影片
最近经过土瓜湾马头围道（维她奶牌附近）见到一家韩国小食店（真系有个韩国厨师煮野）新开咪念住试试，我试左一口鸡，甜薯，炸酱面都超-好-吃！炸酱面：好得意，CHECK返个牌先知原来系黑豆造，好好食！甜薯：一直都钟意食蕃薯，仲要炸到脆脆，正！一口鸡：去到即炸起，个酱好夹，鸡唔“鞋”，好食！同埋我见到有KIMCHI，八挂问下佢地，原来系自制。佢地话要特登订韩国料空运过黎，真系坚～而家经过我见到佢地可以每样要半份，我下次就可以试多D喇！YEAH
继续阅读
傍晚买左紫菜牛肉包饭，当第二日午餐食，一样好食。$25的一条紫菜牛肉包饭，大约有十件，份量足够一个午餐。入面的材料包括红萝卜丝、腌萝卜、菜、青瓜、同埋好多牛肉和饭。呢度虽然系一间小食店的SIZE，但系卖的款式都几多同埋有好多主食。例如牛肉饭、炒年糕、鱼仔干、热狗、炸酱面等，基上食韩国料理食到的食物都可以食到，但系价钱都几相宜，廿几蚊左右就可以食到韩国的食物。 另外就系见到个韩国厨师系咁包啲紫菜包饭，感觉好新鲜、好韩国同埋睇到好卫生，唔会好似出面果啲小食店油淋淋。途中见到人买炸酱面，卖相都好吸引好大碗，可惜个肚空间有限，下次再试﹗
继续阅读