而蕎麥薄餅少少苦苦地感覺冇咁漏依家寫食評都好掛住想聽日就落去食 哈哈不過中間發生咗段小插曲就係隔離枱都係叫咗牛扒點知侍應姐姐就分唔到medium rare同medium well變咗嚟到嘅時候係七成熟當然佢哋肯換啦但侍應姐姐仲同個客喺度坳左兩句感覺就唔係太過專業嘞而我嚟到嘅時候侍應姐姐都係冇比Menu我感覺佢好新冇乜training又漏咗杯餐飲要追.........整體來講服務一

Odelice 耐唔耐就會聽人講好食，呢間位置於將軍澳popcorn很方便，出地鐵後經商場，上扶手電梯就見到， 疫情下唔使排隊，今晚經過就入去開餐先☺️。餐廳光猛，裝修得有特色而且很細緻，坐位寬敞舒適，3-4個知己聚在一起談天說地好地方。- 是日餐湯配牛油多士雞肉什菜湯，內有雞粒、冬瓜粒，粟米，入口清爽而且口感豐富。- 香煎盲䄚魚 - 2份配菜加有小小鹽嘅調味使魚味更鮮，魚肉冇骨啱晒小朋友食，魚皮煎得香夾脆口，魚身上面鋪滿了蕃茄同青椒粒，醬料是香檸他他醬，點了一併食酸酸的很清爽開胃。- 配菜選了薯蓉同薯條薯蓉很香滑，有口感而且唔會好漏。薯條即炸，熱辣辣超香脆。- 是日精選是三文魚三文魚肉厚有咸香，同樣魚皮都煎得很香脆，配珍珠意粉很有新鮮感，另有波菜疏菜伴碟很健康。- 雜錦海鮮意粉海鮮有黑青口，虎蝦，魚柳伴南法茴香酒醬汁，極足料鮮甜，黑青口飽滿多汁，意粉索晒茴香茄汁，很有味蕾享受😋。各種擺碟都認真而且賣相出色，令人食慾大增，開心暢聚又一晚，唔怪之得咁多人食啦👍

今日難得收早，就同朋友一齊去試吓新野，今日好想食西餐就去試吓位於將軍澳地區，地鐵站一出行10分鐘就到地理位置好方便，餐廳位於一樓所以都非常方便餐廳嘅座位之間都非常闊落，之後開始點餐嗌左個沙律，薄餅，主菜方面有青口，牛扒同埋一杯特飲。頭盤係蟹肉茄大蝦沙律非常清新加埋酸酸甜甜嘅沙律汁簡直係一流嘅開胃菜而且大蝦同蟹肉都好多真係值回票價，之後到薄餅佢係有蘑菇同埋帶子組成嘅，煎得好香口加埋黑松露汁簡直冇得輸，青口方面，好友新鮮味而且兩個人食份量都好多青口嘅比例都好大隻而且佢配有薯條簡直啱晒我，加埋白酒洋蔥簡直係青口嘅精華，而牛扒方面點左五成熟，煎得好香口而且切落去果下仲係粉紅色啱啱好食落去而且牛扒一定要配薯條加上秘製燒汁，而且仲有百里香係呀牛扒汁所得啱啱好哦係我食過最恰到好處牛扒，而特飲方面我飲咗，香橙加檸檬二混成嘅飲品，我覺得非常特別，而且賣相一流好幫助消化嘅一杯特飲，而且店員會不停為你添加水服務亦都好細心，而且佢唔只得一間尖沙咀區都有分店，下次可以去試吓。

約咗舊同事食補㊗️生日飯，今日仲要係 Happy Friday 梗係一早訂定位啦。7:30嘅飯局早咗少少到，見到餐廳裏面大約已經有七成客人，門外亦有不少客人在等位。佢哋個餐牌做得都唔錯，見到都已經有D流口水🤤青口非常新鮮，每一粒都爆開仲有少少海水味，再配上剛炸好嘅薯條一齊上枱。薯條除了可以點茄汁，沙律醬外，其實點青口煲底嘅白酒汁一樣好正，因為白酒汁內有蒜頭及芫荽嘅香味，感覺好清新😊😊拼盆有點像cold cut platter, 有煙三文魚，巴馬火腿，帕爾馬芝士，細辣肉腸，樹茄及幾片青瓜。全部食物都係開心 share 呷著飲品吹水時嘅餐前小食蟹肉牛油果他他蟹肉，牛油果，青瓜粒加上有蒜香味嘅沙律醬，入口軟綿綿，可以食到一絲一絲嘅蟹肉，果然係真材實料😋虎蝦蟹肉沙律大大隻新鮮虎蝦，鮮甜蟹肉，松子仁，青瓜，蕃茄，紅洋蔥，大大件嘅橙肉，配合酸味味嘅柚子醋 ，絕對係一個充滿維他命C及膳食纖維嘅沙律，加上份量十足，絕對稱得上大🈵足😋蟹肉寬條麵睇見張相都可以知道有幾多蟹肉啦，每條寬條麵都掛滿蟹味濃湯汁，汁嘅份量剛剛好，食完之後碟面沒有殘餘嘅汁醬，廚師嘅功力👍🏼👍🏼既然話同舊同事補祝生日，咁就一定要有生日餅

結婚周年紀念剛碰上轉工，沒有外出太遠，就在附近的Odelice！慶祝好了。Odelice！法式小餐館氣氛輕鬆自在，用色簡潔分明，很有法式情調。蟹肉牛油果他他蟹肉牛油果他他的蟹肉與牛油果各佔一半，十分足料。牛油果與蟹肉乃絕配，加上新鮮刁草，香氣四溢，鮮甜軟滑兼備。特色主廚拼盤拼盤食物種類很多，顏色豐富。食物種類繼有煙三文魚、帕爾馬火腿、法式北非辣腸、牛油果沾醬、意大利青瓜、油封番茄、巴馬臣芝士及香脆鄉村麵包。法式北非辣腸肥嘟嘟的，外皮煎香，入口油脂豐富，肉味香濃，很是吸引。煙三文魚捲上新鮮香草成花狀，既美觀又芳香。油封番茄用橄欖油做油封過程，番茄酸甜滋味完全封鎖濃縮在裡面。牛油果沾醬的豐盈感與鄉村麵包非常配合。鮮活空運黑青口藍貝青口體型比本地青口細小，入口嫩滑無渣，用上芫茜番茄蒜頭白酒煮，清甜味美。香脆薯條可用來點上青口湯汁，一滴也不浪費。鮮蟹肉闊條麵除了闊條麵上的白色蟹肉外，麵條內尚有不少蟹肉混入其中，鮮甜味美。闊條麵用蟹肉濃湯汁煮成，入口彈牙軟滑，味道香濃。紅肉血橙焦糖烤布蕾Odelice！可麗餅的選擇很多，今次特別選擇其他種類甜品。焦糖布蕾用匙羹輕敲焦糖片聲音很清脆，燉蛋加上紅肉血

放假的時候，最喜歡就是尋找美食，今天吃的是法式餐廳。點了兩杯沙冰，比較像冰凍鮮榨果汁。蟹肉牛油果他他上面是滿滿的蟹肉，下面是青瓜配牛油果蓉，攪拌後更好吃。肉眼扒配薯條，牛扒要了七成熟，香稔而且充滿肉汁，而熱辣辣香脆薯條，吃個不停。大蜆闊條麵攞盤很吸精，大大隻的蜆肉，配上滑溜的闊條麵，少少辣，有酒香和香草的芳香。一直都未試過法式可麗餅，一試就愛上。可麗餅有點煙煙韌靭，個人比較喜歡榛子朱古力醬配香蕉，很香甜。而肉桂蘋果配焦糖醬則味道較重，雲呢拿雪糕有中和的作用。